|
|
|
 Re: نحن قوم لا نجيد " المص " ..!! (Re: طارق ميرغني)
|
قالها من قبل احد الكتاب باننا كسودانيين حتي الحلاوه لا نصبر علي مصها دقيقه بالكتير ونقرقشها.
هل نحن كافة كسودانيين لا نملك الصبر الببل الآبري؟
هل نحن دائما نتعجل النتائج ؟
هل نحن أمه شفقانه ؟
| |
 
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
بكل صراحه رأيكم مطلوب بشده.
لكن ...دعوني اتناولها كما يفعل الدكتور فيصل القاسم في برنامجه " الاتجاه المعاكس ".
لكننا ايضا كسودانيين متهمون بالذات في دول الخليج باننا قوم كسالي .
كل الخليجيون او معظمهم لديهم اعتقاد راسخ بل جازم باننا كسودانيين كسالي.
لكن اما هذا يتناقض مع تعجل الامور والكسل ؟
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
مرحب طارق
غايتو في قناعتي
كلما كانت الاراضي غنية ومنتجة
كلما كان القوم الذين يقطنونها كسالى
وكلما كانت عكس ذلك تجدهم مثابرين
السبب بتخيل لي قديم شوية
وكت كان الانسان يعتمد على الزراعة فقط
انسان السودان وافريقيا بصورة عامة
ما كان بتعب كتير في رزقو
او كل البشر المتواجدين حول حزام خط الاستواء
بتلقاهم شوية كسالى الا ان كانت اراضيهم التي يقطنون حجرية او رملية وغير منتجة
الكلام ده تريب لم دمغ في الجينات
لمن بقى الشغل غير زراعة في الـ 300 سنة الفاتن ديل بس
تخلف انسان افريقا والحزام الستوائي
ناس جنوب اسيا تداركو الامر ده بسرعة في الخمسين سنة الاخيرة
وحصلوهم بعض ناس امريكيا الجنوبية في العشرين سنة الاخيرة
نحن بتين دورنا نفهم ما عارف
| |
|
|
|
|
|
|
|
|
|
Re: نحن قوم لا نجيد " المص " ..!! (Re: وليد محمد المبارك)
|
اخي وليد مشكور علي المشاركه.
Quote: كلما كانت الاراضي غنية ومنتجة
كلما كان القوم الذين يقطنونها كسالى
وكلما كانت عكس ذلك تجدهم مثابرين |
دي حقيقه اخي وليد ويقال ان المشتغلون بالزراعة حتي في السودان لديهم من الوقت الكثير بعد العمل علي
الارض منذ الفجر فتجد بالهم طويل وهذا يؤثر حتي في طريقة كلامهم فتجدهم يجرجرون الكلمات ولا يتعجلون الامور
بالمره.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
أخي طارق..
مع أهمية ما ذهب إليه الأخ (وليد ) إلا أنني أستتسمحكم بأن أعرض لكم جانبا أرتئيه كمراقب.. لمصدر وتداعيات تلكم الديباجة التي ما فتئت تلصق علينا كسودانيين في الكسل وضروبه..
وأظن أن الأمر لا يخرج من كونه إخراج مسرحي كاريكاتوري إذ أن كسل السودانيين والأفارقة عموما حقيقة إلا أنه تم تضخيمها على نحو كاريكاتوري..
ولعل السبب في كسل الأفارقة يعود لحرارة جو بلدانهم.. وتناثر الخيرات من حولهم (عودة لرأي وليد).. ولكننا تميزنا عن غيرنا من الأفارقة بأننا أقرب للبلدان العربية التي كرست هذا المفهوم عنا...
كما أنني لا أستبعد أن يكون وراء هذا التضخيم ما وراءه.. حيث أننا في البلدان العربية تبوأنا كل الوظائف التي تتطلب أمانة ودقة وإخلاص.. ولذلك تفتقت أفكار بعض اللذين يضيرهم ذلك من تضخيم هذه الحقيقة حتى صارت في حجم الفرية..
ربما وللأجابة عن سؤالك بأننا دائما نستعجل النتائج مهما كان ثمن ذلك.. فلا نصبر ولا نعمل بمنهجية...
| |
|
|
|
|
|
|
|
|
|
Re: نحن قوم لا نجيد " المص " ..!! (Re: Kamal Karrar)
|
انت فى الكسل ولا فى فعل النقائض:
على سبيل المثال لاالحصر:
(1) تمشى مكان وليمة تلقى الناس تغسل يديها بالصابون بعد الفراغ من الأكل وليس قبله ,, يعنى قبل الأكل بس الواحد (يمصمص) ايديهو على قدر مايلين الوسخ.
صديق الزمن الجميل عبدالله الحسن ارسل اخته الصغيرة لتحضر لنا صحنا نعمل فيه بوش ,, الشافعة جابت الصحن دون ان تغسله ,, صاح فيها عبدالله:
يابت امشى مصمصى الصحن يمصمص حبوبتك.
(2) الطفل يبكى ,, يدقوه عشان يسكت.
(3) الواحد تجى ماشى فيه بالعربية يقول ليك يافلان ما متقدم لـ وراء تقدمنى معاك.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: Kamal Karrar)
|
| Quote: كما أنني لا أستبعد أن يكون وراء هذا التضخيم ما وراءه.. حيث أننا في البلدان العربية تبوأنا كل الوظائف التي تتطلب أمانة ودقة وإخلاص.. ولذلك تفتقت أفكار بعض اللذين يضيرهم ذلك من تضخيم هذه الحقيقة حتى صارت في حجم الفرية.. |
اتفق تماما فيما ذهبت اليه
وجازما اقول ان سبب التمسية لنا بالكسالى جاءت من المصريين لانهم افتقدوا الامانة في اي شيء لذا كان حريا بهم ان يلصقوا فينا هذه التسمية..
واذا جئنا الى الكسل فالشعب الخليجي اكسل خلق الله في الارض..
هل رأيت المطاعم التي تكتظ بالشباب اثناء الليل وآناء النهار؟؟
هذا يدل على ان البيت الخليجي لا يهتم بالمطبخ وهذا اقوى دليل على كسلهم
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
Quote: لكننا ايضا كسودانيين متهمون بالذات في دول الخليج باننا قوم كسالي .
كل الخليجيون او معظمهم لديهم اعتقاد راسخ بل جازم باننا كسودانيين كسالي.
لكن اما هذا يتناقض مع تعجل الامور والكسل ؟ ] |
طارق اخوى
نحن ناس شايلين من الاتنين
كسالي وشفقانين
وبينهما مميزات الشخصية السودانية الآخذة فى التلاشي.
موضوع ثر للغاية.ده تعليق من اول الصباح مع بادية دافوري الشغل. بعد الدوام عندي ليك إضافات كمان
| |
|
|
|
|
|
|
|
|
|
Re: نحن قوم لا نجيد " المص " ..!! (Re: إسماعيل حسن)
|
اخي كمال صباح الخير,
رغم اني اتيت عند الثالثة صباحا من حفل تكريم الاخت ناديه عثمان مختار الا ولكبر السن ربما صحيت عند السادسة وهانذا اكتب من المكتب...!!!!
| Quote: وأظن أن الأمر لا يخرج من كونه إخراج مسرحي كاريكاتوري إذ أن كسل السودانيين والأفارقة عموما حقيقة إلا أنه تم تضخيمها على نحو كاريكاتوري |
الاعجب اخي كمال ان الذين يقولون هذا نحن اتينا لنخدمهم وهم ينظرون ...!!! من الكسلان؟؟
| |
|
|
|
|
|
|
|
|
|
Re: نحن قوم لا نجيد " المص " ..!! (Re: صلاح أبودية)
|
الاخ طارق ...الموضوع بتاع الكسل ده متشعب وله ابعاد كثيرة
طبعا نحن شعب كسول دي مافي اتنين بتغالطوا فيها ويكفيك ان ترى طريقة جلوسنا اثناء اللقاءات التلفزيونية الطويلة (مذيعين وضيوف) لتتاكد من ذلك
اما حكاية انو مشهورين في الخليج بالكسل .. دة طبعا اخوانا المصريين لاعبين دور كبير في الترويج له نسبة للتنافس الشديد بين الجاليتين في الخليج فهم الاكثر عددا بين الدول العربية
الان فقط وصلتني هذه النكات من زميلي في المستشفى وكثيرا ما كنا نتجادل بخصوص نفس الموضوع وهو فلسطيني الجنسية
Quote: هههههههههههههههههههههههههههههههههه
سوداني إنضم للقاعدة قالهم داير عليكم الله تحطوني في الخلايا النائمة
موضوع جبد
لك مودتي
سألوا سوداني: أيش يعجبك في قصص الأنبياء والصالحين؟
قال: والله كلها عبر وحكم .. وبالزات قصة أسيادنا أهل الكهف
يا سلام عليهم ... كبسوها نومة تلاتمية سنة.
سوداني تثاوب قالت زوجته دامك فاتح فمك صوت للعيال
سوداني كسلان شاف ولده يغرق قال إنقذني، قال له أبوه: ما داير تموت شهيد ؟
سوداني مات ليش؟ ماله خلق يتنفس.
سوداني يأذن وهو منبطح ليش؟ علشان المايكرفون طايح.
سودانيين سرقوا بنك تعجزوا عند عد الفلوس قالو آآي بكره نعرف من الجرايد.
سودانين قاعدين يفكرون قال واحد ياليت في زر يجيب العالم كله قال الي معه بس مين يضغط الزر.
سودانيين يبون يسون فريق كرة قدم تخانقوا على الإحتياط
|
موضوع جيد
لك مودتي
| |
|
|
|
|
|
|
|
|
|
Re: نحن قوم لا نجيد " المص " ..!! (Re: جمال الباقر)
|
| Quote: طبعا نحن شعب كسول دي مافي اتنين بتغالطوا فيها ويكفيك ان ترى طريقة جلوسنا اثناء اللقاءات التلفزيونية الطويلة (مذيعين وضيوف) لتتاكد من ذلك |
انا مع الراي القائل بان التعميم مخل فى اى موضوع. ومع ذلك فإن وصفنا بالكسل ومن ناس الخليج بالذات غير مقبول اطلاقا.. الخليجي بيكون عنده سائقين او ثلاثة واحد للعيال وواحد للمدام وواحد احتياطي,, والخليجي ما بينزل من سيارته عشان يشتري حاجة من البقالة تجده يفتح زجاج النافذة وينده على الهندي: رفيق جيب ده وجيب داك.. معظم حياتهم ما بيعملوا حاجة تدل على انهم ناس نشيطين لكن المصيبة معلقين فى حكاية نحن كسلانين دى بصورة عبيطة خالص.والشباب الشغالين فى دول الخليج ممكن يصححوا كلامي لو انا غلطان.
البيئة وجغرافية البلد اي موقعه بالنسبة للمدارات (السرطان والجدي وخط الاستواء ) والاجرام السماوية لها تاثير بالتاكيد فى طبيعة ومزاج وتصرفات الشعوب الواقعة قربا او بعدا منها(وهذا حسب ذاكرتي الخربة نوعا ما جادت به عبقرية الفارابى ( ساحاول ان اورد نصوص من كتاباته فى هذا الخصوص ان وفقت ) وموضوع الشفقة برضه لسنا وحدنا فيه فهناك شعوب شفقانة لدرجة تحيرك وتسال نفسك هل هذه شفقة بالجد ام طبيعة هؤلاء الناس جبلوا عليها للاستفادة من الزمن اقصي استفادة؟
فى رايي الخاص الشفقة عندنا يمكن ان تاخذ مسمي تاني , مثال على ذلك المكابسة والمعافرة فى المواصلات العامة والصراع فى اي مكان يوجد فيه عدد كبير من طالبي نفس الخدمة فى وقت واحد سواء كانت تذاكر كورة او تذاكر سفر او اي حاجة/خدمة يقبل عليها عدد كبير مننا فى وقت واحد. هل يمكن ان نسمي هذه شفقة ام عدم وعي أم انانية مفرطة؟ وعدم وجود ثقافة النظام ولا اريد ان اطلق عليها وصف آخر قد يفهم من السياق.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
كمال كرار:
Quote: وأظن أن الأمر لا يخرج من كونه إخراج مسرحي كاريكاتوري إذ أن كسل السودانيين والأفارقة عموما حقيقة إلا أنه تم تضخيمها على نحو كاريكاتوري..
ولعل السبب في كسل الأفارقة يعود لحرارة جو بلدانهم.. وتناثر الخيرات من حولهم (عودة لرأي وليد).. ولكننا تميزنا عن غيرنا من الأفارقة بأننا أقرب للبلدان العربية التي كرست هذا المفهوم عنا...
كما أنني لا أستبعد أن يكون وراء هذا التضخيم ما وراءه.. حيث أننا في البلدان العربية تبوأنا كل الوظائف التي تتطلب أمانة ودقة وإخلاص.. ولذلك تفتقت أفكار بعض اللذين يضيرهم ذلك من تضخيم هذه الحقيقة حتى صارت في حجم الفرية.. |
تماااام يا كمال..بوست مهم يا طارق ميرغني..متابع
| |
|
|
|
|
|
|
|
|
|
Re: نحن قوم لا نجيد " المص " ..!! (Re: الحاج حمد الحاج)
|
فى واحدة من جنسية عربية اتزوجت واحد سودانى ...وهى طبعا سامعة بالكسل ده من الناس فى بلدها ...
سافرت مع زوجها للسودان فى الشمالية ودخلت اغلب البيوت الهناك لقتها سراير ....الاوضة سراير ...الحوش سراير
البرندات سراير ...اتيقنت انه فعلا اهل السودان كسالى وبيحبوا النوم ...باتت اول يوم عند اهل زوجها ...
صحت الصباح بدرى للصلاة لقت البيت ده كله مافى مرقوا والسراير رجعت تانى مفرشة ومرتبه ايقنت لحظتها انه
السودانيين ديل ابدا ماكسالى وانهم بيقوموا من الفجر للسعى وراء الرزق ونقلت الحقائق دى لاهلها هناك
بجيك ياطارق بنكتة عن الكسل ده
بس صباحاتك بخير
| |
|
|
|
|
|
|
|
|
|
Re: نحن قوم لا نجيد " المص " ..!! (Re: الحاج حمد الحاج)
|
طارق سلامات
عارف فى كلام دايما بكون للاستهلاك ..
| Quote: نعم نحن نجيد الاعمال الادارية والحسابية او المصرفية واكثر البشر امانة وحكمة ورزانه ، |
يعنى لحدى نحن نجيد الاعمال المصرفيه والادارية والحسابية دى كويسين
كونوا تكون فى شعوب بتتميز بحذقها ومهاراتها لاعمال معينة دى
معقولة وبتكون ذى ما ذكر المتداخلين ناتجة من نوع البيئة ، من تخلف البلد
او تطورها ، جينات ، جو ، لكن الحديث عن تعميم قيم مثل الصدق الامانة
الحكمة الرزانة النزاهه دى اطلاقها على شعوب كاملة فيه مجانية ذى
ما بتقولوا واستهلاك .. صعب نصف شعب كامل بصفات معنوية
ــــــــ
ياجمال فى واحدة مع نكاتك دى بتقول السودانى اصابة شلل فى شقه
الايمن ما درى فيه الا بعد 3 ايام !!!
| |
|
|
|
|
|
|
|
|
|
Re: نحن قوم لا نجيد " المص " ..!! (Re: دينا خالد)
|
Quote: ما بتقولوا واستهلاك .. صعب نصف شعب كامل بصفات معنوية
|
أتفق مع الطرح الذي قال إلا يجب التعميم..
ولكن الآراء تتخذ على نحو إحصائي..
يعني يعمم الأغلب..
وواقع الحال يحكي عن أمانة وصدق السودانيين..
طبعا ده ما بيمنع إنو THEY HAVE THEIR BLACK SHEEP AS WELL
ولكن عن تجربة... فانا أعمل في هذه الدولة العربية...منذ وقت طويل
وكثيرا ما يطرقني الأخوة من أصحاب الأعمال اللذين يريدون مثلا
شخصا أمينا يدير لهم أموالهم .. طبعا مع التخصص.. ويقولون بالحرف
"ابي أو أبغي مدير مالي سوداني عشان المسألة عندنا فالتة"..
هذا الطلب ليس مرة ولا مرتين.. ورغما عن أن بعض من السودانيين
للأسف خانوا الأمانة.. إلا أن اللذين أرسوا فضائل الأمانة منهم
هم الأغلبية.. هذا ما لزم التنويه إليه... فعلا.. لدينا الكثير
من الفضائل رغم أن الكثيرين حادوا عنها...
ومسالة وصفنا بالكسل مثل وصف الصعايدة بالغباء.. رغم أن أكبر
رموز مصر العلمية أصلهم من قلب صعيد مصر...
| |
|
|
|
|
|
|
|
|
|
Re: نحن قوم لا نجيد " المص " ..!! (Re: دينا خالد)
|
قبُل 20 أو 30 سنة كانت جُزء مِن الشِمالِية (المحس/السَكود) يعيشون على محصول
تِجاري واحِد فقط وهو < البلح > والنخلة تُأتي أُكْلُها كُل < حول > وتحت النخيل
بيزرعو خضار وقمح ... الأرض غير قاسِية < قُرير > وسقي القمح بِالساقِية ذات
الصَوت الرتيب المُنَوِم ... والخضار < الورقي > لا يحتاج إلى قلعِهِ مِنجل حتى
الحشائِش لا تحتاج إلى < ملود > لا واقِف لا قاعِد ... وتعيش مُعظم القُرى في تلك
النواحي تحِفُها جِبال رواسي بعدهُ عتمور يمور بِإمور ... النيل / الجِروف /
الحواشات / البِيوت / الجِبال / العتمور ... حياة غير قاسِية إذا رضي المرء
بِها كما هي ...
في البُطانة < الصبر > لا يحِدهُ حدود ... تظل ترجى البقرة تلِد كُل (9) شهور
وفي أثناءِها لا تفعل شئ إلا تجدَوِل سِعر < العِجل > ... < الذُرة > لا تُكلِف المرء
إرهاقاً بعد حرث الأرض بِالبابور تزرع العيش < شتات > فوق حُماراً ليك أو مُستلِفو
ترمي ليك كيله أو كيلتين وتصُد الحِله بعد (4) شهور تدُق العيش ... أنا في
بِلداتي لا بحرِت الواطه ولا بنظِف البِلاد وبحصِد في الفدان الواحِد بين 5-8 شوالات
يَوم العمل لا يتعدى 5 - 6 ساعات بِاليَوم صباحاً و2-3 ساعات بعد الظُهر ... لابُد
أن تلجأ إلى < تايه > تقيك مِن < الهجير > و< أب فرار > ...
الحياة هي التي < تُكسِل > الزول ... في الخليج ودُول المِهجر نعجب كَيف تفَوقنا
على عاداتنا السابِقة في الكسل ...
| |
|
|
|
|
|
|
|
|
|
Re: نحن قوم لا نجيد " المص " ..!! (Re: عزام حسن فرح)
|
صلاح ابوديه مشكور وربنا يقدرنا علي اي حاجه...
اخي جمال الباقر والله كمين مره بافكر في قصة جلسات المذيعين والضيوف في اللقاءات .
الواحد يغطس في الكرسي كأنما قاعد في كرسي قماش قدام بيتو .
لا مش كده رحتي علي مستوي المسئولين ورؤساء الوزراء السابقين يدورون بالكرسي يسارا ويمينا دونما استقرار.
الغريب انه حتي المخرجين لا ينبهون هؤلاء كأنما هي شئ طبيعي.
بنظره سريعه لاقرب قناه تشوف حتي المذيعات واقفات والظهر تسعين درجه ....فرق ... مشكور اخي جمال.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
أخي طارق
تحياتي
لكننا ايضا كسودانيين متهمون بالذات في دول الخليج باننا قوم كسالي .
كل الخليجيون او معظمهم لديهم اعتقاد راسخ بل جازم باننا كسودانيين كسالي.
لكن اما هذا يتناقض مع تعجل الامور والكسل ؟ ]
صفة الكسل التي يوصمنا بها الخليجيون أتتْ من الآتي :
السوداني بطبعه لا يرضى الحقارة أو الإستغلال ، و الخليجيون عموما يستغلون العمال عموما في أعمال تتجاوز ما تم الإتفاق عليه ، فيتمرد السودان منجزا فقط عمله الذي يؤجَر عليه ، فيقوم الكفيل بإستئجار عمالة من النوع المستكين الذي يرضى بقليل المال و كثير العمل ، لذا أطلقوا هذه الصفة كبالونة تحلق في سماء اخليج ، رغم إقتناعهم جميعا بمقدرات و كفاءات السودانيين في كل المجالات
دمتم
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
صحيح اخى طارق
والدليل على ذلك اول ما قريت البوست دعتنى العجله
لفهم اخر ....
وعندما صبرت وتوغلت فى الموضوع , طرقت على الكى بورد
( شويه شويه علينا ياطارق )
وبعدين مسالة اننا كسالى دى فعلا اصبحت فهم سائد عند الخليجيين
( ماعارف من وين جابوها ) مع مراعاة انى اول واحد بجى الشغل واخر
واحد بطلع منو ...
تصور يا طارق كل يوم بناقش فيهم فى الموضوع ده , واقول ليهم ياخوانا
كسل شنو , انا بطلع من الشارقة الساعه 5 صباحا , عشان اقدر اصل مكتبى فى دبى
الساعة 7.30 صباحا ... وبطلع من مكتبى الساعة 4.00 عصرا عشان اصل بيتنا الساعة 6 مساء
( يعنى لاحظ ياطارق من 5 صباحا حتى 6 مساء ) واول واحد بدخل المكتب واخر واحد
بطلع منو .... وبرضو مصريين على موضوع الكسل ده .. المحيرنى من وين جابوه موش عارف
| |
|
|
|
|
|
|
|
|
|
Re: نحن قوم لا نجيد " المص " ..!! (Re: مبارك محمد عثمان)
|
اخي الاستاذ اسماعيل حسن حتي الآن انا لم اجزم بكسلنا بل استدللت بكسل من استقدمونا لخدمتهم لكن ماذا
تقول في:
نحن لا نعرف نقول اتفضل " تكرم عينك " كما يقول الشوام او " الله لا يهينك " كما يقول الخليجيون عند طلب خدمه
منك . او لو سمحت يا باشا ...نحن امه لا نعرف التحنيس والتدليس والتدليل .صاح ولا لا ...
| |
|
|
|
|
|
|
|
|
 Re: نحن قوم لا نجيد " المص " ..!! (Re: طارق ميرغني)
|
إبن خالى
** عنوان البوسته بيجيب الطراوه..
** كما ذكرت لاننا لانعرف التدليس والتحنيس ومسح الجوخ ولانرضى الحقاره استطاع المصريون أن يطلقوا صفة الكسل علينا ,, وصدقها الكسالى الذين نقوم بخدمتهم والذى لايستطيع أحدهم أن يُغير لمبة إذا إحترقت فى بيته..
** نجى لموضوع الآستعانه بالسودانيين ومدى جديتهم وامانتهم فى العمل كل بلديات دولة الامارات عند قيام الاتحاد والى الثمانيات كان مدراؤها سودانيين - كل مُختبرات الاغذية مدراؤها سودانيين - مزارع الالبان مدراؤها سودانيين - إذا كنت تثق وتأتمن شخص على غذاءك وعلي نهضة بنيتك التحتيه فكيف تكون صفة الكسل مُلازمه لما نشاهده من نهضه فى الخليج؟؟؟
** نحن شعب غير صـــبــــور ونعيش فى إنتلجسيا الحنين للماضى - وباحليل عبود ضيعناك وضعنا معاك وياتى الذى يليه وهكذا تدور ساقيتنا ودائماً الذى مضى أحسن من الموجود...
## زمان كان المص فى حلاوة حربه إنتاج كريكاب ,, وجات بعدها لولى بوبا من إنتاج حلويات سعد وعشان أكد ليك عدم صبرنا وشفقتنا كضاب واحد مص الحربه او اللولى بوبا للنهايه مُجرد ماتفك القسطيره وقبل ماتتبلى الحلاوه بتكون الخشبه بتاعتا فى الحصاحصيا والحلاوه إتقرمشت فى شندى..
## حالياً مع توجهنا الحضارى ظهرت طبقه جديده بتحب الـــلــــحـــس :- يمسك المشروع ,,الوزاره ,,الولايه,, المحليه,, إعداد زاد المُجاهد ,, مُنسق اللجان الشعبيه ,, إى حاجه فيها مصدر دخل:- يلحس الميزانيه ويبنى ليهو بيت أربعه خمس طوابق ويعرس ليهو أربعه نسوان ويبقى زى الانديه الكبيره يشطب ويسجل فى النسوان ويزيد فى اللحس ...
## اها بعد لانجيد المص أصبحنا نُجيد اللحس..
( ودام الود بيننا)
| |
|
|
|
|
|
|
|
|
|
Re: نحن قوم لا نجيد " المص " ..!! (Re: عبدالكريم أحمد الامين)
|
Quote: إبن خالى
** عنوان البوسته بيجيب الطراوه..
ى ظهرت طبقه جديده بتحب الـــلــــحـــس :-
...
## اها بعد لانجيد المص أصبحنا نُجيد اللحس..
( ودام الود بيننا) |
يعني يا كرومة القولتو ده ما بيجيب الطراوة؟؟؟
ده بيجيب زيفة عديل كده..
عموما.. في ناس بتحب السف... عامل جيبك الكبير ده!!!
| |
|
|
|
|
|
|
|
|
|
Re: نحن قوم لا نجيد " المص " ..!! (Re: Kamal Karrar)
|
| Quote: ...نحن امه لا نعرف التحنيس والتدليس والتدليل .صاح ولا لا ... |
طارق تحياتى
بل نحن امة لا تجيد فن التواصل والاتكيت ومليانين عقد ودايما زهجانين ونفسنا قصير وان تغلبنا على الاخرين فى بعض النواحى الفنية والسلوك. واخيرا بدأت ظاهرة الحقد والضغينة وسطنا ومن السهل ان نخسر الاخرين .
| |
|
|
|
|
|
|
|
|
|
Re: نحن قوم لا نجيد " المص " ..!! (Re: حامد محمد حامد)
|
صديقي الحاج حمد مشكور لكن تابع وشاركنا.
الف مساء خير اختنا العزيزه ناهد بشير وراجي نكتتك.
استاذنا الظريف علي محمد علي بشير
Quote: لا يا سيدى
اهى دى الحاجه الوحيده الفالحين فيها.. |
والله بدعت فيها دي ...عشان شلاقتك وحبك للحاجه الوحيده دي الولد زاغ منك وحاكلم ليك ناديه عثمان مختار ما
تجيكم هناك.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
اختنا الاستاذه دينا خالد انا اؤيد بشده انه لا يمكننا وصف شعب بكامله بصفات مطلقه وهذا بالفعل لا ينطبق
علي شعب من الشعوب سوي اكانوا سودانيين او خلافهم.
لكن في نفس الوقت لا يمكننا ان نصف امه كاليابانيين او الصينيين بانهم كسالي ولا يجرؤ احد علي ذلك.
لاننا نراهم ونري نتائج ذلك بام اعيننا.
خذي مثلا اللبنانيين رغم (حساسيتنا تجاه عنصريتهم) فهم يبرعون ويجيدون في الاعمال الخاصة ولا يمكن ان تجد في
الخليج منهم من يعملون بالراتب ما عدا في مجالات محدده كالحسابات والطب.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
"... جدعت ليك الورق و قولت ليهو تانى شغل معاكم تانى ما داير ! "
حلجلة الامور بقرارات ........لا ننظر ابدا إلى تبعاتها .
_____________________
الباشمهندس طارق ..
عنوانك ده زى واحد " بين التروس متصور "
و تحياتى ..
| |
|
|
|
|
|
|
|
|
|
Re: نحن قوم لا نجيد " المص " ..!! (Re: اسعد الريفى)
|
Quote:
نحن لا نعرف نقول اتفضل " تكرم عينك " كما يقول الشوام او " الله لا يهينك " كما يقول الخليجيون عند طلب خدمه
منك . او لو سمحت يا باشا ...نحن امه لا نعرف التحنيس والتدليس والتدليل .صاح ولا لا ... |
لما زول يقول واحد مثلا
الزول ده كويس لكن شهادتى فيه مجروحة...
طيب ماتشكروا ياخى .....
ويوم شكرك مايجى ...
انا يتخيل لى ماقاصدين اليوم داااااك.....
غايتو يكون قصدهم يمكن مافى يوم حيجى يشكروه فيه
والله اعلم
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
Quote: نحن لا نعرف نقول اتفضل " تكرم عينك " كما يقول الشوام او " الله لا يهينك " كما يقول الخليجيون عند طلب خدمه
منك . او لو سمحت يا باشا ...نحن امه لا نعرف التحنيس والتدليس والتدليل .صاح ولا لا ... |
طارق مساء الخير بزمنا نحن مكان الشمس بتطلع اوقريب منه كده..
مسكتني والله من حته مش بتوجعني وبس وما عندي ليك غير صـــــــــــاح كبيرة وطويــــــــــــلة.
انت مالك زي الجيت عشت وسط الجماعة الناعمين خالص الربنا زرعنا وسطهم ديل.. ياخي انا عايش وسط قوم رقتهم وتعاملهم مع بعض ومع لاخرين بغض النظر عن اعراقهم او الوانهم او دينهم يخليني انا السوداني الخشن ده اكب على وجهي خجلا.. نحن ما بنعرف الذوق فى التعامل بيناتنا ولو اتعاملنا مع بعض بصورة طبيعية بتكون ناشفة وجافة وما فيها اي نوع من اللطافة .. ياخي انا كاتلاني عقدة المقارنة فى السلوك بسبب ما اشاهده والمسه من تعامل فى الشارع فى المكتب وفى اي مكان .. تقوم انت تذكر الحاجات المعقداني بالنص زي ما تقول ساحر وعارف انا وسط ناس الاصل عندهم اللطافة والتعامل الـــــــــــــراقي (اديتا جرة عشان تحس بالعقدة الرابطة لي حلقى) تصور يا طارق من الرقةفى التعامل دى, اي سوداني خشن جا ماري فى زيارة او تجارة يا تلقاهو افتكر البت البياعة فى المحل الفلاني حبته بالجد لانها بتتغنج وبتتكلم معاهو بطريقة ماسمع بيها او رآها او حتي تلقاهو يشكك فى رجولة اى رجل تعامل معاه لانه بيتكلم بصوت خافت وبيتعامل برقة.. طوالى زولنا العنقالي او الجديد عليهم بيصنفهم نوع التصانيف الغريبة والعجيبة ديك . والذنب مرات كتيرة ما بيقع عليه لكنه ذنب بيئة خشنة لدرجة الحكحكة جابتنا خشنين وناشفين الله يعينا
ياخى موضوعك لذيذ وثر وممكن انا اتداخل معاك لما تفتر مني لاني زي ما قلت ليك كاتلاني عقدة المقارنة فى السلوك بالذات .. والصباح قرب اشوفك بكره
تحياتي
| |
|
|
|
|
|
|
|
|
|
Re: نحن قوم لا نجيد " المص " ..!! (Re: إسماعيل حسن)
|
اخي كمال السر
بالفعل اخي نحن الامانه حقتنا والامانه بالطبع لا تتجزأ.
صديقي عزام
Quote: في الخليج ودُول المِهجر نعجب كَيف تفَوقنا
على عاداتنا السابِقة في الكسل ... |
نحن كسودانيون بطبعنا نحب التفوق والتميز ما ان نجد الجو المناسب للعمل
لذا من قبل اخي عقد مؤتمر العمل في المناطق الحاره بالفعل لان الطقس يؤثر في الاداء.
هنا في الخليج تغلبوا علي الطقس بالمكيفات المنتشره في كل مرفق.
الريس ابو جهينه :
| Quote: السوداني بطبعه لا يرضى الحقارة أو الإستغلال ، و الخليجيون عموما يستغلون العمال عموما في أعمال تتجاوز ما تم الإتفاق عليه ، فيتمرد السودان منجزا فقط عمله الذي يؤجَر عليه ، فيقوم الكفيل بإستئجار عمالة من النوع المستكين الذي يرضى بقليل المال و كثير العمل ، لذا أطلقوا هذه الصفة كبالونة تحلق في سماء اخليج ، رغم إقتناعهم جميعا بمقدرات و كفاءات السودانيين في كل المجالات |
كلامك عين الحقيقه وان علي قناعة تامه بانهم اكسل خلق الله.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
ألأخ/طارق........السلام عليكم..
والله يأخوى طارق من المفترض ان اكون اول المتداخلين فى هذا البوست الجميل ده الذى تحدد مساره ألآن..
ولولا ثقتى فيك كان دخلت ليك وشترت ليك البوست....الزمن ده الواحد بقى يخاف من ضلو وياريت بعد ده نسلم..
عجبونى المتداخلين..ألأخوة ألأفاضل كمال كرار..والفاضلابى.
| Quote: لكننا في نفس الوقت كسالي.هكذا يعتقد الناس ..!! |
الناس تعتقد زى ما تعتقد بس المهم نحن أن لانستسلم لمثل هذا ألأنطباع أن يستمر عند غيرنا بألأتى:
تهميش النكات التى تنطلق نحونا كالسهام المسمومة حول الكسل..
الرد بقوة لكل من تسول له نفسه من ألأخوة وألأخوات من السودانين المقيمين فى دول الخليج على من يتجرأ بمثل هذا القول..
كنت فى المكتب وكان فى دكتور وولده من دول الخليج..والولد جالس على كرس مريح والمكتب وسيح ما شاء الله..الوالد نده الولد..الولد صار ينجر بالكرس مسافة مترين وهو جالس..
وبسرعة قلت لوالد الولد..وتقولوا علينا كسالى أنظر لآبنك وهو شاب لايريد ان يقوم ويمشى هذه المسافة البسيطة....
بصراحة خجل ولم يرد على ..ولكن حسيت بأنى ثأرت لنفسى ولكل سودانى...
شكرآ أخى طارق بوست موفق بأذن الله................إسماعيل محمد احمد عباس...
| |
|
|
|
|
|
|
|
|
|
Re: نحن قوم لا نجيد " المص " ..!! (Re: yasir Abdelgadir)
|
الاخ مبارك محمد عثمان
لكن الاعتقاد السائد مش ده وبس في قصة التعامل مع الناس
هل نحن بالفعل لا نعرف التعامل مع الزبائن او خدمة العملاء
هل هذا هو السبب في فشلنا في انشاء اعمالنا الخاصة.
مشكور اخي للمشاركة
ابن عمتي عبد الكريم
Quote: ## زمان كان المص فى حلاوة حربه إنتاج كريكاب ,, وجات بعدها لولى بوبا من إنتاج حلويات سعد وعشان أكد ليك عدم صبرنا وشفقتنا كضاب واحد مص الحربه او اللولى بوبا للنهايه مُجرد ماتفك القسطيره وقبل ماتتبلى الحلاوه بتكون الخشبه بتاعتا فى الحصاحصيا والحلاوه إتقرمشت فى شندى..
## حالياً مع توجهنا الحضارى ظهرت طبقه جديده بتحب الـــلــــحـــس :- يمسك المشروع ,,الوزاره ,,الولايه,, المحليه,, إعداد زاد المُجاهد ,, مُنسق اللجان الشعبيه ,, إى حاجه فيها مصدر دخل:- يلحس الميزانيه ويبنى ليهو بيت أربعه خمس طوابق ويعرس ليهو أربعه نسوان ويبقى زى الانديه الكبيره يشطب ويسجل فى النسوان ويزيد فى اللحس ...
## اها بعد لانجيد المص أصبحنا نُجيد اللحس..
|
والله ده اجمل تعليق قريتو....وعين الحقيقهز.. يعني كلامي في المص واللحس حقيقي وصحيح...!!
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
Quote: 2) الطفل يبكى ,, يدقوه عشان يسكت.
(3) الواحد تجى ماشى فيه بالعربية يقول ليك يافلان ما متقدم لـ وراء تقدمنى معاك |
وفلان
قام قعد
نحن ما بنتذوق الطعم .. بنبلع بلع
انا غايتو ما عندي صبر للحلاوه والتسالي ... بقرشهم طوالي
| |
|
|
|
|
|
|
|
|
|
Re: نحن قوم لا نجيد " المص " ..!! (Re: نوفل عبد الرحيم حسن)
|
اخي كمال السف كما تعلم يا صديقي يعتبر مرحلة متقدمة من اللحس
اخي حامد محمد حامد اراك متشائم اكثر من اللزوم نفسنا قصير وزهجانين ممكن لكن الباقي صعب قوله.
Quote: الباشمهندس طارق ..
عنوانك ده زى واحد " بين التروس متصور "
و تحياتى ..
|
صديقي اسعد الريفي دي ذكرتني بي " بين الظهور متصور وجهو الصبوح ومنور"وسبعينيات القرن الماضي
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
الاستاذه ناهد بشير الطيب
كل ما ذكر اعلاه من مشاكل " الشتات " ...حلوه الشتات دي ...!!!
اخي اسماعيل حسن:
Quote: نحن ما بنعرف الذوق فى التعامل بيناتنا ولو اتعاملنا مع بعض بصورة طبيعية بتكون ناشفة وجافة وما فيها اي نوع من اللطافة .
|
انت لو لاحظت المداخلات التي تتم في التلفزيون في البرامج علي الهواء ولاحظ مخاطبة المتصل لمقدم البرنامج
او للضيف تحس كأنما بينهما عداوه او تقول بعد شويه حيقوم يشلتو .
" الو ... بالله عايز اشارك ممكن..؟ " كأنما عايز الرد يكون ..لا ..عشان يوريهم حيسوي شنو..!
اي سوداني خشن جا ماري فى زيارة او تجارة يا تلقاهو افتكر البت البياعة فى المحل الفلاني حبته بالجد لانها بتتغنج وبتتكلم معاهو بطريقة ماسمع بيها او رآها او حتي تلقاهو يشكك فى رجولة اى رجل تعامل معاه لانه بيتكلم بصوت خافت وبيتعامل برقة.
دي يا اخي اسماعيل ذكرتني السوداني في لندن الذي ذهب للمحل التجاري ومعه اسرته وعند الكاشير الذي كانت
فيه موظفه حلوه وبعد ما دفع الفاتوره قالت له الحسناء الكاشير " thank you darling" فما كان من الا ان ادخل
يده في جيب الجلابيه الصغير في اعلي يمين الجلابيه وقال لزوجته بعد ما اخرج كميه من الفلوس." امشوا...امشوا
اركبوا ليكم تاكس وروحوا الفندق" ...!!!
| |
|
|
|
|
|
|
|
|
|
Re: نحن قوم لا نجيد " المص " ..!! (Re: ismeil abbas)
|
استاذنا الكبير اسماعيل محمد احمد عباس والله شرفت البوست ولو ما تداخلت اليوم كان زعلنا منك وشكرا لهذه
الاضافة الثرة ولكن بالطبع لكل امه مآخذ او مثالب عليها فنحن نتمني القاء الضوء عليها ولا نخاف من النقد
الذاتي لبعض تصرفات البعض التي تسلبنا الكثير احيانا ....!!
شيء آخر اخي اسماعيل خذ مثلا في مجال العمل في الخليج:
كل الاجناس من افغان وشوام وباكستان وغيرهم وحتي البنغاله يبدأون في الخليج اعمالهم الخاصة واستثماراتهم
ويشاركون كفلاءهم وينجحون اما نحن فنستسلم للوظيفة التي لا تسمن ولا تغني من جوع وحتي لو جلسنا عشرين عاما
نعمل في الخليج..
هل نحن لا نملك الجرأة او الشجاعة او الفكر لذلك ؟
| |
|
|
|
|
|
|
|
|
|
Re: نحن قوم لا نجيد " المص " ..!! (Re: mekki)
|
اخي شمس الدين ساتي مشكور علي المداخلة وعلي ما اظن ان الحشاش والقرش يشتركان فقط في الشين.
الاستاذ مكي الف مراحب ويبدو اننا كسودانيين بمختلف مناطقنا واتجاهاتنا بالفعل لا نجيد المص الا اذا كان
مفهوم القرش يعني "امسك لي واقطع ليك".ومشكور علي المشاركة والتقريظ بالبروفايل.
اتمني مشاركة احد المتخصصين في علم الاجتماع او السلوك ليتحفنا بتفسير كل ما ذكر اعلاه.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
هل نحن لا نملك الجرأة او الشجاعة او الفكر للاعمال الخاصة ؟
ام اننا قوم لا نحب المجازفة او الجرأة او الشجاعة او ما يسمونه بالعقلية التجارية .
هل نحن عبيد الوظيفة ؟
اعمل انا الآن في وظيفة مدير انتاج باحد المصانع بمدينة الرياض
انشأ ذلك المصنع ويملكه افغان شركاء اكبر رأس فيهم اتي للخليج عام 1981 م وعمل كعامل بناء يعني " طلبه" براتب 900 ريال سعودي. الآن غير هذا المصنع
يملك مصنعين آخرين وسلسلة من المطاعم وحتي يمتلك الفلا التي يسكنها ...!!!
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
كما ذكرت اعلاه:
اعمل انا الآن في وظيفة مدير انتاج باحد المصانع بمدينة الرياض
انشأ ذلك المصنع ويملكه افغان شركاء اكبر رأس فيهم اتي للخليج عام 1981 م وعمل كعامل بناء يعني " طلبه" براتب 900 ريال سعودي. الآن غير هذا المصنع
يملك مصنعين آخرين وسلسلة من المطاعم وحتي يمتلك الفلا التي يسكنها ...!!!
في نفس هذا العام اتي صديقي من السودان وهو يحمل درجة الدكتوراه وحتي رجوعه الي السودان قبل عام بعد ان زهج استطاع بناء منزله المحترم من طابقين وهو
الذي يسكن عليه الآن ورجع مرة اخري للعمل في وظيفة بأجر.
اين تكمن المشكلة اذن ؟
في تفكيرنا ؟ في تربيتنا ؟ في تأهيلنا ؟ في بيئتنا اام ماذا ؟؟؟؟؟
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
لماذا نحن دائما في حالة عدم استعداد مبكر :
| Quote: انتهت مباراة منتخبنا الوطني مع منتخب مالي بالتعادل الايجابي 1-1 وقد دخل منتخبنا هذه المباراة بعد استعداد خجول يبين مدي تخبط الاتحاد العام لكرة القدم الذي يدير امر هذا المنتخب وتهاونه المتكرر وعدم اكتراثه باهمية خوض مثل هذه المباريات وهو يتغاضي عن توفير الامكانيات التي تتيح له الفرصة في تقديم صورة جيدة عن واقع كرة القدم في السودان واعتقد ان الخامات الفنية متوفرة في لاعبينا الا ان توظيفها يحتاج الي الكثر من الجهد والاستعداد البدني والذهني حتي يستطيع منتخبنا خوض غمار هذه المنافسات بشكل كتميز. |
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
مثال آخر:
| Quote: الهلال يسافر في رحلة طويلة تستغرق سبعة عشرة ساعة من الطيران قد تؤثر في لياقة اللاعبين ولكن ابطال الهلال اعتادوا علي مواجهة الصعاب داخل وخارج السودان ولذلك فان ثقتنا كبيرة في نجوم الازرق لكي يؤدوا مباراة كبيرة. |
هذا الفريق الخصم الم يأت هو نفسه في نفس الزمن وبنفس طرق الطيران ام اتي بوسيلة اخري وفي زمن اقل؟؟؟؟؟؟
| |
|
|
|
|
|
|
|
|
 Re: نحن قوم لا نجيد " المص " ..!! (Re: طارق ميرغني)
|
Quote: هل بالفعل نحن قوم لا نجيد المص ...!!
بمعني اننا ناس " َقرِشْ " (بفتح القاف وكسر الراء ) وبس...!!! |
إبن خالى
** يُصادف اليوم السادس من إبريل
** هذا التاريخ الجميل
** لوطن جميل.. سُرق ثُم أُغُتصب...
** تم " َقرِشْ " (بفتح القاف وكسر الراء ) الإنتفاضه هذا الحُلم الجميل فى 30/06/1989 فى مهده قبل أن يطأ عتبات الروضه..
### وفعلاً وجدت عنوان البوست مُناسباً لهذه الذكرى العزيزه على الشعب السودانى والتى أصبحت خارج الخدمه ولايتم الإحتفال بها كرصيفتها 21 أُكتوبر ,, والتى ربما تُعتبران رجــســاً من عمل الشيطان فتم تجنيبهما وإجتنابهما(وليس لللجنابه دخل فى ذلك) بمعناها البعيد أوالقريب ..
( ودام الود بيننا)
(ابو محمد فؤاد)
| |
|
|
|
|
|
|
|
|
|
Re: نحن قوم لا نجيد " المص " ..!! (Re: عبدالكريم أحمد الامين)
|
والله يا عبد الكريم عهدتك لاعب كرة قدم ماهر بحق وحقيقة
منذ الأميرية2 وبحري الحكومية ولكن ظهر أنك لاعب بالكلمات
أكثر مهارة من كرة القدم .. فعلا الجماعة قرشو الإنتفاضة
قرش عديل هي و21 أكتوبر وتجنبوهما كما قلت
ودام الود بين البحراويين
| |
|
|
|
|
|
|
|
|
|
Re: نحن قوم لا نجيد " المص " ..!! (Re: شمس الدين ساتى)
|
مقولة السودانيين كسلانين مقولة مغلوطة تماماً .. يعوزها الكثير من المراجعة والتدقيق .. وإن بدا ظاهرياً أن السوداني ممهول ..ممهول في أمره كله .. يجرجر خطواته وحياته .. وأفكاره وحتى أحاسيسه وإنفعالاته جرجرة الكسول أوالمريض ...
الكسل هو إستصعاب أو إستثقال أداء عمل متيسر وممكن .. نافع لصاحبه ..
تفتحت عيوننا في السودان على أهلنا الغبش وهم يدقشون الخلاء قبيل صياح الديكة .. يكابدون الأرض والهجير حتى انصهرت أبدانهم تماماً كسيطان العنج ... ولم أزل أراهم بعاصمتنا المعفرة يدرشون الأرض ويركضون ركض الوحوش .. الوحوش زاتا ما تركض كدا ..
أن يعود أهلي بلدي للقيلولة في غيط حرارته أكثر من 50 درجة فهذا أمر أكثر من عادي .. أرجو مراقبة أخواننا المصرين في السودان والعاملين في الحقول والبناء كيف يهربون إلى الضللة والبيوت كالسحالي.
وهاهم يعمرون صحراء هؤلاء الاعراب الأشد كسلاً في التاريخ ... أتحدى صاحب مؤسسة خليجي أو غيره اشتكى من سوداني تسيب عن عمله .. أتحداه أن يصف لي خليجياً لم يتسيب عن عمله ... " هل هذا ليس كسلاً "
أتحدى أصحاب العمل الأعراب أن يدلوني على سوداني مستهبل .. أو متملق بينما يتملقهم الآخرين لدرجة العوارة .. يتملقونهم ليحصلوا منهم بالإستهبال ما عجزوا عنه بالعمل ...
هم يركضوا إلينا حينما تضيق بهم السبل عن إيجاد من يحافظ على أموالهم وعروضهم .. ويحفظ أسرارهم .. تتردد في أفواهم كلمة واحدة " عايز لي واحد سوداني " .. كيف تسنى لهؤلاء أن يصفوا مثل هؤلاء بالكسالي ...
هي القناعة أيها السادة والرضا بما في اليد والإعتداد بالنفس وان هذه الدنيا لا تساوي شيئاً إلا بقدر ما تقيم أودك وتستر نفسك وعيالك فإذا كانت الفهلوة والحركية ( من حٍرْك ) وإيثار النفس ولو على جثث الآخرين والركض خلف النعم وبذل الغالي والرخيص من أجلها والخوض في ما يعنيك وما لا يعنيك والحرفنة في الكسب حراما وحلالا وتقديس آلهة المال والسلطة هي النشاط فاليدعونا لكسلنا فهو أهون ...
قاعدة who cares هي ما أشعل غيظ بعض الواقعين على أحذية الجاه كماأغاظت بعض الألهة التي تأبي أن ترى من يأنف عن التزلف لها خاصة هؤلاء السود من بني السودان .. فلا بأس بهذه النكات تنفس بعض غيظهم ولا بأس في الإتكال على هؤلاء الكسالي في شئون أموالهم وبيوتهم وأعراضهم فهم ناس طيبين ... " وهم أقدع ناس " ...
فهل تطفئي تلك الأفواه المنتنة ونكاتها الوضيعة كل هذا الضياء .. لا أحسب ذلك ... فلم نزل نحن نحن .... وهموا هم ...
" واحد سوداني صحا من النوم .. قالوا ليهو داير تعمل شنو قال ليهم أرتاح شوية ....
| |
|
|
|
|
|
|
|
|
|
Re: نحن قوم لا نجيد " المص " ..!! (Re: عبدالكريم أحمد الامين)
|
الأخ طـارق ميرغني...
ســــلام...
أود في مساحتك هذه أن أنقل جزء من مقال للمرحوم
معاوية محمد نور, عنواهه..( أمدرمان مدينة السرآب والحنين)...
كتب... ونفوس السودانيين واضحة وآسعة وضوح الصحراء وسعتها, وخلقهم
لين صاف لين ماء النيل وصفاءه, وفيهم رجولة تكاد تقرب من درجة
الوحشية, وهم في ساعات الذكري والعاطفة يجيش الشعور علي نبرات
كلماتهم وسيماء وجوههم حتي تحسبهم النساء والأطفال, وتلك ميزات
لامكان لها في حساب العصر الحاضر , وإن كان لها أكبر الحساب في
نفوس الأفراد الشاعرين وفي تقدير الفن والشعر والحضآرة...
إنـتـهـي...
ما رايك أخي طارق, والإخوة المتداخلون في كلام المرحوم الأديب
معاوية محمد نور? ...
ود المدير...
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
| Quote: هي القناعة أيها السادة والرضا بما في اليد والإعتداد بالنفس |
اخي فرحات عباس كلامك صحيح مائه بالمائه وما ذكرت ذكرني بما قاله المرحوم الاستاذ الاديب الطيب صالح في
الرياض " نحن قوم لا نعرف او لا نجيد تقديم انفسنا . الف شكر علي المداخله.
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
تحية وسلام.
كنت عاوز اضيف مداخلة غير الواردة تحت لكن لقيت مداخلة الاخ معاوية المدير عن اديبنا الفذ جذبتني للتعليق .
Quote: كتب... ونفوس السودانيين واضحة وآسعة وضوح الصحراء وسعتها, وخلقهم
لين صاف لين ماء النيل وصفاءه, وفيهم رجولة تكاد تقرب من درجة
الوحشية, وهم في ساعات الذكري والعاطفة يجيش الشعور علي نبرات
كلماتهم وسيماء وجوههم حتي تحسبهم النساء والأطفال, وتلك ميزات
لامكان لها في حساب العصر الحاضر , وإن كان لها أكبر الحساب في
نفوس الأفراد الشاعرين وفي تقدير الفن والشعر والحضآرة...] |
وهي حقيقة.. لكن كثرة العتالات(بكسر العين)وضيق الحياة فى السودان من كل النواحي افقدنا كتير من هذه الصفات..... يا مدير الزمان غير الزمان والبلد ما ياها وبالتالي الناس ماهم نفس الناس.... وهى نفس الاسباب التي جعلت حكاية حنين السودانيين للماضي جياش وقوي ..... يا اخي كانت شوارعنا المرصوفة على قلتهامرتبة ونظيفة واي زول عاصر الستينات وبداية السبعينات بيتحسر على الماضي لانه الحال ما كان فيه اي نوع من المكباسات والمعاناة والضيق فى كل حاجة, وبؤس البيئة وشح الخضرة مقرونا بالعشوائية لا يسلم منها فرد لو كنت موسرا او فى فقر مدقع فانت فى النهاية فى السودان بالله عليك استحضر معاي كده منظر الخرطوم وانت واصل اليها بالطائرة هل يصيبك الاكتئاب ام البهجة؟..... وانا اقصد الطبيعة والمناظر التي تشرح النفس ....كده بس وروني الرقة فى التعامل والبال الطويل حتجي من وين ؟, ما لازم تكون هناك معينات ودى غير موجودة اطلاقا. يا اخي فى الصيف والخريف الكهرباء مشكلة, والبعوض جحافل تهاجم سكان الشقق قبل سكان الحيشان التلاتة.الذباب صديق الكل ورفيق لايمكن التخلص منه ويشاركك حتي فى نواياك ورغبتك فى اكل او شراب . اما الغبار ماعاوز ليه اي سبب لتتلبد السماوات بكتاحة تعمل نفسيات. من وين يجي المزاج عشان نكون ناس رقيقين فى تعاملنا؟. الخشونة دي ما جات من عدم , انت لو ماشي برجليك او عندك سيارة فالامر سيان يعني الشوارع الغير مرتبة وحركتنا العشوائية والحفر ما بيسلم منها الراجل والسائق. والحر دى اهم حاجة انا نسيتها شمس قلاية بس كيف يكون عندك مزاج رايق وذوق كمان وانت من الساعة السابعة مجابه بالقلاية دى . والشتاء خليهو ساكت شتاء ناشف ناشف ومعاه غبار ووشوش معظم الناس تلقاها مغبشة , اكتئاب جاهز لو لبست ملابس شتاء تقدر تقول لي الغبار البيحلك منو شنو؟ كده بالله يا طارق وريني حاجة واحدة فى بيئتنا: الموجودة اصلا بفضل الخالق سبحانه وتعالي واشتغلنا فيها تدميرا ام بتلك الخرمجة العملناها نحن فى ايه ممكن يساعدنا نتمتع ببال رايق ونتعامل مع الامور ببال طويل وصبر كمان؟؟ وزمان كان موضوع التعبير/ الانشاء الاثير هو : الخريف اجمل فصول السنة فيه تتفتح الازهار وتخضر الحقول وحاجات حلوة كتيرة .. لكنها فى الخيال وبس ولا بقت هناك ازهار ولا بطيخ... اي زول بيكون شايل هم من حاجة اسمها امطار لانها حسب قاموس السودان تعني مد مزارع البعوض بمدخلات انتاج لجيوش جرارة تعمل على المص القاتل + ذباب + مياه راكدة قدام البيت والمكتب واي مكان.. وهم الصيف كهرباء وموية بالقطارة .. يا اخوانا السنة كلها الناس فى السودان مجهجهين اللطافة والرقة والبال الطويل يجيبوهم من وين؟؟!!
مع التحية..
| |
|
|
|
|
|
|
|
|
|
Re: نحن قوم لا نجيد " المص " ..!! (Re: طارق ميرغني)
|
الاستاذ اسماعيل حسن ،
من ناحية الطقس من حر وخلافه طبعا دي بلدنا وده جونا لكن المشكله تكمن فيما خربناه بايدينا.
البيئه .
نزعنا كل الميادين الخضراء والصفراء من الشباب .
ازلنا الحزام الاخضر الذي كان يصد الرياح والزحف الصحراوي من العاصمة .
انتشار الحشرات مثل البعوض وسيل الملاريات لعدم وجود مكافحة .
لم الزبالات من البيوت لمن يدفع.
يا صديقي نحن خربنا بيئتنا بايدينا وسياساتنا الخاطئة.
| |
|
|
|
|
|
|
| |
وليد محمد المبارك
حبيب نورة
Kamal Karrar
عبدالعزيز الفاضلابى
Al-Shaygi
Zomrawi Alweli
إسماعيل حسن
صلاح أبودية
جمال الباقر
الحاج حمد الحاج
ناهد بشير الطيب
على محمد على بشير
دينا خالد
عزام حسن فرح
ابو جهينة
مبارك محمد عثمان
عبدالكريم أحمد الامين
حامد محمد حامد
اسعد الريفى
ismeil abbas
نوفل عبد الرحيم حسن
mekki
فرحات عباس
معاوية المدير
فيس بوك
تويتر
انستقرام
يوتيوب
بنتيريست