|
اين اصحاب الترامس؟ بالطول بالعرض اغسطس يهز الارض
|
اصبحنا واصبح الملك لله، سمعة، عمران،الفاروق، الصائم،عبد اللطيف وجميع ال زرقة والمنغمسين في ترامسهم وكبابيهم اتاهم ما تمنيناه لهم بالامس على يد اغسطس فكانت قوة ابادة ثلاثية فنسوا الكبابي وانطيق عليهم قول الشاعر ان المصائب يجمعن المصابينا.
ربنا يكفيكم شهر الشهور الفيها ايام دي اصله انتوا من اغسطس لي مركب محمد الخامس لاستاد السابع من جونيه بتاع الترجي ولا النجم ما عارف اصلكم ما مارقين. والله بعد كدا الواحد يخاف يتكلم مع اي هلالابي ويذكر له رقم او شهر. المساكين بيتعقدوا.
|
|
|
|
|
|
|
|
Re: اين اصحاب الترامس؟ بالطول بالعرض اغسطس يهز الارض (Re: محمد عمر الفكي)
|
يا جماعة حصص التربية الوطنية وين الليلة واستاذها منو؟ اصله ما بتذكروها الا لما تنهزموا، يومنا الننهزم، السفوة، البعيوات ، الصهيانة وزول واحد بجيب سيرة الوطنية مافي، يومكم التنغلبوا الواحد يخشي ليه بوست كورة يلقاه كله مواعظ ونصائح وتوجيهات وارشادات التقول في ادارة التوجيه المعنوي، يومكم التغلبوا بتجيبوا زول يلملم اليافطات دي كلها وهاك يا ردحي في المريخ حتى لو هزمتوا فريق هلال زيكم، بس العاجبني فيكم حرصكم، الزول بتوصوا ما يرمي اليافطات والشعارات بتقولوا ليه لمها في المخزن بنحتاجها.
عمران لقيته من الصباح خاتي لينا خريطة السودان في البروفايل!!!! قلت معذور الفاروغ شال حاله واغسطس كمل الباقي. بس بالجد لقيت بوست مفتوح من امس الجماعة شغالين فيه مجموعتنا ياتها ونحن راس مجموعة والاهلي ممكن يطير لينا النجم والمريخ يمكن يقع معانا في نفس المجموعة، بس الظاهر عليها كانت سكرة نهارية كاربة ما فكت الا المغيرب.
| |
|
|
|
|
|
|
|