|
|
|
 Re: صوره من جريده لسيد الاسم (Re: معاوية المدير)
|
يا سلالالالالالالالالالالالالالام . وليم الراجل الحبوب عليه رحمة الله
الراجل ده يا صاحبي ود حلتنا وكان راجل عظيم اغتيل قدرا
لاعب الاولمبي الماهرودفعته ود سليمان و حبيب
اسطمبوليه واعيسر ودودواولاد فليب عباس غبوش
ايام حلوه
| |
 
|
|
|
|
|
|
|
|
Re: صوره من جريده لسيد الاسم (Re: Nasr)
|
شكرا ليكم يا احباب علي المرور والمشاركه.... ياخي الزول ده كان فلتت زمانه في الباسكت والجيتار..... الله يرحمه واهو بالصدفه بين اوراقي القديمه ليقيت صوره من جريده كنته محتفظ بيها ياريت العندوا اي حاجه من حاجات الراحل ينزله هنا .... مشكورين علي المشاركه والتوثيق
| |
|
|
|
|
|
|
|
|
|
Re: صوره من جريده لسيد الاسم (Re: سيف الدولة كامل)
|
الحبيب سيف الدوله ....
بالنسبه للاعبين كرة السله في تلك الفتره ....ناس الاولمبي نادي الهلال والاتحاد البحراوي بالاضافه لنادي المقرن ... نادي العمال امدرمان ... مركز شباب امدرمان مدرسة كمبوني الخرطوم ... الخ في تلك الفتره جد كانو عمالقه تتحدي بيهم اي فريق علي اعلي مستوي:
بالنسبه لنادي الاولمبي:
وليم اندريا صانع العاب.. حبيب اسطمبوليه جناح ايمن ... دود ملوال سنتر ... نيكولا ..قارد يمين وزي الذكره لم تسعفني في الوقت الحالي بذكر الباقيز
وبالنسبه لنادي لهلال والكان ند قوي للاولمبي
مايكل بنيامين صانع العاب ... خميس جلدقون سنتر الهنا وجد كان خبره رهيبه ..... محمد اعيسر ... يمكن قادر يمكين .... سلمان يمكن من ناس الديوم كان بينط من تحت الرنق وبيعمل دنك بكل سهوله في اعلي رنق ( طبعا بدون التعرف للمقايس المعترف بيها ) .... فاروق رحمي وينق ... بالرغم من قصر طوله بالنسبه للبقيه بس كان فنياته عاليه ... ومين تاني زي النسيت برضوز
الاتحاد البحراوي:: اذكر شاب نشيط وانا مسميه كفاح لانو كان عنده فنيله مكتوب عليها كفاح (:ز
واللسته تتطول:
مبارتين في الذاكره:
لما لعب الفريق القومي السوداني في ميدان المجمع ضد:
الفريق الاوكراني .. متعه ما بعدها متعه وقفه صلبه لفريقنا قصاد فريق عالمي واطوال فارعه كلها فوق المترينز
الفريق القومي العراقي : ووقفه مشرفه وفريقنا كان بيقفل الرنق.
في نفس تلك الفتره فريقنا القومي اخد البطوله العربيه... وكان لقب وليم في الميادين العربيه الغزال الاسمر.
ويالله ايدكم معانا للتوثيق.....
معزتي
:
| |
|
|
|
|
|
|
|
|
|
Re: صوره من جريده لسيد الاسم (Re: معاوية المدير)
|
الحبيب معاويه ... شكرا علي الطله.... ياخي اغاني وليم العربيه ليها نكهه خاصه.....
ديل عيونك والا واحـــــه والا للشوق استراحه
فيها حرنا و حار فكرنا وكم سرحنا بعيد معاها
يااااااااااه
| |
|
|
|
|
|
|
|
|
|
Re: صوره من جريده لسيد الاسم (Re: willeim andrea)
|
الحبيب نصر
شكرا علي المرور والمشاركه وهنا برضو اكرر سؤالك عن احوال السله اليومين
قطع شك عندنا خامات علي المقايس العالميه
بمناسبة المقايس اذكر في ميدان الكنيسه في امدرمان ... حوالي اشلاق السجون .... كان هناك لاعب طويل القامه
في العصريات كنا بنتمرن هناك ... وصاحبنا بيتهم هو نفس بيت القسيس .... واحد اسوار البيت بيحد الميدان قي الجزء الشمالي
اها ما كره تدق في الميدان داك والا اخونا الحبيب الله يطراه الله بالخير والا ظهر من وسط حوشهم نسبتا لطوله الفارع وبحركه سريعه ورشيقه بينط السور وبيكون وسط الميدان في لمحه وفي الغالب بالشورت بس وحفيان ... جد انسان عاشق لكرة السله حتي النخاع
وبجنون
مرة الايام والسنين .... تقابلنا بالصدفه في عمارة التامينات بالخرطوم .... وين يا ...... ودار الحديث وعرفة منه انه اغترب لدول الخليج والمهنه في الجواز ... لاعب
| |
|
|
|
|
|
|
|
|
|
Re: صوره من جريده لسيد الاسم (Re: willeim andrea)
|
شاهدت وليم أندرية وهو صغير ، وعمه الراحل عبدالكريم نصار صديقي و زميلي في مدرسة جوبا الأولية. وعندما قررت اسرته الانتقال للخرطوم اشترى عمه جون نصار منزل بالقرب من حديقة القرشي وكان من كبار موظفي شركة باتا، وكان له عم نسيت اسمه كان من كبار موظفي بنك باركليز ..عمه عبد الكريم نصار نظرا لصداقتنا التي امتدت حتى وفاته قرر أن يسكن معنا في الكلاكلة القبة واشترى المنزل المجاور لمنزل أسرتي والذي لا يزال يسكن فيه الآن إبنه نصار عبدالكريم نصار مع اسرته ووالدته..ذكر لي عبدالركيم أن والدهم كان طبيبا قدم من الشام واستقر في السودان في جوبا . من أطيب الأسر التي تعرفت عليهم و صلتي بهذه الأسرة قوية ومستمرة.. للمزيد من المعلومات عن هذه الأسرة الطيبة يمكن للزملاء بالخرطوم الاتصال بالإبن نصار عبدالكريم نصار في منزلهم الذي بالقرب من محطة (يوتي) في الكلاكلة القبة.
| |
|
|
|
|
|
|
| |
willeim andrea
معاوية المدير
سيف الدولة كامل
Nasr
محمد المرتضى حامد
Gaafar Ismail
Deng
فيس بوك
تويتر
انستقرام
يوتيوب
بنتيريست