كتب الكاتب الفاتح جبرا المتوفرة بمعرض الدوحة
|
|
 وصلني التهديد الاتي عن طريق SMS
|
والله يا ......... ....... لو جيت السودان بتسيح من السخانه :)
شنو يعني قايلني حلاوه قطن والا تلج والا ايس كريم والا جلاسي يعني.......
شوف المسخره
بكتاحته وسخانه برضو مشتاقين
|
|
 
|
|
|
|
|
|
|
 Re: وصلني التهديد الاتي عن طريق SMS (Re: محمد فرح)
|
الحبيب وليام اندريا
هو تهديد بس دا تحذير أخير
سخانة تلحم الحديد
الواحد لحدي ريحتو تبقى ... (خليها في سرّك)
وكمان لو قطعت الكهربا تكون تمت الناقصة
قطوعات الموية حاجة تانية
لكن مع دا East west Sudan is the Best
السلام الحار (البيوسّخ الجلابية) دا براهو بخليك تنسى كل السخانة
أقول ليك حاجة....
أقلب يومك وخلّي ليلك نهار
ما سمعت بالخرطوم بالليل
بس يا ها ذاتها
حدائق ومنتزهات محل ما تقبّل
كمال
| |
|
|
|
|
|
|
|
|
|
Re: وصلني التهديد الاتي عن طريق SMS (Re: Frankly)
|
الاخ وليم اندريا
تحياتي
مرحب بيك في بلدك
ياخ نبشرك بان اليوم وفقا للتوقعات الجوية في موقع (تاين اند ديت) درجة الحرارة في الخرطوم مقدر لها ان تصل الذروة وهي 49 درجة مئوية
لكنها
سوف تسير في طريق الانخفاض منذ الغد لتصل 39 درجة يوم الاثنين القادم
| |
|
|
|
|
|
|
|
|
|
Re: وصلني التهديد الاتي عن طريق SMS (Re: العوض المسلمي)
|
العزيز وليام
الزول ده بينصحك مش بيهددك خسوسا لو عندك اطفال صغيرين
لكن انت بالنسبة ليك الموضوع عادي بي لقاء الاحبة بس ممكن تلطف الجو لوووول يكه
زمان واحد جارنا جاء اجازة في رمضان وكل يوم الصباح اشوفو ليك قاشر وطالع ويجي مع قريب للاذان اها ربك رب الخير يوم مشينا قاعة الصداقة لانو الجو كان مسخن اها لقيتو ليك يطلع من فيلم ويخش فيلم
اها سالتو قلت ليهو بتجي بي جاي طوالي قال لي انا من اول يوم في رمضان هنا لووول بس قال لي بنوم مابشتغل بالفيلم برضو تقو لي مايحذرك
تحياتي
زاتوووو
| |
|
|
|
|
|
|
|
|
|
Re: وصلني التهديد الاتي عن طريق SMS (Re: ALZOLZATOO)
|
| Quote: الزول ده بينصحك مش بيهددك خسوسا لو عندك اطفال صغيرين |
ذاتو الحبيب يسعد صباحك .....
الله يستر علي الصغار .... ولازم الوقايه من تطعيمات وغيره من الوقايه خاصتا اذا كانو جاين من البلاد البارده
ويستر علي كل ناس المليون ميل مربع من قسوة الطبيعه وتمرده
كميات من الود الخاص لناس المورده ونيل المورده وسمك المورده وفي عز السخانه كمان
| |
|
|
|
|
|
|
|
|
|
Re: وصلني التهديد الاتي عن طريق SMS (Re: Ridhaa)
|
| Quote: بكتاحته وسخانه برضو مشتاقين |
يا وليم
والله ذكرتني قصيدة صلاح أحمد ابراهيم البقول فيها:
بي سموم وسوافي
وحر سيافي
وكلمة مافي
وتسأل شن الحبب فيهو؟
الحب في زاتو مبرر كافي
معليش نسيت القصيدةِ
| |
|
|
|
|
|
|
|
|
|
Re: وصلني التهديد الاتي عن طريق SMS (Re: نادية عثمان)
|
والله
لاعواصف شمسية
لاعواصف رعدية
لاكتاحة
لاساخنة
تبعدنا عنك
ياوطن
خشيت في البوست السموم الفاتحوا ده
هبتني نسايم وليم اندريا العلي اليمين
وهو يتوشح بالفنيلة البيضاء
العليها العلم الثلاثي
ازرق
اصفر
اخضر
العلم النشوفوا قلبنا يدق لامن تحس انو عايز يطير
ياخي السخانة دي عامة العالم كلوا
ولسه متوقعين عاصفة شمسية يمكن تغير العالم وما فيهو
لكن قول يالطيف العالم ده ليهورب لطيف ورحيم بي عبادوا
والسودان بدخل الخريف وتنسى السخانة
سخانة ياغانا
سخانة تلحم
سخانة تقلي
| |
|
|
|
|
|
|
|
|
|
Re: وصلني التهديد الاتي عن طريق SMS (Re: محمد سنى دفع الله)
|
الحبيب محمد السني
....... يا سلام عليك ياخ علي الاضافه والسطور المرتبه
ود سخانه من نوع تاني
من المجمع وميدانا البسيط
ولوحات فنيه ... البيشبها في ال ان بي ايه
يالله
اها دي شوق تاني وسخانه تانيه
محبتي واعتزاز يمشاركتك
مساحات من الحب والتقدير
| |
|
|
|
|
|
|
|
|
|
Re: وصلني التهديد الاتي عن طريق SMS (Re: نادية عثمان)
|
ستي ناديه ... صباحك قشطه ... تعرفي قالوا المطر نزل وانشاء الله السخانه زايله... بس اها تحتكون في سخانه من نوع تاني هسي ناسنا يشوفوا التياب السمحه دي ( ماشاء الله تبارك الله ) وتقوم السخانه علي القردت كارت ونسخن وندوش من سوق لسوق .....
سخانه ساخنه كله يهون ويتبخر في قعده صباحيه وسط الاهل علي كباية شاي ترطب الاعماق وتبل الشوق
معزتي واحترامي
| |
|
|
|
|
|
|
|
|
|
Re: وصلني التهديد الاتي عن طريق SMS (Re: willeim andrea)
|
العزيز و ليام
والله السودان ليه و حشه ... كان حار و لا سموم
وزي ما قالوا ليك ... محنة الاهل و سلامهم الحار ... بيبرد عليك
و يخليك الجو همبريب و نسيمه عليل
و بحبك يا وطني .....
و بعدين انت ما تراك بتعرف لي الرش و الطراوه ... و أديها ميه تديك .... طررررررررررراوااااااه
| |
|
|
|
|
|
|
|
|
|
Re: وصلني التهديد الاتي عن طريق SMS (Re: willeim andrea)
|
التحية لوليم وكل المتداخلين
اليكم هذه الحكاية في بلدنا وبطلها عمنا الحاج محمد صالح رحمه الله:
النقاش في موضوع الدنياو انها دار خراب ما فيها فائدة وكلها مآسي(مش بالمصري) وهاك يا الجماعة صاروا يشتمونها و عمك ساااااكت , بعد الجماعة كملو شتيمتم للدنيا ادلى بدلوه وقال:
"والله بي سجماورمادا دا اكان خلونا فيها دايرنها"
نحن والله السودان بي سجمو ورمادو وحرة وكهربتو "المترددة"دي دايرينو وما لاقينو
ابني ذهب السودان قبل ثلاث اسابيع للدراسة حيث نعيش في منطقة لا ترتفع فيها درجة الحرارة اكتر من 28 صيفا.اتصلت به تاني يوم و قلت ليهو بختك يا ابو الشباب في نص السودان .
قال لي بختي بي شنو بالحر دا!!!!!
| |
|
|
|
|
|
|
|
|
|
Re: وصلني التهديد الاتي عن طريق SMS (Re: SHIBKA)
|
| Quote: احنا لاقينو عشان ما يعجبنا |
الاخت شبكه.... شفتي كيف ...
وعشانك يا بلد.....
بقيف في كل الصفوف والمطارات والمرافئ ........
واجيك شايل الشوق واللهفه وحرمان السنين........
وتقابلني زي ما تقابلني....
انا المكتول بحبك متيم ......
وانت الحضن الدافي
سعيدبمرورك ومشاركتك
مساحات من التقدير
| |
|
|
|
|
|
|
|
|
|
Re: وصلني التهديد الاتي عن طريق SMS (Re: MOHAMMED ELSHEIKH)
|
Quote: قال لي بختي بي شنو بالحر دا!!!!!
/QUOTE]
الحبيب محمد الشيخ . ...
شفته كيف الفرق.... اهو جيل مليانه حب وولاء للنخاع... وما بيتغير ولا بيتحول مهاما شاف وعرف الجميل والمغري في العوالم التانيه
والصغار الصغار اكتر واقعيه وانجذاب للبريق.
المعادله صعبه
بس اهو بمجهود الاباء والكبار برضو بنزرع الولاء والحب لارض الاجداد
محبيتي واحترامي
| |
|
|
|
|
|
|
|
| |
willeim andrea
محمد فرح
محمد الامين محمد
Frankly
عمر صديق
العوض المسلمي
ALZOLZATOO
GeerTor Tong
Ridhaa
ALGARADABI
محمد سنى دفع الله
MOHAMMED ELSHEIKH
SHIBKA
ياسر عبدالكريم محمد
فيس بوك
تويتر
انستقرام
يوتيوب
بنتيريست