شنو ياعمك شايفك مشغول بالجرحي والاسري ومرافيد الاسافير من وهبة ود الصايم ومن لف لفهم من الرهط العجيب.. كل يوم والتاني واحد منهم ناطي لينا.. الكاسر كراعو كاسرها والمطبظ عينه مطبظها.. والمرفود مرفود... ياعمك ياخي مياه كثيرة عمرت تحت الجسر..والسوق ما شاء الله عامر بما لذ وطاب ... حديث المار باو...وسكريات غريبة والقذف الجوي العنيف من محمد عادل...وانسي حكاية اوكمابو دي لاني انا وانت ما راكبين فيها في سرج واحد ولكن رغم هذا وذاك هنالك مساحة وارضية لبث مشترك والاستديو يمكن ان يدور تاني.. اهم شي طبعا زولنا سحسوني شايفو رافع قرن وبقي يناضم في منو.؟؟؟ تخيل في ود المرضي.. لاعبا علي الذاكرة الاسفيرية والمرور السريع للمياه في هذا المكان... نتوقع حضورك سريع للاستديو وما تقعد تتمارض لينا زي ربعك ود الصايم واااي عيوني...وواييي غطا حلتي... ولا كمان تبقي لينا زي وهبة مالي لينا الفيس بوك واااي رفدوني شنو شنو ختو قوس في اسمي وهكذا جرسات.. وفي انتظارك
04-07-2009, 10:08 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
المرة دي يا كابتن الدس كارد حيكون مني..وانت تعال شوت من طرف... ولكن قبل كل شي داير اطلع لروحي (دس) صغيروني بتاع اخوان بخصوص اخونا صلاح غريبة... وحادثة القهمة الاسفيرية للاخوة الاعزاء في بورداب الرياض... وهنا تطل اسئلة .. 1- هل اصبحنا نعيش بدايات تنامي خطاب (السواطة الاسفيرية) وصلاح غريبة رائدها ويقدم جهد في هذا المجال 2-هل تحول ايتزاز الشخوص والابتزاز السياسي الذي كان يتواجد بصورة او اخري الي ابتزاز البورداب كاجسام 3-ام هل صلاح غريبة يمارس في صراع سياسي بادواته تفكيره ووعيه هو..؟؟ كل النقاط دي وغيرها سناتي اليها في سياحة بعنوان الية صلاح غريبة الاسفيرية الغريبة تحت الاضواء وكلو علي هامش هذا الاستديو
04-07-2009, 10:10 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: لكن محمد عادل حاصل علي دعم مستندي و توجيه معنوي
كل ستة ابريل والجميع بخير يا رغيم.. ونتمني ان ياتي العام القادم بوطن خالي من الطفابيع ومن لف لفهم.. ومحمد عادل دخل في خطابه منحني جديد وخطير لذا كان لابد من كبشرته والتامل فيه ولو قليلا.. وشايف القصة بقت تجيب مستندات من بيت الكلاوي..والكلام بقي كبار كبار..
الكراع طاب نحمد الله بفضل الله وموازرة الاصدقاء.. واها قلنا نشوف الاوراق فيها شنو ونشوت من طرف
04-07-2009, 10:15 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: اخونا ود الصايم اشتري كلب بوليسي و جابو شم البوست بتاع غريبه المخور وفكاهو في الرياض
في مناشدة ومطالبة بكلب بوليسي اسفيري يا رغيم.. ولاني شاكي انو غريبة ده زاااتو ما لوحده عندما كتب البوست المشي الخور.. وبالاضافة ال مهام اخري عديدة يمكن ان يقوم بيها الكلب البوليسي الشمام الاسفيري الذي نقدمه كمقترح للنقاش
04-07-2009, 10:26 PM
محمد عادل محمد عادل
تاريخ التسجيل: 07-19-2006
مجموع المشاركات: 14734
ياكيكى مساء الخير مالك على حسه لاكدا عاجب لاكدا عاجب حسه الايام دا فى جماعه اخوانا سمهم فائر من قبيل موبايلى دا بضارب لحدى ماغفلتو وغير كدا ياخوى خلينى ارجع مصر بس واعمل عاوز تعملو فينى كل ابريل وانت سعيد ياعزيزى
04-07-2009, 10:35 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: مالك على حسه لاكدا عاجب لاكدا عاجب حسه الايام دا فى جماعه اخوانا سمهم فائر من قبيل موبايلى دا بضارب لحدى ماغفلتو وغير كدا ياخوى خلينى ارجع مصر بس واعمل عاوز تعملو فينى
هلا يا ابوحميد وحبابك ياخي وابريل سعيد لكل الشعب السوداني.. وبالعكس يا محمد القصة ما فيها كده عاجب وكده ما عاجب.. واحنا لمن نجي ننق في المساحة دي بالتاكيد في حاجات خلتنا نتبه لادائك هنا سوي اختلفنا او اتفقنا معاك.. في ونسة يمكن ان تجد فيها ما يفيد او لا تجد المهم بنعبر عن ارائنا بكل اريحية وقد نتفق او نتخلف ..ويصبح هذا هو روح المكان سودانيز ده... البضربو ليك ديل منو..؟؟ اوع بس يكونو عاوزين يرهبوك عشان ما تقول رايك يا زول قول رايك بكل شجاعة ولكن في البداية تاكد بانك في السليم بعيدا عن الشخصنة والتلفيق وتاني البسالك كلو البس جلابيتك الانصارية دي واقيف ليهو ديك احمر
وكل الود يا محمد عادل
04-07-2009, 10:36 PM
osman righeem osman righeem
تاريخ التسجيل: 06-21-2007
مجموع المشاركات: 10872
عاين .. ما تشتغل بطيور الظلام و اعداء النجاح و محبي غتغيت الامور .. أي شي تلقاهو جيبو هنا .. مش بنات الصادق قالوا ليك امشي ونس ناس سودانيز اون لاين ؟ أها بس انت اسمع كلامم. و كمان لو لاقت وثيقة سرية ضد سيد مبارك برضو انشر. خلي شعارك الشفافية لنا و لسوانا.
يا عمك و الله زول في امريكا الليلة قال لي بيحب بوستاتك جدا. بس ما بقول ليك ليه.
كيكي و رغيم ازيكم
04-07-2009, 10:38 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هلا كابتن كيكي ومشتاقين والله تصور سبقتني في استدعاء الاستديو بشوية , كنت ناوي على نفس الفكرة خصوصا بعد تطورت جضيم المرضي المصور و قصة الخروف الساكي النعاج زي ما تفضلت الأحداث كثيرة و مثيرة وتحتاج تفكيكك و تحليلك الراقي العودتنا عليه بالإضافة للمواضيع أعلاه ما تنسى قضية الموسم منال ضد محمد ناصر/ وائل طه وما جرته من تصفية حسابات من سنة اسكت و الشو المؤذي الإنتهى بحمد الله اليوم بتاع فاروق مينوبوس و خضر فون وديربي واشنطن ما اخد حقه تمام اما قصة اوكامبو فعلى الرغم من تباين المواقف لكن دا ما يمنع تناولها مع إحتفاظ كل الأطراف برؤاها وياريت لو لقينا فرصة نشوف حكاية التكلف و التلقائية في موضوع شروق و دهب على بركة الله نبدأ..
04-07-2009, 10:49 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا كابتن عمك واشرقت الانوار.. وكده ممكن نعلن نقول (اكششششششن)..!! فعلا المياه ماشة مشية بت لذينة.. وكويس انك زكرتني بموضوع (وائل- محمد ناصر- منال) وده يا كابتن فيهو نقة بتموخل وح ارتب حالي عشان نشوت بيهو في البداية... ومعاه ايضا ضروي ندي شبال لحكاية (شروق - دهب) وديربي عمر الفاروق والبروف معتز (حكاية عاجل وابوعركي) وبالاضافة الي دخول ابو خليل الصراع ده بشوتة من بره خط 18.. واشنطون فيها نقة برضو ممتعة وبالذات مع طلعات هاشم الامام الجديدة الضخ مكونات صراع.. الثلاثة ديل محاور بداية وبينهم ضروري حشو سحس كسندوتش علي الماشي.. واكمابو حاضرين ممكن نضبط في التحليل فيهو رغم اني منفلت والنوايا بتاعتي تجاه (اوكو) صعب اخفائها لكن عشان المهنية حنحاول ننضبط... وبجيك برواقة... الي حديث منال- وائل- محمدناصر... ودي جزئية دايرة شغل..مرتب ومنظم لحساسية الموضوع وتشابك التيارات فيها
04-07-2009, 10:51 PM
احمد التجانى احمد احمد التجانى احمد
تاريخ التسجيل: 11-11-2006
مجموع المشاركات: 3155
ههههههههههههههه بالجد ضحكتني جدا يا احمد تجاني وشمت فيني الليل والزول الحاقد القاعد جنبي... يا براحة علي ياخي انا كراعي مكسورة عليك دينك وبكرة يا شباب النقة النقة فكونو بخير
04-07-2009, 11:08 PM
حمور زيادة حمور زيادة
تاريخ التسجيل: 03-28-2007
مجموع المشاركات: 12116
تحياتي يا كيكي يا تفكيكي.. بخصوص صراع غريبة - غريبة ( الاسم صحيح فالرجل يناطح نفسه ) لا اظن الامر يخرج من الاطار التقليدي لبوستات غريبة. الجديد فقط انه و لأول مره منذ فترة أحس انه كتب بوستا اثار مجموعات كبيرة كانت تتجاهله. لاحظ ان كل كتاباته التي لا يقرأها غيره تلك لم تفت من عضده في الكتابة مما يعني أنه كان يكتب و يكتب باحثا عن الوجود. الان تحقق الوجود بهذا الامر و الدليل عليه الامضاء التي زيل بها احد البوستات المتفرعة من البوست المصيبة : صلاح غريبة المقلقل ناس الرياض. لقد فرح الزميل بانه نال اهتمام بعض من كانوا يتجاهلونه. طبعا قد يكون يتصور انهم خائفون الان و يدعون الله ان يسترهم و ربما يتبولون ليلا من خوفهم منه .. تصور كهذا لا يبدو غريبا على شخصية الزميل. لكن عموما اعتقد انه يتعامل مع الوضع باعتبار : اخيرا عبرتوني و بقيتو تردو و تهتمو بكتابتي ؟ أها انا بنجضكم.
04-08-2009, 09:52 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: الجديد فقط انه و لأول مره منذ فترة أحس انه كتب بوستا اثار مجموعات كبيرة كانت تتجاهله.
هلا بالمحلل الدولي حمور وغريبة رجل فقد ظله الاسفيري ويبحث عنه وسط الاثارة والكركبة وعلي جثث وسمعة الاخريين ولعمري هذا امر في غاية الاسف.. ياخي الكعبة دي علي مرة حجر منو ما يمشي يغسل اشيائه الشينة الما بتشبه الناس الهنا ديل
04-07-2009, 11:02 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
تعليقين ع السريع يا كابتن أولا في موضوع غريبة حسب ما فهمت هو يدعي انو بورداب الرياض دقوه او اتحرشوا بيه انا افتكر لو دقوه يستاهل ولو ما دقوه ما فاتت حاجة حقو يدقوه و التانية من واقع متابعة تسجيل كورة الهلال و تيمبونايزي ياخي دفاع الهلال سجمان خلاص تفتكر بودينا لي قدام يا كابتن عودة للاستديو ...
04-07-2009, 11:32 PM
osman righeem osman righeem
تاريخ التسجيل: 06-21-2007
مجموع المشاركات: 10872
سلام كيكي يا أخي عندي سؤال واقف لي في حلقي من زمان أعتقد لابد من أخراجه من مكانه ذالك هل لديك أية علاقة بأحمد الأمين أحمد -آداب الخرطوم 1989 ذلك الرجل الشفيف والذي تعرفت عليه من خلال إبن خالي -دفعته وصديقه - ثم أصبحنا أصدقاء وتفرقت ببنا الدروب إلا ما يصلني عنه من حين لآخر .هذا السؤال قفز إلي ذهني عند رؤيتي لصورتك أول مرة و اعذر تطفلي
04-08-2009, 10:23 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: يا أخي عندي سؤال واقف لي في حلقي من زمان أعتقد لابد من أخراجه من مكانه ذالك هل لديك أية علاقة بأحمد الأمين أحمد -آداب الخرطوم 1989 ذلك الرجل الشفيف والذي تعرفت عليه من خلال إبن خالي -دفعته وصديقه - ثم أصبحنا أصدقاء وتفرقت ببنا الدروب إلا ما يصلني عنه من حين لآخر .هذا السؤال قفز إلي ذهني عند رؤيتي لصورتك أول مرة و اعذر تطفلي
هلا يا اسامة وحباب ياخ واحمد الامين فعلا اخوي الاكبر طوالي وهووبالمناسبة عضو بهذا المنبر بجانب اخوي الاكبر صلاح الامين بالانجليزي وتحياتي ليك ولقربيك الذي ومن الصورة اعتقد بانه الاخ زاكر...فان خاب ظني لقريبك كل التحايا والود
04-08-2009, 10:43 AM
نزار محمد عثمان نزار محمد عثمان
تاريخ التسجيل: 02-19-2003
مجموع المشاركات: 1692
Quote: و الشو المؤذي الإنتهى بحمد الله اليوم بتاع فاروق مينوبوس و خضر فون
بالله الشو دا أنتهى كيف، آخر عهدي به كان مداخلةالأخ تبلدينا التي تمنى فيها للبوست أن (يحتل) للقاع ولا يجد من يرفعه. الليلة (مع أنو الدنيا لسة صباح لكن عديها) جيت أشوف الحاصل ، فلم أجد البوست ولا أي إشاره له غير أشارتك هذه والتي ترجع لتأريخ الأمس، فماالذي حدث؟
04-09-2009, 02:12 AM
أسامة الفضل أسامة الفضل
تاريخ التسجيل: 06-13-2008
مجموع المشاركات: 1231
نعود ياعمك كما وعدناك ووعدنا الاستديو... الي ضربة البداية .. في افتتاحية الدورة الاستديوية الجديدة ونبداء بسم الله... منال-محمد ناصر... ديربي مقرونا بوائل طه ...ثم اخريين..!!! قبل مانشوت في التفاصيل ضروري نلقط (محمد ناصر) ومداخلاته ذات 98 اضافات رد.. هذه المداخلات عكست الينا في الاستديو الان وبعد استدعاء الذاكرة الاتي 1-خطاب عنيف ضد السلطة 2- خطاب عنيف وعنيف جدا ضد حركة حق بانواعها المختلفة 3-ارتباطه باشكالات حقوق الانسان وخبورات الانتهاكات والتعذيب 4-ارسلت ايضا رسالة تواجده في السودان (الداخل) 5-ارتباطه بالنضال في اروقة جامعة الخرطوم.... النقطة (3) ذهبت به الي المحاكم والتلتلة بين اروقتها...والخطاب (2) ارسل تداعيات واستقطابات اولدت خطاب حاد واحتقان وعجاعها مدور حتي الان...وصارت امر سياسي بحت...(حنشوت فيهو بالتفاصيل)...!!! الفوق ده كان محمد ناصر في تواجده الخاطف السريع ما بين صفحات هذا المنبر ثم اختفي خلف الكراكير ولتتولد الحكاية في جانبها التاني....!!!
04-08-2009, 10:42 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
الاتهام للاخت منال الذي راسله (محمد ناصر) كان يمكن ان يمر مرور الكرام كونه في بدايات امره لم يشير اليها الا بموظفة في مفوضية الامم المتحدة ولكن طبيعة هذا المنبر الهوت..والاستقطاب والزرزرة الشديدة المفاجئة جعلت منه يركب حصان الموجة والاتيام التي توزعت سريعا ودخل الامر سيستم الية الخلاف الحاد في المنبر وافصح عن اسم (منال عوض خوجلي)...وحضور اسم منال عوض خوجلي في جزئية زي دي ووسط صراعات حادة وشحن المنبر في ذلك الزمن اصبح الامر في غاية الشحن ....والاستقطاب علي ارض المنبر مع او ضد... فحمد ناصر ومنذ دخوله كان حالة استقطابية...وصنع بعد مداخلته العنيفة الاولي تيار وثق فيه..ومشي معاهو لمراحل بعيدة في امر منال هذا (عوج الدرب نموذجا).....!!!
04-08-2009, 10:46 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
وائل طه اكشن....!! هنالك شواهد عديدة يفترض انها رابطة لوائل مع محمد ناصر بعضها سطع عبر سيرة ال98 مداخلة من محمد ناصر والاخر عبر تسريبات مسار المحكمة ..وضروري نجملها هنا وبعدين نشوف 1-عبر ادارة بكري يبدو ان وائل هو من ذكي محمد ناصر 2-ورود سيرة جامعة الخرطوم 3-الاهتمام بقضايا حقوق الانسان 4-الخلافات مع حق... 5-التواجد في جغرافيا واحدة....... النقاط الخمسة هي روابط مشتركة ما بين وائل ومحمد ناصر (ولاحظ اغفالي لروابط قيل هنا ولكني لن اعول عليها).. النقاط توكد وجود صلة ما ما بين وائل وناصر واعتقد بان وائل لم ينفيها ولكنها ليس قادرة علي اثبات ان وائل هو محمد ناصر رغم قوة البينات وتشابه الخطاب....!!! ولكنها توكد ايضا بان ليس هنالك شخصا يسمي محمد ناصر والا لتعرف عليه طلاب الجامعة والمهتمين الاخريين بحقوق الانسان... (وما يفيد هنا هنالك شخص يكتب باسم حركي محمد ناصر... قد يكون شخصا اخر او يكون وائل) ولكن الاثبات قاسي...وصعب في قضية المتهم فيها خلف كراكير الكيبورد ولن لم تطل منه شواهد كثيرة يمكن ان تشيع اشواق محامي الاتهام..وسهلة الاختراق من قبل استاذ كبير ككمال الجزولي.........
04-08-2009, 10:49 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
رصد تداعيات القضية في سودانيز......!!!! مجموعة منال.. باكرا وجدت هذه المجموعة مكانا لها في صفحات المنبر عبر نشاط مني خوجلي وماجدة وبعض الطلعات من القوات الصديقة بقيادة الشاويش عطية (انعام حيمورة).. كانت طلعات تبث سير التحقيق ومسار القضية وعكست الجوانب القانونية وحصل فيها الدعم اللوجستي الذي كان لا يحتاج الي كثير عناء كون الغالبية من العضوية الذين حضورا في لحظات هذه المشكلة مشكلين قناعة بانو الزول الاسم (محمد ناصر غلطان).... شهدت الطلعات دي ايضا عصلجات ومحاولة اختراق من بعض بقايا التيار الذي صنعه محمد ناصر عبر كما بداء في امر سيف مساعد ولكن سرعان ما ذوبت هذه اللاشياء بالاضافة الي بعض التيارات الاسفيرية صاحبة العداء والصراع التاريخي مع بنات خوجلي... سريعا ما قبع محمد ناصر وحيد مثل ابي ذر الغفاري... الي ان حملت الانباء ايضا تورط وائل كمذكي اساسي ووحيد....
تداعيات وحجر في بركة الاحداث...!!! الصحفية سلمي التجاني القت بحجر في بركة كان الجميع يتحاشي الحديث عنها بمقالها المثير للجدل الذي ربط فيه احداث (منال- ناصر) بالاتي 1-صراع مركز الخرطوم وناس لندن 2-الحزب الشيوعي الذي ينتمي اليه وائل.. 3- اكدت وائل طرف اساسي..وصادف ذلك بوست من مني خوجلي معنون (منال- وائل) وكذلك نقلت الامر الي صفحات الصحف..ليتصدي اليها صحفيا بيجو عبر مقال (وائل قفل الموبايل) وتعمقت القضية ووجدت مكانها كقضية من قضايا الراي العام العالي الاستقطاب وسط المهتمين بالاسافير والصحف.... مرحلة سلمي التجاني والاتهام المبطن للحزب الشيوعي جعل اصواته القوية والمصادمة في ارض المنبر (ابو بكر صالح-عصام جبر الله-خضر حسين) للتصدي واغري الحقيين وبعض القوي الليبرالية التي لها اجندة صراع مع وائل والحزب الشيوعي بالدخول الي حلبة الصراع......!!! نجي نلم الحكاية دي يا عمك ونقول 1-الشواهد تقول ان وائل شديد الارتباط بمحمد ناصر...وقد تكون هنالك تضحية وصمود يغري وائل بعدم الافضاح عنه 2-قد يكون وائل هو ذات نفسه محمد ناصر ولكن هذا الامر ليس بالعسير اثباته والشواهد فيه ورغم قوتها الا انها لن تستطيع اثبات ذلك مالم تطل مفاجاة او جهة اخري توكد ذلك بقوي 3-القضية اصبحت قضية راي عام والاستقطابات فيها ذهبت عنان السماء اسفيرا وصحفيا وستولد ما بعدها 4-ربط الامر بصراع مركز الخرطوم كان اسقاط غير موسس علي تسلسل تاريخي او منطقي 5- ما حصل كان امر عرضي ولم نرصد سبق اصرار وترصد لولاه لراينا لمحمد ناصر بيننا الان يتمتع ويزيد في كلكاته ال98
وشكر علي الصبر الجميل...
04-08-2009, 11:16 AM
صلاح ليون صلاح ليون
تاريخ التسجيل: 08-09-2008
مجموع المشاركات: 1938
متابعك من ما فتحت البوست امس الساعة 1 بالليل وكويس انك بديت بي محمد ناصر+ وائل × منال وبالجد استفدته كتير من معرفة الخلفية التاريخية للموضوع ، وزي ما شايفين الموضوع بقى قضية راي عام والقضاء متحير فيهو ..
لكن المحيرني أنا يا كيكي قبل ما نجي لحكاية إثبات محمد ناصر يؤول إلى وائل أو وائل داسي محمد ناصر عايز اعرف حاجة ..
الشيء الارتكبو بالتفصيل × من الناس الفوق ديل والرأي القانوني في الشيء المرتكب والمواد من القانون السوداني البتعاقب عليهو .. وياريت لو القانوني ود النعيم يجدعنا بي حاجة.
تحياتي
04-08-2009, 01:14 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: الشيء الارتكبو بالتفصيل × من الناس الفوق ديل والرأي القانوني في الشيء المرتكب والمواد من القانون السوداني البتعاقب عليهو .. وياريت لو القانوني ود النعيم يجدعنا بي حاجة
هلا يا ابو صلاح وحبابك... ويا ابو صلاح الغائب الحاضر محمد ناصر اتهم الاخت منال بانها سلمت لاجي اثيوبي الي قوات الامن لكي يتم تسفيره ومنال طبعا كانت شغالة في مفوضية اللاجيين التابعة للامم المتحدة والتهمة دي تتعارض من وصفيات عملها الذي عليه توفير الحماية لهذااللاجئي وغيره..ولان في تسليمه يعني تسليمه الي سلطات الحبشة حيث الضبح والسحل وهكذا بدا لي الامر ساعتها... الجوانب القانونية من الواضح انها من القضايا الرائدة في الامور المرتبطة بالمشاكل الاسفيرية.وسرب بان المحكمة الابتدائية حولت الموضوع لمحكمة مختصة...ولا ادري هل هنالك قانون لهذه الامور ام اننا سنشهد حالة قانون جديد...ونحن في زمن السودان خشي في مواضيع بقي ماعندها قانون زااتو زي كركبة دارفور دي... وبالله شوف لينا ود النعيم يدينا لمحة علي الطاير كده
04-08-2009, 02:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: بالله الشو دا أنتهى كيف، آخر عهدي به كان مداخلةالأخ تبلدينا التي تمنى فيها للبوست أن (يحتل) للقاع ولا يجد من يرفعه. الليلة (مع أنو الدنيا لسة صباح لكن عديها) جيت أشوف الحاصل ، فلم أجد البوست ولا أي إشاره له غير أشارتك هذه والتي ترجع لتأريخ الأمس، فماالذي حدث؟
دكتور نزار تحياتي يبدو انو حضر ملك لحظة تمنيات تبلدينا البوست حذف غير مأسوفا عليه تاركا البشير في مطار مروي و زوجته في الطريق إليه في رأيي ان فضيحة بحجم بوست المونوبوس لا يغطي عليه و يصرف عنها الأنظار إلا بوست بذلك القدر من السوء و البشتنة
04-08-2009, 02:36 PM
khaleel khaleel
تاريخ التسجيل: 02-16-2002
مجموع المشاركات: 30134
كابتن كيكي ياخ انت معلم جننت الملعقة جن كالعادة متعتنا بتحليل ضافي و مرتب للموضوع لدي بعض النقاط من واقع التناول التم للموضوع هنا في البورد أولا مغسة ناس حق -ومن لف لفهم - دي من الشيوعيين قدر دا ليه؟ و لماذا الإصرار من اطراف عدة على ربط الموضوع بالحزب الشيوعي - و اندفاع الشيوعيين لمواجهة الحتة دي ايضا رسخ الربط دا في الأذهان كويس اشرت لموقف سيف مساعد ايام الأزمة ,شال وش القباحة ساي أظنو اسي خاشي في اضافرينو تاني بالنسبة لشخصية محمد ناصر ارجع بيك لورا شوية كتب مرة متهما احد اعضاء حق بأنه امنجي و شارك في اعتقال او تعذيب والده الحتة دي و ذكر امر والده هل تفتكر انها نوع من البهارات لسبك حلة اتهامه لعضو حق ام ان الأمر حقيقي وحدث فعلا مع والد الشخصية المستخدمة للحساب نواصل يا كابتن
04-08-2009, 04:06 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: لدي بعض النقاط من واقع التناول التم للموضوع هنا في البورد أولا مغسة ناس حق -ومن لف لفهم - دي من الشيوعيين قدر دا ليه؟ و لماذا الإصرار من اطراف عدة على ربط الموضوع بالحزب الشيوعي - و اندفاع الشيوعيين لمواجهة الحتة دي ايضا رسخ الربط دا في الأذهان كويس اشرت لموقف سيف مساعد ايام الأزمة ,شال وش القباحة ساي أظنو اسي خاشي في اضافرينو تاني بالنسبة لشخصية محمد ناصر ارجع بيك لورا شوية كتب مرة متهما احد اعضاء حق بأنه امنجي و شارك في اعتقال او تعذيب والده الحتة دي و ذكر امر والده هل تفتكر انها نوع من البهارات لسبك حلة اتهامه لعضو حق ام ان الأمر حقيقي وحدث فعلا مع والد الشخصية المستخدمة للحساب
هلا ياعمك واخجلتم تواضع الاستديو وكدنا نبلع المعلقة وخفنا ان يكون امرنا كامر تلك التي بلعت الفرشة (دي نكتة لو ما سمعت بيهو قول عووك فالمسنجر الحمد الله قاعد).... -حديث المغسة والمرارات والكجين والحدر في الظلام...انها يا عمك مرارات الرفاق واخوانا الايدلوجيين ديل صعبين شديد بالحيل والحزب الشيوعي في تيارات الناس الطلعو منو فيهم ناس لو قلت قدامهم (شششش) ساكت ممكن يفرتق ويعمل يااع لانو بكون حصل ليهو( فيداب)..وماداير يشوف شيوعي قدامو.. في ناس وجزء كبير منهم مشي لحق او تنظيمات اخري بكونو كونو قناعة راسخة في فساد الحزب ده واتخذوا قرار مقارعته ومساككته في اي كركور من كراكير الدنيا دي...لانهم بتعقدوا جازما بانها ايدلوجية شنة وده حزب كعب وششششششششين...بتلقي الكلام ده بوضوح في بعض خطاب عادل العاطي وحيدر قاسم واخريين كثار هنا في المنبر ده بقابلهم من الحزب الشيوعي تيارات فيي مرحلة عمرية متشابه لاحظ لكجين عمك ابو ساندرا وخالد العبيد للناس ديل التيارات الشبابية اقد علي التفاهم مع الحقيين واعتقد بان الصداقات والعمل المشترك في فترات الجامعات لها دو في تذويب القصة دي..... ليه هنالك محاولة زج للحزب الشيوعي...!! بدرالدين الكوز والاخت سلمي التجاني وعلي مستوي المنبر هما اول من زج عند بدرالدين علنا وعند سلمي تليمحا بالحزب الشيوعي ...فبدر اجندته واضحة في اطار الصراع الازلي (الشيو كوزي)..وسلمي اعتقد للاستعجال وسوء تقدير لقراية الاشكال وقد تكون عندها اسباب اخري ما بعرفها كويس هي ولا عندي خلفيتها السياسية..... نلاحظ اشارة الزج دي الخوجلاب ما اشتغلو عليها كثير ولكنها وجدت عند الحقيين وبعض الليبرال اصحاب اجندة الصراع مع بني شيوع وجدت اهتمام عالي وشغاليين عليها قرف لترسبات مربوطة بالحزب وبي وائل.... (شخصيا لا ارجح ان للحزب مصلحة في ذلك..لشواهد كثيرة).. ....... اندفاع الشوعيين امر حتمي وعدة دوافع كون الامر راس الرمح فيه الحقييين وهم لسع عندهم بواقي جنجال مع الحقيين كل ما يلمو في بعض في زقاق ضيق الكاسوري بحصل...وبالاضافة الي حمية الدفاع عن حزبهم....
تعرف حكاية ابو محمد ناصر واتهامه لبعض الاخوان بذلك ممكن تكون (جيك بوينت)ممتازة لو زول حق داك فعلا كان متورط في اشكال مع احد الشخوص وفسر ولو بالخطا وشاية عند الامن ودي ممكن توصل من خلال عمك ناصر... ولكن مع الاحداث والغموض والبلاوي العجيبة دي ارجح ان الامر كان مجرد بهارات..وحتي هذا الموضوع عندما طرحه محمد ناصر كان موضوع مرتبك وفقير السياقة الدرامية... عموما ده ماتش كبير وفيهو شغل بتاع (ارسين لوبين ابن لذينة) وحرم تختخ ما يقدر يفكك حكاية ود ناصر دي ولكنه ديربي مدهش علي اي حال
04-08-2009, 03:09 PM
حامد محمد حامد حامد محمد حامد
تاريخ التسجيل: 11-19-2008
مجموع المشاركات: 3085
هلا ياخلي وموضوع شروق ابو الناس وعمر الفاروق وبروف معتز ده خالك عندو ليك حلقة مكربة وتجنن بس امسك الخشب وخليك قريب... واصلا انا ود الفاروق ده من زماان داير لي فيهو مساحة وزمن وياهو جانا مدردق في الاستديو... وخليك قريب وخليك سوداني يا خلو
04-08-2009, 07:33 PM
osman righeem osman righeem
تاريخ التسجيل: 06-21-2007
مجموع المشاركات: 10872
موضوع محمد ناصر حقائقه الاساسية ليست غائبة و لكنها لم تطرح في البوستات لا من جانب الخوجلاب و لا مناصريهم فلقد جرت مياه كثيرة تحت طاولات النيابه قبل ان تحول القضية الي رول المحاكم .
استراتيجية الدفاع هي كسب مزيدا من الوقت بأمل تسوية الموضوع خارج المحكمة و هذه احتمالية ضعيفة جدا الاستاذه منال استقالت من عملها بسبب هذا الموضوع و تفرغت له تماما و اسرتها عانت بسبب تركها العمل ولكن قدر لها هذا الموقف من الاسره وكثير من المناصرين
ما لا يقال من كل الاطراف هو مسببات استقصاد محمد ناصر( أي كان ) و تلفيقه لتهمة ضد منال ... توجد عدت خلفيات متشابكه و لكن لها قوة منطق ولماذا يربط تاريخ واقعة بوست البندر بتاريخ نشر البوست
جماعة حق موضوعهم مع وائل و ليس مع الحزب الشيوعي ... ارجع لبوست وائل عن انتخابات اتحاد جامعة الخرطوم وبوست اخر لمجدي كتبت فيه ازبيلا اتهام لوائل بأنه من مستخدمي العنف ضد طالب اختلف معه في الرأي
الموضوع عموما مرتبط بأعمال اعضاء في كيانات سياسية اكيد لم ترتب لهكذا عمل و سوف تجد هذه الاحزاب قريبا انها في موقف لابد ان تبين موقفها من الذي جري و في ذلك الوقت سوف تكشف كثير من البطون و تعرضها لموقف هذا ما جنت يداك
04-09-2009, 07:34 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: جماعة حق موضوعهم مع وائل و ليس مع الحزب الشيوعي ... ارجع لبوست وائل عن انتخابات اتحاد جامعة الخرطوم وبوست اخر لمجدي كتبت فيه ازبيلا اتهام لوائل بأنه من مستخدمي العنف ضد طالب اختلف معه في الرأي
هلا يا رغيم وحبابك في الاستديو وفعلا وائل له خلافات قديمة مع حركة حق والتي كان هو ايضا عضوا فيها... واعتقد بان نزاعاته مع اهل حق تتداخل فيها بصورة او باخري صراعات مع الحزب الذي ينتمي اليه... الشي الغايب عنا هنا في الاستديو الاسفيري هو مجريات المحكمة واروقة التحقيق فقد تكون هنالك اشارات اضافية تساعد في استيعابنا لهذا الامر الذي ظل محيرا وغامضا في تفاصيل كثيرة منه وكن بالجوار يا محلل ياخبرة
04-08-2009, 09:28 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: قبل مانشوت في التفاصيل ضروري نلقط (محمد ناصر) ومداخلاته ذات 98 اضافات رد.. هذه المداخلات عكست الينا في الاستديو الان وبعد استدعاء الذاكرة الاتي 1-خطاب عنيف ضد السلطة 2- خطاب عنيف وعنيف جدا ضد حركة حق بانواعها المختلفة 3-ارتباطه باشكالات حقوق الانسان وخبورات الانتهاكات والتعذيب 4-ارسلت ايضا رسالة تواجده في السودان (الداخل) 5-ارتباطه بالنضال في اروقة جامعة الخرطوم.... النقطة (3) ذهبت به الي المحاكم والتلتلة بين اروقتها...والخطاب (2) ارسل تداعيات واستقطابات اولدت خطاب حاد واحتقان وعجاعها مدور حتي الان...وصارت امر سياسي بحت...(حنشوت فيهو بالتفاصيل)...!!! الفوق ده كان محمد ناصر في تواجده الخاطف السريع ما بين صفحات هذا المنبر ثم اختفي خلف الكراكير ولتتولد الحكاية في جانبها التاني....!!!
ده كله كان زي ما يقولوا "حركات قرعه" يعني تمثيل "نضالي" علشان الادوار الما كويسه المفروض يقوم بيها ما تظهر علي حقيقتها.. لكن يا خساره..وقع وقعه شينه ويحق لنا أن نغني حتي ولو اكتفينا بحدود ما وصلنا له (ونعلمكم اننا لم نكتف ولن نفعل قبل نهاية المحاكمات) نغني المثل الذي كانت تردده لنا جدتي عائشه رحمها الله كلما خابت أمانينا..
"جات الحزينه تفرح ..مالفتلهاش مطرح"!
المهم يا كيكي انت طلعت مذاكر أدوار البطوله الخاصه بالشبح محمد ناصر..بس في حته انت الظاهر عليك ماقريتها في موضوعه مع ناس حق.. ممكن احكي ليك بطريقة اسمها مين في الفيلم المصري ..أنا والعذاب وكذبك؟؟
شوف ....... ...... اسكت..مش الواد بتاع "حق" بيتهيألي كده اسمه شاكر.. طلع كان عمره 15 سنه بس ساعة مالمدهول علي عينه محمد ناصر قال عليه كان في الأمن وبيعذب ابوه؟؟
04-09-2009, 03:28 AM
osman righeem osman righeem
تاريخ التسجيل: 06-21-2007
مجموع المشاركات: 10872
ومين قال عمك ناصر تم اعتقاله اصلا بواسطة الامن دي كانت حركة تظهير عضلات علي طريقة اجلد السايب خلي المربوط يخاف
ايوه طبعا هو كذاب..مش انا قلت الفيلم اسمه انا والعذاب وكذبك؟؟
هو كله فيلم مكشوف..قام العبيط عمل غلطة عمره لكن طلعوا الناس صاحيين ليها وكشفوها.. لكن انا بس بتسائل.. محمد ناصر في كلامه مع ناس حق وبالتحديد لما اتهم شاكر..كان اسلوبه تعبان جدا في الكتابه.. يعني من مستوي كده ثالته ابتدائي في الاجازه المدرسيه بعد شهاده يها 5 كحكات ي خمسة مواد.. لكن في بوست استاذ نبيل "ليس دفاعا عن منال"..كان اسلوبه في الكتابه مختلف تماما.. سيادته الظاهر عليه بيأجر الباسوورد..أو شلته اعتبرت الباسوورد "ملكيه علي الشيوع" كل واحد عنده تار ولا متغاظ ولا حتي عنده فلسه مزهجاه يجي يكتب.. ياربي الكلام ده صحيح؟؟ ولا احتمال محمد ناصر (......) هو بيناديهم يكتبوا من عنده؟؟
بس يا خساره المربوط طلع ما بيخا يا عثمان ومصر يخوفه هو والمعاه.. وجملة تخويفيه من أفلام ماري منيب..أشهر حماه في السينما المصريه..
"مش كل الطير اللي يتاكل لحمه"!
04-09-2009, 09:22 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: اسكت..مش الواد بتاع "حق" بيتهيألي كده اسمه شاكر.. طلع كان عمره 15 سنه بس ساعة مالمدهول علي عينه محمد ناصر قال عليه كان في الأمن وبيعذب ابوه؟؟
هلا يا مني وحباب الخوخلاب في الاستديو الاطلقنا صافرة البداية فيهو بجزئية بالتاكيد بتهمكم وتهمنا جميعا... القضية من فوائدها الاولي والكبري بجانب (العدل) نجد انها ايضا تصنع طريق لمثل لحسم مثل هذه الانتهاكات وستكون سابقة كبري في زمن تمدد فيه الانترنت واصبح يشكل جزء كبير من قضايا الاختلاف السياسي والاجتماعي والثقافي وتناول الاشياء المربوطةبالهم السوداني... عارفة يا مني الموضوع فيهو غموض كبير ونواحي في كل مرة الذاكرة تستدعيها تصل الي مرحلة اللغز الذي يحتاج الي تفكيك... نتمني عدالة في المحاكم تضع هذا الامر في نصابه العدلي المطلوب ويقدم لنا سابقة يمكن ان يتحتذي بها في الاسافير البقت كبع ولبد وغمز ثم بعض اللمز دي وشرفتي الاستديو يا مني
04-13-2009, 09:26 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
ياخي كيكي ده كرعينه موجعاتنه ، أها براه مابقدر يلف يمكن يقع ولاّ حاجة أها كلم ود البشرى ده يقوم يلف معاااه وفي العدم ود الصائم ..... ود البشرى ياخي قوم لــــف .....
هلا كابتن كيكي و ضيوف و مشاهدي الاستديو نعتذر عن التوقف و الغياب لأسباب فنية و تكتيكية قبل بداية حلقة اليوم في بعض التطورات احب اشرك فيها السادة المشاهدين حلقة خاصة من البرنامج تمت على الهواء مباشرة في استديوهات الفيس بوك على شرف صديق البرنامج الغائب وهبة وتم تقييم حلقات البرنامج الأخيرة و التي تناولت قضية الساعة منال Vs وائل/محمد ناصر واجمعت آراء المحللين ان القضية امام المحكمة وليس من الحكمة تناولها بالتحليل و إبداء الآراء قبل الفصل فيها عليه اتفقت المنتجين و اسرة البرنامج على عدم التعليق على القضية في الفترة الحالية
نعود يا كابتن للاستديو و الأحداث الساخنة و المتلاحقة تلاتة اربعة مواضيع مثيرة تحتاج التعليق عندك قصة الجدل حول دكتوراة صلاح الزين و الماء العكر اللي وجد فيه ملاسي فرصة ثمينة ضرا بيها عيشو وجاكة محمد فرح الأخيرة وزرته التاريخية و بلة موسى شو عن حقيقة لجوء علي تاج الدين وياخي امر حزب الأمة دا داير ليه قعدة براه وطبعا ما تنسى تداعيات موضوع الغجرية و سر الـ - ما لاقي التسمية المناسبة لكن ممكن نقول عداء - بين الحقانيين السابقين و الحاليين و المستقبليين و بين الشيوعيين رؤوس مواضيع للحلقات الجاية يا كابتن فيل فري انك تختار بينها - وغيرها - بدون ترتيب
04-16-2009, 08:44 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا عمك والجميع وانا يا عمك ح اخش سريع واحاول الحق السوق لاني برضو كنت غايب في الروكايب ورغم متابعاتي الكروباوية الا ان هنالك الكثير الذي يمكن ان يقال... وخلينا نشوت طوالي في موضوع كهرباء محمد فرح الذي طقت اميته علي قارعة الاسافير بحديث يوم بكرة.... هو طبعا البوست داك في تصميمه يشابه نموذج زنقة ود الباوقة الشهيرة وحديث السفارة ودي سلسلة بتاعة بوستات ياتي اليها الاشاوش كالمطر وبتكون تقريعية ومنطق وجهجهة باكات... بتخلي صاحب البوست يحتار من وين ياكل كتف البوست البكون ميل من ثالث مداخلة... فمداخلة المزنوق بتكون قشاشية وبعيد لبعيد من الموضوع الاساسي ويحاول تحويل الامر مرح(نظام الموضوع عاادي يا شباب) والحالة واااحدة... محمد فرح تاريخيا ارتبط هنا بزنقات شهيرة (صورة المسجد الاقصي الطلعت فشنك) وشريط ندي القلعةالذي لصقه في متمردي دارفور والقصة في النهاية طلعت (الشريف مبسوط مني ساكت)... ياعمك في تنامي بتاع لعب مان تو مانية والملاحظ انو صوت التفحيص في المنبر بقي الي والكولتي كنترول في القضايا المربوطة بالخدمات مافيها لعب ولاتخضع للتيار السياسي وكل الناس بتقول رايها بكل تصالح وده خط مفرح مية مية...!! شايف في مساندة ومحاولات فك حصار عن موضوع صعقة الكهرباء ببوست من ود الباوقة وعمر عثمان ولكنها محاولات ايضا ستصبح كارثية وخاصة بعد وصول خبرية كهرباء دنقلا اللسع لاحقة غنم زهرة... عمر عثمان هتافي ولايتوقع ان ينجح في فك الحصار.... ... تجربة زنقة ود الباوقة ببوست بتاع الروووب الشهير لن تتكرر مع محمد فرح لانو عنيد وثابت علي اشيائه مهما كانت ولكن اتوقع ان يحاول فك الحصار ببوست اخر اكثر اثارة... جموع الملحاحين شغالة بمزاج ومتعة... وساعات تتمتع بالقراء اكثر من المشاهدةوخاصة بلاغات حي الزهور والموردة ولووووووووول فنان وتاريخي
ياعمك اضافة للمشهد الفوق ده وحديث صعقة الكهرباء...الكهربا البتجي بكرة... ضروري ايضا الاشارة الي الطريقة الفرانكلية في الصمود امام الهجمات وهي طريقة (الموت كمد) ونفعيل ادوات ومعدات الغلاط الي اقصي حد..ونظام انت ماعارفين حاجة وانتو جهلة خاسئين محمد فرح من الاساليب التي يتوقع ان يشوت فيها انو يلعب ماتش الكهرباء ده بالطريقة الفرانكلية ويراهن علي مياه المنبر التي ممكن ان تزيح الاهتمام عن هذا الامر ونعود
04-16-2009, 09:06 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
تشطيب لوووولي سريع كده لموضوع صعقة الكهرباء وقبل ما نشوت لقدام... محمد فرح في احدي تبريراته التي ذكرها افاد في محضر البوست بانو الكهرباء ما جات لانو سعة كهرباء الخرطوم ما بتشيل الحمولة الجاية والغريب الامر ده في حضور مهندس كهرباء كبير زي صلاح الليون اللاعب ماتش كبير ومان تو مان مع فرح.... وناسي انو زي ناس ابو صلاح ديل شغلانة (اللود والنت ويرك) دي شافطنها شفط.... ياخ ده يحسسك انو الكهرباء دي زي المطرة ولا الفيضان وانو القصة عشوائية ماشة سااااااااكت لا فيها (امبدنس ودلتا ولا استار ولانقة مدحت العجيبة ديك) ونواصل ولكن بعد الفاصل
04-16-2009, 09:38 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا عمك والليلة اللياقة عالية ماشاء الله علي وشغال علي طريقة برشم اخوان وباكمبا يا حليهم الثلاثة... ونجي لموضوع صلاح الزين...او في مقولة اخري دكتور صلاح الزين... الماتش داك فيهو اربعة تيارات وكلا شايت في اتجاه مخدتو... 1-عاطف مكاوي _ وده طبعا صاحب البوست وعاوز يحتفي بصديقه ومن حقو ياخي مادام شايف كده وده فيهو تيار الاغلبية اصحاب صلاح وشيوعيين وناس امريكا العايشين مع صلاح وابو قووتة (ود حلة صلاح الزين) 2-تيار ناظم ابراهيم واحد الاخوان وديل عندهم راي في صلاح الذين ويبدو لترسبات قديمة 3-اسامة الخواض وده شايت برااهو والصراع هنا اتخيل لي عندو علاقة ياعمك بنقة كده سمعتها زماان اسمها البنيوية ويبدو انو ابو صلاح ماشي فيها كمدرسة ثقافية وناس الخواض عاملين ليهو مغارز واركلوجيا .. وده التيار الضرب علي حديث شهادة الدكتوراة 4-ملاسي وده طبعا وليمة زي دي ما بفوتها ففيها شغل منشاري يضرب صلاح الزين باليمين ويعالج اسامة الخواض بالشمال وجد فيها عودة لمسرح عملياته القذرة لووووول بعدما طيرها ليهو ود المرضي من راسو لفترة طويلة... ديل اللاعبين الاسساسيين وبجيك بعد شوية لتفكيك الشغل في البوست داك وحديث الدكتوراة اشياء اخري.. اهمها مرحلة حضور ملاسي الي البوست ودلالاتها ... وفاصل فيس بووكي كده ونواصل
04-17-2009, 00:04 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا ياعمك ولسع مركبين مكنة برشم اخوان وحنشوت طوالي في موضوع الدكتوراة وصلاح الزين... الجهات الاربعة القلناها في اعلاه عاملة شغل بتاع لوحة سيريالية ممكن نسميها صلاح الزين فوق صفيح متعدد درجات الحرارة...ما بين زكريات ومعاصرة...ثم عنقدة مشفوعة بقنبلة اسامة الخواض...وما بين هذا ةوذا يمارس الملاسي الرشاقة التي كتلت اشراقة....
البوست كان يمكن ان مشي بوتيرة احتفائية مع وجود مساحة لمداخلات يمكن ان يفهم منها عدم عين الرضا عن صلاح الزين وكان ساعتها حضورر ملاسي ما وارد الا في اطار الحديث عن لغة صلاح الزين الصعبة وسبق ان شيد ملاسي بوست تقريعي بها ولكن حضور اسامة الخواض وحكاية الدكتوراة اعطي البوست زخم اثارة غريبة شوية.... صلاخ الزين رقم معروف في الساحة الثقافية والسياسية ايضا وفي وسط كل الحراك السوداني المدور وعلي راس انشط جالية سودانية في العالم وبناء خطابه وحاجاته اعتقد انها بعصامية واضحة ولكن حكاية التشكيك في الدكتوراة بتاعتو لقي بحجر كبير في الكلام ده كلو (ان ثبت طبعا)..... وان لم يثبت سيظل الامر سقطة لمن اطلقها ونموذج سي لادارة الصراعات الخلافات في القضايا ....
ملاسي وكما لاحظت ياعمك حضر المولد ده بعدما استوت القصة علي نار النزاعات وتلميح صاحب البوست بالتوقف فوليمة الدكتوراة زي ما قلت ليك بضرب فيها كم عصفور كده واهم عصفور فيها هي عودته الي استايله الذي ذاب كفص ملح عقب ضربات احمد الرضي المتوالية عليه... فاشراقة ملاسي محتاجة لممارسة بعض تمارين الرشاقة فوجد الاجواء والبيئة الصالحة للصيد الوفير وسيعمل عليها كثيرا...وحيلوك في القصة دي لمدة طويلة...
04-17-2009, 08:02 AM
صلاح ليون صلاح ليون
تاريخ التسجيل: 08-09-2008
مجموع المشاركات: 1938
Quote: و بلة موسى شو عن حقيقة لجوء علي تاج الدين وياخي امر حزب الأمة دا داير ليه قعدة براه
هلا يا ابو صلاح وجمعة مباركة وحلقة الليلة باذن الله حنتاول فيها حكاية علي تاج الدين وموضوع بيان بيت السودان وممكن نلقي فرقة لموضوع حزب الامة الفعلا داير ليهو قعدة ونقة طويلة
04-17-2009, 08:35 AM
صلاح ليون صلاح ليون
تاريخ التسجيل: 08-09-2008
مجموع المشاركات: 1938
يا كيكي .. أنا متابع الشأن الهولندي في البوست إياه.. لكن شايف الزول اعتذر وقال ما كان عارف.. وبرضو الجماعة ما خلوه ومتهمنو باجندة أخرى.. يا سلام على كيزان هولندا ياخي راقين وفيهم خير.. مش زي اللسه جوه السودان وفي الدول العربية ياخي ديل قدر ما تجري وراهم ما تلم فيهم زي دابي الخلا..
04-17-2009, 08:51 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
بالله يا هندسات بما انكم بتوع هندسة ركزوا لينا شديد شديد علي مسألة الكهربا البتركب وتنزل في المحطات دي اخوكم قبل ما يغير الكارير لعضو منبر كان فيزيائي وبتاع سولر انرجي تحديدا والموضوع باقي حار خلاس
جمعة مباركة يا شباب
04-17-2009, 04:34 PM
صلاح ليون صلاح ليون
تاريخ التسجيل: 08-09-2008
مجموع المشاركات: 1938
عودة للاستديو وحبابك يا قمر بوبا ومرحب بالليون الليون.... وياود البشري يا برلوم حقو تنضبط يا برلوم وشايف بقيت (فيس بوووكي) وخليت الاجواء فاضية لود الصايم يصول ويجول لدرجة اتهامه لكورتك بالفكك.... ونعود علي السريع لامر كاسوري هولندا وبيان بيت السودان... علي تاج الدين صاغ البيان بافتراضين 1-شهادة طرف وهو فكري 2-عدم علم بعضوية المدعو طارق ابو عبيدة اوكما اشار البيان بالمنبر وغطاء البيان بفلسفة اخلاقية ذهبت بالحديث عن اخلاق الخلاف والاخلاق السودانية ونبذ عنف ولب لب... ولكن سرعان ما ظهرت المقصات التي اوضحت بان المدعو طارق ابو عبيدة او طارق هوكات (ههه) عضو فاعل في المنبر ومحبوب ومعروف لدي الجمهور الانجليزي بالاضافة الي تمتعه بخلق اسفيري مميز يصعب بلع مثل هذا الكلام الذي اورده البيان ثانيا علي تاج الدين مطلوب في قضايا اسفيرية مربوطة بدعوة عنف وقطع اوصال ومساند لعنف سياسي.... النقطتين اعلاه هدمن القريت بيم الفلسفي للبوست والهردمة دي اجبرت علي التاج علي الاعتذار علي مضض اعتذار مقتلع من بين براثن اشياء وتراكمات كثيرة.... وقبل ما نقفل الملف ده ضروري الاشارة الي طلعة دكتور بلة وحكاية اللجوء السياسي ثم المساندة والوقوف مع السلطة التي اجبرت اللاجي علي اللجو وطبعا ده نمط ممارسة شاذة ويثير غبار كثيف وسلوك مريب... ووشايف حكاية قضية الردة مثبتة بافادات بعض الاخوان وحنتابع الموضوع وممكن نرجع ليهو في اي لحظة حالما تتوفر اشياء وافادات جديدة للاستديو
04-17-2009, 08:07 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
اعطني حزب الامةياعمك وفنجلسه علي صفيح ساخن ونشوف الامور ايش لون... حزب الامة القومي يمر بمنعطف تاريخي وعندو مشكلة اساسية وهي اتساع الهوة ما بين تطلعات القيادة واحلام القاعدة...والنقة والعكاكيز الفي راسنا دي كلها جاية في راي من الاشكال ده.... الموتمر السابع وتداعياته وسعت الهوة دي وجابتها للاضواء بعد ما كانت مغتغتة والخط الجديد للحزب المتقارب مع الموتمر الوطني ولد قيادات جديدة وخطاب جديد.... اسفيرا وعلي سطح سودانيز اونلاين كان ناس حزب الامة اساسسين في حراك النقاش ولعبو ماتشات تاريخية بقوي ومقدرة وعندهم اصوات اسفيرية كانت قوية ولها مقدرة علي مساككة النقاش والبوستات..وبل صناعة لعب وهجوم ود العمدة عويس ومحمد عبدالحمن وعجيل وعماد الطيب ولنا مهدي..واخريين.. اهاالكركبة والدخنة الحصلت في الحزب احبطت كما يبدو جموع الشباب ديل وتوارو عن الاسافير ما عدا لنا التي لاتزال تواصل المعارك مع الخط الجديد الذي ظهر موازرا للحزب في لكه الجديد... مع وجود عمد الطيب الذي اعلن احباطه علنا.... ما يدور امامنا الان تديره التيارات الاتية 1-ابو رزقة والهلباوي ..(وديل نص جووه الحزب علي ما اعتقد وابورزقة يلغب الماتش من منازلهم الانصارية) 2-لنا مهدي وعماد الطيب 3-تيار حزب الامة المتفرج علي الاحداث 4-محمد عادل غاغات وراجمات كل الميكانيزم بتاع الكورجة الفوق ده حنجي ليهو ولكن عقب الفاصل
04-18-2009, 10:15 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
معذرة للتأخير يا كابتن و تحية للتحليل الممتاز لفت نظري مقارنتك بين موقف ود فرح ومواقف سابقة وحالية لود الباوقة اعتقد ان ود فرح حاول ان لا يزوغ من البوست لكن الهجوم الشديد و الموقف السيئ هو الأجبرو , اما ود الباوقة ففي العادة يتخارج بي وشو بدون ادنى محاولات إنقاذ واامن على اشارتك للاسلوب الفرانكلي في الحالات المشابهة لكن لا انصح ود فرح باتباعه لانو اسلوب آقريسيف و سيجني عدائيات و موقف ود فرح اصلا ضعيف لا يحتمل محاولات فك الحصار من عمر عثمان وود الباوقة كانت ضعيفة ولم تقدم الإسناد المطلوب وبفت في رقبتها
موضوع دكتوراة صلاح الزين بداية هل لاحظت يا كابتن ان اداء ملاسي تدهور الى حد ما ام ان الاعضاء درجوا على تجاوزه ببساطة اعتقد للضربات الكبيرة الاتعرض ليها في الفترة السابقة دور في الحتة دي نرجع للموضوع ... دايما بوستات الشكر و كسير التلج في البورد بتسير سلسلة وبدون مشاكل الا فيما ندر و الحالة القدامنا دي هي احد (ما ندر) فصادف وجود ناظم ابراهيم في البورد بحساباته و رؤيته المختلفة عن رؤية صاحب البوست لصلاح الزين ومن ناحية تانية برز الخواض بتساؤل ظاهرة الاستفهام و البراءة و باطنه محمل بحسابات معقدة و امور اخرى مما اسهم بفعالية في افساد البوست ونقله من خانة كسير التلج للهجوم على و الدفاع عن اتوقع تدخل الاجاويد و اصحاب فقه العدو المشترك و المصلحة الوطنية و يقفل البوست بدون ان يعرف الجمهور الإنجليزي هل في دكتوراة ولاّ مافي
بالنسبة لقصة علي تاج الدين و بلة موسى شو للأسف حصل فيها ضرب تحت الحزام و يبدو ان هنا مسنجرات اشتغلت قرف و تلفونات وقعت قرش ونص من اطراف تالتة علي تاج الدين في رايي موقفو سليم فقصة لجوءه حقيقية و بشهادة الشهود اما موقفو فهو حر فيه حتى لو راى البعض فيه عدم اتساق لا ادري لماذا انساق وراء نظرة البتغلب به العب به و انجر وراء امور شخصية و اشياء لا علاقة لها بالموضوع المهم ساهم في افساد البوست و حرفه عن موضوعه رغم محاولات كمال عباس و ابراهيم الحثيثة للمحافظة على طرح البوست الاصلي
في تعليق بخصوص موضوع حزب الامة الا تتفق معي يا كابتن ان ضجة وتداعيات ما بعد السابع تشابه إلى حد ما ضجة و ارهاصات ما قبل الخامس و العكس بالعكس أعني هدوء ما بعد الخامس و وما قبل السابع
بعد الفاصل....
04-21-2009, 04:53 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
كابتن كيكي يا عمك على عجالة كدا وقبل ما تخش على ملف حزب الأمة بتعقيداته الكتيرة عندي استفسار عاجل عمك الدكتور المترشح لرئاسة الجمهورية دا جادي ولا الموضوع فيه ماسورة
04-21-2009, 05:12 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: عمك الدكتور المترشح لرئاسة الجمهورية دا جادي ولا الموضوع فيه ماسورة
هلا ياعمك والدكتور ده جادي وماشاء الله عليهو شايفو من قبل مدة داعك في الفيس بوك... وياخي برسل جنس رسائل لاحولاااااااااااااا ههههه شايفو وصل الملجة دي ولكن لسع الناس ما هببو ليهو وبوستاته لم تلفت الانتباه... فاعتقد بانه يحتاج الي استيعاب الية فرض القضية علي سودانيز لكي تكون ساخنة ولافتة للنظر... واتخيل لي لسع الناس ماعرفتو ولاعندو معارف كثير عشان يدردقو ليهو كور البوستات.........
اليومين دي الاستديو بكامله هيئته انتقل في بث مباشر في معركة مع زول دكتور كضاب كده اسمو صلاح البندر ولو في واحد ياعمك من المحللين المعانا ديل فاضي فبالله ممكن يجي يتابع ويعمل فيد باك للاستديو لاني طرف في العكة وشهادتي بتكون مجروحة....
04-22-2009, 08:56 AM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
هلا يا ابوبكر وحبابك شديد وناسف للتاخير والغياب الذي في حضوره جرت جنس مياه تحت هذا الجسر الاسفيري العجيب ونعود اليوم وعلي عجالة لوضع روؤس المواضيع هنا كدس للتفكيك والنقة 1-موجات فقع المرارة (عثمان الريح-معتصم مكاوي) 2-معركة ذات السراير 3-تحليقة علي خفيف في موضوع الاخت شمائل النور وحادثة (تدني الوسط الفني اخلاقيا).. بالاضافة الي بعض النقاط سنلج اليها في حينها كمال يقول جميل عازر في قناة الجزيرة ونتوقع حضور كورجة المحللين بقيادة كابتن عمك ود البشري وكابتن حمور ومرحب بالجميع
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالكريم الامين احمد
osman righeem
محمد عادل
حمور زيادة
محمد البشرى الخضر
احمد التجانى احمد
أسامة الفضل
نزار محمد عثمان
صلاح ليون
khaleel
Muna Khugali
محمد عبد الماجد الصايم
أبوبكر أبوالقاسم
فيس بوك
تويتر
انستقرام
يوتيوب
بنتيريست