كتب الكاتب الفاتح جبرا المتوفرة بمعرض الدوحة
|
|
 تكرار البوستات هل هو هواية أم عادة أم ضرورة ؟؟؟؟
|
هواية, عادة أم ضرورة؟؟؟؟
بوست مفتوح وكل الأخبار والتفاصيل التى يمكن أن تعرفها موجودة بالتفصيل الممل وأحيانا الخبر نفسه لا يستحق أن يفتح من أجله بوست واحد !!!! يداخل أحد الإخوة أو الأخوات أو لا,,,, وفجأة يقرر نفس الشخص أن يفتح بوست جديد أو يفترع بوست آخر كما يحب البعض تسميتها هنا,, لا مشكلة إذا كان هنالك ما يستدعى ذلك ولكن دائما ليس من جديد!!! بعنوان قد يختلف عن الأصل أو لا يختلف كثيرا والموضوع واحد,,, لا جديد سوى إسم صاحب البوست الجديد المتكرر!!!!
هل من فكرة معينة وراء ظاهرة تكرار نفس البوست وإن إختلفت العناوين !!!!!خاصة إذا لاحظنا أن كل ما يمكن أن يقال أو يكتب عن هذا الموضوع قد تم قوله وكتابته فعلا,,
وكل ما يمكن أن نضيفه للموضوع أو الخبر يمكن قوله فى البوست الأصل بغض النظر عمن يكون صاحبه إختلفنا معه أم إتفقنا!!!!
فتح البوستات فى معظم الأحيان يعد مسؤولية إذا إستثنينا منها البعض أو من تعودوا وعودونا أن يقولوا ما يريدون قوله ويذهبوا,,أو من تعودنا منهم فتح البوستات وهم يعرفون تماما أنهم لن يعودا لها مرة أخرى,,,
مسؤولية بما يفرضه على صاحبه من ردود ومتابعة ونقاش إذا كان من النوعية التى يمكن أن نطلق عليها بوستات ذات قيمة وذات موضوع بصرف النظر عن طبيعته,,,
السؤال الآن!!! هل أصبح فتح البوستات وتكرارها هواية للبعض!! أم هو أُسلوب للفت الأنظار لموضوع معين ولتأكيد أهميته أم مناكفة وحب ظهور لصاحب البوست نفسه طالما أنه رأى بوست يدور حول نفس الموضوع وقد يكون هو نفسه مداخلا فيه دون إعتبار لمحتوى النسخة الجديدة والمفترعة من البوست الأصل!!!!
هل هنالك من هو متفرّغ تماما للبورد ومواضيعه الكثيرة التى يختلف الناس حول أهميتها أو فائدتها!!! ووصل به الأمر أن أصبح لابد له من أن يكتب شيئا!! أى شئ والسلام ؟؟؟؟ نختلف أو نتفق حول أهمية المواضيع من عدمها لكن الواقع يقول أن القصة لا تحتاج لمن يشتت أنظارنا وتركيزنا بكثرة بوستات لا فائدة ولا جديد ولا مفيد فيها,,, لا داع للأمثلة حتى لا يبدو الأمر شخصى وهو فعلا ليس كذلك والكلام والفكرة ليس المقصود بها أحد بعينه ,,,
أفيدونا أفادكم الله,,,
وأرحمونا رحمكم الله نحن إخوتكم الأعضاء و جمهور القراء ,,
وافر الإحترام لكم جميعا,,
تحياتى
|
|
 
|
|
|
|
|
|
|
 Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
الأخ/ أيمن سلامات
غايتو الخلاّك تكتب بوست شئ ما هيِّن فعلاً.
المشكلــة إنو هنالك مكان مخصص للخبر فى الصفحة الأولـــى.
يفترض هنا فتح بوستات " النقاش/ الحوار".
غايتو واحــــد من الجماعة ديل مرّة جــــــدع لينا خبر وقلت أناقشه فى بعض جوانبه ... الكلام دا لما تأرشف البوست صاحبنا
ما رجع ليهو تانى.
أقترح حل هذا الأمر بوضع عنوان ثابت يتم تجديده يومياً : أخبار اليوم وكل واحـــد منهم يجى يدلق لينا الخبر ويفوت.
نسيت حاجة واحـــدة: وهى ظاهرة إجترار البوستات كل ربع عن ذات الموضوع وبعناوين مختلفة.... غايتو فى واحــد كدا لو لقيت لىّ
فرصة "أقلع" منو لبانتو البلوكها لينا كل مرة ...تكون ما قصّرت.
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أبوبكر أبوالقاسم)
|
| Quote: يعنى يا بت الشيخ دلقنا مداخلتنا دى فى الخور ... نحتسبها يعنى ؟ |
انا زاتى من شفتها البوست قلت ياربى دا ايمن ولا القرين
لانو بالغلط ايمن دا مافتح ليهو بوست...
الزول دا جنبى قريب خلينى ادى الووو عشان اتاكد وبعديها
نجى نشوف مسالة انك تحتسب مداخلتك دى ولا تدق ليك صيوان عديل
لانو الحال هنا بقى مايل يازول ياود ابو القاسم
| |
|
|
|
|
|
|
|
|
 Re: تكرار البوستات هل هو هواية أم عادة أم ضرورة ؟؟؟؟ (Re: Amira Elsheikh)
|
السلام أستاذنا أبوبكر,,
صباح الخير,,| Quote: غايتو الخلاّك تكتب بوست شئ ما هيِّن فعلاً. |
لاحظت لكثرة تكرار البوستات فى موضوع واحد وأغرب ما لاحظت
يوم أمس هو خروج أحد الإخوة من بوست وبعد مداخلته مباشرة ليفتح بوست لا يختلف عن المفتوح أصلا فى أى شى ولم أفهم لماذا!!!Quote: غايتو واحــــد من الجماعة ديل مرّة جــــــدع لينا خبر وقلت أناقشه فى بعض جوانبه ... الكلام دا لما تأرشف البوست صاحبنا
ما رجع ليهو تانى. |
دى مسألة بقت عادية والبعض أدمنها ومسخا زاتو لكن الحقيقة أن بعض الناس يهتم بإيصال الخبر والمعلومة وهذا أصلا غير مطلوب منه نقاش ما أورد ولكن المشكلة فى النوع التانى الذى يتوجب عليه الحوار والنقاش ولكن لسبب ما قد يجد أن من
الأفضل له إستعمال نظرية التجاهل التجاهل أو الهروب والشتات| Quote: ,,,,نسيت حاجة واحـــدة: وهى ظاهرة إجترار البوستات كل ربع عن ذات الموضوع وبعناوين مختلفة.... غايتو فى واحــد كدا لو لقيت لىّ فرصة "أقلع" منو لبانتو البلوكها لينا كل مرة ...تكون ما قصّرت. |
إذا كان الموضوع ذى فائدة وموضوع مهم فليس من مشكلة والمصيبة الكبرى أن يكون من العينة إياها والتى للأسف تجد رواجا هنا ولا
أحد يملك أن يقول شيئا بحجة الديمقراطية وتنوع الأفكار والكتابات!!!!!!!!!! مش قالوا منبر حر الديمقراطية لنا ولسوانا,,,| Quote: يعنى يا بت الشيخ دلقنا مداخلتنا دى فى الخور ... نحتسبها يعنى ؟ |
الهجمة الأخيرة كانت مرعبة وشرسة وغير أخلاقية بالمرّة,, ودخلت الناس وصاحب المنبر فى حرج بالغ وقد تؤثر بشكل مباشر فى مصداقية المكان خاصة أنها كانت هجمة طويلة جداااااااااااااا بحسابات التكنولوجيا,,
ياريت لو الهكر بجى هنا يكتب كلام أى كلام يقولو حلو بعد الشافو الناس منو فى الأيام الفاتت!!!!
الأخلاق راقدة فى مسشفى الخرطوم عنبر 9 من الخُلعة,,,, نتمنى لها العافية...
مودتى
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
| Quote: الهجمة الأخيرة كانت مرعبة وشرسة وغير أخلاقية بالمرّة,, ودخلت الناس وصاحب المنبر فى حرج بالغ وقد تؤثر بشكل مباشر فى مصداقية المكان خاصة أنها كانت هجمة طويلة |
أيمن سلامات
إذا عُرِف السبب بطل العجـــب ... لأن المنبر ناجح وذا مصداقية كانت الهجمـــة مختلفة هنا... وهى لن تزيد الناس إلا تماسكاً وإصراراً على
الكتابة هنا.... ولكن فعلاً حبذا لو اُتيحت لذوى المعرفة التقنية منّا المساهمة فى مسألة السكيورتى ولذوى اليسار - أقصد النغنغة مع
وجه ضاحك حتى بدت نواجذه - للمساهمة وفى صمت دون منٍ ولا أذى... هل يمكن المبادرة من البورداب و إبتدار حملة بالمسنجر الداخلى ومنع
إبرازها فى العلن خاصة ممن عنيتهم. أنا أعرف رأى صاحب الموقع ... ولكن لأنه تعنينا أيضاً مسألة الأمن هذه ... أعتقد أنه لا بد من
المبادرة.
أن يقوم المختصون منّا بدراسة الحل المقترح وتكلفته .... وتوزيعه على تجمعات البورداب وأن تأتِ المساهمات دون أسماء حتى لا يكون
هنالك حرجاً فى تطبيق اللوائح عندما يكون الأمر ضرورياً لتطبيقها بدون أن تكون هنالك فرصــة لأحدهم للمن؟!!
أعتقد أنك من اللذين لديهم إلمام معقول بالتقنية وحبيبنا ( بوبا) وطبعاً لديك إلمام بالباقين ؟ هل أنا أهرِف ؟!!!
Quote: إذا كان الموضوع ذى فائدة وموضوع مهم فليس من مشكلة والمصيبة الكبرى أن يكون من العينة إياها والتى للأسف تجد رواجا هنا ولا
أحد يملك أن يقول شيئا بحجة الديمقراطية وتنوع الأفكار والكتابات!!!!!!!!!! مش قالوا منبر حر الديمقراطية لنا ولسوانا,,, |
تعرف الكتابة فى المنبر زى تجربة الديمقراطية عندنا، وتحمل نفس سمات تكويناتنا السياسية .... كلما تستمر الكتابة سيتعرّى البعض ...
وسيزداد الإحترام للبعض .... وسينكشف بعض الحافظنها والموهموين بالتفرد... وفى النهاية يبقى ما ينفع الناس وما يستجيب لتطلعاتهم
اليومية بعيداً عن التنظير والشوفينية.
واصــــل فى هذا الخيط.
| |
|
|
|
|
|
|
|
|
 Re: تكرار البوستات هل هو هواية أم عادة أم ضرورة ؟؟؟؟ (Re: أبوبكر أبوالقاسم)
|
هارون دياب يا صاحب,,Quote: تصدق ....
انا زاااااااااااااتي لاحظته
وبرضو لم افهم لماذا!!!!!
المهم....بس الواحد يورم الفشفاش كيف......؟
|
وعملت ميت عشان صاحبك صهيونى وكدا
نحن مفروض نتعلم نوفر الفشافيش وباقى العتاد,,,
ياخ أنا عندى سؤال يا هارون بره الموضوع!!!
حسب علمى مش فى جمعية ومركز سودانى فتح هنا فى الدوحة
مركز حدادى مدادى ومجهز بكل الضروريات!!!!
المناسبات والفعاليات السودانية كلها فى مركز أصدقاء
البيئة لمتين؟؟؟؟؟؟؟؟؟؟
لو كان عادل التجانى عسل حقو نخلى فيهو شوية!!!
بعض الحرج قد ينتج بضغطنا على الجمعية ومرافقها,,,
ولا ما كدا؟؟؟؟
مودتى,,
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
الحبيب أيمنوف
تحية طيبة لك للمتداخلين
فعلاً الموضوع مهم ويجب مناقشته
لكن مولانا ماترك ما نبوح به ولو همس
كباية شاي الفطور تأخرت لذا سوف نتأخر في المداخلة معك ومع ناس قطر ( أميرة ودياب )
وناس مسقط الرائعين ( مولانا )
بعدب ماتنزل كباية الشاي في الجوف بنرجع ليك
دي أعتبرها شوق لحبيب فتح بوست بعد مدة طويلة
تحياتي ومودتي
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
حبيبنا ايمن الطيب ،
جيت ارد عليك بي هناك لقيت نفسي بكتب في السهلة لوول
بالنسبة لي موضوع تكرار البوستات دي مش هواية لكن انا باعتبرها عادة وليس ضرورة ومن خلى عادتو قلت سعادتو
والموضوع مش في البسوستات فقط يعني اسع لو مسكته الكورة تلاقي هلال العاصمة وهلال الثغر وهلال الحيصاحيصا
مريخ العاصمة مريخ جوبا ومريخ كادوقلي والمورده القضارف وعطبرة دي الكورة
لو جيت للسياسة ح تلاقي حزب الامة جناح الصادق وحزب الامة جناح مبارك الفاضل اها كمان لو مشيت سوق امدفسو
ح تلاقي عشرة بتاعة شاي بي لقيمات قاعدين جمب بعض وبتاعين الفول عشرين جمب بعض ويكون واحد بدا الشغلانة
اها كمان واحد جاب ليهو رقشة البلد كلها رقشات واحد عمل امجاد البلد كلها بقت امة الامجاد
واحده عرسوها وزوجها مقتدر شوية وجاب ليها موبايل في الشيلة اها تاني مافي واحدة بتعرس الا بي موبايل في الشيلة
واحد اشترى ليهو عربية من الخليج ومشى باعها في السودان وربح فيها دريهمات بعد يومين ميناء بورتسودان كلو يتكدس بي نفس العربية ونفس الموديل ونفس اللون القزاز لازم يكون اتوماتيك لووول
عشان كده ياحبيبنا متلوم الناس ديل على التكرار الشغلانة متشعلقة في الجينات بتاعتهم
بس بنطلب منهم طلب لمن يقلدو ينجضو الشغل كويس بالمناسبة انت ماملاحظ جيل الشباب الجديد كلو فنانين ومداحين
اسع انا قلت افتح بوست تاني للموضوع ده لانو طويل لكن اتذكرت فجاة انو الموضوع بتاعك زاتوووو بتكلم عن التكرار وقالوا كترت التكرار بتعوج المسمار لووول يكه
تحياتي ياراقي
زاتوووو
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: ALZOLZATOO)
|
أستاذنا ابوبكر,,
أتمنى أن يكون تفاؤلك فى محله | Quote: تعرف الكتابة فى المنبر زى تجربة الديمقراطية عندنا، وتحمل نفس سمات تكويناتنا السياسية .... كلما تستمر الكتابة سيتعرّى البعض ... وسيزداد الإحترام للبعض .... وسينكشف بعض الحافظنها والموهومين بالتفرد... وفى النهاية يبقى ما ينفع الناس وما يستجيب لتطلعاتهم اليومية بعيداً عن التنظير والشوفينية. |
ما تحته خط هو بمثابة أحلام حقيقية من أجل أجواء صحية او على الأقل بها الكثير مما ينفع الناس,,,, مستويات الإحباط مرتفعة جداهذه الأيام والأجيال الجديدة لا تؤمن بالآمال أصلا ولم يسمعوا بالقول (ماأضيق العيش لولا فسحة الأمل,,| Quote: واصــــل فى هذا الخيط. |
أتمنى أن يواصل الجميع فى هذا الخيط ويقتسم الجميع هنا مواصلته,,,الشغله محتاجه جهود مشتركة لعدم التفرغ التام
تحياتى
(عدل بواسطة أيمن الطيب on 04-21-2009, 09:07 AM)
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
خالد محجوب المنسى,,
,,Quote: فعلاً الموضوع مهم ويجب مناقشته
لكن مولانا ماترك ما نبوح به ولو همس |
أتمنى أن يفيد النقاش,,
المنبر يعد من أكبر المواقع ولكن فى بعض الأحيان تحدث فيه اشياء تدل
على عدم إلإنضباط أو عدم الإلتزام بقوانين ولوائح المكان,,
مشتاقين يا حبيب ومنتظرين,,
مودتى
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
شكرا أيمن..
وهناك تساؤل يحيرني:
ما الذي يمنع شخص دخل على بوست.. من التعليق بإبداء رأي أو كلمة أو مشاركة؟
هل هناك تكتلات ومجاملات في هذا المنبر؟
لماذا نجد أن عدد المداخلات يقل بنسبة كبيرة جدا تصل إلى 5 في المائة من مجموع المشاهدات؟
أقترح تحديد سقف معين للمشاركة..
يعني كل واحد مسموح ليهو 15 بوست في الشهر..
واقتراح آخر.. أي واحد تقل مشاركاته عن 100 في الشهر
يتم سحب الباسويرد..
ولا شنو؟
| |
|
|
|
|
|
|
|
|
 Re: تكرار البوستات هل هو هواية أم عادة أم ضرورة ؟؟؟؟ (Re: أيمن دياب)
|
سلامات يا زول,,Quote: عشان كده ياحبيبنا ماتلوم الناس ديل على التكرار الشغلانة متشعلقة في الجينات بتاعتهم
بس بنطلب منهم طلب لمن يقلدو ينجضو الشغل كويس بالمناسبة انت ماملاحظ جيل الشباب الجديد كلو فنانين ومداحين
اسع انا قلت افتح بوست تاني للموضوع ده لانو طويل لكن اتذكرت فجاة انو الموضوع بتاعك زاتوووو بتكلم عن التكرار وقالوا كترت التكرار بتعوج المسمار لووول يكه |
ولا تنسى تكرار أسماء الأحياء خاصة فى الخرطوم تبعا لإفرازات مرحلة معينة فيوما ما كانت الرياض والطائف وقاردن سيتى والمعمورة واليوم وصلنا البراحة والدوحة وأنساك من ناس بعقوبة وقندهار وطبعا هذا يدلل على حبنا للتقليد وضعف ملكات الإبتكار والإبداع رغم ثراء الموروث الثقافى وضخامته,,, بخصوص البزنس وتركيب العطور والإتصالات والركشات فحدث ولا حرج وهو مايعرف
بال Monkey Business ,,,تماما كما القرود تقلد بعضها وغيرها دون ملل,, بس لكن قصة تكرارات الكتابة قصة تحير ومازلت أحاول فهمه إنت لما تجى تلقانى فاتح نقاش فى موضوع والكلام فيهو كملان أصلا والموضوع من أساسه أفرغ من نفسه!!!!!!!!
كيفن يا الحبيب تمشى تفتح جبهة جديدة والقديمة لسة قاعدة تعاين ليك وتعاين ليها ويباركو ليك ويباركولى
تحياتي يا راقى إحساسك بس لووووووووول يكة دى يوم حا نفتح ليك فيها بوست منفصل وقايم سدارى من هنا للبحرين,,,
وهذه بمثابة دعوة لمن يأنس فى نفسه الكفاءة
مودتى,,
| |
|
|
|
|
|
|
|
|
|
Re: تكرار البوستات هل هو هواية أم عادة أم ضرورة ؟؟؟؟ (Re: أيمن الطيب)
|
والله ياايمن جانا الحوص من افتراع البوستات وتكراره
زول فتح موضوع محدد الناس تنهي عنده الشغلانة وتجي مارقة
مش
لكلكلك لكلكلك لكلكلك
هسة بوستات الكهربا دي نعمل ليها شنو؟؟؟
نحن غايتو قلنا ما مارقين من ام سبعة صفحات اي بوست تاني
كيفك انت
ود ابوالقاسم والله مشتاقين
اميرة الشيخ ما مشتاقين
| |
|
|
|
|
|
|
| |
أيمن الطيب
أبوبكر أبوالقاسم
haroon diyab
خالد علي محجوب المنسي
حيدر حسن ميرغني
ALZOLZATOO
GamarBoBa
عمران حسن صالح
الطيب عثمان يوسف
فيس بوك
تويتر
انستقرام
يوتيوب
بنتيريست