|
Re: ياعماد عبدالله (الحق ..كمال سالم وعادل التجانى اطاحو بخميس ابوساندرا وكعادته قام بتهديدى؟؟؟ (Re: ضحيه ابراهيم)
|
بداية القصه انا كنت مزنووووووووق فى قريشات ولجات لى الزعيم ابوساندرا وسلفنى 500ريال قطرى ومارجعتها ليهو لى حسى وجاء هو امس مساءا لى مركز اصدقاء البيئه لمشاهدة عرض فرقة تاتيتبا بقيادة نجوم الهيلاهوب وبدأيبحث عن غريمه كمال سالم وصديقه اللدود عادل التجانى وسال الهندى العامل بالمركز عن عادل سالم فى البداية رد الهندى وهز راسه بحركتهم المعروف (مافى معلوم) ورجع تانى وجاءه يسال (يارفيق وين عادل التجانى) فعندها ارتجف الهندى واخبره ان عادل ومعه شخص اخر داخل المطبخ(عادل داخل مطبخ سكر باب مع تانى نفر فى أكل ومايبى نفرات ووواجد) فدلف الى المطبخ ووجدهم قد قضوا على الاخضر واليابس من كبدة الابل ووجد بقايا الشطه والبصل وشلاليفهم توحوح فعلم من كمال سالم باننى من احضر الكبده وهم مارسوا هوايتهم سرا واكلوها لوحدهم على الفور ارسل لى هذه الرساله.
(بكره خليك جاهز لتسليم ال500ريال وتانى لما تكون محتاج لودسلفابشوف ناسك البتعمل ليهم كبدة الابل مخصوص وتوديهاليهم فى محلهم يا................)
| |
|
|
|
|
|
|
Re: ياعماد عبدالله (الحق ..كمال سالم وعادل التجانى اطاحو بخميس ابوساندرا وكعادته قام بتهديدى؟؟؟ (Re: عماد الشبلي)
|
Quote: (بكره خليك جاهز لتسليم ال500ريال وتانى لما تكون محتاج لودسلفابشوف ناسك البتعمل ليهم كبدة الابل مخصوص وتوديهاليهم فى محلهم يا................) |
تِمّها .. تمها سريع سريع عشان أوريك ترد ليهو شنو .. توديها في محلهم يا شنو ؟ ... قول . بعدين كبدة الإبل في أصدقاء البيئة ؟؟؟؟؟ إنتو عادل ده قلبها مطعم " ميرغني " وللا كيف ؟
..... عشان تعرف حاجة يا ضحية .. الزول ده لازم يغنج و يبوظ اللعب .. و ما عندو خوة , و حاجاتو دايما تنتهي بكفوة . هسه أمانةً في زمتك من ما سلفتك الألف و ميتين ديييييييييك .. شفتني بالله سألتك منها تاني ؟ لكن الزي بركوتة ده ما بيقدر ظروف الأخوان .
| |
|
|
|
|
|
|
Re: ياعماد عبدالله (الحق ..كمال سالم وعادل التجانى اطاحو بخميس ابوساندرا وكعادته قام بتهديدى؟؟؟ (Re: haroon diyab)
|
Quote: ياراجل اتحشم.....!!! |
لما انت فهمتها كده
والمعلم داك فهمها اسوأ مما فهمتها أنت
قادلين بيها تاني ليه ؟
الأمزجة والأكل العجيب ليس كما ورد في تفكيركما العاطل
المزاج الغريب ، ان يسمي كمال سالم صاحبه عادل التيجاني ب سيدنا يوسف ده دجل كبير وإفتئات على الجمال وعلى مقام النبوة ولما ماقدرنا نبلعها ، ولم تمر علينا المصلحة أكتفينا بالقول ان للناس امزجة عجيبة
اما الأكل فليس هو الطين كما تبادر الى الأذهان الوعرة ياخ سيدنا يوسف وكيمو الجاهز قفلوا الباب عليهم على شوال بصل وجردل دكوة وبضعة لحيمات من كبد جمل ده مش ياهو المجوخ ذاتو ؟ وبعد داك عايزين يحوروا كلامي ويظهروني كما السفيه
وانت لفحت عمتك وجيت جاري
اها انا الكلام داك ح اشطبه انت شو ح تسو
| |
|
|
|
|
|
|
Re: ياعماد عبدالله (الحق ..كمال سالم وعادل التجانى اطاحو بخميس ابوساندرا وكعادته قام بتهديدى؟؟؟ (Re: أبو ساندرا)
|
كتب أبو ساندرا
كتب ضحية نقلا عن الهندي بتاع البيئة
Quote: (عادل داخل مطبخ سكر باب مع تانى نفر فى أكل
انا لمن الهندي كلمني بأن كمال غنج ليهو بنفر جوة المطبخ وسكر الباب فككرب فتحت الباب فإذا ب عادل التيجاني معه فإندهشت ولم تطل دهشتي عندما تذكرت وصف كمال لعادل ب سيدنا يوسف قالها قبل كم يوم في المنبر العام هنا
فقلت : ان للناس أمزجة غريبة
و أكل أغرب
كبدة ابل وبتاع
يا ضاحي _____________________
أبو ساندرا
في الحقيقة أنا كنت بعيد عن البوست عندما نما لعلمي ما كتبت يا صديقي
وعندما قرأته وجدت أنه (لا يعدو طنين ذباب) فاكتفيت بالابتسام يا أبو البنات
شكراً
| |
|
|
|
|
|
|
|