الجنيات الغابت جابت: ياسر مبيوع...فنان بكمال وقامة القمر

Quote: استاذى الموصلى كل المحبه والاشواق وجهت لك دعوة للسودان من خلال البرنامج فنحن والجميع يحتاجك الان تحياتى لك وللاسره الكريمه وكل الاحبه بطرفكم]

Quote: الحبيب ياسر باذن الله لو مشت الامور صاح ساكون هناك اما في ديسمبر من هذه السنة او ياناير مطلع السنة القادمة وطبعا انت عارف اتلسبب عليك الله ياياسر سلم لي علي حبايبي ال بركيه وال جعفر وناس حسن ري وعلي الخال وعبد العزيز وهاشم بيز وحسن حامد وكل من لم تسعفني الذاكرة لتحيتهم ولا تنسي صديقي العزيز هاشم حسن عندو اغنيه خطره اسمها مالو كان ياقمر ياداير الله نزل ليك ضفاير لحنها البديع الذي رحل عنا البدري صالح صدقني الاغنيه دي في صوتك حتطلع ملهلبه تحياتي وطبعا انا زعلان منك لانك مارسلت لي البتاعات

Quote: ياسر سيتبوأ مكانة عالية لما له من ثقافة عاليه واعتداد بالنفس وقدرة ممتازة على التلحين وثوت رخيم يتلاعب به كيفما شاء وعوده ديفيزيو فلكما هميم الود

Quote: شكرا حبيبنا نزار على اطرائك سعدت اليوم باطلالتى على اهلى من خلال الحلقه تحياتى وتقديرى العميق لك

Quote: ياسر فنان جميل بس داير اعرف اخبار اشراع الدهشة اتجه وين؟

Quote: من الأعماق وبكل صدق كل الأمنيات الطيبة للفنان ياسر مبيوع بالنجاح والتألق عهدناك جميلا قلبا وقالبا فللوطن عليك شئ من جمال صوتك وألحانك لاتحتاج لشهادة وتحكيك

Quote: كان واثق الخطئ وهو يدندن بالأمس فى قناة النيل الازرق ,, أعتقد جازما بأن ياسر مبيوع سوف يكون فى زمان قادم مثله وعثمان حسين وإبراهيم عوض ووردى ود الامين وكل العظماء الذين عمروا الدواخل ,, سير سير يا .....

Quote: كان واثق الخطئ وهو يدندن بالأمس فى قناة النيل الازرق ,, أعتقد جازما بأن ياسر مبيوع سوف يكون فى زمان قادم مثله وعثمان حسين وإبراهيم عوض ووردى ود الامين وكل العظماء الذين عمروا الدواخل ,, سير سير يا ..... شكرا لصاحب البوست ولكل الذين عبروا من هنا ,,,

Quote: ياسر فنان جميل بكل ماتحمل الكلمة من معانى له منى الف تحية وشكرا لصاحب البوست ولكم منى جميعا كل الود

Quote: (*)

Quote: أخى د. مبيوع أداء متميز جعلنى أنقب عن أغانى آخرى لك فى اليوتيوب. كل المنى و آذان صاغية. إبراهيم عبد الحليم

Quote: ياسر مبيوع عندما تنساب منه روائع الكلِم معجونة بألحانه الملائكية، ينقلك إلى عالم لا نهائي من الجمال والإبداع. كانت جمعتنا جمعتين: تلك التي سمونا فيها بأرواحنا إلى الله ، وتلك التي سمى فيها ياسر بأرواحنا إلى عالم الملائكة. كم جمّلت دواخلنا ياسر وأعدتنا إلى ذلك الزمن الجميل. شكراً ناذر.

Quote: صوت قوي ،، كلمات منتقاة،، ألحان جميلة،، عزف عود رائع ،، زول وجيه الحصيلة : فنان متكامل ،، = حبة رجفة وبتروح بعد شوية،، = حكاية مريخابي دي بس المشكلة في المشروع دا!!! = تهانينا يادكتور ، وشكرا نزار ،،

Quote: نزار حبيبنا صباح الخير عارف يانزار مبيوع ده بخش الدواخل طوااااااااااااااااااالي وبدون استئذان مشروع كبير لفنان طموح يمتلك رؤية لمايريده ولايستعجل النجومية..... البعد عن الوطن اعتقد بانه السبب الرئيس لعدم انتشاره بالصورة التي يستحقها عطفا علي ابداعه. اتمني صادقا ان يستغل ياسر وجوده بالسودان للوصول الي الاعلام وقطعا لايحتاج الي الكثير لوضع القدمين في طاولة القمة الغنائية السودانية ........ لماذا.... لانع مبدع حقيقي. وانت هلالابي جمييييييييييييييييييييييييييييييييييل وهو مريخابي راااااااااااااااااااااااااااااااااائع لك وله كل الود

Quote: الجنيات الغابت جابت

Quote: بالصدفه المحضه كنت من المحظوظين الذين استمتعوا في تلك الامسيه بالحان و أداء المبدع ياسر مبيوع و للحقيقه و التاريخ و انا لست من المختصين في النقد الفني الا انني سكرت حد الثماله بما قدمه مبيوع في تلك الحلقه فنان نقلني الي الوراء لاكثر من عقدين من الزمان حينما كنا نستمتع بجلسات استماع الرائع الراحل الباقي في دواخلنا مصطفي سيداحمد فنان يملؤك رغما عن انفك بالدهشه و صوت اذا سمعته لا يمكن أن تكتفي منه بالقليل اتنبأ له بمستقبل باهر في في هذا الضرب من الابداع ليعوض هذا الفراغ الكبير بعد رحيل العديد من الذين اُثروا الساحه الفنيه في بلادي ألف مبروك للوطن بهذا الفتي الجميل و الي الأمام

Quote: إنت الجيب بس قايلو قميص أفرنجي وكرتونات كرملاّ؟ لالا وحاتك .. حاشا وكلاّ وفي جراب الحبيب ياسر مبيوع الكثير. لك التحية يا مبيوع والتحية لسيد البوست

Quote: ياسر مبيوع...فنان بكمال وقامة القمر

Quote: لم أحظ بمشاهدة كامل الحلقة .. ومع ذلك أراهن عليها وعليه .... ياسر فنان حتى ولو لم يغني .. الرجل فنان لأنه الله خلقه كده ..! فنان في طبعه .. وفي شفافيته .. وفي إحترامه وتقديره لمحدثه حتى ولو لم يكن ذلك المحدث بمستوى المتحدث معه أو الحديث نفسه .. تجده رقيقاً وخافتاً صوته في أي نقاش ... أكثر ما يقلقه تنامي حدة النقاش - أي نقاش - وتطوره في طريق الخلاف والمشادة .. أما من ناحية ياسر الفنان الغناي .. فهو غناااااااااااااي لمن غلط ... ويكفيه وتكفينا شهادة فنان وموسيقي علامة بقامة الموصلي .. وكفى ...

Quote: في دي صدقت يا نزار. بس مشكلة ياسر إنو بعيد عن السودان

Quote: سلام يا نزار يا فنان أخاطبكم اليوم باسمي الحقيقي بعد أن انتزع الهكر ( الله لا بارك فيه) كنيتي العزيزة.

Quote: ياسر زول غناي غنا شديد. أنا عندي ليه حاجات أرجو أن يتسع وقي لاضافتها في هذا البوست.

Quote: سلام يا نزار يا فنان أخاطبكم اليوم باسمي الحقيقي بعد أن انتزع الهكر ( الله لا بارك فيه) كنيتي العزيزة. ياسر زول غناي غنا شديد. أنا عندي ليه حاجات أرجو أن يتسع وقي لاضافتها في هذا البوست. ويا صديقي ياسر ياخ أظهر لينا في المسنجر مرة وبالعدم كدا ادينا أخبارك في الأيميل. مودتي يا اصدقاء

Quote: في دي صدقت يا نزار. بس مشكلة ياسر إنو بعيد عن السودان. يعني لازم يرجع، زي ما رجع مصطفى السني. كفاية ترحال يا ياسر: ريتشموند، دوحة، قاهرة!! وخلونا نحلم بزمن جميل آتْ.

Quote: والزمان عارف مصيرنا حقو لي ما كان ( يجيييييييييييييبك) دي مبالغة يا مبيوع (نزلت وطلعت معاها وكأنك بتأديها بي ريشة صوت) (ما شاء الله) ما تقوم من النوم صوتك باحي وتقول دا انا

Quote: اخي نزار والله ما قلت عين الحقيقه. لم اقابل الاخ ياسر من قبل ...اتمني ذلك ولكن من اول مره رايته في قناة زول . انسان يجبرك علي احترام ما يقول تحس بانه عنده قضيه وفكر رغم اني لا اعرف توجهاته لكن زي ما قال اخونا زي الملاريا بتحسها ...!! هو مثال للفن الجاد ربنا يوفقه ..