كتب الكاتب الفاتح جبرا المتوفرة بمعرض الدوحة
|
|
 هن للسرير فقط وياحبذا لو كل يوم غيرتها !!
|
يوم تفرش واحدة مطرزة
واليوم التاني تفرش بولستر وعليها كشكشة من تحت
الملايات يا اخوانا ازواق وقالوا الواحدة لو عايز تعرف زوقها شوف ملاياتها
انا عارف واحدين فتحو البوست ومعاهو فتحو خشمهم
لكن خموا وصرو الشغلانة ملايات سااااكت
تحياتي
زاتوووو
|
|
 
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: عمر الفاروق)
|
ود الفاروق
بي مناسبة المراتب دي
عندي صاحبي في الداخلية كان سريرو دبل بد وهو راقد فوق
اها اغتربنا في نفس الوقت ومرة مشيت ليهو في السكن المؤقت بتاعو
لقيتو ليك معلق فوق برضو في دبل بد قلت ليهو يازول انت جيت شغل ولا تحضير ماجستير
انقر قال لي شنو
قال لي ياخي انا لمن كنت ممتحن شهادة سودانية امي في صلاة الصبح كل يوم تدعي ربنا يعلي مراتبك
ومن ديك هاك يادبل بد
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: GamarBoBa)
|
ياقمر معقولة ماجايب خبر
واحدين يقولوا ليس بالماء وحده يعيش الانسان
والتانين قالوا السراير دي مش للنساء فقط قالوا ممكن تكون للرجال والنساء او للرجال فقط
بعدين ياحليل زمن النسوان البكسرو السراير حريم الزمن ده كلهم موظفات السرير يادوب ينوموا فيهو سته ساعات غير مناطحات بعدين تلاقيهم عاملات رجيم الواحده لو جاء هواء ساكت هي والمرتبة يقعوا الواطة . ياحليل حبوبتي كان لمن تقعد في السرير لو في كديس تحت السرير يتعفص بالجنازير لووول يكه
الباقي بتمو ليك في الايميل لوووول يكه
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: ممدوح عثمان)
|
حبيبنا ممدوح عثمان
والله السرير اليومين اللقاها مااظن تاني يلاقيها
ياخي اعتبر الموضوع اي حاجة انشاء الله بيض بالطوة اكيد ح تلاقي البيض ومابتشوف الطوة
لكن بيني وبينك كده موضوع الملايات والسرير ده موضوع شايك شديد قلنا بدل الواحد يورط نفسو في تفاصيلو قلنا احسن نشتري قماش ستائر ونفصلها ملايات بتكون الذ والطف للجنسين
ربنا ينقي السريرة والسراير
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: هويدا شرف الدين)
|
| Quote: ما كل يوم بتتغير لو البيت فيهو شفع لكن لو ما فيهو شفع كل أسبوع ‘ وبالجد لما قريت العنوان قلت الرجال ديل بالجد معروفين عينهم طائره واكتر واحد مخلص مخلص بنسبة 80% لكن ما ممكن تغيير كل يوم خليها كل خمسه سنوات احسن |
العزيزة هويدا
طبعا كلامك الاول مافي زول بيغالطك فيهو لانو ده شغلكم
اها انشاء الله مفهومك للرجال اتغير بعد مافتحتي وقريتي الموضوع
اها انا كمان اديك سر 20% لو مشيتي بالخطة زولك ح يكون مخلص بي نسبة 100%
اول الحاجة الراجل العشرين في المية دي جابها من وين طبعا جابها من مثنى وثلاث ورباع
اها انتي تقومي تحاصريهو في خط 18 بتاعو يعني تكثفي الهجوم وتلعبي بالاطراف وبالعمق الهجومي اها صاحبك ح يقعد يشتت في الكورة داخل خط 18 ويستحيل بالطريقة دي يقدر يسجل في مرماك زوجة تاني بعدين خلي لعبك خشن شوية يعني قصة المهاجمين البدقو المدافعين دي لازم تمشي بيها وصدقيني ح يرضى بالنتيجة بتاعتو وتطلعو تعادل 1/1 لووول يكه
اها ده زاتووو لو مشى لي دكان ملايات وقال عايز يشتري ملاية اها صديق اول سؤال ح يسالو يقول ليهو
ملاية نفر ولا نفرين يعني دبل و لا سرير عذابي اها صاحبك ح يقوم يتذكر اللعب الخشن بتاعك ويقول للهندي نفرين بس كل واحدة في سرير براهو لوووووووووووووووووووووووووووووووول يكه
تحياتي
زاتووووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Amin Mohamed Suliman)
|
حبيبنا امين محمد سليمان
ياخي انا زول ضعيف جدا امام الجندر ومابرضى فيهو اي حاجة بعدين علاقتي في البورد مع الجندر جميلة من ربنا فتح علينا بي باس ورد ماممكن بي فريشة ملاية نبوظها لوووول يكه ياخي السراير طايرة اهم احاجة الجندر يكونوا راضيات عننا
هو عليك الله نحن بدونهم بنسوى حاجة
بعدين في المنبر ده لازم تتعلم الزوغان عشان ماتجيك طوبة في راسك يعني لو يوم لاقدر الله كتبت ليك موضوع مانال رضاء الجمهور تقوم يا تقول ده الهاكر اذا كان موسم تهكير ياكمان تقول خليت الكمبيوتر فاتح صاحبي حالف قال الا يورطني مع الجماعة لووووووووول يكه
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Yassir Bainwi)
|
Quote: زاتووووووووووووووووو
والله بالغت عديييييل
انا والله جيت شايل عكازي
عموما ال LooooooooooooooooooooooooooooooooooooL
ما كعبة في الحاله دي
خالص الود |
حبيبنا ياسر بناوي
يازول العكاز هين انا كنت عايز ابدا الموضوع بي شكل تاني كنت عايز اكتبها حته حته
اقول في الصفحة الاولى اول يوم تستخدم امريكية قالوا دي مهما استخدمتها جمالها ولمعتها مابتروح
وفي الصفحة التانية برازيلية ودي حلاتها في غلاتها
وتالت صفحة تقول لو الجو كان معكنن تقول تشف ليك واحده صينية او تايلندية دي بتستحمل اي حاجة وبعدين رخيصة
وفي الصفحة الرابعة تقول لو جوك ناس هاي هاي تقوم تفرش ملاية سيتان ياواحده مطرزة بتاعة المناسبات
بس بيني وبينك خفت من الناس البتجي شايله سكاكين وواحدين كمان ح يخافو ويضربو لي بكوري يقولوا ليهو الحق البورد زاتووو فقد المنطق لوووووووووول يكه ويقوم بكوري يلحقنا امات طه وتاني مافي زول ح يصدقك انو موضوعك كان ملايات عشان كده قلنا من اول صفحة نوريهم الشغلانة ملايات ويابوست مادخلك شر
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Dalal Ezzaldin)
|
عزيزتنا دلال
وهل في ذلك شك
عمر الفاروق قال للمراتب و رغيم قال ممكن للطاولة
لكن انا من ماقمت كنت بعد قروش الصندوق لي حبوبتي طبعا كانت امينة الصندوق والوالده برضو في حلتنا
لي اسع ماسكه امينة الصندوق واخواتي الكبار كلهم امينات صندوق في مناطقهم اظن الشغلانة وراثه وجينات وكده المهم ماحصل سمعت واحده قالت بي صرفتي دي ماشه اشتري ملايات لي مراتبي او طرابيزي لووول يكه يا قالت لي سراير اوضة الحريم ياقالت لي سراير البرندة او قالت للبرنده بدون ذكر كلمة سراير لووووووووووووول يكه
انا بتكيف للملايات البتكون ملاية ومعاها كيس للمرتبه وكيس مخدة يعني تلاته قطع للسرير الفردي
يعني لو الشافع جراها من هنا ولا من هنا بيكون اللون واحد
الصورة تدل على زوقك الرفيع كما ذكر في اول البوست
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Hala Hassan)
|
Quote: زاتووووو،
قلنا نجى نأكد كلامك و (نلونها) كمان،،،
لكن مع ديكور دلال عزالدين دة كيف الالوان؟؟؟؟ |
اختنا هالة
لو نيها وعرضيها ماتكشكشيهاش
انا كنت مفتكر انتو ح تحتلوا البوست ده وانا اقعد اتفرج لانو انتو ستات الفهم في الشغلانة دي
مرة مشيت محل ستائر اها لقيت اتنين سودانيات من النوع ابو كديس المهم اشترينا الستائر وجو علقوا على الستائر وعرفت انهم بياخدو قماش ستائر وبيعملوهو ملايات المهم وريتهم انو انا اول مرة اعرف الشغلانة دي قالوا لي دي الايام دي موضة غايتو ناس تعمل من الستائر ملايات لووول
بالله خليك قريبة عشان لو جانا سؤال تخصص تجاوبي عليهو
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: معاوية المدير)
|
Quote: الجماعة الجو داخلين هنا مسخنين
إتكبت فوقهم موية بااااااااااردة...
والعجب أنا...
لكن لقيتك بتعرف تشرك يا زاااااااتو.... |
حبيبنا معاوية المدير
انت عارف الزمن ده لو بتقدر تخت الناس في موية باردة ممكن تشتغل في اي حته
اما من ناحية التشريك انا معلم كبير لووول يكه انت طلعت زي قمر بوبا مرة عملت بوست بتاع شاي الغزالتين
الشاركو في البوست كلهم من الجنس اللطيف اها قمر بوبا حسدني ، اسع برضو الملايات ماشه في نفس الطريق
غايتو لو الشغلانة حساده بديكم اقتراح لي عنوان بوست تفتحوهو انت وقمر بوبا
بي عنوان صلصلة الوادي انا صلصة تركية
اها العنوان ده ياجاب ليكم الجكس كلو ياجاب ليكم حيرقان لووووووووووووووول يكه وش مدردق
عندي صاحبي لذيذ عارف هوايتي صيد الاسماك اها يوم قال لي انا زمان في البلد عملت لي رماي وهو عبارة عن خيط طويل وتربط به مجموعة سنارات اها قال لي ختيت فيهو شرموط ورميتو في البحر وجيت تاني يوم
بجر ليك في الخيط تقيل جدا اها قال لي انقر طلع شنو قلت ليهو تمساح قال لي لا ابو القدح لووول
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Dalal Ezzaldin)
|
Quote: عملوا الرف عشان يقشروا لينا بالسفنجات المستورده دي
الله لينا نحنا وعيشت المحلي |
يادلال الغرفة دي طبعا بتكون بتاعة بنوته تين ايجر زي مابيقولوا
طبعا ناس امريكا واروبا الشغلانة دي عندهم من الاساسيات يعني عادي واحد من بورداب امريكا ولا اروبا يكون ده سرير بتو لانو المستوى هناك كده والسوق مافيهو سراير حديد زي بتاعتنا ديك لانو البت لو مشت المدرسة والمشرفة الاجتماعية شافتها بتتحكحك وقالت ليها السرير بتاعي تعبان الله قال بي قولك عشان كده بيكونوا عايشين في مستويات قريبة من بعض اما في الدول العربية بتكون للاثرياء من الناس
اما في السودان بتكون لي ناس الفشخرة لووول
بعدين البراطيش دي ممكن تستخدم في حاجات كتيرة حسب الحاجة لووول
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: ود الباوقة)
|
زاتو ده سرير ريم بت عمك الوليد بن طلال..زي ما جا في المنتديات
المهم النحكي ليك الحكاية زمان كدة قبل اربعة سنة وانا في السعودية في شركة غيرت شعار المنتج الاساسي بتاعا فقاموا عزمونا كعملاء مهمين وكدة وانا لا مهم ولا شي لكن الشركة البمثلها مهمة
المهم خمسة ايام في هيلتون جدة واي شي علي حسابهم
دخلت الغرفه لقيت سرير كبيييير وتلفون عالمي
اول حاجة عملتها لبست ليك الروب الابيض بتاع البهوات البستحموا بيه داك وربطت النص وقعدت بالجزمة في نص السرير
ضربت لابوي في البلد
ياحاج انا عايز ارجع والله
يابني مالك قالوا انت شغال كويس
ياحاج انا في حتة صعبة..عمك قال لي الرقم الانت ضارب منه ده ما لو كله اصفار كدة...ودوك غوانتناما انت؟
اخدت انفصامي تمام في السرير ووكل راسة ساعة بشرب كباية القهوة بـ 40ريال.
بالمسا ضربت لشلة جدة زملان الدراسة والاصحاب قلت ليهم اطلعوا لي فوق طوالي
خشوا عاثوا في الارض فسادا...
الحلق دقنه بالشامبو والاكل تورتة مع البشمل
السرير خليه رقاد الواطة مالو ياخي
الله يقطع السراير والملايات الحمرا والالوان البنفسجية والشموع وغروب يوم الخميس ورومانسية عمر عثمان في ربيع الخرطوم العايشنه ده
وانا لله كان ملايات كان سراير
ولا حولا ولا قوة الا بالله
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: GamarBoBa)
|
ياقمر بوبا
صباحاتك بقدونس
فعلا ياحبيبنا قمر شغل الفنادق مافي زيو خالص زمااااااان جيت البحرين من سفره من قطر اها قلت نقعد لينا يومين في البحرين دي ومن المطار للفندق اها جيت ملجن عديل طوالي اكلت لي حاجة قلت عشان الواحد تاني مايطلع وهاك يا انجداعة بالليل سمعت ليك صوت الباب بيدق طشاش طشاش اها صحيت فعلا لقيت الباب بيدق وعاينت للساعة لقيتها الساعة واحده ونص فتحت الباب لا حولة انقر لقيت منو ؟ لقيت روسيا قد دنا عذابها في الباب .
للاسف ايامي العريس لفيت الشقق المفروشة والفنادق اسعار خيالية وخدمة وفرش في الواطة
هنئا لك في الهيلتون ياحبيبنا وانت اكيد زول مهم شديد رغما عن انفهم
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: ود الباوقة)
|
Quote: حضور ومتابعة وكركون سلاح ..
شكرا زاتوووو.... |
ود الباوقة شخصيا
يازول تعال اخد ليك مده انت بعد بوست الكهرباء والسمك محتاج ليك لي راحة شوية
بعدين ملاياتنا دي سااااقطة مفرشة من العصر والهواء يضرب شمال ويمين
بعدين سرايرنا دي زاتووو مامحتاجة لي كهرباء تطفئ النور وهاك يانومة
لكن لو نفسك راودتك عن نفسها في الحالة دي السمك بتاع السد مفعولو ح يظهر
يا اثبت لي نفسك شخصيتك وكان الرد الرد في سمك السد ياكمان السمك خزلك وانضميت للمعارضة لووووول يكه
شكرا للمشاركة
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: ALZOLZATOO)
|
ود الباوقة شخصيا
يازول تعال اخد ليك مده انت بعد بوست الكهرباء والسمك محتاج ليك لي راحة شوية
بعدين ملاياتنا دي سااااقطة مفرشة من العصر والهواء يضرب شمال ويمين
بعدين سرايرنا دي زاتووو مامحتاجة لي كهرباء تطفئ النور وهاك يانومة
لكن لو نفسك راودتك عن نفسها في الحالة دي السمك بتاع السد مفعولو ح يظهر
يا اثبت لي نفسك شخصيتك وكان الرد الرد في سمك السد ياكمان السمك خزلك وانضميت للمعارضة لووووول يكه
شكرا للمشاركة
تحياتي
زاتووو
والله فرجت علي الزملا وأنا بضحك ذي المجنون من ردك دا... المصيبة كلهم هنود وباكستان وما عرفت أترجم ليهم الموضوع كيف ... في النهاية قلت ليهم ياجماعة الموضوع كله ملايات وسمك وسد ورد... وبد
يديكم العافية ... واضحك الله سنك ويعلي مراتبك ظاتو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: الشفيع محمد صادق)
|
Quote: والله فرجت علي الزملا وأنا بضحك ذي المجنون من ردك دا... المصيبة كلهم هنود وباكستان وما عرفت أترجم ليهم الموضوع كيف ... في النهاية قلت ليهم ياجماعة الموضوع كله ملايات وسمك وسد ورد... وبد
يديكم العافية ... واضحك الله سنك ويعلي مراتبك ظاتو |
حبيبنا الشفيع
ياخي ده مش القصد انو نفرج عليك خلق الله لووول لكن بيني وبينك الهنود والباكستان ديل عارفين اي حاجة اسع تلاقيهم عارفين الكتب البوست زاتووو منو لووول ماتصدق كلامهم بتاع مافي معلوم ده قول ليهم هذا واحد صديق انترنت موجود هذا كلام واحد نفر تاني كلام حكومة 100% سوي كلو شئ كهرباء حتى سمك موجود في موية كتير هذا خزان جديد سوي بعدين كلو نفر معارضة كلام هذا نفر قر قر كتير الحين انت سوي سد هذا جديد كهرباء مافي موجود ايش فايدة طيب انت في خسارة واجد فلوس .
بعدين هذا زاتووو نفر كويس في سوي هذا بوست شراشف واحد نفر واتنين نفر اتنين نفر هذا انت في حرمة لازم استري شرشف اتنين نفر بعدين مافي ياكل سمك ويمشي ينوم مع حرمه في شرشف اتنين نفر بعدين حرمه كلام انت واحد ريحة مافي حلو .
قالوا الامام في صلاة الجمعة بتكلم عن الاية ان تؤمنوا و تتقوا يرسل عليكم السماء مدرارا ويرزقكم باموال وبنين ويجعل لكم جنات ويجعل لكم انهارا اها واحد قال لي صديق انت معلوم امام ايش كلام
صديق قال ليهو هذا امام كلام انت في روح سيدا الله في سوي كلو ترتيب
اضحك الله سنك دائما
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Dalal Ezzaldin)
|
Quote: يا زاتو شكلك داخل في الورثه بتاعت الاخوات
بتكيف من الراجل البتكيف لحاجات البيت
تحيه واحترام |
اختنا دلال
ده كلامك اها كمان لمن كنت طالب كانت عندي عدة عديل كده مرة من المرات بتاع العدة واقف جمب البيت لقيتها فرصة مشيت طلعت ليك بناطلين وقمصان عفى عليها الدهر اها الشغلانة جابت كبابي وصحانة وتلاته صواني
اهاطوالي قلت للحاجة انا عايز اعرس لووووووول يكه .
اسع كمان بعد ما اغتربنا ونمشي السوق نشتري ملايات مابشتري من اي محل لازم محل يفتح الملاية ويفرشها عشان اشوف الالوان على الطبيعة الرسمة بتاعة الكيس ده مابياكلوني بيها حنك لوووووووووول يكه
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: جعفر محي الدين)
|
Quote: يسعد لياليك يا زاتووو
ونوما هنيئا وأحلاما سعيدة
ياخي الشباشب الفي غرفة النوم دي ما بتخلي الواحد يستمتع بالنوم
بنخاف من البرطشة الليلية ...B] |
ذو الطلة البهية حبيبنا جعفر محي الدين
قطع شك الشباشب الموجودة دي ما لي امثالك انت تنوم قرير العين هانيها
البرطشة دي للناس المابيقدمو ليلة السبت ما ح يلاقو نهار الاحد لووول يكه
شكرا للمداخلة
زاتوووو
| |
|
|
|
|
|
|
|
|
 Re: هن للسرير فقط وياحبذا لو كل يوم غيرتها !! (Re: ALZOLZATOO)
|
زااتووو،،
| Quote: وحاة الله ورسول مكة وحاتك انتي ياملكة الشغلانة ملايات |
خلاص والله مصدقاك،،،
بس عشان السراير كترت علينا، و إنت عارف،،
Quote: بالمناسبة انتي يوم الخميس جابوك في قناة النيل الازرق
جابو واحده وكاتبين اسمها تحت استاذة هالة حسن قلت بختك يازاتو بقيت تنضم مع ناس التلفزيون لووول |
صحى؟؟
شكلى كيف بالله،
غايتو التلفزيزن ما بناباه،
لكن الشغلانية شكلى ح استفيد منها فى ساتر جاهز،،،
________________________________
ما وريتنا رأيك شنو فى موضوع (الشباشب) ولا مؤاخذة؟؟؟
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: محمد فضل الله المكى)
|
Quote: واللهِ آ الزول... قريت العنوان قلت أجيك مِسخن
زي ود المدير... عِلا لقيتك إنبرشْتَ.. |
حبيبنا محمد فضل الله
ياخي ضحكتني والله ياخي انت قبل كل شئ نديك روشته نصرف ليك فيها مرتبة بعدين الملاية هينة شوف رقاد الحبل عمل في ضهرك شنو لووووووووووووووووووووووول يكه
بالنسبة للانبراشة اصلو ماناكرها ولازم ننبرش قالوا المابخاف من مرتو مابخاف من الله
تحياتي
زاتوووو
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Hala Hassan)
|
Quote: صحى؟؟
شكلى كيف بالله،
غايتو التلفزيزن ما بناباه،
لكن الشغلانية شكلى ح استفيد منها فى ساتر جاهز،،،
________________________________
ما وريتنا رأيك شنو فى موضوع (الشباشب) ولا مؤاخذة؟؟؟ |
يا استاذة هالة
لا ماشاء الله عليك سمينة وامينة وتسري الناظرينا بس لمن ادوك المايك في الاول كنتي حسين خوجلي يعني خجولة واخدتي ليك رجفة لووول ده طبعا عادي وطبيعي بس للاسف انشغلت بي شنو ماعارف ماتابعت باقي البرنامج
اسع ماتلفي وتدوري دي انتي ولا واحده تانية لوووول
بالنسبة لي موضوع البراطيش قدر ماحاولت ازوغ منو زي زوغة بوش لكن لقيتك نياشة وليم تيل بس طبعا وليم تيل دي كناية للزول النياش كنا بنستخدمها زمان لمن كنا بنلعب بلي وشايلين نبل بس اساس التسمية ماعارفو جه من وين .
والشئ بالشئ يذكر الهادي الضلالي بتاع امدرمان يوم جه ماشي لقى اولاد الملازمين بيلعبو كورة قام شاع شباشبهم قال نوديها لي اولاد ود نوباوي باسطة
اسع كمان الشباب المعلقة دي بالنسبة لي انا حلاوة حربة لووووووووووووول يكه
تحياتي
زاتوووو
| |
|
|
|
|
|
|
|
|
 Re: هن للسرير فقط وياحبذا لو كل يوم غيرتها !! (Re: ALZOLZATOO)
|
| Quote: اسع ماتلفي وتدوري دي انتي ولا واحده تانية لوووول |
زااتوو،
أجاوب ليك بعد ما أشوفها،
و لا الجواب وصل،،،
غايتو، أصلو ما شاطرة فى اللف و الدوران (شديييد)،،،
| Quote: بالنسبة لي موضوع البراطيش قدر ماحاولت ازوغ منو زي زوغة بوش لكن لقيتك نياشة وليم تيل بس طبعا وليم تيل دي كناية للزول النياش كنا بنستخدمها زمان لمن كنا بنلعب بلي وشايلين نبل بس اساس التسمية ماعارفو جه من وين |
كيف ياخى؟؟
وليم تل دة ما الزول الناش التفاحة فوق راس الراجل،،
يعنى فعلا نياش خطيير،،،
ياربى الشخصية دى فعلا حقيقة؟؟؟
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Hala Hassan)
|
Quote: يازول العكاز هين انا كنت عايز ابدا الموضوع بي شكل تاني كنت عايز اكتبها حته حته
اقول في الصفحة الاولى اول يوم تستخدم امريكية قالوا دي مهما استخدمتها جمالها ولمعتها مابتروح
وفي الصفحة التانية برازيلية ودي حلاتها في غلاتها
وتالت صفحة تقول لو الجو كان معكنن تقول تشف ليك واحده صينية او تايلندية دي بتستحمل اي حاجة وبعدين رخيصة
وفي الصفحة الرابعة تقول لو جوك ناس هاي هاي تقوم تفرش ملاية سيتان ياواحده مطرزة بتاعة المناسبات
بس بيني وبينك خفت من الناس البتجي شايله سكاكين وواحدين كمان ح يخافو ويضربو لي بكوري يقولوا ليهو الحق البورد زاتووو فقد المنطق لوووووووووول يكه ويقوم بكوري يلحقنا امات طه وتاني مافي زول ح يصدقك انو موضوعك كان ملايات عشان كده قلنا من اول صفحة نوريهم الشغلانة ملايات ويابوست مادخلك شر
|
الزوت زاتووووووووو سلامات
يطيبن ايامك فقد أمتعتنا بالزوغان....
| |
|
|
|
|
|
|
|
|
|
Re: هن للسرير فقط وياحبذا لو كل يوم غيرتها !! (Re: Hala Hassan)
|
ياهالة
خلاص معناها دي اني زااااته طيب بيعيدو الحلقة متين عشان نحضرها من بدايتها
بي خصوص معلومة وليم تل طبعا اول مرة اعرف مضمونها شنو لكن كانت متداولة
برضو لو جدعتي حاجة واصابة الهدف بيقولوا ليك وليم اندريه طبعا الزمن لف وجاء بقينا مع وليم اندريا في بورد واحد بتعرفي وليم اندريه لووول يكه
زاتووووو
| |
|
|
|
|
|
|
| |
ALZOLZATOO
ASHRAF MUSTAFA
عمر الفاروق
Abdulbagi Mohammed
GamarBoBa
Nader Abu Kadouk
Mohamed Foto7li
HAIDER ALZAIN
ممدوح عثمان
Amin Mohamed Suliman
رغيم عثمان رغيم الحسن
هويدا شرف الدين
Dalal Ezzaldin
هشام المجمر
وليد محمد المبارك
معاوية المدير
جعفر محي الدين
أبوبكر أبوالقاسم
معتصم مكاوي
فيس بوك
تويتر
انستقرام
يوتيوب
بنتيريست