|
|
 إلي حبيبي خضر حسين خليل ( العريس ) و إلي ( مولانا ) خدر أبو عبيدة ( الفنان )
|
.
فزلكة تاريخية:
قرر صاحبنا خضر حسين خليل
إنو يفارق السعودية ( بنين ) و العزوبية
و يرجع شهر سبعة شان يطهر راشد
و الذي منو عشان لقاء الحبيب المنتظر .
ــــــــــــــــــــــــــــــــــــــــــــــــــــــــــــــــــــــــــــــــــ
قام صاحب أصحابنا و ( مولانا )
طارق أبو عبيدة ود الكلاكلة صنقعت
بإبتدار مبادرة إسفيرية لدعم هذا المشروع
و كتب البوست :
تبرع بأغنية , تنقذ عريس و تبني اسرة
حيث تداخل كل الشعب
مؤيداً و مسانداً و داعماً لعرس أخينا خضر حسين
أحدهم تبرع بالصفقة حين وصول العريس إلي أرض المعرض ( أقصد النادي )
و أخري تبرعت بالزغرودة
و آخر تبرع بمسك الكشف
و آخر تبرع بحفر الحفر و تنصيب الصيوان ( ما أصعبها من مهمة - أنا مجربا )
و أخينا كدا ما عارف جهبز نفسو لي توصيل الحسان بعد الحفل .
و قد طالب ( مولانا ) خدر أصدقائه و زملائه و أولاد دفعته
بأن يحييو حفل هذا العريس ، حيث أنه لن يتمكن من الحضور
من هولندا في ذلك الزمان .
ولكن خدر الفنان و كل المتداخلين نسوا أعظم
مهمتين في مشروع عرس ( خضر حسين )
ألا و هي - وزير العريس -
و سائق سيارة زفة العريس .
ولم يعلموا بأن الأمر هنا محتكر لنا
زفة العريس و وزارته .
ــــــــــــــــــــــــــــــــــــــــــــــــــــــــــــــــــــــــــــ
الغريب في الأمر أنني مستمع جيد لغناء ( مولانا ) طارق أبو عبيدة
من شاكلة هذا الغناء:
لا وردة في المطر الكثيف
لا عشبة نادها البحر
أمونة الفة واشتعال
بت من شرار نار الله
في الزمن الجليد
مسكونة بطيبة نبي
وذرة عناد
في إيدها الوان مدهشة
رسمت فراشة على الشفق
وصبية نازلة مع الرحيق
من وردة شكلتها السحب
..... وعصافير في الافق
مرتحلة لي وطن بعيد
وامونة بتحب السفر والليل
الليل وأطراف المدن
ومهوسة باللون والظلال
في كل كراريس الرسم
كتبت :
انا وانت احتمال وارد
في ذاكرة العشق لكن
وغيبت العمر في الظن
وبقيت في غربة
وأمونة رحيلها مع النفس جواي
فترت من الشعر غنيت
ملاحمها في الشجر ضحكت
وقالت لي
حبيبي بسلم إيديك
نراقص نجمة نص الليل
تدور بي مع الريح في مطر غائب
وأحبك لو قدرت تكون
وأحبك لو قدرت تكون
ــــــــــــــــــــــــــــــــــــــــــــــــــــــــــــــــــــــــ
و لا أعتقد بتاتاً أنه يصلح للتغني به في
الكلاكلة القطعية أو ما جاورها من حلال حتي صنقعت
ــــــــــــــــــــــــــــــــــــــــــــــــــــــــــــــــــــــــــــــــ
يوم عرس خدر يا خدر
حيكونو فنانينك العزمتهم هبل
في القطعية .
عيب لي العربية
و الجلابية البيضة و مكوية
و الصفقة الصفقة يا حبان
|
|
 
|
|
|
|
|
|
|
|
Re: إلي حبيبي خضر حسين خليل ( العريس ) و إلي ( مولانا ) خدر أبو عبيدة ( الفنان ) (Re: ريهان الريح الشاذلي)
|
| Quote: امووت واعرف الحصل شنو.. |
ما دايره موت إنتي كمان ..
الراجل سيد الكارو الرسلوهو يجيب الدوا ..!! متذكراهو ؟
مسك ليك خضر كسرو ليك كسرة مالو ما جا ..
سلموهم كلهم نقطة النظام العام بتاعت الذخيرة و المفرقعات ..
غايتو شادية الليلة ديك بكت بكا .. و مخاخيت و : أخوي .. جيبو لي أخوي ..
إنا لله .
أنيس صباعو إتفكّ اليوم داك لما فلت من البوليص و قام جاري .. و موسى لقوهو نايم جوه عربية الصهريج القديمة .
خليك عاقلة و ما تجي عرس خضر ..
التهور ما كويس ..
....
معاوية ازيك ياخ ..
ليك وحشة .
| |
|
|
|
|
|
|
|
|
|
Re: إلي حبيبي خضر حسين خليل ( العريس ) و إلي ( مولانا ) خدر أبو عبيدة ( الفنان ) (Re: GamarBoBa)
|
.
موسي عظيم النوبة
الروقة من عنديكم
تتذكر يا موسي حلاتنا في الغربي أياميها
تتذكر أم بدة و زقاق الشاي
و نجيلة المسرح و شجرة الأركان
و كافتيريا عباس حيث الأكل بي بلاش
و كلسة الفنون و التلة .. آآآآآآآآآآآآه ... التلة .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غنا الشوايقة يا موسي بقيت بسمعو لوحدي و براي
و ما بركبو معاي في كاست العربية نهائي
حفاظاً علي ذوق الآخرين الذين معي في عربيتي
ودا كلو في إطار محاربة الجهويات يا محس هويييييييييي .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الزرقة الأباها المهدي
دا مثل بسمعو من زمان لكن مدلولاتو شنو ما عارف
المهم زرقة الشوايقة دي محال تتمحي .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سادس حزبنا يا موسي قريب و شديد كمان
و بأمر الخامس العدا .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خدوري دا يا موسي لامن يجي خليك قريب لي
.
| |
|
|
|
|
|
|
|
|
|
Re: إلي حبيبي خضر حسين خليل ( العريس ) و إلي ( مولانا ) خدر أبو عبيدة ( الفنان ) (Re: أيزابيلا)
|
ما تتطهّم ..
شباين دي لغاية جنا جناك ما ح تعرفا .
ما تركّز كتير .. اليدوك ليهو و إنت قاعد في ( الكُوشة ) تاكلو و بس ..
يعني الشباين دي ح تكون أكعب من ( التركين ) ؟؟
و أقول ليك شي .. ما تبشّر زاتو , خليك قاعد تتكشم و بس .
نحنا ح نجي نهزّ فيك و نمشي ..
في زول ح يجي يهبشك من تحت ( الصيوان ) مره مره .. تمد يدك و تشيل بهدوء و تكشح جنباوي .. زي المافي شي .
و ترجع في مسماك تتكشم ..
و الكُحُل ما تكتر منو .. ح تضطر تقُش وشك و عيونك ..
و ده ممكن يجلط ليك الكحل يمرقك آخر الحفلة ككويه بس .
الكلام ده افتكر واضح .
.....
يا شادية النظام العام في الديم بقى جنبو جنينة سمحة ..
المكرفون فوق راس بيت ناس البوليص , و العشا علينا ..
تعالي ندورا ليهو بهناك ..
و الكمده بالرمده .
| |
|
|
|
|
|
|
| |
معاوية كرفس
GamarBoBa
فيصل محمد خليل
osman righeem
خدر
Hawari Nimir
خضر حسين خليل
Mohamed Idris
elmahasy
سارة علي
abdulhalim altilib
ريهان الريح الشاذلي
Emad Abdulla
الارقم عبدالله طلب
نهال الطيب
انعام عبد الحفيظ
أيزابيلا
أبو ساندرا
باسط المكي
فيس بوك
تويتر
انستقرام
يوتيوب
بنتيريست