يعني في حلتنا و تمارسوا العنصرية ؟ و تنادي كمان خضر و موسى و فيصل خليل ؟ جابت ليها دعاوى عرقية كمان ؟ بكري بس فالح يحذف بوستات الهناي و مخلي ( الخرق ) الواضح ده للبتاع ؟
( سيد عكاشة أريتو جرستو جرسة السرور .. عقبال خضروب ) . و بعدين : إتفضل يا سيد شيل الجرس بتاعتك من هنا .. بلاش كلام فاضي معاكم . ( هريقه ويللون إسكا هرقي جاميرون ) .
.... الطاهر ياخي جيت الجريدة افتشك .. و وصيت ليك سلوى غالب .. و برضك عامل رايح ؟
04-03-2009, 06:30 PM
الطاهر ساتي
الطاهر ساتي
تاريخ التسجيل: 02-18-2006
مجموع المشاركات: 3227
ده حنك ..؟ قال فتشت ليك وسألت منك .. ياأخى أناإتصلت عديييييل لأمن صوتى بح
على كل ، أسبوع كدة وبأديك كول ان شاء الله دلوقت أنا برة كرش الفيل بتاعكم ده
.............. وبوهين ده فركة كعب منك .. تعال مارس فيهو شوية عنصرية بالأمسيات وبالمرة تصلح لسانك المستلب بالعربي الكتير ما سامع صحبك سيد بيقول فى نهاية الأغنية : اللغة دى قاتلة ..؟
...... تحياتى وأسمع عنك كل خير ان شاء الله
04-03-2009, 06:08 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
إنه وبعد يا الطاهر والله بي صراحة تأسفت للغاية لهذا الحاصل انت ياخينا الحصل شنو بي ورانا في الخراتيم ؟ وعكازي خليهو لكن مكي صاحب الشئ زاتو أها ودع مدينة الرياض وهو هسي في طريقوا للخرطوم ومحمد نورالدين استمعت لي جزؤ من تبريرو ودة كلام غريب انك عشان تجذب الناطقين لغيرها تشوه في تراثك وفي أداءك وشخصياً يا الطاهر بفتكر انو الحصل دة مبالغة عديل والمؤسف انها جات من فنان بقامة محمد نورالدين ! عجبني الزول الرفض التشويه دة وياريت لو كنت في نادي بوهين اليوم داك .
بعدين شنو الداع انك اصلاً يا محمد نورالدين تضطر إضطراراً لتوصيل ثقافتك بالطريقة المجوبكة دي ؟
محن ياالطاهر محن ليس الا
04-03-2009, 06:28 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
Quote: وعكازي خليهو لكن مكي صاحب الشئ زاتو أها ودع مدينة الرياض وهو هسي في طريقوا للخرطوم
مكى ده إتاأخر ليه ..؟ ليهو شهرين بيقول جاى .. وقبل شهر تقريبا عملو ليهو حفل وداع يلا المفروض بعد ده يجى ناطى على طول .. فى انتظارو ريقنا جف ..
لكن بينى وبينك عديلة مرقت من مكى تانى الله يعلم يلم فيها بسهولة بقت للناس زى النشيد الوطنى ..واحتمال كمان تغنيها فرقة حبشية وده سلاح ذو حدين .. انتشارها كويس ، بس المفروض تنتشر كما غناها مكى ..............
Quote: ومحمد نورالدين استمعت لي جزؤ من تبريرو ودة كلام غريب انك عشان تجذب الناطقين لغيرها
هو قال مجرد تجربة .. قلنا ليهو : جزاك الله خير بس تانى ماتكررها ..!!
الزول البيحتج ده عمك سيد عكاشة ماسامع قال دايرين نبقى زى الايرانيين ..!!
04-03-2009, 06:53 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
مكي وصل الامارات يا الطاهر وفعلياً غادر المملكة كمان شوية وحيشرف البلد . حبابو الف .. ينور وبيهو البلد تتشرف
Quote: اها فرح دة منو ياخ ؟
فرح منا ؟؟؟ كومارى إحتمال قاصد ود التكتوك ..!!!
في زول قاعد جمبي قال دة (عبث بتاريخ الامة)
هى تجربة .. وما أظن يتمادى فيها ..
لكن نور الدين ده صوتو رهيب ..
بالليل ان شاء الله بانزل ليك حاجات تانية أصلية .. بصوت نور الدين نخفف ليك الصدمة شوية .. امشي بوست سرى البيسأل فيهو عن سيد احمد .. واسمع كجبار بصوت نور الدين شي يجنن
04-03-2009, 07:52 PM
عاطف عبدون
عاطف عبدون
تاريخ التسجيل: 02-27-2008
مجموع المشاركات: 3701
الطاهر ساتي النوبي المستلب المستشرق انت من اتلميت علي ناس سيد عكاشةو نادي حلفا وقدمت لي دعوة عرفت انك حتكون شغال تأصيل في الأغاني دي قال في القلوب بتعلي شأنا قال هسة دي ترجمة دي لغنية ولا مدحة ياخي قوم لف...
تعرف يا خضر ضربت ليك للطاهر قال انا في القاهرة ومتوجه لأسوان...قلت توصل بالسلامة لكن انا نادي حلفا بمش بحتله يوم بالطريقة دي الناس ديل لازم نفرتقهم
الرد الرد كبوش وكديس
الطاهر ياخ ما تمش لفكري كاشف ده في بيته واعمل معاه لقاء وشيل منه تسجيلات ياخ يا ده زيه زي حمزة علاء الدين
تحياتي
04-04-2009, 10:42 AM
baha eassa
baha eassa
تاريخ التسجيل: 07-21-2007
مجموع المشاركات: 6578
شايف عاطف فاتح نار فى نور الدين الزول ده صوتو سمح رغم انف وردى وردى ذاتو عبد الوهاب ولدو عندو فيهو راى ..!! هاك اسمع دى عشان تغير رايك في محمد نور الدين
04-04-2009, 09:45 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
............... الزول ده قاليكم تجربة لوماعجبتك بتكون عجبتك غيرك طبعا غيرك ده ما أنا بيكون فى كم مستلب متكيف من الشغل ده وحب المستلبين مذاهب .. خليك ديمقراطى
04-04-2009, 10:04 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
يا قمر بوبا اخوي مسكاقمي تعال ومتع نظرك وقلبك كمان بس الولد الفقري دا ما يجي معاك الاسمو خضر حسين انت اخبار ابوكديس شنو ليه قاطع مننا موية وكهربا
يا طاهر كلتوس يا ود اختو سرن اقمندو شنو الحشو دا في داعي تخلي الأربي يهشو في الغنى حقنا تعرف الزول حقنا لمن يغني بالعربي يكون ذي شنو ذي البيبسي بدون تلج عديلة ومحشو بالعربي ما يصير
04-05-2009, 03:07 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
نور الدين دا وردي وصاهو زمان يشوف ليهو شغله تانيه غير الغني
بس هو ما سمع كلام وردي
لو كان نور الدين قدم شئ للساحه الفنيه النوبيه كان لقي جماهير بتستمع ليهو وعمل معجبين
ولإنو ما قدم شئ غير غني وردي الماقدر عليهو
عشان كدا قال احسن يفتش عن المستعربيين ويلقي مدخل عبرهم للساحه الفنيه
دا كلو كوم والغنيه دي كوم تاني
لانو الكلام البتغني بالعربي دا ما عندو اي علاقه لا من قريب ولا من بعيد بي أغنية (عديله)
ذكرني بي محمد منير لمن غنا الشمندوره
لمن بقول (عشه بتستني رايحه فين انا ليكي بغني غنوتين ) ولي اخر السخف
يعني عشه دي جات من وين وحكايتها شنو ما قدرت افهمها
زي حكاية ( في القلوب متعلشانه دي) بتاعت محمد نور الدين دي
كلامك مظبوط جدا واضيف ان: محمد نورالدين رغم صوته الجميل فعلا لم يقدم شيء للفن النوبي حتى عندما كان يقلد الفنان العظيم وردي في الحفلات كنت اتضايق شديد لهذا الصوت الذي يشوه اغاني وردي رغم ان صوته جميل لو تغني اي اغنية معروفة.
04-05-2009, 03:48 PM
مزمل خيرى
مزمل خيرى
تاريخ التسجيل: 03-29-2009
مجموع المشاركات: 5652
صورة من الثلث الاخير من تسعينات القرن الماضي اخذتها لصاحب "عديلة" في دبي ... وهو لسه "صغير" ؟؟؟ ما عارف هسع بقي كيف ؟؟.. اخر واول مرة اشوفو ولكن بنسمعو (اخر مرة شفت محمد نورالدين كان سنة 1973 وبرضو كان بيغني من زمااااان فبالله خلوهو في حالو اهو مجتهد رغم الزمن وصوته الجميل ولكنه اصر علي محكاة وردي فضاعت موهبته الاصلية ) :
04-06-2009, 00:45 AM
عاطف عبدون
عاطف عبدون
تاريخ التسجيل: 02-27-2008
مجموع المشاركات: 3701
Quote: اخر واول مرة اشوفو ولكن بنسمعو (اخر مرة شفت محمد نورالدين كان سنة 1973 وبرضو كان بيغني من زمااااان فبالله خلوهو في حالو اهو مجتهد رغم الزمن وصوته الجميل ولكنه اصر علي محكاة وردي فضاعت موهبته الاصلية ) :
ما قنا شئ في صوتو
بس حكاية انو مجتهد دي ما شفنا لسع اجتهادو
مع انو الزول دا بغني بي عمري
لكن مالقيت شئ ممكن اقول انو اضافو للساحه الغنائيه النوبيه
اما انو نخليهو في حالوا
والله نحنا كنا خالنو في حالو
بس لمن يبشتن في غنانا كدا هو البكون ما داير يخلينا في حالنا
04-06-2009, 01:39 AM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
تعرف يا عاطف انا من انصار الحفاظ على التراث والاغاني النوبية بعيدا عن اي تعريب.. حتى ادخال الموسيقى الحديثة من اورق وخلافه اعتبره تشويه ..يعنى طنبور وصفقة بس.. لاحظت زحف بعض الكليمات العربية في الاونة الاخيرة على كثير من الاغانى النوبية بما فيها التعويذة عديلة ..و تيقنت انه بمرور الزمن لن يبقى منها الا الاسم ما لم يكون هناك اتجاه مضاد للتاصيل .. لكن الزول القلبا مرة واحدة دا نفسي اشوفو عملا كيف..
norka fagm hmdol naladain batin
04-06-2009, 01:59 AM
السر عبدالله
السر عبدالله
تاريخ التسجيل: 11-10-2006
مجموع المشاركات: 1498
شكرا يا الطاهر والله اللحن بديع والكلمات بديعة كان بالعربي كان بالرطانة ويجعل اليائس من الحياة يحب الحياة ويجعل المحبط يستعيد الأمل ويحب الحياة وشكرا مرة أخرى وكتر من مثل هذه الابداعات ومسكا فيو
04-06-2009, 02:53 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
سلام يا الطاهر وتحياتي اول بالتبادي اسمها.. الناطقين بغيرها! وليس .. غير الناطقين بها!! وخضر صاحبي برضو عجمي وما بكون جايب خبر!! المهم يا صاحب اجمل واعز اصدقائي حلفا ومحس وبالله تحية لصديق الزمن الجميل سيد عكاشة من شوفتو طولنا وليه شوق وافر ياخ ده اجمل وانقى صديق لي تحياتي ليكم
04-06-2009, 03:02 AM
خالد العبيد
خالد العبيد
تاريخ التسجيل: 05-07-2003
مجموع المشاركات: 21983
زمان كنت في منزل صديقي عباس وهبة متلمين في صحن ملوحة وكانت كل الاسرة حاضرة حتى الحبوبات والجميع يتحدثون برطانة ساخنة جدا انا الوحيد المقهي وما فاهم اي حاجة فجأة اشارت لي الحبوبة وخاطبتني بلغتها وضحك عباس وقال لها : ده ما بعرف يرطن / طبعا بالرطانة
فقالت لهم زاجرة وغير مصدقة : مش حرام عليكم لحدي ما يكبر ما تعلموه يتكلم !!
فضحكوا جميعا فكانت الحبوبة في قنعاتها ان من لا يجيد الرطانة لا يعرف ان يتحدث مطلقا وتحياتي ليكم
04-06-2009, 03:35 AM
abubakr
abubakr
تاريخ التسجيل: 04-22-2002
مجموع المشاركات: 16044
بس لمن يبشتن في غنانا كدا هو البكون ما داير يخلينا في حالنا
ياعاطف المشكلة في السميعة عمك محمد نورالدين لقي الاجيال الصغيرة كلها بتتكلم عربي فقال ياخدها من قاصرها ويترجم .. دة مشكلة حقيقية ظهرت وسط النوبييين من اهلنا في الشمال المصري رغم انهم من اكثر النوبيين حفاظا علي التراث .. الاغنية النوبية هي التي ابقت علي مفردات اللغة النوبية رغم هجرات عربية وغيرها الي المنطكقة وبالتالي ابقت علي مجمل مضاميين الارث النوبي كون ان اللغة النوبية اساسا لغة انشاد chanting ولذا تخلو من مفردات نابية وقاسيةوتعبيراتهاالغنائية عميقة وكون ان اللغات مواعيين ارث وثقافة ...توجيه الغناء النوبي ليكون اداة تعليم شفاهية للغة النوبية وسط الاطفال باغاني خاصةبهم ربما يكون مخرجا او مدخلا لتعليمهم اللغة ... اكثر من غني باللغة النوبية للعامة ومن خلال المذياع والتلفزيون دون ان يضيف اليها ما هو مستعار من لغات اخري محمد وردي ومن اكثر من كتب اغاني نوبية هذه الايام هو مكي ومن اكثر من كتب حكاوي وشعرا نوبيا هو ابراهيم عبدو ولكنهم جميعا لم يكتبو ولم يغنو للطفل النوبي بلغتهم وامل منهم جميعا خطوة ما في هذا المضمون لعل وعسي عمك محمد نورالدين ما يضيف لغة عربية تاني الي الغناء النوبي ....
04-06-2009, 06:20 AM
هشام كمال
هشام كمال
تاريخ التسجيل: 05-14-2006
مجموع المشاركات: 1239
اطلق الفنان الشاب هشام كمال دعوة لموسقة الغناء النوبى للخروج من دائرة الالحان الدائرية المغلقة وناشد هشام الفنانين النوبيين بالاستعانة بالموسقيين رابطا ذلك بانطلاق الاغنية الى العالمية واضاف هشام اننا إن اردنا ان نخلق اغنية تنافس فى المهرجان العالمية دون ان يتعامل معنا العالم باننا تراث ليس الا يحب ان يتكامل العمل الفنى بتوزيع ادوارة مابين الموسيقى واللحن والاداء والكلمة والصوت وذلك يتطلب ان يترك كل دور للمختصين وانهاء دور المبدع الواحد " الجدير بالذكر ان هشام كمال تراجع عن قرار اعتزالة بعدان تدخل الموسيقار ابو عركى البخيت فى الامر متصلا باحدي الصحف كسابقة لم تعهد لة منذ اواخر ثمانينيات القرن المنصرم وقال عركى ان اعتزال هشام كارثة حقيقية للموسيقى السودانية .
المبدع النوبي صديقي الراحل عن دنيانا في مايو 2006 عليه الرحمة حمزة علاءالدين خرج بالاغنية النوبية عزفا موسيقيا وايقاعا ولم يتجاهل الاداة الاصيلة في الطرب النوبي "الطار" و"الطنبور " و "التصفيق" وكان في بعض حفلاته يعزف بالعود فقط وفي اخري بالطار فقط وفي اخري مع موسيقيين بكلتيهما وادوات اخري ..هذا علي مستوي موسقة الغناء النوبي عالميا ولكن في كلا مناطق النوبية الشمالية (مصر) والجنوبية (السودان) ادخلت الات موسيقية وترية وغيرها ويعاب علي بعض من ادخلوها ان اصواتها غطت علي الصوت الغنائي النوبي المعبر والذي يعتمد علي شعر نوبي عميق المعني وذو بلاغة عالية المقام ومقدرة وصفية مذهلة .ومشاهيير من مغني النوبة قديما استعانو بالطمبور كاداة وترية اصيلة واعطوها حيز واضح في غنائهم فتكاملت مع اصواتهم متجانسة حنينة ...ارتبط الغناء النوبي بليالي النوبة القمرية وهدوئها فلذا كان الصوت الذي يخرج حنينا بكلمات معبرة هو اول ما يحرك فينا شجنا ثم ياتي صوت الطار او الطنبور او "التصفيق" بايقاع واضح يحرك اجسادنا في تناغم مكملا اللوحة الغنائية النوبية ... لست موسيقيا ولا ناقدا موسيقيا ولكن عاشقا لاغانينا النوبية فان عبرت اعلاه غيرما هو عند الموسيقيين المحترفيين فليعذرو قلة معرفتي في مجال هم ادري به
ولكم مودتي
04-06-2009, 05:13 PM
خضر حسين خليل
خضر حسين خليل
تاريخ التسجيل: 12-18-2003
مجموع المشاركات: 15087
يا هلا بالرائعين والرائعات بالله كلكم عشاق محمد نور الدين .؟؟ يا سلام عليكم ياخى كنت حاسي الاغنية المستلبة دى راح تكون عندها عشاق وناس ذواقة زى مزمل خيرى والمحسية وبهاء عيسى وأرصد وحمزاوى انقي وابوبكر وخالد العبيد ونوباتيا وراوية رغم انهم ماقادرين يسمعوها والسر عبد الله والفنان هشام كمال ومدحت عثمان ووووووووووووو قائمة المعجبين بالاغنية طويلة ما شاء الله
وديل هم الناس الذواقة البتفهم الفن صاح بدون اى عقد استلابية والفنان نور الدين استهدفهم بتجربتو وكان واثق انها بتلقى قبول منهم
وكدة مع الكم الهائل من المعجبين ممكن نقول التجربة ناجحة وما ضر نور الدين ان لا يسمع تجربته شوية ناس من امثال عاطف وخضر وفيصل واحمد بشير وخالد حاكم وقمر بوبا شنو يعنى 9 انفار رافضين قصاد طرشمية معجب ..؟؟
الف مبروك لمحمد نور الدين على نجاح تجربته ... يلا بعد ده واصل مسيرة الترجمة مطمئنا وسريع كدة ترجم لينا اسمر اللونا.. وماتشتغل بالفئة القليلة الرافضة دى كم من فئة كثيرة ناصرتك فوق عندما سخرت منك هذه الفئة القليلة الحاسدة .. عاطف وخضر ومن لف لفهم ..!! (لكن بينى وبينك يامحمد نور الدين انا مع من لف لفهم ديل )... وطبعا ده راى خاص مابيمنعك تواصل مسيرة الترجمة الفورية ...!! .................... ....................
العزيز خالد العبيد ... تحياتى سلامك يصل لحبيبنا سيد عكاشة ان شاء الله وبامدك بتلفونو عشان تتواصل معاهو طبعاالباشمهندس سيد بقى زول مهم ووقتو مليان عمل عام ( ده كسير تلج عشان يعفينى من رسوم الاشتراك .. ان شاء الله شهر )
..................
خالد حاكم ... سيكرفى داير اسألك يا الاخو قريت دنقلا الثانوية فى نهاية التمانينات ( 86 - 88)..؟ ولا ياربي اسم على اسم ..؟ (البيسألك ده واحد اسمو كرار ساتي .. ماأنا ) ....................
فيصل
Quote: انا بعتبر المحاولة دي اغتيال امة.
أمة محمد ؟؟؟؟؟
...................
خضر
Quote: مرجاسودا مرجان سودا ان جلي مرجان سودياااا
ما إن جلي براهو المنبر كلو مرجا سودا يعنى بقت على عديلة نور الدين وفرح بتاعتو ؟؟
وراجعين ان شاء الله
04-07-2009, 01:51 AM
عاطف عبدون
عاطف عبدون
تاريخ التسجيل: 02-27-2008
مجموع المشاركات: 3701
Quote: المبدع النوبي صديقي الراحل عن دنيانا في مايو 2006 عليه الرحمة حمزة علاءالدين خرج بالاغنية النوبية عزفا موسيقيا وايقاعا ولم يتجاهل الاداة الاصيلة في الطرب النوبي "الطار" و"الطنبور " و "التصفيق" وكان في بعض حفلاته يعزف بالعود فقط وفي اخري بالطار فقط وفي اخري مع موسيقيين بكلتيهما وادوات اخري ..هذا علي مستوي موسقة الغناء النوبي عالميا ولكن في كلا مناطق النوبية الشمالية (مصر) والجنوبية (السودان) ادخلت الات موسيقية وترية وغيرها ويعاب علي بعض من ادخلوها ان اصواتها غطت علي الصوت الغنائي النوبي المعبر والذي يعتمد علي شعر نوبي عميق المعني وذو بلاغة عالية المقام ومقدرة وصفية مذهلة .ومشاهيير من مغني النوبة قديما استعانو بالطمبور كاداة وترية اصيلة واعطوها حيز واضح في غنائهم فتكاملت مع اصواتهم متجانسة حنينة ...ارتبط الغناء النوبي بليالي النوبة القمرية وهدوئها فلذا كان الصوت الذي يخرج حنينا بكلمات معبرة هو اول ما يحرك فينا شجنا ثم ياتي صوت الطار او الطنبور او "التصفيق" بايقاع واضح يحرك اجسادنا في تناغم مكملا اللوحة الغنائية النوبية ... لست موسيقيا ولا ناقدا موسيقيا ولكن عاشقا لاغانينا النوبية فان عبرت اعلاه غيرما هو عند الموسيقيين المحترفيين فليعذرو قلة معرفتي في مجال هم ادري به
يا سلام يا استاذ ابوبكر كلامك درر.. تعرف في عام 2004 حضرت امسية للراحل المبدع حمزة علاءالدين في بوسطن في قاعة ضخمة جدا و في كل الحضور كنا اربعة سودانين ..استمرت الامسية قرابة الاربعة ساعات امتلاءت القاعة عن بكرة ابيها و كان هناك عدد كبير من الناس واقفين في الاطراف و جالسين بين الممرات في صمت مهيب كانهم منتظرين Jesus ..استخدم الراحل الاسطورة العود والطار فقط وبعد كل اغنية تضج القاعة بالتصفيق والهتافات لمدة خمس دقائق ثم يرجعوا لخشوعهم مرة اخرى عند بدء الاغنية التالية ..وكنت اتعجب من امر هؤلاء القوم فانا معزور لاني مع رنة العود و دقة الطار كنت ارى واشم واسمع جداول وروث البهائم ورصة القساسيب وحش النخيل فما بال هؤلاء وكيف صاروا مجاذيب لمفردة ولحن من كوكب اخر.. اذا كان هذا حال قوم لا علاقة لهم بلغة او ثقافة او مورؤث احبوا هذه الاحان العذبة الصافية ممزوجة بدفء المفردة النوبية ..فما بالنا نحن اصحاب الوجعة لا نبالي و نقوم بالتعريب و تذويب هذا الصفاء في عكر الالات الوترية ..؟؟
04-07-2009, 03:31 AM
abubakr
abubakr
تاريخ التسجيل: 04-22-2002
مجموع المشاركات: 16044
يالطاهر انت :انتخاباتي " بتاع الزمن دة عدييييل ؟؟ اها قسمتنا كيمان كيمان وبتصويت سكوتي وتعيين اعلنت ان الفائز عمك محمد نورالدين .. هو اصلو غني ايه ؟؟؟ وبعدين اشمعنا محمد نورالدين بس ما ناس قناة النيل الازرق عندهم اعلان زي وشهم استعربو فيه عديلة .ونرجع للتاريخ شوية ما دولة النوبة العليا لحد الخرتوم وجنوبها استعربو وبقو يغني ويرقصو بالعربي .. وبعديين تلتيين غنية محمد نورالدين نوبيةى والتلت عربي يعني ما "ارديحي " ( ويقال ان المصاروة يطلقون علي الطبيخ من غير زفر هذا الاسم ) وازيدك من الشعر بيتيين عن جماعة من اهلي في قرية جنبنا (اصلهم قرايبي خالص) برضو بيتكلمو كدة نوبيعربي زماانك ما عارف هسع بيتكلمو لسه واللا حولو الي لغة عالمية اخري .. خيار وفقوس يعني؟؟
(عدل بواسطة abubakr on 04-07-2009, 03:36 AM) (عدل بواسطة abubakr on 04-07-2009, 03:47 AM)
04-07-2009, 02:56 AM
Mannan
Mannan
تاريخ التسجيل: 05-29-2002
مجموع المشاركات: 6701
Quote: ياعاطف المشكلة في السميعة عمك محمد نورالدين لقي الاجيال الصغيرة كلها بتتكلم عربي فقال ياخدها من قاصرها ويترجم .. دة مشكلة حقيقية ظهرت وسط النوبييين من اهلنا في الشمال المصري رغم انهم من اكثر النوبيين حفاظا علي التراث .. الاغنية النوبية هي التي ابقت علي مفردات اللغة النوبية رغم هجرات عربية وغيرها الي المنطكقة وبالتالي ابقت علي مجمل مضاميين الارث النوبي كون ان اللغة النوبية اساسا لغة انشاد chanting ولذا تخلو من مفردات نابية وقاسيةوتعبيراتهاالغنائية عميقة وكون ان اللغات مواعيين ارث وثقافة ...توجيه الغناء النوبي ليكون اداة تعليم شفاهية للغة النوبية وسط الاطفال باغاني خاصةبهم ربما يكون مخرجا او مدخلا لتعليمهم اللغة ... اكثر من غني باللغة النوبية للعامة ومن خلال المذياع والتلفزيون دون ان يضيف اليها ما هو مستعار من لغات اخري محمد وردي ومن اكثر من كتب اغاني نوبية هذه الايام هو مكي ومن اكثر من كتب حكاوي وشعرا نوبيا هو ابراهيم عبدو ولكنهم جميعا لم يكتبو ولم يغنو للطفل النوبي بلغتهم وامل منهم جميعا خطوة ما في هذا المضمون لعل وعسي عمك محمد نورالدين ما يضيف لغة عربية تاني الي الغناء النوبي ....
ده حنك تمام .
ولأني من العرب المستغربة فإن المحاولة ، التعريب ، أدخلتني في فضاء الأغنية التي طالما سمعتها وإستمتعت بها دون أن افهم فيها حرف لكني حسيتها فتحية لقادة المحاولة ، محمد نور الدين ومن لف لفه
وتحية للذيذ الظريف فيصل خليل فقد أضحكني مليآ قلت لي نرجم بشاشا بتلاوة
04-07-2009, 09:31 AM
abubakr
abubakr
تاريخ التسجيل: 04-22-2002
مجموع المشاركات: 16044
Quote: ولأني من العرب المستغربة فإن المحاولة ، التعريب ، أدخلتني في فضاء الأغنية التي طالما سمعتها وإستمتعت بها دون أن افهم فيها حرف لكني حسيتها فتحية لقادة المحاولة ، محمد نور الدين ومن لف لفه
رغم ان محمد نورالدين لم يترجم كلمات الاغنية بل اضاف ابيات بالعربية علي اللحن فالاغنية مثلها مثل اغاني المناطق المختلفة من السودان مشحونة بارث المنطقة في اسلوبها وتعاملها مع مفردات تعبر عن حالة نوبية شبيهة بحالة من غني بلهجة اهلنا الشايقية المحببة يطلب عفو امه مهاجرا والفرق ان الام في الاغنية النوبية هي التي تطلب بقاء الابن ... ما يهم هنا ان الشعوب السودانية ياختلاف السنتها يقبل وجدانها دون بروتكولات ولا فرمانات غناء الاخر وهذا امر مهم جدا ساهم في لحمة هذه الشعوب المختلفة والامل في ان تتداول اغاني المناطق المختلفة شرقا وغربا وشمالا لتبقي اللحمة مساهمة في الوصول الي صيغة تجعل كل اهل السودان شركاء في حكم بلادهم دون استعلاء فئة علي الاخريين ...
04-07-2009, 11:26 AM
Zomrawi Alweli
Zomrawi Alweli
تاريخ التسجيل: 08-04-2007
مجموع المشاركات: 3368
تصور كيف يكون الحال عندما يعود مكي ويلملم كل اطراف اغانيه بما فيها اغنية عديله الى حوش مكي على ادريس في الكلاكلة صنفعت ويقدم شكوى لكل من تطاول على اغانيه سواء كان محمد نوردالدين او تبد او الموسيقار العربي دا او حتى ناس جمعية التراث النوبي بدنقلا .... قناة هارموني امانا ما جاكي زول حياخد حقوا تمام استعدي ايها القناة المتطاولة على حقوق الملكية الفكرية دون التأكد من المرجعية للاغنية.
04-07-2009, 10:32 PM
خالد حاكم
خالد حاكم
تاريخ التسجيل: 08-25-2007
مجموع المشاركات: 3434
الاخ العزيز خالد العبيد تحياتى الشديد والغالي لك ولاسرتك فى غربتك التى نتمنى ان تنتهى وتعود الينا مثل ما كنا فى الثمانينات ( 85 86 87 ) ارسل لك هذه الرسالة بعد ان اخبرنى الاخ العزيز الطاهر ساتى بخبر رسالتك وتحيتك التى اسعدتنى كثيرا واشكره على اتاحته لى مساحة الرد طبعا ياخالد انا مازلت بالخرطوم اناضل من اجل الديمقراطية والحرية والعدالة بسوداننا الغالى وانا جار شقيقك محمد العبيد بالطائف ( هيطة بالهيطة ) واانا فى انتظار تلفون منك وايميل 00249912202991 [email protected] وفى انتظارك ياصديقي العزيز سيد عكاشة ابوقرية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة