|
الو اوباما .. كلم خليل
|
شنو يا (ريسنا) الحركات البتسوي فيها دي؟ نحن ما كنا مصدقين أنك ممكن تبقى رئيس أمريكا ... ورغم كدة رشحناك ... خلينا شغلنا كله (رغم أنو أصلاً ما عندنا شغلة) وقعدنا قصادك بس في انتخابات الرئاسة نشيل ونأيد ونبارك ونشتري ونحتفل ونقبض ونضبح ونقترح ونتصور وفي الآخر تقعد تسساسق لينا كدة من أنقرا لا عن بغداد ولا جايب لينا خبر ؟
|
|
|
|
|
|
|
|
Re: الو اوباما .. كلم خليل (Re: عمر التاج)
|
ما صدقنا أنك بقيت الريس وكنا قيلنك ياكا حارسنا وفارسنا وقلنا لناس البشير استعدوا (اوباما جاكم) وقمنا نلف ... لا خلينا خالتنا فرنسا ولا أمنا اسرائيل ولا حبوبتنا بريطانيا قعدنا نساسق من مؤتمر لي فندق ومبارين (اخونا في الله) اوكامبو ده لا من طلع زيتنا وفي الآخر تصهين مننا لا حس لاخبر يا اوباما ؟
| |
|
|
|
|
|
|
Re: الو اوباما .. كلم خليل (Re: عمر التاج)
|
ما صدقنا أنك بقيت الريس وكنا قيلنك ياكا حارسنا وفارسنا وقلنا لناس البشير استعدوا (اوباما جاكم) وقمنا نلف ... لا خلينا خالتنا فرنسا ولا أمنا اسرائيل ولا حبوبتنا بريطانيا قعدنا نساسق من مؤتمر لي فندق ومبارين (اخونا في الله) اوكامبو ده لا من طلع زيتنا وفي الآخر تصهين مننا لا حس لاخبر يا اوباما ؟
| |
|
|
|
|
|
|
Re: الو اوباما .. كلم خليل (Re: عمر التاج)
|
قلنا انمهلك شوية لحدي ما (تتمكن ) وتقبل علينا اتفرغنا لي اوكامبو شي كسير تلج شئ مؤتمرات شي لافتات شي ضبايح شي بروفايل شي حفلات وصور شي محاضرات وهجيج وفي الآخر طلع القرار وياريتو كان يوم داك اوكامبو غتس قبال ما يطلع القرار غير التاييد والتضامن ما جاب للبشير التكتح وفي الآخر قلنا لي أوكامبو البشير سافر قال لينا ما ببعد قلنا ليه وصل الدوحة قال بنشركلو نقبضو عليك أمان الله غير خمشو الكبير ده ما خسر فيه حاجة
| |
|
|
|
|
|
|
Re: الو اوباما .. كلم خليل (Re: عمر التاج)
|
اها قلنا أنشوف آخرتا ونسمع منك رسلنا ليك ( البومة التاني) بان كي مون كان يلكدك شوية أها بعد ما جا راجع عينا ماشافت إلا النور وأضانا سمعت وأريتا كان طرشت سمعنا أنه أمريكا غير معنية بالقرار ياهو كلام البشير زاتوو بلوه وأشربوه
| |
|
|
|
|
|
|
Re: الو اوباما .. كلم خليل (Re: Hassan Makkawi)
|
بعدين تعال نحدثك يا أوباما شنو قصة التصالح مع ايران وحماس البتسوي فيها دي انت ما عارف انه ديل اصحاب البشير وبعدين شابكنا ايران والعالم الاسلامي والهدنة طيب وين الحرب على السودان – اقصد على الارهاب؟ كلامك عن العالم العربي والاسلامي كلو كوم وكلام مبعوثك للسودان ده كوم تاني يعني شنو لمن تقول انه امريكا ما عندها عداء مع السودان وما عندها شغله بمصير البشير طيب نحن نمشي وين نستسلم والله شنو ؟
--- شكرا ود مكاوي على الشنقة
| |
|
|
|
|
|
|
Re: الو اوباما .. كلم خليل (Re: عمر التاج)
|
قلت تقفل قوانتنامو قلنا ما مشكلة لاهاي في اها أسع بطريقتكم دي لاهاي علا كان نمشيها نحن البشير ده بي أخوي وأخوك ما بقع فيها العالم ده كلو وقف معاهو العرب اتفقوا قالو ما بنعترف بقرار اعتقالوا الصين وروسيا قالو ما دايرين جنائية ولا جن أحمر أنتو قلتو ما عندنا شغله بيها أها بقينا قاعدين في السهلة بريطانيا وفرنسا زاتم رخو واوكامبو جاتو حالة نفسية إلا نوديهو بعشر --
أها معاك عبد الواحد محمد نور داير يكلمك قبل ما يكلمك كدي أندي فرصة لناس سودانيز باقي لي فيهم كم طريفي كدة زول نصيحة
| |
|
|
|
|
|
|
Re: الو اوباما .. كلم خليل (Re: عمر التاج)
|
شنو يا ياخ قصة صفحة جديدة مع السودان ده ؟ نحن قلنا عايزين سودان جديد مش صفحة جديدة انت فهمك مالو بقى زي فهم الجلابة ؟ وبعدين شنو شابكنا سلام وبطيخ مين قال لك عايزين سلام نحن لو عايزين سلام اتمردنا ليه ؟ وبعدين علاقتنا المتميزة مع اسرائيل وفرنسا تمشي وين بعد السلام ياخ قول كلام غير ده وبعدين منظمات الطردوه ده ماوجعك عليك الله نحن لو ما منظمات ده كان شغال جوه كن حانعرف نحارب كيف ولا نضرب وين ؟ والقروش بتاعنا ده كلو مش بجي منهم سلاح بتاعنا وتقارير وصور وانجيل اسع يعني نحن نقبل وين ؟ شكيتك على اسرائيل يا أوباما يا أخوي .
| |
|
|
|
|
|
|
Re: الو اوباما .. كلم خليل (Re: عبد العظيم احمد)
|
الو اوباما معاك عبد الواحد ايوه عبد الواحد بتاع اسرائيل انت نسيتني والله شنو ياريس ؟ والله أنا خايفك بعد كده تنسى اسرائيل زاتا .. المهم ... كدي فهمنا انت داير تغير سياسة بوش البنعرفها بتاعة الحرب على الارهاب والسيطرة على العالم بالقوة كان كدة هادي طرفنا منك آآآآي نحن ناس مشاكل وبس ماعايز مشاكل مع العالم الوهم ده وعايز تبقى بتاع سلام وسلم دوليين وعايز تحافظ على موارد بلدك وجنودك والكلام الفارغ البتقول فيه ده نحن نقولك مع السلامة نشوف لينا أمريكا تاني ولا أقولك نحن بتاعين اسرائيل وبس تاني ولا مع السلامة
وقفل سعادته الخط من الرئيس الامريكي ثم افاق الاثنين ( خليل وعبد الواحد ) على أصوات الموسيقى الناعمة للسياسة الجديدة لأمريكا فذهبا للدوحة عدل ...
| |
|
|
|
|
|
|
|