|
|
|
 Re: حبيبي مفلس... (Re: د.نجاة محمود)
|
جيل الابناء والبنات جيل مادي لا تعني له المعنويات قدر ما تعني له المادة
تذكرت تلك الايام الندية في حياتنافي مطلع سنوات الثمانين
حين كانت المادة هي آخر ما نفكر فيها.ربما لان في ذلك الزمن لم يكن هناك دش ولا روتانا ولا يحزنون
لم نسمع بعيد الحب ولا نعرف الحياة السمحة الجهل احيانا سمح
في فالنتاين دي الفات كنت اتحدث مع طالب اتى لتوه من السودان
قال لي بكل فرح والله ماليزيا رخيصة في الحب
فجعني قوله وافكاري مشت بعيد بعيد بعيد شدييييييييييد
الولد المصيبة دا بقصد شنو؟!
فقال شارحا تعرفي يا خالتو الوردة في الخرطوم بكم؟
(تنفست خالتو الصعداء)
لا يا ولدي بكم؟
ذكر لي مبلغا خياليا يكفي في زمنا داك ان تشتري عربية
اييييييييه روح يا زمان وتعال يا زمان
زمن الف الطوب يه الفين طوبة وجوز الحمام تلاتة ايه ايه
كان ان اصابك سهم كيوبيد وبقيت مقتول في حوش الفنون الجميلة وانت تدرس في معهد الموسقى
في العمارات .. ستبدا رحلتك لتتمتع بنظرة وترجع منهزم
ان تركب ظلط شارع واحد وستين ثم تشاقق الديوم ثم تشاقق بالسجانة الى ان تنبل قرب ابو حمامة
ثم تركب الظلط تاني حتى تمرقها في سك العملة(التي تعبنا من سكها)
وتنط بالحيطة وترااااااااااااا تلقي نفسك في فنون
ولسان حالك يغني بساسق بالدريب الجاي بحداكي واقول يمكن يصادق مرة القاك وينشرح قلبي الاصلو حباك
صدفة بتكسر خ11
جد سكة غير دربك تفتر...
_____
خ11 تعني كداري
| |
 
|
|
|
|
|
|
|
|
Re: حبيبي مفلس... (Re: د.نجاة محمود)
|
Quote: قال لي بكل فرح والله ماليزيا رخيصة في الحب
فجعني قوله وافكاري مشت بعيد بعيد بعيد شدييييييييييد |
د.نجــاة
عودا حميدا وألــف حمد لله على الســلامة
تحياتي واحترامي
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
والل يا دكتورة حكاية الفلس دي
بقت حالة عامة في البلد
عشان كدة الحكومة
خصصت للحبيبين المفلسين ديل
الحدائق العامة
انفاذً لشعار
مجانية الحب
يعني في ناس
تحب أنها تحب بي قروش
وناس تحب مجان
فلينظر كل منا الى حبيبه .
حمد الله على السلامة
| |
|
|
|
|
|
|
|
|
|
Re: حبيبي مفلس... (Re: عمر التاج)
|
دكتورة نجاة
كيف الحال
Quote: عشان كدة الحكومة
خصصت للحبيبين المفلسين ديل
الحدائق العامة
انفاذً لشعار
مجانية الحب
|
ياراجل
تحياتي
زاتوووو
| |
|
|
|
|
|
|
|
|
|
Re: حبيبي مفلس... (Re: ALZOLZATOO)
|
الزول ذاتو هني؟
مش قالو الما عندو لسان شقي وفلسان؟
غياتو انت ما فلسان ومازل يحضرني لسانك الطويل داك..
الحكومة ما قصرت عملت العرس الجماعي لما ما نفع عملت حدائق حبيبي مفلس..(وش غامز)
مودتي يا راجل
| |
|
|
|
|
|
|
|
|
|
Re: حبيبي مفلس... (Re: عمر التاج)
|
ازيك يا دكتورة..وازاي الاولاد والبروفيسور...لهم تحياتي...
كدي اتخيلي معاي...يا دكتورة لو كانت حدائق بينانق الخضراء وغزيرة
وكبيييييرة وفااااااضية...ونجيلتها...خضرتها بااااااردة...
لو كانت في السودان؟
حا يكون عندنا كم دار مايقوما؟
الناس ديك عايشة وشايفة...وحدايقها فاضية
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
الأخت العزيزة نجاة
آخر ما كنت أتوقعه أن تجي السودان وتسافري
وما تفي بوعدك لي
باللقاء
الغريبة أن تطاوعك نفسك تخاصميني
الحقيقة يا نجاة أنا لسة ظانة فيك خير كثير
وكان نفسي الآقيك
لكن تعرفي أهنيك على قساوة القلب الجديدة لنج دي
وإن شاء عدم شوفتي وشوفة بناتي تنفعك
لكن أقول ليك حاجة؟؟
لو لقيت أي طريقة بجيك في ماليزيا كية عليك كدة أشوفك
تطفري بالشباك؟؟
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
تعرفي كدة يا دوك الواحد يقوم يفك اخره
ما لك مقلبها علينا المواجع
عشان كده حأخرج من النص وادخل ليك في فلس المجنون
والمجنون ده واحد في حلتنا يهمهم الكلام قليلون هم الذين يفرزون كلماته
ولا ادري ان كنت محظوظا او غير ذلكز
المهم يوم التقيته في الدكان يريد ان يشتري شيئا
وعبثا حاول البائع ان يفهمه
سالته يا فلان انت عايز شنو
من همهمته عرفت انو عايز حلاوة اشراقة وعنده تعريفة وااااااااااااااااااااحدة
شلتها منها وقلت لسيد الدكان حلاوة اشراقة
سيد الدكان ادانا الحلاة
بس الموضوع ما انتهى
لان اخون همهم لي تاني
قال لي
الباقي وينو؟
| |
|
|
|
|
|
|
|
|
|
Re: حبيبي مفلس... (Re: خدر)
|
الأخت د. بيان
مرحبا بعودتك. سعدت جدا بمشاهدة اللقاء مع أسرتك في قناة الجزيرة و شعرت بفخر حقيقي و أنا أستمع للدكتور إبراهيم يتحدث. سبحان الله... ليست لدي وسيلة لمشاهدة قناة الجزيرة لكن شاء الله لي أن أكون في المكان و الزمان المناسبين لمشاهدة اللقاء معكم بغير سابق تدبير مني.
| |
|
|
|
|
|
|
|
|
|
Re: حبيبي مفلس... (Re: Elawad)
|
حدائق حبيبي مفلس هو اسم يطلق علي كل حديقه عامه
فهي لا تكلف الحبيب المفلس سوي حبات تسالي او فول مدمس
رغم انها اعطت الخرطوم بعدا جماليا وخضره تسر الناظرين
الا انها اصبحت لا تصلح للاسر . حيث اصبحت ملاذا للعاطلين والمتسكعين
ازيك يا دكتوره .. والف حمدا لله علي السلامه
سلامة وصولك سالمه .. وسلامة رجوع الباص ويرد .. وسلامة عودتك للمنبر
| |
|
|
|
|
|
|
|
|
|
Re: حبيبي مفلس... (Re: عمر صديق)
|
ضحك خدر على :
| Quote: (تنفست خالتو الصعداء) |
كم انت ثاقب الذكاء دقيق الملاحظة يا فنان
طبعآ{ خالتو ) بتكون راحت بعييييد شدييييد
| |
|
|
|
|
|
|
|
|
 Re: حبيبي مفلس... (Re: أبو ساندرا)
|
حبيبة القسا
والله حبيبي مفلس دي فيها جنس خلطة ما حصلتش
مشكلتها الوحيدة الجكس بشل حالك لو قعدتوا فيها
الواحدة تقول لو جابوا سيرتك
بِس خليني منو الناقص المتباقص
حق البارد ما عندو
وحاة الله تاني تكون سيرتك علي كل لسان
يعني قصتك ح تكون بايظة
لكن ميزاتها لو كنت قرفان وما عندك موضوع
وعندك خاصية توش المعورفة
تتوكل علي الله وتخش شمال
والأمور بتمشي معاك تمام
ودي لافيها حق مواصلات
لاحق كريمات
يعني ملحاً يجيب الضغط
| |
|
|
|
|
|
|
|
|
|
Re: حبيبي مفلس... (Re: حبيب نورة)
|
الصور:يا د.نجاة
بالرغم سكنى فى المنطقة
ما شايف لى حبيب مفلس
ومن اين جاء المفلس بالبارد والكيكة والباسطة والسندوتش؟
ويبدو هنالك تناقض بين الاسم والفعل!
| |
|
|
|
|
|
|
|
|
|
Re: حبيبي مفلس... (Re: ذواليد سليمان مصطفى)
|
Quote: ومن اين جاء المفلس بالبارد والكيكة والباسطة والسندوتش؟
ويبدو هنالك تناقض بين الاسم والفعل! |
ذو اليد كيفنك
هو في فلس اكتر من كدي ؟
الما مفلس دا بعزم حبيبتو في مطعم زي اروما وانت طالع
وحاتك عيد ميلاد زمنو ساعتين في ناس عملوه في مطعم كلف معاهم 9 مليون
وتقول لي بتاع البارد والساندوتش ما مفلس ؟
نتمني ان لا يرتبط الحب بالماديات فهو عاطفه نبيله وساميه واكبر من كل ذلك
معزتي الاكيده
| |
|
|
|
|
|
|
|
|
|
Re: حبيبي مفلس... (Re: ذواليد سليمان مصطفى)
|
| Quote: ومن اين جاء المفلس بالبارد والكيكة والباسطة والسندوتش؟ |
ذو اليد الف مبروك التخرج وعقبال الماجستير والدكتوراه
دا كلو والحبيب مفلس؟
بالجد من اصعب الاشياء ارضاء حواء
منتظرين الصور بالله
معزتي
| |
|
|
|
|
|
|
|
|
|
Re: حبيبي مفلس... (Re: نوفل عبد الرحيم حسن)
|
الشاب ألاسر شديد الادب والتهذيب
شكرا لحسن استقبالك ومعرفة الناس كنز وانت كنز...
| Quote: الا انها اصبحت لا تصلح للاسر . حيث اصبحت ملاذا للعاطلين والمتسكعين |
والله فكرة الحدائق دي فكرة ما بطالة اذا الاسر آمنت بشم الهوا
شوية شوية بتصلح..
مع المودة والتقدير
| |
|
|
|
|
|
|
|
|
|
Re: حبيبي مفلس... (Re: Elawad)
|
Quote: الأخت د. بيان
مرحبا بعودتك. سعدت جدا بمشاهدة اللقاء مع أسرتك في قناة الجزيرة و شعرت بفخر حقيقي و أنا أستمع للدكتور إبراهيم يتحدث. سبحان الله... ليست لدي وسيلة لمشاهدة قناة الجزيرة لكن شاء الله لي أن أكون في المكان و الزمان المناسبين لمشاهدة اللقاء معكم بغير سابق تدبير مني. |
اخي الاصغر العوض
سعيدة برؤيتك هنا
شايف الناس قطعت الحركة منتظرين الاعتذارات
دون سبب تعرض ابراهيم للاساءات والاتهامات في ذمته وتدبير الانقلابات
دون وجه حق وكنت انت دائماا من المدافعين عنه لذلك يسر الله لك ان تعرف من هو
حقا...
وكيف انه رجل محترم ومقدر في الوسط الاكاديمي عالميا
واهم حاجة ما متجدع بقروش لانقاذ كما يروج هنامن اكاذيب وعرف كل من شاهد الحلقة
انه عالم يحمل شهادات
من ارقي الجامعات.. لا يحتاج لاموال الشعب ليتجدع بها
والحاجة المهمة انه راجل شاب (وش ضاحك)ماكماادعت واحدة هنا اني متزوجة واحد عجوز وكوز عشان
قروشو وعشان يوديني مالزيا كما شاهدت وشاهد الناس اننا ذهبنا الى ماليزيا ولدينا اربعة اطفال
ودي نموذج لاكاذيب السابير الشيوعية
احتاج لمساعدة رفع المقابلة وحينها سانقلها حتى يتعظ من كذب دون خجل او وجل
وخلق سي في لانسان لا يعرفه كجزء من المكايدات السياسية لزوجته
واصلا لا كرامة لنبي في قومه
مع فائق الاحترام
| |
|
|
|
|
|
|
|
|
|
Re: حبيبي مفلس... (Re: ابو جهينة)
|
سلامات ابو جهينة
الحمدلله وصت ماليزيا
الفارق الزمني بينكم وبيننا خمسة ساعات نسبقكم بها.
وحاجتك باذن الله مقضية
مع المودة والاحترام
| |
|
|
|
|
|
|
|
|
|
Re: حبيبي مفلس... (Re: د.محمد حسن)
|
تعرف الناس دائما بفتكرو المجانين اغبياء ومتلفين الزول دا بدقس فيكم
تذكر النكتة بتاعة الزول حق اسعاف مستشفى المجانين
الطرشق لستك وطار كم مسمسار من العجل
والسواق متمحن قام مجنون قاله شيل من كل عجل مسمار
وخلصنا قام اندهش المجنون قاليه انا مجنون ما غبي
اها اديتو زولكم الباقي؟
تحياتي للاسرة
| |
|
|
|
|
|
|
|
|
|
Re: حبيبي مفلس... (Re: nazar hussien)
|
Quote: ...يا دكتورة لو كانت حدائق بينانق الخضراء وغزيرة
وكبيييييرة وفااااااضية...ونجيلتها...خضرتها بااااااردة...
لو كانت في السودان؟ |
سلامات يا ابو الحلوات عامل كيف؟
تعرف الحدائق دي بتحتاج لتوعية جنسية كمان(هاهاهاهاه)
جماعتنا ديل ما مقصرين لكن اوعي ولديهم معرفة البيبيز بجو من وين من سن مبكرة وقصة الوعي دي هي
المجففة بيت المايقومة الليلم
لو الحكومة لسع عايزة تسمع الشيوخ ما اهل العلم من الاطباء وناس الخدمة الاجتماعية والتربية
يكون في كثير من بيوت المايقومة ودفن روؤس في الرملة.
| |
|
|
|
|
|
|
|
|
|
Re: حبيبي مفلس... (Re: عمر التاج)
|
Quote: عشان كدة الحكومة
خصصت للحبيبين المفلسين ديل
الحدائق العامة |
لكن التوجه الحضاري ما عندهم
اسع لو زول مجكس واحدة ذي عندها حساسية من النجايل
يوديها وين رخيص؟
ما عارفة لكن الدخلتنا من ايام قوانبن سبتمبر ديك مامرقت
الى الان احرص تماما ان عدد الاولاد يكون اقل من عدد البنات
واوعى تمشي مع اي راجل ولو اخوك براك بدون ما تكون شايل شهادات الميلاد
حاكم بعد يودوك التلفزيون حتى يشوفو الورق
شروع في الزنا قال
وقلت اشتهيتك يا امرأتي علقني في الخوازيق خصيان هذه المدينة
محمدمحي الدين ذات سبتمبر
فاخشي ان تكون حبيبي مفلس دي شرك بس.
والكشششششششة جااااااااااااااااااااااتكم يا مفلسين
ولك المودة
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
يانخلة من بلادي
والله ليك وحشة شديدة شدة مشتدة خااااااالص
مالك استعجلتي في الرجوع ياغالية ؟؟
كان نفسي الاقيك في ذات الجنينة ونتونس ونتناقش في عدة أمور ياااخ
| |
|
|
|
|
|
|
|
|
|
Re: حبيبي مفلس... (Re: نادية عثمان)
|
يادكتورة نجاة .. عدة محاور مهمة فيما كتبتي ارجو ان تناقش بجدية .. ساتطرق هنا فقط الي "الفلس" و"المال" عموما " ...المال نعمة والعمل من اجله خير ان كان خيرا سبيله وصرفه ... الوليد القال "الحب رخيص في ماليزيا" وهو يقصد ثمن "الزهور الحمراء" والتي ارتبطت عنده بيوم معين للحب (وكان للحب مواعيد ) كما اراد تجار الغرب الذين ابتدعو يوم "الفالانتيين" لجمع مزيد من المال امل ان يتعلم بالاضافة الي الاكاديميات "لماذا الزهور رخيصة في ماليزيا وليس السودان وجزء من السودان صغير يعادل ماليزيا خضرة ومناخا وملايين الافدنة خصبة يمكن ان تجعل "الحب" في متناول الجميع ...؟؟؟ ثقافة " جمع المال بطرق مشروعة وصرفها لاسباب مشروعة وبحساب ؟ " امر لا يعرفه معظم اهل السودان وكم من بلايين من الدولارات تصرف عشوائيا داخل وخارج السودان و"الحب" اغلي من ماليزيا ؟؟؟؟ كان المال في ماليزيا قبل ستة عقود شحيحا ويمكن الرجوع الي صور قديمة وتاريخ لاماكن كثيرة هناك توضح كيف كان الحال متواضعا ؟؟؟ عرف الملاي المال عندما اتي التجار الصينيون الصغار وفتحو محلات تجارية متواضعة ولكنها جعلتهم -اي الصينيين- في مكانة اجتماعية اعلي وكذلك بعض الملاي من اصل عربي او عربي تجارا اتو الي هناك وفتحو كذلك متاجرا ومساجدا فراي الملاي المال في شكله البسيط وتطلعو لان يكون لهم بعض منهم فعمل الكثير منهم ليتحصل عليه وبطرق مشروعة وحافظو علي ما لديهم فالماليزي حريص علي جمع المال واكثر حرصا علي صرفه.. ما يهم الحرص هو صرف المال وبطرق لا تجعل الانسان شحيحا مقترا ........ يصيبني الاحباط والقرف وانا اري اثرياء زمن الهوجة من السودانيين من نساء ورجال ياتون هنا ويصرفون المال في غير ما هو جمع لاجله وبجهل تام عن قيمة ما يشترون .. المال هو نعمة يجب ان تنعكس حسناته علي تصرف الانسان وشكله واهتمامه بالعلم وبمساعدة من يحتاج ولكن للاسف من ملك المال من كثير من اهل السودان اليوم يفعل عكس ذلك .... اعادة الكرامة والهيبة والاحترام للمال امر ضروري لاهل السودان ...
مودتي
| |
|
|
|
|
|
|
|
|
|
Re: حبيبي مفلس... (Re: abubakr)
|
يادكتورة
حمد الله على السلامة
بمشي وبجي احكي ليك قصة البت اللي جاتنا ودعتنا واحنا طلبة في الجامعة
لجمعية اسمها الحب بلا مسئولية
هي جمعية زي حبيبي مفلس دي
برجع
| |
|
|
|
|
|
|
|
|
|
Re: حبيبي مفلس... (Re: SHIBKA)
|
الف حمد لله على السلامة يادكتورة ...
ومشتاقين ..
لما تجي بالمهلة بعزمك في برج الفاتح !!! (حبيبي مقرش شديد)
| |
|
|
|
|
|
|
|
|
|
Re: حبيبي مفلس... (Re: طارق جبريل)
|
| Quote: نتمني ان لا يرتبط الحب بالماديات فهو عاطفه نبيله وساميه واكبر من كل ذلك |
للأسف يا ذواليد هو بقي مرتبط بالماديات..وامكن كلمة ماديات ذاتها "ممطوطه" والمطه نسبيه..
اسه مقابله فيها تسالي وفول وحاجه بارده وقبلها قروش مواصلات ممكن تكون صعبه علي بعض الناس..
وبعدين الحب ده عنده نهاية بدايه؟؟
ولا حب بس ينتهي بوقته لانه المستقبل صعب؟؟
سلام يا نجاة..حمدلله علي السلامه..
| |
|
|
|
|
|
|
|
|
|
Re: حبيبي مفلس... (Re: Muna Khugali)
|
حبيبي مفلس
وابوي عارفنا
حديقتان جديدتان في امدرمان
الاولى تقع شرق منتزه المورده وجنوب الريفيرا ومال قولدن قيت
والثانية في ميدان بيت المال الذي كانت يقام فيه المولد في فترات سابقة
يا دكتورة تحياتنا
كنت قاشر بي حلقاتكم في الجزية
وبقول ليهم انا بعرف الزولة دي
| |
|
|
|
|
|
|
|
|
|
Re: حبيبي مفلس... (Re: Muna Khugali)
|
| Quote: للأسف يا ذواليد هو بقي مرتبط بالماديات..وامكن كلمة ماديات ذاتها "ممطوطه" والمطه نسبيه.. |
سلامة النظر والعيون الجميله يا مني
اذا دخلت الماديات في الحب لا يكون حبا ... يمكن ان يكون طمع . مصلحه . او اي مسمي
الحب الصادق المتجرد الذي به يتحرك الساكن ويسكن المتحرك اصبح نادرا في زمن اللازمن هذا
معزتي الاكيده
| |
|
|
|
|
|
|
|
|
|
Re: حبيبي مفلس... (Re: SHIBKA)
|
Quote: يادكتورة
حمد الله على السلامة
بمشي وبجي احكي ليك قصة البت اللي جاتنا ودعتنا واحنا طلبة في الجامعة
لجمعية اسمها الحب بلا مسئولية
هي جمعية زي حبيبي مفلس دي |
سلامات يا شبكة
عاد مخمنك بالنبي ترجعي
لانه الحب بدون مسؤوليات دي خلعتني خلعة احب رخبص في ماليزيا
الكتبتا عنها...
منتظرنك يا حبيبة انت برضو معزومة حييبي مفلس في ماليزيا
| |
|
|
|
|
|
|
|
|
|
Re: حبيبي مفلس... (Re: نادية عثمان)
|
ندوية ست اللهيج السكري
ما تجينا هنا في ماليزيا والله دا ظلم دا؟؟
تعرفي الزيارة دي كانت زيارة عمل
ما لاقيت البورداب...
يلا تعالي هنا نوديك حديقة حبيبي مفلس الماليزية
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
العزيز ابوبكر
مداخلتك في غاية الاهمية...خاصة لجيل الشباب
الذي صار اهم شئ هو الماديات والمظاهر
تصرف في السودان على المظاهر بصورة مبالغة
الواحدة مستعدة تتحول الى بروستتيوت لتبس وتشتري الكريمات
شخص يبيع نفسو عشان الشك الظاهري
وجي برضو للصرف المهول في الاعراس
وبعدها يعيشون في ديون تضيق عليهم لدرجة الطلاق
الحاجة دي للاسف برعاية الامهات المتعلمات وشخصية مدام بوبار التي صارت هي الشخصية المؤثرة
الكوفير بي مليونين الصور بمليونين الصالة بي 8 مليون
غير الحاجات التانية... انفاق بدون ائدات حقيقية
لازم نبدأ من الان في كنس مؤثرات روتانا حيث التقليد صار عالميا
الجيل دا محتاج لاعادة تكوين,عشان يبقى جيل منتج وما مستهلك
تعرف الصينين الجو هنا ما كانو تجار بل كانو عبيد عديل كدا
كيف صارت طبقة العبيد الان هي المسيطرة اقتصاديا
لان الصيني لا يشتري ما لا يحتاجه
يعني زول ما مستهلك..بعداك يسعى دائما لتحسين نفسه
يبحث عن مهارات جديدة..ويعمل طول الوقت.
منتظرة اشوف بناتي حيختاروا على اي اساس وهل في امكانية اخراج تكساس من الولد
على المثل الامريكي
يمكنك ان تخرج الولد من تكساس ولا يمكن اخراج تكساس من الولد..
مع المودة
| |
|
|
|
|
|
|
|
|
|
Re: حبيبي مفلس... (Re: haroon diyab)
|
سلامات يادياب
دي الا تكون حبيبة برمائية ياخي
بعدين يا ذو اليد مالك برك وين الحبيبة؟
______________
اذا سقطت حروف عن مداخلاتي استغلو كلمات متقاطعة بستخدم كيبورد من المطاط
عشان ما نزعج زوجنا بالطقطقة ولذلك ما ا القى زول كاتب اني بغلط غلطات املائية الكيبورد دا صعب عديل كدا
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
Quote: سلامة النظر والعيون الجميله يا مني
اذا دخلت الماديات في الحب لا يكون حبا ... يمكن ان يكون طمع . مصلحه . او اي مسمي
الحب الصادق المتجرد الذي به يتحرك الساكن ويسكن المتحرك اصبح نادرا في زمن اللازمن هذا
معزتي الاكيده |
ازيك يا نوفل..
انت ما شوفت كلمة "بقي" ديك ولا شنو؟؟
زمنا الحب -والكلام ده كان سنة 1899-كان فسحة تشتري فيها قزازة بيبسي وفول حاجات ترميه جوه القزازه وانت بتتفرج علي الفيلم في السينما..
يقوم البيبسي يفور تقوم انت تضحك وتتكيف وتتفرج علي الفيلم بمزاج وانت بتشرب جغمة البيبسي وتبلع معاها الفول!
وبعدين حبيبي ده ذاته اصبح زوجي بعد كده..قلت ليه ماعايزه مهر..
ماما جاره لطمت وزعلت وربطت راسهاعلامة صداع يعني وحركات زعل..بس منو يجيب خبر مع الحب التقيل داك؟؟!
المهم حبيبي اشتري الشبكه (كان عنده قروشها) وبعدين انا اتمسكت بانه شيله ماعايزه..
شنو يعني يجيبوا لي ملابس افرجها للناس؟؟
معرض هو؟؟
وكمان كيف يعني الناس يعرفوا انا لابسه ايه وعندي ايه في الدولاب بتاعي؟؟
ده غير حاجاتها شينه..ولا رخيصه ولا شويه..وتعليقات من النوع ده!
غايتو الحمدلله اتزوجنا والناقص تماه الخليفه (تقريبا كل حاجه)
..................
..................
اها ي حدائق زي القالتها نجاة دي..قضية الحب ما بتكون طمع ولا مصلحة ولا الكلام الكبار كبار ده..
ديل ناس بسيكين جدا..عندهم ماعر بيعبروا عنها
بالتلاقي..يعني الموضوع لا فيه تضحيه ولا بيصل ذاته لمرحله زي دي..
كل مايتطلبه الامر الوصول للحديقه بفرح والقعاد مع الحبيب ولا الحبيبه بفرح اكبر فوق نجيله خضرا..كلمه منه وكلمه منها
وخلاص الزمن روح نتلاقي بكره..
وكان ما مصدقني اسأل زينب..
ومقدما نعتذر علي التعميم..
شم نسيم سعيد..هاتشمه وين؟؟
| |
|
|
|
|
|
|
|
|
|
Re: حبيبي مفلس... (Re: ذواليد سليمان مصطفى)
|
Quote: طبعا على وحدى كالعادة فى اى مكان لان الحب اصبح كمان بلا اوتار
وتركناه للاجيال الذين يشوهون الحب ومعانيها وحبيبتى هى كتابى لانها اصدق المحبوبات فى العمر |
طيب وينو الكتاب؟
| |
|
|
|
|
|
|
|
|
طيب وينو الكتاب؟
QUOTE]
الكتاب هو كل ما اقراءه فى هدوء وانسجام
ولا فى اماكن الاحباب المفلسين
وخير جليس فى الزمان كتاب
والكتاب كل وجه طلق وبشوش ووجه مبتسم
والبشاشة مكملة فى ست الكل وام المبتسمين (منى خوجلى )
حفظك الله
| |
|
|
|
|
|
|
|
|
|
Re: حبيبي مفلس... (Re: ذواليد سليمان مصطفى)
|
Quote: ازيك يا نوفل..
انت ما شوفت كلمة "بقي" ديك ولا شنو؟؟ |
مني كيفنك ؟ - امسحي لي بمني حاف كده
بعدين انت ما بقيتي .. بقتك آيه .. ربنا يديها الصحه والعافيه
نجي لكلامك السمح . المن الزمن السمح داك
| Quote: وبعدين حبيبي ده ذاته اصبح زوجي بعد كده..قلت ليه ماعايزه مهر.. |
دي نقطه مهمه يا مني .. انت بتتكلمي عن حب حقيقي نهايتو الطبيعيه الزواج
برضو نحن ما دايرين نعمم لكن اغلب الحب هسي بقي تقضية وقت وطلوع ونزول ساي
عشان كده اتفرغ من معناهو الجميل كعاطفه نبيله هدفها الزواج
ما تحته خط مثال لحب حقيقي وفهم كبير وفكر واعي لا نجد له امثله اليوم .. الا ما ندر
رغم ان المهر حق شرعي . لكن التبسيط مطلب وضروره - اقلهن مهرا اكثرهن بركه
Quote: المهم حبيبي اشتري الشبكه (كان عنده قروشها) وبعدين انا اتمسكت بانه شيله ماعايزه..
شنو يعني يجيبوا لي ملابس افرجها للناس؟؟
معرض هو؟؟
|
انت هنا برضو ضربتي مثل لاشياء اصبحت اليوم معدومه . منو البت البتقول ما دايره شيله ؟
ولو هي قالت . كيف تقدر تقيف وتصمد قدام الام . الخاله . الصديقات والمجتمع كلل ؟
تعرفي : قصة الشيله البفرجوها للناس دي انا برضو محيراني .. عريس جاب هدوم لعروسو ليه يوروها الناس ؟
طبعا القصد بوبار وانه جاب وجاب وكده . ودي حاله متأصله في مجتمع ام درمان بصوره اخص
يعني اقل حاجه ناقصه في الشيله تسمعي اول تعليق من النسوان الموجودات : بري أخ
عشان كده نحن بايرين لحدي هسي ( وش ضاحك بألم )
Quote: اها ي حدائق زي القالتها نجاة دي..قضية الحب ما بتكون طمع ولا مصلحة ولا الكلام الكبار كبار ده..
ديل ناس بسيكين جدا..عندهم ماعر بيعبروا عنها
بالتلاقي..يعني الموضوع لا فيه تضحيه ولا بيصل ذاته لمرحله زي دي..
كل مايتطلبه الامر الوصول للحديقه بفرح والقعاد مع الحبيب ولا الحبيبه بفرح اكبر فوق نجيله خضرا..كلمه منه وكلمه منها
وخلاص الزمن روح نتلاقي بكره..
وكان ما مصدقني اسأل زينب..
|
اها هنا انت ما فهمتيني صح
انا قصدي انه الحب الصادق الحقيقي المليان اخلاص ووفاء هو الحب الذي ننشد
واكيد لو كنت بملك مال قارون بصرفو علي حبيبة قساي بكل طيب خاطر وما ببخل عليها
لكن الحب البكون مدخلو الطمع مليان خداع ونفاق - حب دخلتو الماديات - يعني حب ما متجرد
دا الانا سميتو ما حب وقلت يمكن نطلق عليه اي مسمي غير الحب
اكيد البساطه والفقر - والفلس - مابمنع الحب . واكيد الحبيبين ممكن يكونوا سعداء بلا مال
وممكن يكونوا سعداء جدا وهم بدخلوا حدائق حبيبي مفلس بل اسعد ممن يدخلوا ارقي المطاعم
الحياه جميله وهي بسيطه .. نحن برانا البنعقدها
| Quote: شم نسيم سعيد..هاتشمه وين؟؟ |
وانت اسعد الناس يا رب
ح اشموا مع ست الحبايب في البيت ... او في الشغل
لسه ما عندي حبيبه اعزمها في حدائق حبيبي مفلس
اوعدك لما ألقاها اعزمها هناك علي فول مدمس وحبة ترمس نقرمشها ونفرح ونضحك من جوووووه
| |
|
|
|
|
|
|
|
|
|
Re: حبيبي مفلس... (Re: د.نجاة محمود)
|
بمناسبة الشاي البيقطع القلب ده
الراجل جايينا ضيف
وعندنا واحد زي الرافع ليهو كورنر
ما يصدق زول يجي عشان يجري يعمل شاي
قام قال للضيف فرحان شاي ما بطال مش ؟؟
الضيف كان عارفو مجنون شاي ..
قام لأ شكراً ما داير شاي .. قاليهو : ليه
الضيف رد بسرعة : لأنه بيجلبق ليا بطني
زي بطنك المجلبقة بي كترة الشاي دي ..
فكنا يا خي ..
| |
|
|
|
|
|
|
|
Gaafar Ismail
عمر التاج
ALZOLZATOO
nazar hussien
معاذ حسن
د.محمد حسن
ابو جهينة
خدر
Elawad
نوفل عبد الرحيم حسن
عمر صديق
أبو ساندرا
حبيب نورة
ذواليد سليمان مصطفى
abubakr
SHIBKA
انعام حيمورة
طارق جبريل
Muna Khugali
وليد محمد المبارك
تبارك شيخ الدين جبريل
haroon diyab
عمر عبد الله فضل المولى
معتصم مكاوي
فيس بوك
تويتر
انستقرام
يوتيوب
بنتيريست