|
Re: محمد السني دفع الله .. يغني في المكسيك ( صور ) (Re: عزام حسن فرح)
|
عزام ازيك ياخوى انت بتقرب لصاحبى الجميل خالس ولا شبه؟صحبى عامر الجوهرى قبل كم يوم قطعنا فيك كانت معاى اسيا ربيع ونحنا اصحاب وعامر الجوهرى صحوبية ليهازمن طويل قلنا انك بتشبهو انت صحى بتشبهو ولازى ماقال صاحبنا الفنان التشكيلى لاصحابو اسامة الخليفة واسامة الحويرص ـ انتو اخوان ولا تشابه اسماء؟ دا خارج القوس
Quote: أنا كُتْ حاضِر ... ما باسوهو ... جَضَمَنو جِضيم ساااي ... وكانن بِقولن < سورفا > < سورفا > سألت دي شِني كمان قالو لي دي معناها < حلاتك > |
وبعدين انت عايز تشكك فى حلات السنى؟ السنى دا احلى زول فى الدنيا معليش ياعماد استولينا على بيتك اها قلت لى كيف يا عزام ؟
| |
|
|
|
|
|
|
Re: محمد السني دفع الله .. يغني في المكسيك ( صور ) (Re: Emad Abdulla)
|
ياجماعة خلوني ارد بالدور ماتخلونا نرد بالمقلوب وانت تعال هنا ياجزولات بتعرفني من الليلة ؟؟ ليه يعني تسألني سؤال زي ده ؟ اهو الأسئلة الزي دي البتخلينا نقلب زاتو !! لالازعلتني خالص حقو الواحد يقلب ....هوبا هنا هسي !! وانت يالبتاوق ده يا ابوراس كبير ما تودي لينا البوست ده الخور هو لسه مابدا انا لله
| |
|
|
|
|
|
|
Re: محمد السني دفع الله .. يغني في المكسيك ( صور ) (Re: ibrahim kojan)
|
Quote: وانت تعال هنا ياجزولات بتعرفني من الليلة ؟؟ |
يازول لاتتسلبط فينى!! انا لا اعرفك ولا اريد ان اعرفك!!! انت خليك فى بوسك و.. دوسك.. وابحث لك عن اصحاب جدد!! صحبة نهى.. صحبة يلن صحبة كو صحبة ضُمَّة مافى
Quote: ليه يعني تسألني سؤال زي ده ؟ اهو الأسئلة الزي دي البتخلينا نقلب زاتو !! لالازعلتني خالص حقو الواحد يقلب ....هوبا هنا هسي !! |
يازول .. امش اقلب قَلَبِيْك.. لا تجعلنى سببا فى مصيبة آخر زمانك!!! ياحليل زمانك.. حين كنت ولد ناس وكنا نقف سويا فى الناصية نشاغل بنات المليك وبنات بيت الامانة و.. بنات ... وبنات.... الآن جاء عليك الدور لتقف فى نفس الناصية ولكن لتشاغل .......... اللهم نسألك حسن الخاتمة!! قال مكسيكيات قال.... اللة يمكسك ابو اهلك زاتهم
| |
|
|
|
|
|
|
Re: محمد السني دفع الله .. يغني في المكسيك ( صور ) (Re: محمد سنى دفع الله)
|
يا حليلك يا السُنى اخوي
والله يجازى المصوراتى .. عماد الشبلى
. يا ربى ده بيزنس !! والللا شنو !!
احتمال كبير يكون شنو !!
وبعدين فكرت َ
السُنى ده .. فى اسمو فى سين والمكسيك فيها برضو سين
فتكون سين السُنى خشت على سين الكسيك واستمسكو فى بعض
واللا الخش على سين السانى منو !! واللا السين الشعبيه ..
ولا سور السين ولا مروى .. ماعارف
فغايتو يا صاحبى الله معاك .. وسيك سيك معلق سيك
وهكذ ا دواسيك
| |
|
|
|
|
|
|
Re: محمد السني دفع الله .. يغني في المكسيك ( صور ) (Re: Hassan Makkawi)
|
مكسيك شنو ؟ شوف يا مواطن يا حلو .. المكنة كالآتي : السيدة أحلام خشت ليك طروادة .. و كككك تربست الباب .. تقوم إنت تنط بالشباك ليلاً و الناسُ نيام , ما تلقى ابو النوم و كل شيقن مقفلن و متربسن .. تقوم حقداً منك ساكت و قلة حيلة تلم ستاير البيت كلللللللها .. تقوم السيدة أحلام تصحى على الكركبة الفي الصالة .. و تديها كواريك . إنت بالخلعة و القهمة تقوم جاري و في سكتك تروح خامش ملاية السرير بتاع الضيوف .. و ما كان لك من مأوى إلا المسرح الوطني في الليل داك .. قمت " إتقرقبت " الملاية .. و لفيت مفرش السفرة عمة , و لفحت الستاير في كتفك .. و جا تماها لينا الشبلي بالمكنة الوهمية بتاعت المكسيكيات الفالصو و مبشقات ديل .. و النادل ( إنت النادل يعني شنو ؟ ) ..
ده رأيي التحليلي في الموضوع .. و كده . أمشي يا السني رجع المفرش و الملايات و الستاير لي ستها .. الكلام ده عيب منك . ما ( تقلب ) ليها وشك و معاهو ( ظهر المجن ) .. أحلام طيبة و ح تتفهم الموضوع .
| |
|
|
|
|
|
|
Re: محمد السني دفع الله .. يغني في المكسيك ( صور ) (Re: عبدالكريم الامين احمد)
|
Quote: ده رأيي التحليلي في الموضوع .. و كده . أمشي يا السني رجع المفرش و الملايات و الستاير لي ستها .. الكلام ده عيب منك . ما ( تقلب ) ليها وشك و معاهو ( ظهر المجن ) .. أحلام طيبة و ح تتفهم الموضوع . |
يا عمدتنا ..
السني .. بيسلم عليك وبيقول ليك :
تحليلك دا .. بلو واشرب مويتو ..
او راجع معمل التحاليل بتاعك ,,
وكمان بيقول ليك : يا حليلك ,,
| |
|
|
|
|
|
|
|