|
ظاهرة أحمد الصادق وحسين الصادق ومسخ غناء العمالقة (توجد أغاني ممسوخة)
|
ظهر في الفترة الاخيرة في ساحة الغناء السوداني فنانين شابين يدعيان أحمد الصادق وحسين الصادق (لا ادري ان كانا أشقاء ام هي صدفة في تشابه اسماء الاباء) وعن طريق الصدفة عثرت علي تسجيل لكمية من أغانيهم التي ظلو يرددونها في الحفلات العامة والخاصة ، شئ وحيد يربط بين هذين الاسمين هو مسخهم لجميع الاغاني التي تغنو بها ، فطيلة تقليبي لهذه الاغاني الممسوخة لم يساورني شك بأنها لا تشبه الغناء ولو في جزئية منه شعرت بحالة من الغثيان تعتريني ، موسيقي مشوهة لا تشبه الموسيقي ، فرق كبير في الزمن ما بين هذه الموسيقي المشوهة والالحان الممسوخة (أظنه مقصود كنوع من النيو لوك الغنائي الجديد).
متي يعلم هؤلاء وأمثالهم أن أغاني العمالقة يجب أن تترك كما هي عليه ؟؟؟
|
|
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: بكري الخير)
|
امس اول مرة احضر حفلة لاحمد الصادق .. صراحة الود غناي شديد .. غايتو على الاقل ده كان معظم الناس الفي الحفلة من خلال تعابير( وشوشهم) ..كل الفنانين الكبار بدو بتقليد القدامهم وبعد داك عملو شغلهم براهم .. المهم وجود الموهبة في الاصل
بعيدا عن الغناء كنت اتمنى استمرارهم في المديح لانهم الاتنين كانو مداحين شديد على حسب ما سمعت
ودي واحترامي صاحب البوست
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: يحى الشريف)
|
سلامات يا بكرى,,, والله محمد عادل دا يوم بكتل ليهو زول جد جد.,, إختزال الموضوع فى المفيد!!!أداك القصة ساندوتش يا حبيب!!!! المدّاحين قلبو مع العدادات وكدا,,, بعدين ما يقلبو كيف ما العالم كلهم بقوا مدّاحين !!! ومدّاحات!!!! ضايقوهم فى (أراضيهم)!! حدثنى صديق عن فنان شاب جديد وحينما جربت الإستماع إليه لم أستطع إكمال الأغنية للنهاية!! وقد يأتيك من يقول لك لا فهؤلاء الشباب فنانين!!!! فلا تستغرب يا صاحب فغير مسألة المذاهب فى حب الناس!! لا تنسى أيضا أن الذوق العام ومقاييس جودة الفن من عدمها وإمكانيات الفنان قد أصابها ما أصابها,,, !!Quote: يابكرى الخير هم اخوان احمد اكبر من حسين والاتنين كانو مداحين شغالين مديح ساكت فجاة قلبو |
مودتى,,
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: أيمن الطيب)
|
Quote: سلامات يا بكرى,,, والله محمد عادل دا يوم بكتل ليهو زول جد جد.,, إختزال الموضوع فى المفيد!!!أداك القصة ساندوتش يا حبيب!!!! المدّاحين قلبو مع العدادات وكدا,,, بعدين ما يقلبو كيف ما العالم كلهم بقوا مدّاحين !!! ومدّاحات!!!! ضايقوهم فى (أراضيهم)!! حدثنى صديق عن فنان شاب جديد وحينما جربت الإستماع إليه لم أستطع إكمال الأغنية للنهاية!! وقد يأتيك من يقول لك لا فهؤلاء الشباب فنانين!!!! فلا تستغرب يا صاحب فغير مسألة المذاهب فى حب الناس!! لا تنسى أيضا أن الذوق العام ومقاييس جودة الفن من عدمها وإمكانيات الفنان قد أصابها ما أصابها,,,
|
أيمن الطيب كيفنك حقيقة الصوت صوت مداحين لكن يتخيل لي لو استمرو في المديح كان احسن ليهم مع اني لم استمع اليهم وهم يمدحون المصطفي (ص)
محمد عادل دا حكاية قايمة بي ذاتا كمان
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: نوفل عبد الرحيم حسن)
|
بكري ازيك لا حول الله انت يا دوبك سمعت بيهم انا من سنتين "ومن غير ارادتي" موبايلي كله مليان اغاينهم وكذلك الكمبيوتر طبعا اولادي وبناتي غرامهم الاول النصيحة والحق يقال عندهم حنجرات قوية وحسين صوته اجمل لكن محتوى الاغاني حدث ولا حرج ويا ما دخلت في نقاشات مع شبابي حسع العاجبكم شنو ودايما ردهم يا ماما دي اغاني شباب بتعبر عن واقعنا امشي انتي اسمعي الكابلي ووزردي وزيدان لكن ديل بعكسوا واقعنا ونحن معجبين بيهم البنيات الله اديهم العافية اصروا اوديهم حفلة حسين الصادق حيموتو عشان بس يسلمو عليه كانهم لاقو الرسول المهم اصواتهم لذيذة وفيها قوة ورخامة لو استثمرت جيد مشاريع فنانين وبيني بينك خلسة مرات بسمع ليهم براي صفية
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: Safia Mohamed)
|
Quote: بكري ازيك لا حول الله انت يا دوبك سمعت بيهم انا من سنتين "ومن غير ارادتي" موبايلي كله مليان اغاينهم وكذلك الكمبيوتر طبعا اولادي وبناتي غرامهم الاول النصيحة والحق يقال عندهم حنجرات قوية وحسين صوته اجمل لكن محتوى الاغاني حدث ولا حرج ويا ما دخلت في نقاشات مع شبابي حسع العاجبكم شنو ودايما ردهم يا ماما دي اغاني شباب بتعبر عن واقعنا امشي انتي اسمعي الكابلي ووزردي وزيدان لكن ديل بعكسوا واقعنا ونحن معجبين بيهم البنيات الله اديهم العافية اصروا اوديهم حفلة حسين الصادق حيموتو عشان بس يسلمو عليه كانهم لاقو الرسول المهم اصواتهم لذيذة وفيها قوة ورخامة لو استثمرت جيد مشاريع فنانين وبيني بينك خلسة مرات بسمع ليهم براي صفية |
صفية كفارة وسلامتك والله
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: نوفل عبد الرحيم حسن)
|
Quote: سلامات بكري اختلف معك حول حسين واتفق معك حول احمد حسين صوتو جميل وقوي .. واختياره للاغاني موفق - رغم انها ليست ملكه ولكن الاختيار ينم عن حس مرهف وتذوق للغناء الاصيل احمد صوته برضو جميل .. لكن تمكن مشكلته في اداء اغنيات الهشك بشك .. حسب وجهة نظري بتوقع لحسين مستقبل زاهر |
والله دي معلومة جديدة يا نوفل بتاعت حسين وصوتو الجميل واحمد هشك بشك
ربما لا نختلف في الصوت القوي والجميل لكن الاختيار والتغيير الذي يطرأ علي الاغاني زائدا الموسيقي المشوشة بتحسسك انك بتسمع في اغاني ممسوخة، الا توافقني الرأي في ذلك؟؟
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: شمهروش)
|
يا اخوانا
الفنانين السودانيين كتار جدا
من زمن زنقار ولحدي نجوم الغد
بقت في قائمة للاغنية الواحدة بصوت عدد كبير من المؤديين
كل زول مننا يسمعا من الفنان البعجبو
ويا دار ما دخلك شر
يعني مثلا اغنية ( يازمن) للراحل ابراهمي عوض
عند اسرار
وعند نانسي عجاج
الناس بتسمع هنا وهنا
وفي ناس يسمعهوها من سيدا ابراهيم عوض
القائمة طويلة للسمع وكل زول فيكم يسمع من الفنان البعجبو
وواللا شنو
جمال
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: شمهروش)
|
لولا إختلاف الأراء لبارت السلع وكل جيل عندو الفنانين بتاعنو .. نفس الكلام ده يا بكري إتقال على محمود و فرفور و حتى قبلهم إتقال على وردي و محمد الأمين ... في النهاية الحاجة الجميلة بتعيش والحاجة السيئة بتذهب في طي النسيان .. شخصياً شايف إنو الشباب ديل ما بالسوء ده و الإثنين بملكو أصوات قوية و أداء جيد في معظم الأوقات مع ملاحظة أنهم لسه في بداية المشوار ...
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: خالد عبد الله محمود)
|
Quote: لولا إختلاف الأراء لبارت السلع وكل جيل عندو الفنانين بتاعنو .. نفس الكلام ده يا بكري إتقال على محمود و فرفور و حتى قبلهم إتقال على وردي و محمد الأمين ... في النهاية الحاجة الجميلة بتعيش والحاجة السيئة بتذهب في طي النسيان .. شخصياً شايف إنو الشباب ديل ما بالسوء ده و الإثنين بملكو أصوات قوية و أداء جيد في معظم الأوقات مع ملاحظة أنهم لسه في بداية المشوار ...
|
خالد عبد الله ازيك محمود وفرفور ووردي وود الامين ما كانو بالسوء دا، ديل فنانين السلاسل فنانين : اشتقت ليك يا منقا اشتقت لي صفقك هوي يا بخت العسل ال الله فيني دفقك (بالله عليك دي غنية؟؟ )
| |
|
|
|
|
|
|
Re: ظاهرة أحمد الصادق وحسين الصادق ومسخ غناء العمالقة (توجد أغاني ممسوخة) (Re: Abomihyar)
|
السلام عليكم جميعاً يا اخوانا غناء الحقيبة رائع في كل شي مفردات ولحن واداء لكن لكن لكن الى متى الاصرار على التقوقع في فلك غناء الحقيبة مع العلم انني من جيل الغناء الحديث كما يسمونه ( السبعينات والثمانينات) كما قال الاخوان كل جيل وله زوقه وكل زول بيسمع حسب مزاجو فما في داعي لان ننعت بعض الفنانين الشباب (ب- ما بعرف يغني او صوتو كعب اوووووو) يعني البارحة انا كنت بسمع في اغاني كرومة سيد الاسم وعملت كسرة بنادر خضر وبرضو كل زول يسمع البعجبو سلام
| |
|
|
|
|
|
|
|