كتب الكاتب الفاتح جبرا المتوفرة بمعرض الدوحة
|
كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟
|
أنا ما بعرف الناس التانين .. بس أصعب حاجة لمان الواحد يجي داخل .. زي المنبر الأنا شايفو جميل ويقوم يصطدم بأنه ناسو كيمان كيمان .. ما أعتقد أنه ممكن يتم تفاعل .. ولا بتاع مجاملات أنا أنا زول بتاع كتابة وكلام بيطلع من جوه الخاطر .. وإذا الوضع كده الواحد يكتب عشان يسلي نفسه وطبعاً ده مش المأمول من المنبر المنبر تفاعل مشاركات إحساس صادق مش مجاملات فارغة بتاع كيمان كيمان .. المنبر ساحة عشان تدي الناس المفيد وتأخذ منهم الأفيد لكن تقوم تلقى جو غير صحيح حتدي الناس وتفيدهم كيف وإنت زاتك الفايدة الحتطلع بيها شنو ؟؟ يبقى في النهاية كلام خارم بارم لا يودي لا يجيب ويكون المنبر في الحالة دي فقد الخاصية بتاعته خلونا ناس كباااااااار ونستمر ناس كباااار .. أعمل ليكم فصل وحصص من جديد ؟؟ أرجعكم الثانوي من تاني ؟؟ ..
|
|
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: معتصم مكاوي)
|
معتصم تحياتي
يا اخوي ماتدفق مويتك على الرهاب ساكت بس اسكت اكتب واعمل مداخلات زي ما انت عاوز وزي ما رأسك بقول ليك (في حدود القانون) وماترجي
رد من زول والله هنا في ناس بتكتب كلام زي العسل زول بهبب ليهم مافي وناس تكتب كلام زي البصل تلقي المداخلات بالصف وناس حاجزة في الصف
بي طوبة وهاك ياغزل ياشفيف يارائع يامناضل .... الخ
يازول اكل البعجبك والبس البعجبك وبرضو اكتب البعجبك ..........
وصية زول قديم نسبياً
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: معتصم مكاوي)
|
حدثنا شيخنا العليم بأخبار المنابر و المتنبرين قائلا ياتي البرلوم منتشيا فرحا جزلا بنيله الباسويرد , يخيل ان العالم بأسره ينظر إليه و يغبطه و ينتظر رائع إسهاماته و جليل مشاركاته ويرفع البرلوم رأسه في فخر ويمد بصره إلى الأفق البعيد ناظرا إلى المستقبل المشرق الذي ينتظر البورد على يديه حاله كحال الاسكندر يوم وقف على بوابة العالم القديم مستشرفا مستقبله ثم يرتد اليه بصره حسيرا حين يدرك عظم المهمة الملقاة على عاتقه و كبر المسؤولية المناطة به فنظرة على حال المنبر تشي بما لا يسر كيف له ان يصلح من حال هؤلاء البرابرة الهمج الذين ادمنوا الشتم و الفارغة و ما دروا النعمة العظيمة التي هم فيها ولم يقدروها حق قدرها لكن آن لهم ان يرعووا ويمنعوا الفوضى فها قد اتاهم دواءهم و السم الذي هو بمقدار عشائهم ثم يتوكل البرلوم و يخوض اول حروبه ملوحا بسيف الفضيلة و ترس الأخلاق ممتطيا جواد الإصلاح ثم سكت الشيخ واطرق مليا حتى ظنناه غفا واردنا القيام عن مجلسه فرفع الشيخ راسه مواصلا و يظل صاحبكم في غيه سادرا متقلبا من حال إلى حال ومن بوست إلى آخر مناديا و صارخا و رويدا رويدا يشتد عوده و تتفتح بصيرته و يدرك حقائق الأشياء فيخلع عنه رداء المصلح و يخوض مع الخائضين ثم ختم الشيخ حديثه بنصيحة ان لاقاكم احدهم فلا تجادلوه فخير ما يقال لمن هم في هذا الطور
قــوم لِـــف
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: النصرى أمين)
|
ألأخ/معتصم مكاوى ..السلام عليكم ومرحب بيك مرة ثانية..
Quote: أنا ما بعرف الناس التانين .. بس أصعب حاجة لمان الواحد يجي داخل .. زي المنبر الأنا شايفو جميل ويقوم يصطدم بأنه ناسو كيمان كيمان .. ما أعتقد أنه ممكن يتم تفاعل .. ولا بتاع مجاملات أنا أنا زول بتاع كتابة وكلام بيطلع من جوه الخاطر ..
|
خلى كلامك البطلع من جوه الخاطر يقنع الحاضر....
ما بتاع مجاملات..ما بتنفع ..لازم تجامل حتى لو مجاملة خيفية...والحياة بدون مجاملات ماليها طعم....
الناس هنا كيمان كيمان حسب توجهاتهم..وحسب أفكارهم وحسب رغباتهم .وحسب هواياتهم..
وعلى ما اعتقد يمكن يتم تفاعل حسب المادة المقنعة المطروحة وفى نفس إتجاه كل شخص..
والمنبر ده جميل بالجد..بس أدخل لى جوه..وامرق العندك...وبطل تشاؤم ..وما تفتح فصول تقوية..وخلى ألأمور تمشى على بركة الله..
حا اختبر نوع مجاملتك........المنبر بقى جميل من ما طليت؟؟حا ترد تقول شنو؟؟؟؟
إحترامى وتقديرى لك ومن مر عليك.....................إسماعيل محمد احمد عباس..
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: النصرى أمين)
|
اسمع كلام عمك النصري ده ختاها ليك واضحة....
Quote: انا شخصيا لى كم سنة هنا ونجحت انى ما اعمل شلة وكوم يتداخلو معاى على طول فى الفاضيه والمليانه |
شلتك الداير تقبل عليها لقيتهم بجدعوا من اول الصباح تمرق معاها غزوتك لا يدك لا كراعك لقيتهم بحجزوا في شكله تشتغل يومك كلو اجاويد بتكتب شعر ولا نثر ولا مبدع دي حسابات بتخضع لمقاييس تانية خالص
المهم اختار مجموعتك من ديل وابقي نابل من كل ضد وضد زي ما غني محمد عبدة شيوعيين - كيزان مناضلين - انتهازيين هلال - مريخ شكلات - أجاويد
واهم شي تعرف تكسر تلج لسيد الفنايل السجلك عشان ضمان استمراريتك وكدة وبما انك جديد انصحك ما تكسر تلج لبت سمحة لانو بتبقي ظاهرة وما تشاكلها لانو لو شاكلتها بطلعوا من تحت الواطة ووراء البحار والجبال. وعيش حياتك
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: Amira Elsheikh)
|
وأنا البت شن وراني سماحتها وسماحتها نافعاني بي شنو ما لي زوجها أو الداير يتزوجها وأنا لا ده ولا ده أحرق رزي فوق كم المهم سماحتها تكون في البتكتبو وكونه أقول مثلاً أميرة كتاباتها ناضجة دي حقيقة ما محتاجه لتكسير تلج ولا بكري زاتو بيحتاج يكسروا ليهو تلج وأنا قلتها صريحة وبدون مجاملة الإخوات الكريمات كتاباتن أنضج من الشباب وبتطلع بالفايدة أنضجو يا أولاد شوية ؟؟
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: معتصم مكاوي)
|
شنو يا معتصم ما كنت جاي بسنونك شاعر بغربة مالك؟؟
انت قبل ما تسجل ما كنت بتقرى البورد؟ يعني حالتو دي "تكشفت" ليك بعد الباسويرد؟
ياهو كلام شيخنا اعلاه ما خاتي فيهو تب ...
قم لعملك و إهدر الباندويث يا رعاك الله ولا تخرب لنا طبعنا فقد ألفنا بوردنا بشللياته و رضينا بحكم الربّان يقودها حسب رياح ترانا ولا نراها
العب الدافوري ده رزق اليوم باليوم، وكان ليك بضاعة ما سبقك عليها زول اعرضها، ونصيبك بيجيك ...
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: Hassan Makkawi)
|
Quote: يا اخوي ماتدفق مويتك على الرهاب ساكت بس اسكت اكتب واعمل مداخلات زي ما انت عاوز وزي ما رأسك بقول ليك (في حدود القانون) وماترجي
رد من زول والله هنا في ناس بتكتب كلام زي العسل زول بهبب ليهم مافي وناس تكتب كلام زي البصل تلقي المداخلات بالصف وناس حاجزة في الصف
بي طوبة وهاك ياغزل ياشفيف يارائع يامناضل .... الخ
يازول اكل البعجبك والبس البعجبك وبرضو اكتب البعجبك .......... |
الأخ معتصم
سلام
الكلام الفوق ده جميل.. أكتب.. أكتب... ورد.. رد لكل ما يسرك ويعجبك وما تجد فيه المفيد..
نشاطك بيجيبك ويجيب الناس ليك..
تحياتي بدالعزيز
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: ود الباوقة)
|
بعدين خت كلمتين أدناة عشان نعرف من أى قمقم خرجت...وكدة
Quote: الملف الشخصي ل معتصم مكاوي اللقب: معتصم مكاوي : .
عدد البوستات: 57 تاريخ التسجيل: 22-04-2009 محل الاقامة: : عنوان مكتبتى بسودانيزاونلاين دوت كم : اكلات مفضلة: الاسم الحقيقى: معتصم حامد عبدالرحيم مكاوي التلفون: الجامعة/المعهد: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: درست المرحلة الابتدائية فى ......و سنة....: درست المرحلة الثانوية فى ......و سنة....: درست المرحلة المتوسطة فى ......و سنة....: شاعرك المفضل: عدد الاطفال: معلومات اضافية: مكان العمل: مكان الميلاد فى السودان: صورتى:
|
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: Nader Abu Kadouk)
|
مكاوي يا خوي
المنبر ده كيمان لمن غلط
اها شوف زي حالتي ده .... انا من الرعيل الأول (لكن ما بقر) وقتها كان البورد ده كلام عجب... الناس دي كلللللللللللللها بتعرف بعض ووناسين جنس و نسه
اها فتره كده وقفت من الكتابه و جيت اسي لانه عندي و قت فراغ دايره اهدره و بقبت شغاله في الناس بري .....الا وحاتك انا بقيت لافه صينيه اعلق بي هنا و اكتب بي هنا ... و الزارعنا غير الله اللي يجي يقلعنا
فا انت اعمل زي ... اقرأ البيعجبك و أكتب البيعجبك ...
وبس
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: معتصم مكاوي)
|
اخ معتصم
مرحب بييييييك
كلامك الجميل العاوز تقولو شعر ولا نثر لو شعر اختى القوافى ,,لان الخواض وشلته بفندوه ليك,, ولو قصة ما بجيب حق الجاز,,,محسن خالد ظاتو زهج من الناس
اها الرياضة كيف مريخابى ولا هلالابى,,ترى الكورة وبتكبر ليك الكيمان لو ازرق اسمع كلام ود البشرى ولو احمر شوف هارون دياب وين
اسى دخلو عليك 18 شخص,,فيهم 3 جكسويات ممكن نطلع بخمسة وجسوتين والله نجاح يدخل الجامعة
احيلك الى بوستات ابوقوتة موقعنا كمان تحصل عليه من قوقل
كدى اسى لاحظ مشاركات الجماعة ديل ود البشرى9000 طارق جبريل 7000 ابقوتة6000 راوية ود الباوقة اسماعيل عباس
تعرف ديل قدام وشلة لوحدهم عشان كدا رصيدهم عالى لوووووووووووووووووووول
تحياتى
(عدل بواسطة abuguta on 04-27-2009, 08:00 AM)
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: Nader Abu Kadouk)
|
سلامات أخونا مكاوى,,, السلام عليكم ومرحب بيك وأنت تحاول تغيير الخط والمسار,, بعد قراءة البوست والمداخلة الأولىQuote: ,,,يبقى في النهاية كلام خارم بارم لا يودي لا يجيب ويكون المنبر في الحالة دي فقد الخاصية بتاعته خلونا ناس كباااااااار ونستمر ناس كباااار .. أعمل ليكم فصل وحصص من جديد ؟؟ أرجعكم الثانوي من تاني ؟؟ |
.. ثم بعدها قراءة ردودك من شاكلة Quote: إنت يا خوي الملس ليك صورتك دي كده منو .. ورينا محله نمشي نملس نحن كمان |
بجيك إحساس إنو يا صاحب إنت بديت تخوض فى موية الطملة مع بقية الخائضين!!!دون أن تشعر !!!!
راجع مداخلة أخوك الكبير محمد البشرى الخضر فهذا الرجل (ربّها) هنا ووالله وما بتخسر وخلى بالك أطول من كدا شوية,,
أخوك السغير أيمن,,
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: خالد عبد الله محمود)
|
Quote: اها شوف زي حالتي ده .... انا من الرعيل الأول (لكن ما بقر) وقتها كان البورد ده كلام عجب... الناس دي كلللللللللللللها بتعرف بعض ووناسين جنس و نسه
|
بت الهنا كيفنك والله متذكرك من ايام البورد ده كان بشتغل بالارسال وبشخشخ مرة مرة شيري وبت قضيم بجوا وناس كتيرة غابت زيك برضو لموضوع قراية ابتعدنا فترة كدة ولا يهمك يا بت الهنا ابقي داخلة وخلاص...ما تحسي بوحشة الحاصل ده عبارة تطور طبيعي (للحاجة الساقعة) زي ما قالت الدعاية المصرية وابقي خاشة سلام
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: GamarBoBa)
|
ألأخ/معتصم مكاوى السلام عليكم..
ممكن لو سمحت تحدد إلرد بألأسم..يعنى إذا انا المقصود بهذا الرد سوف أرد عليك..وحتى لايحصل إلتباس..
Quote: ياسيدي ما قلنا شيء والمجاملة الأنا قاصده التفريق بين الغث والثمين والمفروض تتكتب السمين في الشايفو ده |
ياسيدى..كلمة من كلمات المجاملة...وأفضل كلمة أخى...
ومن هو المفروض يكتب السمين؟؟
الشايفو إنت يا معتصم غير الذى اراه أنا..وكل ينظر يعينيه...
المجاملة اللطيفة نوع من الدبلوماسية الراقية...وهناك مجاملة يحس بها صاحب الموضوع حسب كتاباته....
الدقة أيضآ مطلوبة....وذكر ألأسماء تزيد ألألفة..وهذه ليست من أنواع المجاملة..
بدون مجاملة..حسيت بأن البوست بدآ يكون جاف وأظن انه سينكسر...حافظ على روح وجمال البوست بقليل من المجاملة..
تقديرى وأحترامى....إسماعيل محمد احمد عباس.....
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: اميمة مصطفى سند)
|
الزل قام لفّه لمن راسو لفة! ديل شنو العالم الباقين ديل!
مكاوي! أوووع تسمع كلام ود البشرى دا! واشتغل نصيحة وشعر ونثر .. وجيب سيفكـ وتعال لو داير! تعال الصباح قول لينا عاوز أغزو بوستات أساسي .. بنمشي معاكـ تعال بعد الظهر قول عاوزين نخش دافــوري كيكي .. بنخش معاكـ بعد العصر تعال نمشي نظووووط مع عماد عبد الله .. بنظوط معاكـ تعال بعد المغرب نتونس مع أب تفة .. بكون واعي لسه .. بنمشي معاكـ بعد العشا نمشي دافوري هارون دياب وود البشرى .. ما في مشكلة!
بالليل ما تجي نوهائي يا لمّ فيكـ محمد عادل يا أبو ساندرا! والأول أخير ليكـ من التاني .. التاني بعمل ليكـ عاهة مستديمة
____________ أبو حتوت.. ما عارف ليه، لكن أتذكرت أبو شيمة الله يطراو بالخير!
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: معتصم مكاوي)
|
الاخ/ معتصم مكاوى تحياتى
Quote: أنا ما بعرف الناس التانين .. بس أصعب حاجة لمان الواحد يجي داخل .. زي المنبر الأنا شايفو جميل ويقوم يصطدم بأنه ناسو كيمان كيمان .. ما أعتقد أنه ممكن يتم تفاعل .. ولا بتاع مجاملات أنا أنا زول بتاع كتابة وكلام بيطلع من جوه الخاطر .. وإذا الوضع كده الواحد يكتب عشان يسلي نفسه وطبعاً ده مش المأمول من المنبر المنبر تفاعل مشاركات إحساس صادق مش مجاملات فارغة بتاع كيمان كيمان .. المنبر ساحة عشان تدي الناس المفيد وتأخذ منهم الأفيد لكن تقوم تلقى جو غير صحيح حتدي الناس وتفيدهم كيف وإنت زاتك الفايدة الحتطلع بيها شنو ؟؟ يبقى في النهاية كلام خارم بارم لا يودي لا يجيب ويكون المنبر في الحالة دي فقد الخاصية بتاعته خلونا ناس كباااااااار ونستمر ناس كباااار .. أعمل ليكم فصل وحصص من جديد ؟؟ أرجعكم الثانوي من تاني ؟؟ .. |
كيمان وشلليات موجودة وبكثرة والله يقدرك تختلف فى الراى او النقاش مع شلة (س) مثلا وبعد شويه عينك ما تشوف الا النور ولا تكون زول ساكت وتجى ماشى رافع رايتك وتقد تتداخل بهذه الصورة (تسلم يا حبيب...و...) المجاملات التى لاتغنى ولاتسمن من جوع ،مما افقد الحوار حياديته وفرغ المنبر من ضمونه..وبقى زى بيت الفراش اى كوم براهو
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: عبد الغفار عبد الله المهدى)
|
انا شخصيا اتعقدت زمان كنت بكتب رايي في الجرايد .. واشتركت في المنتدى مخصوص عشان القى فيد باك feedback لما اكتبه .. وفيد واستفيد .. لكن زي ما قال نميري لا حياة لمن تنادي .. تكتب لمن الكيبورد يصدع وتنتظر زول يقول ليك انعل ابوك انت بتقول في شنو .. تلقى بوست تقول تتداخل مع الجماعة .. تلقى روحك تتدخل فيما لا يعنيك .. وتلقى بوست يعجبك عنوانو .. تخش تلقاهو زي قعدة السكر .. ناس كتار .. وكل اتنين تلاتة منزويين في ركن وما تعرف تقعد مع ياتو جماعة .. الويسكي وللا الواين وللا البيرة .. وللا بتاعين النواشف .. وللا القاعدين يشربو في المياه الخالية من الكحول .. احسن حاجة في الحالة دي تجي من بيتكم مستوي .. وتقعد تجوط مع ديل شوية ومع ديل شوية .. المشكلة في النهاية انو بتبقى حالة ادمان .. ومرضة لا بد من اشباعها
| |
|
|
|
|
|
|
Re: كلمونا المنبر ده كيمان كيمان .. عشان نعرف رأسنا من رجلينا ولا لأ ؟؟ (Re: محمد فرح)
|
ياحبيبنا
اول حاجة مرحب بيك في سودانيز اون لاين
ياخي نحن منبرنا ده بيختلف من البدرسوهو في المدارس
اول حاجة تعمل ليك كوم بعد داك تكتب يعني تدق الوتد قبل ماتجيب الحمار ده بينطبق هنا تماما
اها اسع انت قلت زول كتاب والله الجماعة ديل لو ختوك مع الكتابين المبدعين العشرين المبشرين باللجنة ح تندم
انك ما انضميت لي كوم الرجرجة والدهماء ، ياخي قبل يومين واحد ماعندو كوم فتح بوست لي ياسر عرمان الجماعة
طلعوا ليهو كتابتو كلها غلط وسقط املا وانشاء وقواعد وواحد ناقشوا في موضوعوا مافي .
اها اسع انت كمان قبل ماتكتب حرف لازم تكتب بوست تقول يا ا خونا انا قبل ما اجي هنا معجب بي زاتوو وود الصائم وتمبس وتسرد ليك قائمة طويلة بعد داك تكتب اول بوست ليك وهاك يامبدع وانت من زمان كنت وين
لكن تجي داخل كده سااااكت ح تكون زي كابتن كابو لمن الكورة فكت منو لووووووول يكه
اسع عليك الله مش التوقيع بتاعي زاتوووو ده غلط مفروض يكون ذاتو اها مافي واحد قبل كده قال لي الكلام ده غلط
عارف لي شنو ده الكوم يابرلووووووم
اتوكل علي الله واعمل ليك شلة لانو لو ماعملت شلة لو الهاكر ضرب باسوردك ساكت ما ح تلاقي الابكي معاااك
طولنا عليك
تحياتي
زاتووووو
| |
|
|
|
|
|
|
|