|
|
 الليله هوي ياليل .. نص مسرحى
|
مارس 2009 *
...........................................
الليله هوي
..
او
الفيل يا مولاي ..
اتفاقية السلا م ..
.
...
( اظلا م كامل حين انفتاح الستار , بعد الطرقات الثلا ث المعلومه ايذاناً ببداية العرض
( يتضح فسفوريا من خيط الضوء المُسلط من الصاله ..
(هيكل لشخص تتضح معالمه وقدومه المطرد , من عمق المسرح أعلا ه , نحو الأسفل )
: انا الراوى بالمناسبه .. ممكن يا شباب تولعوا الانوار
( اضاء ه كامله لخشبة المسرح والصاله )
: ده الكلا م
( مُخاطباً الجمهور ..)
: وللا شنو !!
: مافى داعى للإيهام .. حتى اسألوا ناس المسرح , بقى دقه قديمه ..
: المُهِم مرحب بيكم .. وبالمناسبه دورى فى المسرحيه عادي جدا ً
: بمعنى انو ممكن يقوم بيهو اي واحد مننا من الطاقم اللاعب على
: الخشبه اليوم .. او فى اي يوم من ايام الفُرجه المُتاحه , او الغير
: مُتاحه
: بس الليله الدور وقع على العبد لله
: ما حأطول عليكم
: بالمناسبه التسميه بتاعة الفيل يا مولا ي *
:استندت على الكاتب
: سعدالله ونوس .. وكان اسم مسرحيته الشهيره ..
: الفيل يا ملك الزمان ..
: اما اتفاقية السلا م .. دي من عندنا نحن ناس المسرحيه ومعني
: بيها فتره معينه منتصف تسعينات القرن الماضى قبل نيفاشا
: عُقدت مع بعض الفصائل وسميت بالسلا م من الداخل ..
: ومن عندكم انتو برضو باعتباركم الجمهور المعنى بالعرض .
: اما
: الليله هوي
: فهى الرميه الشهيره فى اغنية الحقيبه ..
: وتكملتها
: ياليل
: فتكون الليله هوي .. هى الجذء الاول
: وغالباً ما تعقبها
: ياليل
: فى الجذء الثانى
( اظلا م للصاله والخشبه التى يتضح عليها الهيكل الفسفورى المُضيئ للممثل
( وهو يواصل حديثه متراجعا الى عمق المسرح .. اعلاه
: اها اشوفكم بعدين
( اضاء ه الخشبه ليتضح ممثلون وهم فى حالة استعداد قصوى للعرض ..
و, جيم : كيف يا شال ؟
و, شال: كلو فى السلِك .. الشرق كيف !!
و, غين: شرقرق ده غايتو مفروض اتلحلح معانا شويه
و, شق : عوجات كيها .. المهطه الوسطى كيف
و, سط: العاصمه كيف !! ده المُهِم ولا كيف يا ..
( ثلا ث طرقات .. يعتدلون فى وقوفهم وهم يرددون فى صوت خافت
( الليله هوي يا ليل .. الليله هوي ياليل .. الليله هوي يا ...
( حتى يصمتون تماما بدخول الملك ..
( حيث يأخذ مجلسه فى الصداره .. ثم يشير اليهم ايذاناً بالجلوس
( فيجلسون فى حالة من التأدُب يغلب عليها التكلُف ..)
.
.
الملك :.. هاا من اين نبدأ .. حسناً
: الشرِق .. دعونا نبدأ بالشرق .. يا والى الشرِق .. !
( والى الشرق هامسأ : .. الليله هوي يا.. يواصل الملك )
: كيف هى الاحوال تسير ..
: ما حال العباد والبلا د ؟
الوالى : .. كل الخير .. كل الخير
الملك:.. زدنا ايضاحا ً..
الوالى :.. الفيل يا مولاي .!
الملك : .. ماله الفيل هل اصابه مكروه .!
الوالى: معاذ الله يا مولاي انه فى احسن الاحوال .. فقط نشتاق رؤياه
: نسمع عنه فقط , فهو من اقليمنا لا يقترب .. يحوم حول التخوم ولا يقترب .!
الملك:.. والى ماذا ترجعون الامر يا والى الشرِق ؟
الوالى:.. نحن من امره فى حيره اهو الاعراض عنا ام دلال .!!
الملك:.. غالباً ياوالى .. غالباً ما يكون .. غالباً ما يكون الدلال ..
( يردد الولاه فى شبه طقوسيه وفى شيئ من الارتياح .. )
الولاه:.. لال
الملك:.. الغرب
:.. ماذا عندك يا والى الغرِب
الوالى:.. كل الخير وكل الحُب بأمرك يا مولاي
الملك:.. حاشا لله .. بأمر الرب
الوالى:.. عفواً بأمر الرب بدءاً .. لكن امرك يامولاي نبراس الدرب
الولاه:..( الولاه يرددون هامسين ..) رَب .. رَب .. رَب
الملك:.. هات ما عندك
الوالى:.. هذا كل ما عندى يا مولاي .. لكنا فى الغرب الشاسع الواسع ..
الولاه:.. سع
الوالى:.. نرغب فى صندوق دعم الولاياة .. نرغب فيما عندك يا مولاي ..
( يضحك الملك ايذانا بالضحك .. فيضج المكان بضحِك الولاة ..)
الولاه:.. اي ..اّي .. اّي
الملك:.. انت دائماً هكذا تخلِط الجد بالهزل أيها الماكر..
: فيماذا ستصرف المال ؟
الوالى:.. الفيل يا مولاي ..
الملك:.. باللاي !!
الوالى:.. واللاي ..
الملك:.. ( ضاحكاً .. ) انفحوه ما يطلب من ميزانيات , واجزلزا له فى العطاء
والهِبات , فلنا فى الغرب الكثير من الخُطط والتفكُرات ..
الولاه:.. اّت .. اّت .. اّت
الملك:.. الجنوب دار السِلم والحروب .. ماذا عندك ياوالى الجنوب ؟
الوالى:.. أسجل براعة الاختراع باسمكم .. واحييى براعة الاختراع
تلك الورقه السحريه .. السلا م من الداخل .. يا سلا م
الولاه:.. اّم .. اّم .. اّم
الوالى:.. فالورقه تحلق كالحمامات .. رغم أنف فوهات المدافع وهامات الدبابات
الولاه:.. اّت .. اّت .. اّت
اللوالى:.. ولقد أُعجِب بها الفيل أيما عَجَب
الولاه: جب .. شب .. جب ..
الوالى:.. حتى صار يتبعها أينما ما اتجهت , فصارت سلامته فى خطر .. وانت ادرى
يا مولاي بالغابه .. ادرى بالمطبات والحُفر !!
فصرنا نخشى عليه خِشية مابعدها خِشيه ..
الملك: .. ( هامساً )
خِشيه !!
الوالى:.. او ربما صار هذفاً للسِهام
الولاه:.. اّم م م ...
الوالى: من قبل الذين لم يذوقوا بعد .. عسل اتفاقية السلا م
الولاه:.. يا سلا م
الوالى:.. أو ربما عفصت أحد اقدامه المباركه
الولاه:.. كه ..
الوالى:.. طارةَ لغم
الولاه:.. نعم .. نعم .. نعم
الوالى: فتكون الحسره .. ويكون الندَم
الملك:.. وما العمل فى رأيكم ..؟
الوالى:.. تقييد حركة الحمامه , لضمان سلامة الفيل
الملك:.. انشاء جهاز ضبط حركة الحمامه .
الوالى:.. وبالنسبه للفيل يا مولاي ..
الملك:.. وما ذاك ؟
الوالى:.. بعد اذن مولاي .. نقترح المزيد من الحيطه , غير المُخِله برغباته طبعاً , فى الجري
الخِفيج والشيطنه ...
( .. يضحك الملك فيضحك الجميع
( .. الملك وهو يمسح قطرات الضحك الطروب عن عينيه ..
الملك:.. أحسنت يا والى الجنوب .. افتحوا له الجيوب
فتحاً بلا حدود , وزودوه بالعتاد والجنود , للاضطلاع بمهامه الدقيقه وفق معيار المرحله
الولاه:.. هلا .. هلا .. هلا ..
الملك:.. أهاا
يا الفى الجنوووووووووووب
حيي الشمااااااااااااااااااااااال
الولاه:.. شمال
مااال
مااال
الوالى:.. أعزَ الله مولاي
الولاه:.. اّي .. اّي .. اّي
الوالى:.. وأفاد بحكمه وحكمته البلا د
الولاه:.. اّد .. اّد
الوالى: ( هامساً ..)
ناقصه واحده ..
الولاه:.. اّد
الوالى:.. الفيل هُنا يامولاي ..
عشِق الرقص على ايقاع الدليب ... ما ادهش رقيص الفيله يا مولاي ..
الملك:.. باللاي !!
الوالى:.. واللاي .. يصفق له المصفقون وهو يرقص .. يسرح ويمرح بطول النيل
تتغنى القُرى على طول الشريط بحبهم له .. لكنه ُ
الملك:.. لكنه ماذا أفصح يا والى الشمال !!
الوالى:.. لكنه يبدو حزين .. حزين
الملك:.. حزين !!
الوالى:.. يبدو لى انه .. انه
انه عاشق يا مولاي .. أجل
فلقد صار يبكيه صوت الطنبور وشقشقة الطيور وبكاء الاطفال ومحنة الكِبار
وفى خُطه انقاذيه سريعه , استبدلنا الطمبور بالالكتريك جيتار
فثار
وحطم الاّله
وطفش نحو الصحراء لا يلوى على شئ , لكنا لم نقف مكتوفى الايدى
الولاه:.. ايدى
الوالى:.. أعدناه بالسلامه الى شريط النيل
الملك:.. حمداً لله .. حمداً لله .. أهاا !!
الوالى شكلنا كونسلتو لدراسة الحاله , خرج علينا بالحقيقه المُدهشه
الولاه:.. أهاا !!
الوال:.. الفيل يا مولاي !!
( .. صمت..)
الوالى:.. الفيل يا مولاي يفتقد العُشب ..
الملك:.. واين هو الشعب ؟؟
الوالى:.. العُشب يامولاي ..
العُشب وليس الشعب ..
الملك:.. اّّاا .. واين هو العُشب !!
الوالى:.. تعلم يا مولاي ان الارض هُنا فى الشمال ... تخنقها الصحراء , وانه لم يتبق َ لنا
سوى الجُزُر وهذا الشريط النيلى الرفيع , وان نسبة العُشب تمعن فى الأقلال وان حال الشعب
عفواً العُشب لا يطمئن ..
لذا ركن الفيل للبُكاء كلما طنبر أحد !!!
الملك:.. أقيموا سداً لجمع الماء وازرعوا الصحراء .. فيعُم الشعب ,, العُشب ويرقص الفيل
كما شاء له .. رقيص الفيله ..
الولاه:.. يلا .. يلا .. يلا
الملك:.. والى الوسط ..
الوالى:.. الفيل يا مولاي
الملك:.. ماله الفيل .!!
الوالى: له العزه والمِنعه , لكنه يحتاج .. اعنى نحتاج لترشيد حركته
الملك:.. أفصح يا والى ..
الوالى:.. اننا لم نعد نعرف كيفية جدولة حركته ونحن قوم نعتمد فى المعيشه على الزراعه
والمواطن هنا يحب الفيل ولا مانع لديه من ان يفنجط الفيل كما شاءت له الفتجطه , لكن فى حال
علمهم بمواعيد فنجطته , فسيكونون قد مهدوا الطُرُق وضايروا المحصول , بحيث يقللون بقدر
الامكان من حجم الخسائر ..
الملك:.. أشتم ُ رائحة رائحه غريبه فى هذا الحديث ايها الوالى
الولاه:.. ( هامسون )
الليله هوي يا ..
الوالى:.. ارجو الا يسيئ مولاي الملك حفظه الله , تأويل حديثى .. فالمزارع هنا كل جهده الى اين
يمضى سوى الى بطن وصحة وعافية الفيل !! وجهده اين يصب سوى نحو حبوره وسعادته !!!
لكنها الموازنه يا مولاي بين المعفوص وما يتبقى له من علف . . .
الولاه:.. علف .. علف .. علف
الملك:.. ( بصوت هامس لنفسه ..)
تجُر واطى ما قلتو نوبه ..
( ثم بصوته العادى ..)
انشاء جهاز ضبط و جدولة حركة الفيل .
الملك:.. أخيراً
ماذا عندك يا والى الخرطوم ..
الوالى:.. الخرطوم يا مولاي
( صمت .. )
الخرطوم .. خرطوم الفيل
( صمت .. )
الملك:.. اللهمنا الصبر يا الاهى .. ماله خرطوم الفيل ياوالى ؟؟
الوالى :.. عفواً يا مولاي .. لكن صحة وسلامة ورفاهية فيلنا وخرطومُه فوق كل شئ
الولاه: كل شئ
الوالى:.. لذا نراقبه بعيون مفتوحه اّذان تسمع حتى ما يجوس بخلده وتلافيف امعائه ..
الملك:. بوركتم من رعيه وولاة .. ماذا عن الخرطوم ؟؟
الوالى:.. كل الخير فقط يامولاي نُلاحظ
نلاحظ تلون الخرطوم مع ساعات اليوم
فكل ساعه تصبغه بلونها .. كأن الساعات يا مولاي
فُرشاة الوان
فالساعه الاولى من صباح اليوم هو الاسود الداكن .. ثم يأخذ السواد فى الثانيه صباحا ً
كأن له وزن فى الثقل , فى الثالثه يرجع السواد اادكنة ِ دون الثقل وفى الرابعه تخف
عنه الدكنة ِقليلاً اما فى الخامسه فيشف عنه السواد , متيحاً للبياض بالتوالد متيحا
للرمادى الاتجاه نحو الازرق فى السادسه يبقى البياض تحت الزرقه الخفيفه ليصير
كامل الصفاء فى السابعه ومن ثم ينحو نحو الاصفرار الراكض نحو البُنى , حتى
اذا انتصف النهارشع َ البنى ليستهل البُنى رحلة الثقل تحت الصُفره ليتيح لبزرة
الاحمر نحو الرابعه فى التنامى , فتتسلق حائط الصُفرة حتى تبلغ قمته نواحى السادسه
وبغياب الشمس يكون الاحمر القانى هو لون كل الخرطوم ثم َ..
الملك: ياوالى الخرطوم ..
برغم اننى لا افهم فى الالوان الا النزر اليسير لكننى .. لكننى اتفق معك فيماذا لا اعرف
تماماً .. لكننى افوضك لدراسة الحاله واوجه بالتالى :
: .. انشاء جهاز دراسة وتحليل وضبط الحاله اللونيه للخرطوم .
الولاه:.. أوم .. أوم .. أوم
الملك:.. اترككم الاّن يا ولاة البلا د للتداول
( يقفون .. يخرج الملك )
( اظلام يتضح خيط الضوء منصفاً الخشبه , يدخله هيكل الراوى أسفل المسرح
( مواصلاً حديثه الذى قطعه المشهد الفائت , الملك والولاة ..
الراوى: نسيت قبيل اقول ليكم انو الفيل هو .. المشروع الحضارى او دولة المشروع
اياه ..
( اضاء ه كامله لخشبة المسرح ,, لنلحظ حركة الولاه العاديه ,, اثر خروج الملك .. )
.
|
|
 
|
|
|
|
|
|
|
|
Re: الليله هوي ياليل .. نص مسرحى (Re: khatab)
|
..
يا استـــــــــــــــــــاذ
..
.اتابع و اقرأ بنهم...
و(باللهي)..قل لهم حتي...يرون الفيل..
ويتركون ..سراب...(ضله)..
فالظل مطلوب..ليقينا من...مشروع(الفيل)..الملتهب ,والحارق و(المتاصل) و
(الح..اري)....
ضع ميما هناك وعلي مسؤليتي!!
لك الحب..
ونلتقي..(في ود قادم).....
| |
|
|
|
|
|
|
|
|
|
Re: الليله هوي ياليل .. نص مسرحى (Re: Hawari Nimir)
|
Quote:
.اتابع و اقرأ بنهم...
و(باللهي)..قل لهم حتي...يرون الفيل..
ويتركون ..سراب...(ضله)..
فالظل مطلوب..ليقينا من...مشروع(الفيل)..الملتهب ,والحارق و(المتاصل) و
(الح..اري)....
ضع ميما هناك وعلي مسؤليتي!!
لك الحب..
ونلتقي..(في ود قادم).....
|
العزيز هواري .. خالص ودي ومعزتى
للمسرح ذاكرته التى لا تشيخ ...
كانت كتابة هذا النص فى العام 1997
.. لقد ذهب المشروع الهلامى الاّن لكن
الذاكره راصده وحاضره ..
سأعمل على انزال النص واتاحته للجميع
بمناسبة اليوم العالمى للمسرح ..
| |
|
|
|
|
|
|
|
|
|
Re: الليله هوي ياليل .. نص مسرحى (Re: khatab)
|
عارف يا صديقي
عامك سعيد اليوم تفتخ المسارح ابوابها
للوعي الأصيل
افتح صالة
ونقرش في النص ده
وشوف معاك مجموعة من الهواة عشاق المسرح
والعبوا اللعبة السحرية
حولوه الى سناريو عرض وشوفوا بسوقكم لي وين
التحية والصحة والعافية
وعامك سعيد
| |
|
|
|
|
|
|
|
|
|
Re: الليله هوي ياليل .. نص مسرحى (Re: محمد سنى دفع الله)
|
(عارف يا صديقي
عامك سعيد اليوم تفتخ المسارح ابوابها
للوعي الأصيل
افتح صالة
ونقرش في النص ده
وشوف معاك مجموعة من الهواة عشاق المسرح
والعبوا اللعبة السحرية
حولوه الى سناريو عرض وشوفوا بسوقكم لي وين
التحية والصحة والعافية
وعامك سعيد )
الحبيب محمد السُنى
عامك يا صاحب اسعد كُلُه محبه ولمسارح السودان الامتلاء فى مساءاتها بهادف
نافع و ممتع العروض وان تعيد سيرتها الاولى عطاءا وان تمتد اذرعها بالمواكبه
لما يدور حولها من علوم وتقنيات ..
اما بخصوص النص او النصوص , فلقد رأينا ان نفتح المطموره عما طال احوالنا
ا حوالنا السودانيه من احوال
لقد الوُد دائماً وانت تواصل دورك العطائى كأنقى واروع ما يكون
.
| |
|
|
|
|
|
|
|
|
|
Re: الليله هوي ياليل .. نص مسرحى (Re: khatab)
|
والى الشرق :
ياخى ما معقول اللغه الرسميه دي عملت لينا فلايت
والى الغرب :
Flight
ليه وين ياحبه !!
مُفكر تتخارج وللا شنو!!
( ضحكات من الجميع ..
والى الشرِق :
واللاي انا عندى زَمَه عديل كده .. ياخ الواحد بدل اوضح حالة اقليمو ومتطاباتو
لازم اتكلم من خلال المشروع الفيلى العجيب
والى الغرب :
ومال عملوك والى ليي يا ادروب ما تتحرفن , اتكلم من خلال المشروع الفيلى العظيم
طلِع حقك يا حبه .. متطلباتك لمواجهة احتياجات الاقليم بتاعك .. ومال ايه !! وانت
بالتحديد طوالى طالع كيت مع انك اكتر واحد مهدد فينا بعد والى الجنوب , السهام
البتترصد الفيل فى اقليمك موضوعا براو ..
والى الجنوب :..
كلامو صاح .. انت يا صاحبى تخُش لى تغطية مطلب اقليمك
من خلال المشروع الفيلى ظاطوو ولا شنو ..
( ضحكات استحسان ..)
عندك انا مثلا ً .. مرقت َ بي
( مقلداً فى الجمله القادمه .. طريقة وصوت الملك .. )
جهاز ضبط حركة الحمامه ..
( مواصلا ً تقليد الملك .. )
أفتحوا له الجيوب فتحاً بلا حدود وزودوه بالعتاد والجنود , للاضطلاع بمهامه الدقيقه
وفق معيار المرحله ..
( الولاه وهم يضحكون .. فى حالة عاديتهم تلك يرددون كما فى فى المشهد الفائت ..)
: هلا .. هلا .. هلا
( ينبرى احد الولاه الذىكان يقوم بدور الراوى .. مواصلا ً .. )
الراوى:..
يا الفى الجنوووووووب حييي الشمال مال مااال
( تتواصل الاغنيه وهم فى حاله .. اقرب للطرب الحقيقى منها للهزل
( يهتمون بمكياجهم وكل ما له علاقه بالاستعداد اثناء الحوار التالى )
والى الغرب:..
شوفت الحرفنه كيف يا ادروب .. اهو ده والى الجنوب طلَع ميزانيتُه
بتاعتُه بتاعة الدفاع من خلال الحمامه ..
والى الخرطوم:
دى الحمامه البتبيض دهب
والى الغرب:.. ( مواصلاً ..)
ووالى الشمال .. لفق قصه ما عارف نجرها كيف
دليب وطنبور .. وانهُه الفيل مكسَر وحزين وشنو ماعارف لحدى ما
وصل لى قصة العُشب ديك .. وضرورة اقامة السد .. ومن ثم ياصاحب
طلع بي جهاز شئون السَد ..
والى الوسط:..
لكن ياوالى .. انا فى سؤال محيرنى
والى الشمال:..
سَل ما بدا لك
( يضحكون .. )
والى الوسط:.. ( مواصلاً ..)
يا خوي انت باقى ليك السَد ده بيقوم .!
والى الشمال:..
والله نحنَ عملنا العلينا .. والباقى زي ما انت عارِف .!
(.. يضحكون .. )
شوُف
لو قامت السِدود
لإتاحة الماء والكُهرباء
كان بِها , وإن لم تقُم ..
كمان الميزانيه
بتاعة السَد
فى اليد .. وبتمشى الإمور
لكن انا
برضى عندى ليك سؤال يا والى الوَسَط .!
والى الوسط:.. سل برضو .. مابدا لك
والى الشمال:.. ياخوي قربت تفك اللعب ولا شنو ياجماعه !!
شنو تقول للملك
لا مانع للمواطن من يفنجط الفيل .. ما شاءت له الفنجطه !!
والى الوسط:.. ماصاح ياخ .. اتخيلوا انُه افنجط شمال إروح مُفَنجِط يمين
معفِص الزراعه .. مُخرمج المويه وملخبط الواطه كلها ..
جننا جن .. مزارع واحد عليهو الطلاق .. عارف اشتغل مافى ..
كان خِتو الزراعه دي اقبلوا وين !! أهاا لما نكون عارفين الفنجطه التاليه
حتكون وين .. الناس بتستعد وتعمل حسابها .. انشاالله تقنع ليها من حواشه حواشتين
خصيصاً للفنجطه وللا شنو !!
والى الشمال :.. لكن وصلت مرحلة الخطر وقربت تروح فيها لما قال ليك
.. اشتم رائحة غريبه فى هذا الحديث ايها الوالى
والى الجنوب:.. :..
ارجو الا يسيئ مولاي الملك حفظه الله , تأويل حديثى .. فالمزارع هنا كل جهده الى اين
يمضى سوى الى بطن وصحة وعافية الفيل !! وجهده اين يصب سوى نحو حبوره وسعادته !!!
لكنها الموازنه يا مولاي بين المعفوص وما يتبقى له من علف . . .
الولاه:..
علف .. علف .. علف
والى الوسط:.. ما لازم أجُر واطى المهم امرُق بجهاز ..
الولاه :.. انشاء جهاز
ضبط وجدولة حركة الفيل
والى الجنوب: .. شنو يا والى الخرطوم !!
( .. صمت
( .. والى الخرطوم يبدو ساهما ً .. )
و
نواصل
| |
|
|
|
|
|
|
|
|
|
Re: الليله هوي ياليل .. نص مسرحى (Re: khatab)
|
والى الجنوب: .. شنو يا والى الخرطوم !!
( .. صمت
( .. والى الخرطوم يبدو ساهما ً .. )
.. يا والى الخرطوم .! والى الخرطوم ..!!
والى الخرطوم:.. اّاا ..!!
والى الجنوب:.. شنو سارح وين يا خوي !!
والى الخرطوم:.. لا ابدا ً مافى حاجه ..
والى الغرب :.. إيش لونك حبيب ! الخرطوم غابة الوان خيو !
( تنتهى ضحكاتهم ليخترق صوت الوالى فجوة الصمت )
والى الخرطوم:..
تناقضات اقاليمكم كلها صابه عندى وعامله فى ولايتى عمايل
لا انتو ولا ملِكُم
حاسين بي خطر المشكله
والى الشمال:.. كلامو صاح يا جماعه
الراجل محمول
والى الجنوب:.. مشكلته معقده جدا ً
والى الخرطوم:..
جهاز دراسة وضبط الحاله اللونيه للولايه ده , لازم اكون على درجه
عاليه من الكفاءه .. لانو الحاله اللونيه ما مطمئنه , بالذات الحُمره الداكنه
والاسود الداكن والاصفر
( نلاحظ تدهور حالته النفسيه وتداعيه .. كمن يعانى هدربات الملاريا ..)
.. والبُني .. والرمادى
( يراقبه الجميع فى صمت واشفاق .. )
كل الالوان
كل الالوان البتظهر وتدرج ساعات اليوم مُخيفه ومزعجه
الوان الوان الوان
دلالات اعتمال الصراعات داخل الجسم
.. فحص عينات الالوان على مدار الوقت مُهِم وللا شنو !
.. تحديد الداء داخل الجسم !
.. ايجاد الدواء الشافى ..
.. طرية تناولُه بجرعات دقيقه
.. اهمية حِفظ الادويه فى امكنه ودرجات حراره معينه
.. وبعيدا ً .. جدا ً عن ايدى الاطفال
.. حالة التعافى
.. مراحل النقاهه
انا يا جماعه محتاج لكل الوزارات تقيف معاي
اّاّي
والا واللاهى ...
( يتجمعون حوله ثم يتبادلون الحوارات القادمه بايقاع سريع محاولين انتشاله
( من الحاله التى قبع فيها .. )
والى شين :.. قول بسم الله اطرى الله يازول
والى غين :.. لا حول ولا قوة الا بالله
والى جيم :.. سلامه انشاءالله مافى عوجه
والو وسط:.. يا جماعه الحقونا بي كوز مويه
والى قاف:.. الحى الله والكاتل الله خلي ثقتك فى الله كبيره
والى شين:.. اكبر يا راجل شِد حيلك شويه
والى غين:.. ما لا اكسرك يقويك َ
والى جيم:.. مافى لونا ً كتلُه زول
والى وسط:.. ساعدونا بالمويه ياجماعه .. اطرى الله ياوالى
والى الخرطوم:.. عملتوها لى حوليه خلاص .. ما صدقتو الواحد زغلل
( .. يضحكون وهم يهيئون انفسهم للمشهد القادم .. يواصل والى الخرطوم .. )
.. انا اّسف يا جماعه الحقيقه .. اعصاب والى الخرطوم كانت تعبانه شويه
الراوي :.. معاه مليون حق .. شغُل تمام
والى الخرطوم :..
بعدين انتو عارفين الجهاز ده مسئوليه لازم اكون تمام التمام مش اي كلا م
والى الشرق:.. والله صحى زيما قالوا البشوف مصيبة غيرو تهون عليهُ مصيبتُه
الراوي:.. الليله هوي يا ليل .. الكوتش جاكم
( يعود الولاة الى مواقعهم وكامل الاستعداد .. يدخل الملك .. )
ونواصل
.
.
| |
|
|
|
|
|
|
|
|
|
Re: الليله هوي ياليل .. نص مسرحى (Re: خضر حسين خليل)
|
Quote:
ياوالي المسرح والكتابة
انا منتظرك في شارع الله
(الفوقي هجير والتحتي بقل)
ياكـ(تاب)
ازيك وحمدلالك بالسلامة
اهو انا كويس
وسلت ليك هينين اشواق مع آسيا
والله افتقدتك شديد
|
مرحبا بمليكنا
خضر حسين خليل ,,
لفلول المنفى الذى يبتغى
الامتلاك و من ثم التعبير بما شاء من الادوات
. نفتح مسرحنا هذا , هُنا بعد طول احتجاب ..
. ملكا ً خالصاً للمسرح السودانى .. عامل مسرحى وجمهور
. طال ما رأى فيها ما حاول ان يفصح عنه النص من تقاطعات
. على مستوياته المتعدده . بالرجوع للمؤلف فى حالة الرغبه
. فى انجاز النص على ارض الواقع , كعرض مسرحى .
معليش طولت عليك .. اعلاه .. فقلت اهو فرصه نبل الشوق وندى المشروع المسرحى دفره
كان اتصلح معانا شويه .. امهد وللا اجُر الدرب حبه لى قدام .. درباً طويل يابا
والمسرح ما حارساهو دبابه ..
فرحه .. شوف .. نقاش .. ندوه .. كتاب
.
كده كيف يا ملك !
سلا م مربع واسداس
.
| |
|
|
|
|
|
|
| |
khatab
Hawari Nimir
محمد سنى دفع الله
خضر حسين خليل
فيس بوك
تويتر
انستقرام
يوتيوب
بنتيريست