|
|
|
 Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: SHIBKA)
|
قبل كل شي
وبرفقة السلامة
اودع الحبيب القريب
وكما قالوا رب اخ لك
محمد خليل ساني .....
وفي القلب حرقة لعدم تمكني
من حضور عرس الموسم.....
لكن الشباب ماحيقصروا معاك لانك تستحق
والعفو والعافية ياحبيب
ربنا يخضر دربك.....
والف سلامة في كل خطوة.....
وبالعديل والزين
وشربات الفرح
وفي انتظارك انت وبنت الخالة
لعمل دمار كبييييييييييييييير
يابتاع الدمارات انت....!!!
بالمناسبة:
تاني دمار روماني وروسي مافي
دمار ملوحة سااااااااااااااكت
الله معاك ياالحبيب
وقدر نيتك يديكـ
ودمعة اجبارية لا اخجل منها
تستحقها ايضاحزنا
لفراقك ياالغالي
وقطعا .....
سنلتقي لنحتفل ونحتفي
دعوات ام البنون
والكتاكيت تسبقك وترافقك حتي
تحقق المراد
كن هكذا دائما
| |
 
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: haroon diyab)
|
Quote: قبل كل شي
وبرفقة السلامة
اودع الحبيب القريب
وكما قالوا رب اخ لك
محمد خليل ساني .....
وفي القلب حرقة لعدم تمكني
من حضور عرس الموسم.....
لكن الشباب ماحيقصروا معاك لانك تستحق
والعفو والعافية ياحبيب
ربنا يخضر دربك.....
والف سلامة في كل خطوة.....
وبالعديل والزين
وشربات الفرح
وفي انتظارك انت وبنت الخالة
لعمل دمار كبييييييييييييييير
يابتاع الدمارات انت....!!!
|
الحبيب هارون دياب
صدقت عزيزي الغالي
رب أخ لك لم تلده أمك
ياخ كلامك بـ يريّح البال
والله الواحد ما عارف من غيركم يعمل أيه
صحبه ولا أحلى ،،، الناس قلوبها صافيه
مافى حاجه تعكّر دواخل وصفو الناس
الكل تجمع على الحب وبالحب وليس غيره
والله تصدق المدام نفسها تجي سريع للدوحه
قالت عايزه تتعرف على الناس الطيبه دي
غايتو يوم دمار هنا ويوم دمار هناك
وإنشاء الله يوم دمارنا الحقيقي ما يجي
ههههههههههههههههههههههههههههههه
تسلم يا جميل
وإنشاء الله دمارنا الكبير لمن نرّجع
واللمه وقتها راح تكون أكبر وأكبر
مع عظيم التقدير والإمتنان.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: haroon diyab)
|
Quote:
بالمناسبة:
تاني دمار روماني وروسي مافي
دمار ملوحة سااااااااااااااكت
الله معاك ياالحبيب
وقدر نيتك يديكـ
ودمعة اجبارية لا اخجل منها
تستحقها ايضاحزنا
لفراقك ياالغالي
وقطعا .....
سنلتقي لنحتفل ونحتفي
دعوات ام البنون
والكتاكيت تسبقك وترافقك حتي
تحقق المراد
كن هكذا دائما |
الحبيب هارون دياب
تعرف يا جميل الدمار راح يكون موجود
ومن كل الأنواع كمان ومن كل الصنوف
روماني ،، روسي ،،، ملوحاوي
ومن كل نوع كمان لو عايز
بس خليك قريب وخليك على إتصال
عشان نكون وتكون فى الصوره
هنا وهناك ،،، إتفقنا ،،،
مع عظيم التقدير والإمتنان.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: haroon diyab)
|
دي مبلوعة ومقبولة كمان
Quote:
سلام ياابو سريع
ومنك جفلة عديييييييل
ودعوة
من ام امنية .....
انشاء تنفعكم وبالصحة والعافية
ودائما تحت خدمتكم.....
|
ودى دعوة مقبولة لحبيبنا ود الطيب
وربنا يخلى ليك عيالك
قول آآآآآآآمين
Quote: وياريت نعمل ملوحة الدمار بتاعتك
وانت في طريقك زي حبيبنا ساني
دعوة ولية ساعة مغربية |
دي بقى تشوفها فى المشمش
الزول ده ما مفكّر فى أى حاجه
زمان أديناه فرصه
بس زولك مشى قضّاها حوامه ساكت
عشان كده تلقاها فى المشمش
مع عظيم التقدير والإمتنان.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: محمد خليل ساني)
|
ساني ياغتيت
Quote: حليلك يا أبوبكر على
الزول ما سمعك
كان ذكّرك الكسره الناشفه بالزيت
الليله ديك ما بتنساها يا ود الطيب
مش كده ،،، ولآ أنا غلطان
|
والله من اجمل ما اكلت في حياتي تلك الكسره بالزيت
زي الملوحه بتاعتنا دي
كانت روعه عارف ليه عشان كانت الصحبه جميله
والطعم البتتزوقو طعم الالفه والمحنه الفي الزول ده
صحبه وخوه في الله ياربي يعيد جلستنا تاني وتالت ورابع
ابوبكر علي والله ياساني مفتقدو شديد
صاحب جميل بكل معاني الكلمه ربنا يديم خوتنا ونتلاقي ساعة خير
تحت تحت : ____________________
سلم عليه شديد واحكي ليه الحاله
وقول ليه التلفون التاني برضو لحق امات طه
والتلفونات الفيه كلها راحت
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: ALGARADABI)
|
Quote: قول ليهو صور رومانيا لاتزلا في جيبي
شايلنها لي عوزة
لزوم الابتزاز وكده
خلي يعرس ويجي بس
|
لا حول ولا قوة إلا بالله
مالك علينا يازول
ما تخلينا نكمّل ونجي
مالك عايز تجهجهنا من حسي
هههههههههههههههههه
تعرف ما فى حاجه راح تفيد
أحسن الصور دي تشوف ليها صِرفه تانيه
أخوك عامل حسابه على أى حاجه
عشان كده مافى خوف
ههههههههههههههههههههههههههه
تسلم كتير يا جميل
مرورك عسل عدييييل
ياريت لو كنت معانا
وياريت لو كنت مشاركنا
بس الجايات أكتر
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: elameen)
|
Quote:
ده المحيرنى انا زاتي يا منى واكد ليك شال ليه
صرفه منى قبل شهرين قال دائر اكمل نصف دينه
ونحن بنسال كم نصف دائر اكمله.
انشاء الله ربنا يسهل ليك طريقك.
|
لا إله إلا الله محمد رسول الله
مالك يا الأمين
الواحد ما يصرف ولآ شنو
غايتو صرفتك دي محل ما راحت ما عارف
على فكره ما عندك لى واحده تانيه
ياريت لو سمعت كلام صحبك عماد
تسلم كتير على مرورك الجميل
وإنشاء الله نتلاقى فى لحظات الخير
وموعدنا مع العودة إنشاء الله
مع عظيم التقدير والإمتنان.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: محمد الطيب حسن)
|
Quote: وضحيه الكان ضيف في بيته
|
فعلا كانت ليله جميله وتشرفنا فيها بحضوركم البهى وازدان منزلنا المتواضع بتوجدكم بيننا
كعادته فى الضبطوالالتزام كان العريس العريس اول الحضور وبعده جاء معتز القريش
ثم جاء بعده الدنقلاوى القح هرون دياب بعد ان تاه وتوهنا معه وهو يحمل معه الملوحه
ومعه الاخ محمد الطيب متأبطا كاميرته. ثم الاستاذ عادل التيجانى ثم الاستاذ الفنان
محمد السنى وعقيلته .ثم الشاب الوجيه حسام(صحافة30).
ثم جاء الفوج الثانى بقيادة كمال سالم والزعيم ابو ساندرا والاستاذ هاشم الادريسى
والاعلامى عبدالرحمن ابوشيبه.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: كمال ادريس)
|
Quote:
لكن التركين ده بعيد عن الدناقلة لعدة اسباب اولها القراصة نص بوصة بس فيمال القياسية عند الدناقلة ست بوصات وأعلى ... تانياالصحن ليس احترافي والقياسي ان يكون غريقا عريضا شيال... رابعا وين الشطوط!!.
ساني شكلو ظابط الموعد مع مؤتمر الاعلاميين في الخرتوم.
أها .... كده كيف ياشباب. |
هههههههههههههههه
غايتو يا كمال ذكرتني قصة الكديسه واللبن
قاعد توصف لى فى المعايير المطلوبه
وعايز تطلع للملوحه شهادة الآيزو العالميه
ونحن لهطنا ما لذّ وطاب من القراصة والملوحه
ودليل القهر والحسره
بعدين تعال هنا
مواعيد شنو اللى مضبوطه مع المؤتمر
أخوك عنده مؤتمر برااااااهو
غايتو جاييك بكره فى جده
جهّز روحك ،،، ورانا لف كتير
مع عظيم التقدير والإمتنان.
| |
|
|
|
|
|
|
|
|
 Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: محمد الطيب حسن)
|
ياكمال ادريس يا شارلوت هولموز (النسخه المصريه كرومبو )
Quote: اضبط خيانة....
لكن التركين ده بعيد عن الدناقلة لعدة اسباب اولها القراصة نص بوصة بس فيمال القياسية عند الدناقلة ست بوصات وأعلى ... تانياالصحن ليس احترافي والقياسي ان يكون غريقا عريضا شيال... رابعا وين الشطوط!!. |
والله فعلا كلامك صحيح وذلك نسبه للاتي
اولا الملوحه صناعه دنقلاويه 100% لكن القراريص مشكوك في امرها
نسبه لانها اتصنعت في بيت ضحيه
وثانيا بالنسبه للصحن يازول انت قايلنا قاعدين في دنقلا
ثالثا دي ماكتبتها طوالي نطيت لرابعا
رابعا الشطوط دي اهم حاجه يازول راجع الصور تاني واعدل النظاره كويس
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: عبدالرحمن عبدالله أبوشيبة)
|
ملوحة الدفعة الثانية على شرف العريس
أبو ساندرا - يا ربي جيت قبل الميعاد ولا الزمن غفلني زاد
من اليمين هاشم الادريسي - كمال سالم - عبدالرحمن أبوشيبة - أبوساندرا
الادريسي وكمال سالم وآخر مزمزة
يستعينون بالليمون لاشباع البطون
السني وصحافة 30 والتخمة باينة على السني والشاب صحافة " الصبي ريكة ".
كمال سالم يقول لمحمد خليل - ياخي جننتنا كل سنة ماشي أعرس ،، وخليل يرد عليه : أنا لو عرست إنتو بتلقوا ملوحة تاني وين.
هاشم يغرف وكمال يكوضم وأبوشيبة يحذر من الكوابيس وفي الخلف ضحية يجري عملية إحماء للسني للشوط الثاني.
سالم وساني وبعد الشبع تسمو المعاني وحلو الأماني
الشاب الظريف محمد الطيب ،، مكاواة شدييييييييدة للعريس ساني.
اللهم احفظنا من التخوم ولا تجعل فينا شقيا ولا محروم
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: كمال سالم)
|
Quote:
محمد خليل إنشاء الله بيت مال وعيال والف مبروك
وربنا يتمم على خير .
والدمار مافى الملوحه ,, الدمار فى ريحتها المن
أمبارح ماعايزه تفارقنى .
أتارى ناس هارون دياب ديل بستهلكوا ( الخمره )
بكميات كبيره ,, وأنا أقول ... |
الزعيم كمال سالم
تسلم يا جميل على كل حاجه حلوه
والله الواحد كان سعيد شديد بحضوركم الأنيق
اللمه كانت تستاهل بجد
والملوحه ريحتها دماااااار كمان
بس حكاية إستهلاك الخمره دي فيها قولان
بس شايف أصحابك هربوا من الإجابه
خليني أكمّل المراسم وأجيك راجع
ووقتها أكيد راح تكون إجابتي جاااااهزه
مع عظيم التقدير والإمتنان.
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: ضحيه ابراهيم)
|
Quote: فعلا كانت ليله جميله وتشرفنا فيها بحضوركم البهى وازدان منزلنا المتواضع بتوجدكم بيننا
كعادته فى الضبطوالالتزام كان العريس العريس اول الحضور وبعده جاء معتز القريش
ثم جاء بعده الدنقلاوى القح هرون دياب بعد ان تاه وتوهنا معه وهو يحمل معه الملوحه
ومعه الاخ محمد الطيب متأبطا كاميرته. ثم الاستاذ عادل التيجانى ثم الاستاذ الفنان
محمد السنى وعقيلته .ثم الشاب الوجيه حسام(صحافة30).
ثم جاء الفوج الثانى بقيادة كمال سالم والزعيم ابو ساندرا والاستاذ هاشم الادريسى
والاعلامى عبدالرحمن ابوشيبه. |
الحبيب ضحيه إبراهيم
صاحب البيت الكريم
والله الواحد سعيد كتير بإستضافتكم الكريمه
مع مجموعة طيبة وكريمة من بورداب الدوحة
الواحد ما عارف يقول شنو
الواحد تمتّع بالصحبه وتمتّع باللمه الحلوه
وربنا يقدرنا على شكركم وجزاكم
ربنا يخلى ليك كتاكيتك الحلوين
ويبارك ليك فى زوجتك أم العيال
غايتو عملتو خلطه عجيبه
ملوحة صناعة دنقلاوية
وقراصة ما أروعها
ربنا يبارك ليكم فى رزقكم
ويزيدكم كمان وكمان من نعيمه
اللهم آمين
مع عظيم التقدير والإمتنان.
| |
|
|
|
|
|
|
|
|
 Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: محمد الطيب حسن)
|
مبروك للعزيز/ محمد خليل سانى،
وإن شاء الله بيت مال و عيال
وشكراً لصاحب البوست و التحية ليه و مداخليه الكرام....
-----------------------------------------------------------
كان دى صورة الخطوبة،، ما شاء الله،، عينى عليكم بااااردة
أسمحى لى من هسع أحجز العروسة البكــر لسليمان ولدى
و كان عندكم شجر كبار من جنس ده فاضل ، كلموناااا، عندنا ليه بصار
تحياتنا للعروسة و للخطيبة الفى الصورة ،،( لو كانوا نسختين)
عين الحسود إن شاء الله ما تسود و عين الشيطان فيهامرواد
ش
| |
|
|
|
|
|
|
|
|
|
Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: انوار عبد الوهاب)
|
كتب ابوسليمان اخونا شكري
Quote: كان دى صورة الخطوبة،، ما شاء الله،، عينى عليكم بااااردة
أسمحى لى من هسع أحجز العروسة البكــر لسليمان ولدى
و كان عندكم شجر كبار من جنس ده فاضل ، كلموناااا، عندنا ليه بصار
|
اسي عليك الله دي ماحقاره منكم
يعني نحن نعرس للناس بس ونقعد نتفرج
ويجي سليمان اخوي يشيل الجمل بما حمل
الشغله حجوزات ولا شنو
اكان كده انا حاجز بالطوبه دي وخاتي تحته كيس كمان
علا بنخلي ليكم الشجر الكبار باصروه زي ماعايزين
قناطير مقنطره من الود
| |
|
|
|
|
|
|
|
|
 Re: محمــد خليل سانــي يودع اخوته متوجها للسودان لاتمام نصف دينه (( توجد ملوحه دمااار )) (Re: محمد الطيب حسن)
|
يا ســـــــــــــــــــــــــــــــــــــــــلام
ولدنا ود ساني دخل عش الزوجية من تاني
ياخ انا لسه فرحان ليهو مما عرس العرسة الاولي
انشاء الله تكون دي آخر عرسة ليهو وتاني ما يتنيها
الف الف مليون مبروك ليك اخي وصديقي محمد خليل ساني للزواج المبارك
انشاء الله بيت مال وعيال
وعقبال ما نفرح باولادك يا رب
واعتذر بشدة لعدم تواجدي في السودان لحضور هذا الزواج الجميل
لكن انشاء الله التقيك في ساعة خير
ربنا يديك العافية يا ود ساني ويمتعك بشبابك
الف مبروك مرة اخري.
| |
|
|
|
|
|
|
| |
محمد الطيب حسن
حسين عوضاى
SHIBKA
haroon diyab
محمد خليل ساني
العوض المسلمي
Muna Khugali
ALGARADABI
عماد الشبلي
ضحيه ابراهيم
كمال سالم
كمال ادريس
motaz
عادل عبدالعزيز عبد الرحيم
عبدالرحمن عبدالله أبوشيبة
محمد عبد الماجد الصايم
فيصل محمد خليل
ممدوح أبارو
شكرى سليمان ماطوس
انوار عبد الوهاب
ASHRAF MUSTAFA
Amin Mohamed Suliman
أبو ساندرا
فيس بوك
تويتر
انستقرام
يوتيوب
بنتيريست