|
|
 شنو الجفا ده يا ناس المنتدى؟
|
بحمد الله وتوفيقه تمكنت من الدخول وأرسلت شكر وتقدير لأخونا الفاضل بكري ، توقعت بعض كلمات الترحيب، حتى الآن قرأ الموضوع 11 شخص ولم يرحب أحد
شكر وتقدير
حكيت الموضوع لأحد الاصدقاء وقال لي يمكن يكونوا دايرين يشوفوا مويتك شنو أول!!
ما يشاع عن المنتدى أنه يضم مجموعات وتكتلات حزبية وجهوية، ولكن وبكل أمانة حصلت على إذن الدخول دون أن أفصح عن أي توجهات سياسية، فقط أرسلت بريد للأخ بكري وحصلت على تصريح الدخول خلال ساعات
طبعاً كل قارئ يحاول تصنيف أي كاتب من خلال قراءة ما بين السطور وأعلم يقيناً أنه في السياسة لا يوجد حياد طالما كان للشخص راي معين في موقف معين، وأذكر هنا في أحد الافلام الامريكية التي تحكي عن الحرب الاهلية وكان أحد الجنود هاربا بحجة أنه محايد ولا يريد المشاركة في القتال، أمسكت به فرقة وقال له القائدهل انت مع ام ضد العبودية فقال طبعا انا ضد العبودية ولا احبها و... و فقال له القائد إذن خذ هذا الرشاش ودافع عن رأيك
بصراحة لا ألوم أحد على عدم الرد، بالمنتدى الكثير جدا من المواضيع وليس أدل من أنه عند كتابة الموضوع يختفي من الشاشة خلال دقائق
|
|
 
|
|
|
|
|
|
|
 Re: شنو الجفا ده يا ناس المنتدى؟ (Re: خالد عبد الله محمود)
|
| Quote: * أميرة الشيخ حالتكـ بقت صعبة .. بقيتي تلقطي في أصوات البرالمة ؟؟ |
خالد كيفك ووينك??
طولنا مااطاقشنا لينا فى البوست...
انت من زمن برالمة ??والله اسي انا شاكة الزول دا يكون برلوم..
الاهم والمهم شايفة مبارة الهلال باقى ليها ساعات بس
اها حتعوضو ال3 دى??
?قلوبنا الحمراء معاكم
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: معتصم مكاوي)
|
ما جفا و لا حفا
لكن البلد حالتها صعبه
الحر و الكهرباء قاطعه ... و الناس يا الله يا الله في حق المواصلات
يازول خش و خرمج ساكت ....
غايتو ناس خوافه خوف ... البرالمه ديل عفيت منهم ... هارشنكم شديد
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: Nasruddin Al Basheer)
|
الباشمهندس الشفيع
مرحبتين حبابك واليوم السعيد اليلة جابك
انا غايتو زيك ما لى فى حكاية الكيمان دى لكن بخت راسى مع ود عمى
يعنى بقينا كوم وراريق وشوف باقى الشباب المعاك ولو اميين بعمل ليهم
فصل ولو فيهم واحد عصلجت معاه خالص نفتح ليه بوست ونرشحه للرئاسة ومافيش
حد احسن من حد , رايك شنو يكون الزول ده ابو الكلس ؟(وجه ضاحك)
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: ابراهيم الرشيد عبدالرحمن وراق)
|
بصراحة يا شباب اخجلتو تواضعنا وأشكر الجميع
إبراهيم وعلاء طلعتو من وين انتو؟ومسجلين من متين؟علاء بقرأ كتاباتك كتير لكن والله ما كنت قايل ده انت وشنو المعارك والاتهامات العنصرية دي؟ اها قولو لي تاني في منو كمان اوع يكون خالد وراق موجود
بخصوص الرئاسة شايف البوستات تطاقش الناس ديل بي جدهم ولا بهزروا؟
أول ما دخلت في واحد مرشح "نسيت اسمه" قال (Goodbye) قلت امكن كراعي حارة
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: الشفيع وراق عبد الرحمن)
|
| Quote: إبراهيم وعلاء طلعتو من وين انتو؟ومسجلين من متين؟علاء بقرأ كتاباتك كتير لكن والله ما كنت قايل ده انت وشنو المعارك والاتهامات العنصرية دي؟ اها قولو لي تاني في منو كمان اوع يكون خالد وراق موجود |
الأخ العزيز الباشمهندس الشفيع
حبابك في الأون لاين
أنا من 2004 يا حبيب رغم إنو تاريخ تسجيلي 2007 لأنو أخذتة لي فصلة فصلتين تلاتة كدة غايتو
لكن إبراهومة دة برلوم لسع
تعرِف أول ما إبراهيم خش قلتة ليهو
أعمل ساتر و جهِّز دروعك
أنت في سودانيز أون لاين
و ليك يا حبيب نقول نفس الكلام
هِنا لو الواحد عمل فيها مسكين بجوك ناس بمفاهيم غريبة همها الأول و الأخير التقليل من شأن ما يهمك :
الدين - الوطن - القبيلة - و قد تصل للعائلة و الأنساب
لذلك تجدنا كما تابعت
عموماً أهو إنت جيت و حتشوف براك
مرحب بيك كتير
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: الشفيع وراق عبد الرحمن)
|
| Quote: الفضفضة مشاركة الهموم |
والله يا الشفيع ياهو سبب دخولنا وفى ناس بتتجاوب معاك وتشاركك فى الهموم والافكار
وانا غايتو بدخل توش فى اى بوست بلقاه يتناسب معاى وفى ناس بتتجاوب معاك وناس
ما بهببو ليك المهم انا بكتب وبافضفض والزارعها الله بتقوم فى الحجر....
بعدين يا اخوى الغربة دى ما كفاك منها تعال داوس معانا فى السودان ده شوية
يعنى نحن نصلح ليكم البلد دى برانا وتجو تلقوها على الجاهز كده ولا شنو ؟
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: Mohammed Ibrahim Othman)
|
| Quote: يعنى نحن نصلح ليكم البلد دى برانا وتجو تلقوها على الجاهز كده ولا شنو ؟ |
إبراهومة ما أظن إنكم قاعدين تصلحوا فيها!!!
العريس بكري أخباره شنو؟ أكيد يكون لسع ما مصدق
وهشام فاق من الشاكوش ولا لسع؟
| Quote: لكن لمن قرينا الاسم جينا جري |
الزنجي مرحب بيك إنت منو في الناس؟ ملفك فاضي
محمد عثمان شكراً على المرور
| |
|
|
|
|
|
|
|
|
 Re: شنو الجفا ده يا ناس المنتدى؟ (Re: الشفيع وراق عبد الرحمن)
|
| Quote: أول ما دخلت في واحد مرشح "نسيت اسمه" قال (Goodbye) قلت امكن كراعي حارة |
بالعكس والله كراعك بارده شديد بس عندى سؤال ليك يا باشمهندس
| Quote: في واحد مرشح "نسيت اسمه" قال (Goodbye) |
دى عملتها كيف الزول دا ما بدى اى زول فرصه ينساه
ههههههههههههههههههههه
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: ابراهيم الرشيد عبدالرحمن وراق)
|
الشفيع وراق مرحب بيك ياخ وشنو دايرين تقلبوها لينا وراريق
ما سمعتو باخوان اخوان حرام.
الشفيع وراق وين الحي بيك ياخ زمن الحاصل شنو لا صوت ولا صورة
ابراهيم امرق من هنا كفاك انت الكهرباء ده ما قالو طوالي قاطعة
بتخش من وين انت كل دقيقية ناطي .
بعدين الزنجي ده محمد عبدالله ود جيرانا في الرابعة طبعاً انت لمن اغتربت
هو كان في الروضة يا عجوز.
تحياتي لك وللاسرة
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: الشيخ إبراهيم الشيخ)
|
ياشيخو ازيك
والله الكهرباء بقت شغالة تش لكن بقت مصيبتنا فى المويةو, غايتو الله المستعان
كيف اخبار ِش ع المعاكم ناس طمبل وسادات وعبده؟ بلغهم سلامنا وقول ليهم كمال نقالة
فاتيكم فت فى النادى بحكاية غسيل العدة, شوفو شغلكم معاه لمن يرجع.
تحياتى للاسرة الكريمة
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: الشفيع وراق عبد الرحمن)
|
الشفيع والله الشوف فات الحد
بعدين 88 ده انا اظن كنت في الابتدائي ياخ
سمعت بيك شهر 8 الفات انك جيت السودان
بس اظن رجعت قبل ما انا اصل البلد
وعم خالد لو عتر في البوست ده بدخل بس الايام ديل
السوق مسخن مع الحر ده اللساتك ماشيه معاه باسطة
الايام ديل ما سوق البنشرجية وكده.
تحياتي للجميع
| |
|
|
|
|
|
|
|
|
|
Re: شنو الجفا ده يا ناس المنتدى؟ (Re: الشيخ إبراهيم الشيخ)
|
| Quote: قالو حلتو طاعمة كمان |
والله ياشيخو امانة ماوقع راجل الليلة بلقاه فى النادى وابشتنو ليك بشتنة
باقى هو منجضنى والمشكلة كل ما يقول كلام امشى عليه يقوم جارى فللى ,
ياحبذا لو الشباب يرسلو لى صوره وهو رابط الجلابية ومنفزر وبيسوط فى الحلة
دى ح تبقى فى السلك
لك الود
| |
|
|
|
|
|
|
| |
الشفيع وراق عبد الرحمن
خالد عبد الله محمود
Muna Khugali
نيازي مصطفى
سلمى الشيخ سلامة
محمد المرتضى حامد
علاء الدين يوسف علي محمد
معتصم مكاوي
Nasruddin Al Basheer
ismeil abbas
الزنجي
Mohammed Ibrahim Othman
رغيم عثمان رغيم الحسن
شمس الدين ساتى
فيس بوك
تويتر
انستقرام
يوتيوب
بنتيريست