|
|
|
 Re: عبدالعزيز عصفور يناديك ساطور (Re: الفاتح يسن)
|
الشغل دة يا الفاتح وقع لي في جرح
دة بكا عديل
الات بتبكي
بتبكي وممغوصة
انا بالنسبة لي بفهم حاجة واحدة انو الشغل دة سمح
وعايزك تعرف كمان اني بكيت والله عديل وأنا بسمع في
المقطوعة دي !
يا الفاتح الله يخليك ويخلي ساطور
ولعصفور الخلود
ياخ انا شاكر لك بشكل شخصي
| |
 
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
ربما مضي عصفور بجسده عزيزي الفاتح لكن روحه ستظل باقية ! خالداً (مالئاً كل زمان ومكان في بلادي)
مناداة ساطور في تقدير تأكيد علي بقائه علي الاقل بينكم كرفاقه وبيننا كمعجبين !
ياخ البوست دة اريتكم يا الفاتح تحولوهو لي حضور حقيقي لي عصفور وتوثيق لسيرة هذا الرجل الفنان
أكتبوا لينا عنوا ! نحنا الما لمينا فيكم الا في التسجيلات القديمة والأشرطة المعلبة !
أكتب يا الفاتح أكتب
| |
|
|
|
|
|
|
|
|
|
Re: عبدالعزيز عصفور يناديك ساطور (Re: ترهاقا)
|
| Quote: شكرا اخي خضر عصفور رحمه الله فقد عظيم كم كان يجمل ليالينا ويدخل البهجة في نفوسنا رحمه واسكنه فسيح جناته شكرا للوفي الصديق ساطور الذي ترجم فقدنا لعصفور بمناداته وكم كان ينتشي عصفور وهو يداعب مفاتيح الاكورديون وهزة كتفيه طربا له الرحمه |
تحياتي اخي الفاتح ورحم الله عصفورالخالد فينا بفنه الاصيل و باحساسه ..
Quote: سبب هذا العمل الموسيقي لحب المرحوم لهذه الاغنية وكان دايما كلامه معاي إنو بيشوف عبقرية
وردي في الاغنية دي ، وفي ليلة من الليالى تزكرت المرحوم وطوالي بديت اشتغل في الاغنية دي
وكانت كمرثية وتبادل حوار مع شخص عزيز |
وفا لاهل الوفاء ..
اداء رائع..
تقديري اخي ساطور..
ورحم الله عصفور.
اميقو.
حامد عثمان.
وليت الاحساس يورث...
| |
|
|
|
|
|
|
|
|
|
Re: عبدالعزيز عصفور يناديك ساطور (Re: عبد الرحمن حمد النيل)
|
رحم الله عصفور النوبة... الزمان زمان أخضر وعبدالعزيز حسن محجوب الفتى النحيل صاحب الإبتسامة الجملية والأصابع الرقيقة تداعب جهاز الأكورديون فى قمرة الدرجة الثالثة فى القطار المتجه شمالا من الخرطوم الى وادى حلفا... طلاب المنطقة النوبية من حلفا الى دنقلا فى مدارس وادى سيدنا الثانوية والخرطوم الثانوية وعطبرة الثانوية... كان العصفور يغرد بالأكورديون ... آلة موسيقية عجيبة لم نراها من قبل... آلة مثل القربة تنتفخ وتنطبق ثم تنتفخ لتخرج اصواتا جميلة... كان دلك فى النصف الثانى من ستينات القرن الماضى... كان عبدالعزيز يداعب الجميع بابتسامته الجميلة ووجه الصبوح وتكتمل اللوحة الموسيقية... حرمت الحب والريدة... أخادع نفسى بى حبك وامنيها... ما تخجلى ... وقطار الشمال ينهب الأرض نهبا ويتلوى مثل ثعبان طويل لا يمل من الجرى وعندما يقف ... نهرع الى المحطات الفقيرة لنتقاسم الشاى سادة والطعمية (طع100) والبيض المسلوق ... ونبحلق فى وجوه بعضنا والغبار قد غير ملامحنا.... عبدالعزيز بشعره الكثيف والأسود وقد تحول الى رجل اشيب من غبار السفر ... احمد بدرالدين (صيصاب) يلعب بالعود (اين هو الآن) ومحمد بدر حسن من موركة يغنى ... ونحن الشيالون خليط من الأصوات الجميلة والأصوات النشاز (وصوتى كان من الأصوات النشاز)... وعند حلفا ينتهى الغناء ونتفرق ايدى سبأ بين عباس بيبس ودهب تينة وهاشم و زبير يونس وتبدأ رحلة عبر العتمور ... وتتسابق اللوارى فى بود احمد كارة ... نصل الى شلالات عكاشة وقهوة حسن طه ومن هناك نفترق ويواصل عبدالعزيز حسن محجوب (عصفور النوبة) وزملاؤه الرحلة الى جوف النوبة وتلافيفها... لقد احببناك يا عصفور حيا وندكرك وانت فى رحلة الخلود... رحمك الله ايها العصفور النوبى الجميل الدى رحل مبكرا الى الحديقة الأخرى... حديقة الخلود...
نورالدين منان
| |
|
|
|
|
|
|
|
|
|
Re: عبدالعزيز عصفور يناديك ساطور (Re: Mannan)
|
عصفور
حلق في مسام الروح
ايها الفتىالفمحي
النحيل الممشوق القوام وطويل
مثل النخلة
عصفور يا حامل المسك والعطر والبخور
والفرح والبسمة المضيئة
وجرابك مليان بالحكايات المدهشة
والنكات النادرة ..
كان يأتينا كل يوم بحكاية
عن شخصيات من قرى مجهولة
ناس بسطاء احلامهم بسيطة ونوادرهم ظريفة
ظرفاء معجونين بي موية النيل
وعسل الأزهار البرية
ناس كل واحد فيهم بطل حقيقي
عند عصفور حينما يتحول الى حكواتي
تعيش فينا حكاياتهم ويتوهجون
عصفور دائما حينما يهل عليك مثل نجمة
تسبقه ابتسامته تضئي المكان
وحينما يحضنك بجسمه الرقيق
يحتويك بحنان الدنيا كلو
وتسكن جوانحك السكينة والأمان
عصفور انسان تأمنه على الدنيا وما حوت
طفل ضل طريقه الى هذه الحياة المعقدة فمنحنا البركة
ومضى ...
له الرحمة والمغفرة والجنةمثواه
ولكم يا اصدقاء الوفاء
الفاتح وساطور
محبتي الأبدية..
| |
|
|
|
|
|
|
|
|
|
Re: عبدالعزيز عصفور يناديك ساطور (Re: محمد سنى دفع الله)
|
الراحل العزيز عبدالعزيز حسن محجوب { عصفور }
زول ما أظن بيتكرر تاني
ما أظن الزمان يجود بمثله مرتين
على الأقل وسط ابناء جيلنا
إنسان حقيقي
عطوف وخدوم وحنين
برغم صناعته للفرح
وجسارته
فإن دمعته السخية تنحدر لأقل سبب
ف عصفور احساسه راقي وعالي
يا عصفور
وراك الليل صبح ليلين
ترليون رحمة ومغفرة تتنزل على روحك الرقيقة
| |
|
|
|
|
|
|
|
|
|
Re: عبدالعزيز عصفور يناديك ساطور (Re: أبو ساندرا)
|
يا اعز عزيز ...الف رحمة و نور تنزل عليك ...عبد العزيز عصفور كان و سيظل زول كل الناس ...عبد العزيز انسان الزمن الجميل و لقد فارقنا فقط بجسده لكنه سيبقى جوانا الى الابد ....
الاخ العزيز الفاتح شكرا ليك فانتم فعلا اصدقاء اوفياء ...واصل تكتب كل ما لديك عن عزيزنا الغالى ربما نعطيه و لو قليل مما يستحقه من ولاء ...
الاخ العزيز ساطور لا تتوقف واصل فى مناداتك اكيد عزيز يسمعك.... موسيقاك الصادقة اكيد حتصل اليه و انا متأكده انو حيكون مبسوط و مرتاح بوجودكم دائما .... لا تنسوه ابدا عزيز كان دائما لا يبخل باحساسه لكل من حوله...
الله يرحمك يا عبد العزيز بقدر عطائك و طيبتك ...
| |
|
|
|
|
|
|
|
|
|
Re: عبدالعزيز عصفور يناديك ساطور (Re: Manar Mahsoub)
|
Quote: بكا عديل
الات بتبكي
بتبكي وممغوصة
انا بالنسبة لي بفهم حاجة واحدة انو الشغل دة سمح
وعايزك تعرف كمان اني بكيت والله عديل وأنا بسمع في
المقطوعة دي !
يا الفاتح الله يخليك ويخلي ساطور
ولعصفور الخلود |
إبن الخال الفاتح
سلام كبير
عشت مع اللحن و مع كلمات خضر و سرحت بعيد و في خيالي تطفو ذكرى المرحوم
رحمه الله
واصل يا ساطور التوثيق ربنا يديك العافية
| |
|
|
|
|
|
|
|
|
|
Re: عبدالعزيز عصفور يناديك ساطور (Re: Manar Mahsoub)
|
لمj تكن كنيته "العصفور" حين التقينا في نهاية 1959 في اولي وسطي بحلفا الاميرية .. كان عبدالعزبز حسن محجوب خفيف الوزن والظل مبتسما دائما انيقا مهتما بهندامه وشاطرا .. لكن اهم ما شد كثير منا في ذلك الزمان البعيد نحوه هو "الصفارة " والتي لم تكن تفارقه مطلقا ...كان يشجينا بالصفارة في الجمعيات الادبية وفي الداخلية متما ما سمحت الظروف فامر الدراسة والمذاكرة والمظاهرات ( فلقد كانت راتبا مهما في حياتنا تلك الايام رافضيين مع كل اهلنا الرحيل والسد العالي ) كانت اولي الاهتمامات ولذا وعندما تعدينا علي معرض خشم القربة (وكان معرضا ترويجيا لمنتجات زراعية لمشروع خشم القربة )وخربناه حيث كان مجاورا لسور الداخلية فلم يجد الناظر الا ان يرسلنا الي بيوتنا انبقي هناك عدة اشهر ثم نعود للامتحانات النهائية وقد كان وعدنا ونصبت خيمة كبيرة في حوش المرسة رصت فيها الاسرة لننام فيها ويتم حراستنا حتي لا نعتدي علي المعرض ثانية .. واتي عبدالعزيز ومعه الصفارة وسريرينا متجاوريين يعزف لنا بعد نهاية كل امتحان وتفرقنا بعد ذلك والتقينا في المرسة الثانوية وفي الخرطوم واستمرت علاقة حميمة جميلة ثم هاجرت في الربع الاخير من سبعينات القرن الماضي وصار لقاؤنا موسميا مرتبطا بحفلات وردي في الخليج وكانت اخر حفلة رايته فيها في 1988 ولم نلتق بعد ذلك حتي نعاه الناعي فبكيت كثيرا وترحمت علي العصفور الجميل الانيق الفنان الذي رحل .. لك الرحمة
| |
|
|
|
|
|
|
|
|
|
Re: عبدالعزيز عصفور يناديك ساطور (Re: أبو ساندرا)
|
عصفور
اسمو كده ..
وطبعو كمان
فنان فى كل الاحوال
عصفورنا ,
راكى .. طاير
فرحان.. زهجان
ذات العصفور
الدمعه عندو تتنوت بسمه
تتعزِف امطار
تنزل غيماته علي النوار
يا ود يا نوبى
انا لا قيتك
الوش ضاحك
والدنيا نهار
والاقدام رغم الزحمه
مازالت راقصه
على الطار
.
.
سلا م للكل الناس الفُل على شرف العصفور
.
.
| |
|
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
عصفور..
واسطة عقد الفرقة الفريدة .. و صااحب البسمة الطروبة
فى زمن حمل خطى و أوزان درر متفردة .. و سرعاان ما أن نفضها عنه
و كأنه إستكثرها على نفسه و عليناا .. ليبقى قصر العمر ذكرى
و طول الذكرى حياة أخرى .. هى الأطول
هى الأبقى !!
مشوار عصفور مع وردى هو كمشوارنا مع الطرب فى ليلات و أمسيات تحكى للنيل و الأنجم و النسمات
أنا كنا نطرب ليلاً حتى يتعذر أن نقبل فرض أن يتلى الليل صبااح
و عصفور يرسل ما يحمله الخااطر عبر البسمة و أحرف لم نكن نسمعها .. ليميل وردى برأسه حتى يوارده الخااطر
يستمع لهمسات عصفور باذنه .. و نسمعها نحن باعيننا و الأنفاس
ليحدد عصفور نواصى الحفل و يدندن "أرحل"
يملك أعصاب جميع النااس .. و الإحساس
بنااديهاااااا
و هل ناادت غير الذكرى فيناا .. و ناداها زمن الطرب النااهى الآمر
سمعاً .. طااعة
لاا تقبل أبداً عصياان
لعصفور الرحمة .. و لذكراه طيباً أبدى البقاء
الفاتح يس
تحية و تقدير لحس صاافى ..
و لساطور جل الإعزاز ..
| |
|
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
عبدالعزيز حسن محجوب ..
أو (عصفور السودان الثاني)..
ذاك الفتى الذي شع في حياتنا..
هكذا فجأة ..
ثم خبا بأسرع مما كنا نتوقع..
وهو الذي كنا نشاهده يزوى رويداً رويداً..
عوزاً وفاقة ومرضاً وجوعاً وبرداً..
دون أن نقوى على فعل شئ يذكر للفتى..
.. هو الطالع من غابات..
ومن وديان ومن شهقة جروف النيل..
مع الموجة الصباحية
بشاشة وبهجة ونكتة وضحكة
بريئاً كطفل
ومموسقاً كوتر
عبد العزيز حسن محجوب
ياطفلنا الذي جرحه العدا
أضعناك..
وأي فتى أضعنا
فيا لخيبتنا
و(تفو) علينا!
سلامي ياساطور وفاتح.. وما أخباركما
| |
|
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
Vأبوبكر شكرا لتزويدنا بالمعلوات القيمة عن الراحل المقيم عصفور تسلم
خطاب بعد الكلام المعبر الصادق ماعندي ليك جواب تسلم ياجميل
أستاذنا الموصلي لك الاحترام وحقو تكتب كده عن الراحل وتسلم
الاخت ليلى عزالدين التحيه والاحترام للكلام الجميل والايام الجميلة تسلمي
| |
|
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
عرفت عصفور منتصف الثمانينيات حيث ربطته صلة وثيقة
بشقيقي نصر وامتدت هذه العلاقة لروابط اسرية لم تنفصم عراها
بموت عصفور.كان عصفورانسانا جميلا بكل ما تحمله الكلمة من معني
صاحب طرفة فريدة وحاضرة لا تمل الجلوس ايه وما ان يقدم الليل يعطر هذا
العصفور سماوات وجوده بالغناء والطرب كان شخصا مفعما بالفن والجمال
مليئا بالصفاء النفسي والروحي.
ان من اطلق عليه لقب عصفور كان شخصا يعرف مكنونات الانفس فلقد كان عصفورا
بحق ملا سماواتنا بكل جميل وهوي ونحن في اشد الحوجة اليه.
شكرا الفاتح شكرا ساطور علي هذا الصنيع المدهش.
لماذا لا تذكروا ملح وطرائف عصفور وهي كثيرة؟
| |
|
|
|
|
|
|
|
|
|
Re: عبدالعزيز عصفور يناديك ساطور (Re: الفاتح يسن)
|
الاستاذ الفاتح ياسين
صباحاتك ندية..
يصعب أن تجد الكلمات المناسبة لتتحدث عن عصفور...
فقد عرفت هذا الانسان الجميل عبر صديق العمر محمد أحمد عباس "حموده" ابن شقيقته...
وأمضينا ليال لا تتكرر ...
الشخص الوحيد الذي يمكن في معيته أن تكتشف أن كل كدر الدنيا قد اختفى...
___
استمتعت بالسماع إلى هذا العمل التحفة عبر الهاي فاي بالمنزل، بعد أن قمت بتحميلها في USB ،، لاحظت أن
البيز عالي جداً ، أو الايقاح المصحوب بالبيز... ما اضطرني إلى تخفيض البيز إلى أقل مستوى ممكن ..
ودمتم...
سيف بشير
| |
|
|
|
|
|
|
| |
الفاتح يسن
خضر حسين خليل
ترهاقا
Mannan
محمد سنى دفع الله
أبو ساندرا
ابو جهينة
abubakr
khatab
Elmosley
ليلى عز الدين
حسن الجزولي
عبد الحكيم نصر
Sidgi Kaballo
saif basheer
فيس بوك
تويتر
انستقرام
يوتيوب
بنتيريست