|
طالبات جامعة الحرطوم ومعركة الكرامة ضد حرس النظام
|
--------------------------------------------------------------------------------
الآن في جامعة الخرطوم مظاهرة هادرة ضد إنتهاك الحقوق الذي دأب الحرس الجامعي عليه وقد قامت بعض أفراد الحرس بالتصعيد ضد الطالبات بالتعدي بالضرب ضد طالبة وتمزيق بطاقة طالبة غير الإحتجاز بحجج واهية للطالبات لتعطيلهن من حضور المحاضرات. وقد قامت الطالبات بكتابة مذكرة لمدير الجامعة وجمعن عليها توقيعات الطالبات الرافضات لهذه الإنتهاكات
يا عزة مشوارك طويل
|
|
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
Quote: يا عزة مشوارك طويل |
هذا التعامل بالنسبة للحرس الجامعى للطالبات شي ملفت للنظر وهذا عمل بذي للغاية ....
عمل الحرس الجامعى هو خدمة الطالب لكي يوفر له الحامة اللازمة وليس التعرض له
باي وسيلة .....
هذا العمل ليس بجديد بالنسبة لجامعة الخرطوم
يعني تتكلموا الي ان تقوم الساعة في هذا المنبر وفي جميع الصحف السودانية
ولم تجدوا اي رد علي اي فعل ...........
ومازال المشوار طويل ..................
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Yassir Bainwi)
|
شادية تحياتى لك وللشابات الجميلات
ما يحدث فى جامعة الخرطوم او غيرها من الجامعات هو اذلال للمراة
مسالة ان تقف امراة هى اصلا لا يمكن ان تكون قيمة على سلوك الطالبات
لتحدد لهن الذى المناسب والشكل المناسب انها قمة الاساءة
طالبة الجامعة تمتلك الوعى الذى تستطيع به ان تختار ماذا تلبس
ثم ان يحددزمن لدخول الجامعة للبنات ولا يشمل الاولاد هذة
سياسة عدم مساواة ان كان هناك ما يمنع من دخول الجامعة مساء
يجب ان يمنع الجنسين لكن ان تكون المكتبة فاتحة وتحرم الطالبات
فهذا مدعاة لتمييز اكاديمى
ليست جامعة الخرطوم وحدها التعليم العالى يحتاج لهذة
وجود الحرسويات الغير مسؤلات ويتضاربن مع الطالبات هل يعقل هذا لدى معلومة
ان فى يوم واحد كانت هناك اكثر من4 طالبات ضربن من قبل الحرسويات
ووصل الامر ان يمسك الحرس الطالبة بيدية لتضربها الحرسوية
ان كان هناك من داعى لاى اشراف يجب ان يكون فقط فى الداخلية
ومن قبل نساء ناضجات يعن الطالبات ويكن صديقات لهن وبديل للام
وليس بنات صغيرات فى السن لاخبرة حياتية لهن تؤهلهن لان يصبحن
مشرفات على من هن اعقل منهن
وليست الشهادة الجامعية من علم نفس او اجتماع مؤهل للاشراف الخبرة
العملية هى الاهم قدامى المعلمات والباحثات الاجتماعيات ونساء
ينلن احترام الطالبات
اما حرسوية الباب هذة البعدعة المشوهة يجب ان توقف
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: زينب بدر الدين)
|
صديقة الروح ورفيقة الدرب الوعر زينب بدر الدين
حديثك حديث من أراد الخير لهذا الشعب ومن أراد الكرامة للمرأة السودانية ولكن هذا النظام لا يريد حتى الخير لنفسه فهو عدو نفسه وحركة المرابطات دي دليل على إفلاس ديني وسياسي وتفاهة شديدة يعني شنو يخت واحدة منحرفة ويصرف ليها مرتب عشان تقرر في طريقة لبس طبيبة مستقبل أو عالمة ده مش الوهم نفسه يعني إتخيلي واحدة فشلت حتى في إكمال تعليمها وناصرت الضلال عن جهل تجي حكومة مفلسة أخلاقياً تديها فرصة أنها تضرب طالبة قانون بمساعدة أحد أفراد الحرس
عليك النبي يا زينب ده ما إنحطاط؟؟
لكن صدقيني دي معركتنا نحن الأمهات الأرسلنا بناتنا لجامعة الخرطوم لو فشلت الجامعة في صون كرامتهم فعلينا فعل ذلك بكل الوسائل وأولها بالطبع القانون وفي تقديري قضية في المحكمة الدستورية ممكن تخلي أي مأفون يتأدب ونستطيع أن نلغي هذه اللائحة المهينة
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: يسن ابوالمجد)
|
التحية لك وحضورك هنا يسن هو تضامن مع الطالبات الحقيقة حاولت الطالبات تحاشي الإشتباك مع المرابطات وهذا هو الإسم الرسمي للحرس النسائي في الجامعات لكن هذا التحاشي فسر بشكل خاطئ من قبل مؤسسة الحرس الجامعي الطالبات لم يردن معارك إنصرافية ولكن إصرار المرابطات على التعدي على إنسانية الطالبات حولها لمعركة إساسية
في تقديري من حق الطالبات علينا التضامن معهن ودعمهن في معركتهن ضد القهر
والحقارة
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
كيف تكون مؤهلا (نفسيا) لتلقي اي نوع من انواع المعارف او العلوم وقد قامت احداهن (بتقييم) ملبسك قبل الدخول لحرم الجامعه.. وبصوره مزريه.. اسكيرتيك ده ضيق.. البلوزه دي مالا قصيره كده.؟ طرحتك مابعرفه شنو..؟؟ والله لو كنا طلعنا (بنات) في البلد (المجنونه) دي كان انتحرنا ... كامل التضامن معهن لاسترداد حقهن في (الاحترام)..
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Amjed)
|
الفاضلة العزيزة شادية..
ســلام وإحترام كــامل التضامن مع الطالبات الكريمات بجامعة الخرطوم وفي مكان آخر تمتهن فيه كرامتهن..
أذكر في بداية التسعينيات كانت هناك سيدة (لا أعرف وضعها القانوني بالضبط) تجلس أمام باب الجامعة الرئيسي وتحمل كمية من الدبابيس تعطيها للطالبات حتى يقفلن بها الفتحات الموجودة في الإسكرتات الطويلة التي يلبسنها.. مع أن الفتحات لم تكن فاضحة!!!!
رجا
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Raja)
|
الفاضلة رجا
صدقيني لا لسيدة أي وضع قانوني يخولها أن تضع دبوس على إسكيرت طالبة
هي صفاقة نظام وعقلية مريضة وعلى الطالبات مقاومتها وكذا الأسر
غايتو لو حصل وضرب زول من الحرس ولا المرابطات بتي
اليوم داك النظام زاتو يشوف مكان يدسى فيهو
نتضامن يا رجا مع الطالبات بكل قدراتنا وفي تقديري ممكن القانونيات يساعدن بالرأي القانوني وكل زول فينا بيقدر يعمل حاجة يعملها بس المهانة دي تقيف
لك مودتي وتقديري
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Amjed)
|
ما غريبة ولا حاجة يا أمجد ده مخطط لعزل الطالبات عن القضية الأهم وهي طرد الفكر الظلامي من الحياة الجامعية وعودة الديمقراطية وحقوق الإنسان هم يدركون أن بكسر الطالبة وتخويفها يضعفون كرامتها وقدرتها على كسر طوق العزلة الإجتماعية التي يحاولون فرضها على الطالبات كيف تطالب الطالبة بالديمقراطية أو بالحق السياسي وهي عاجزة عن المطالبة بحقها في إختيار مظهرها؟؟
علينا يا أمجد بوضع حد لهذه المهازل
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: naeem ali)
|
يا نعيم الجامعة على ضعف الوضع الأكاديمي وضعف هيئة التدريس والعزلة العالمية جراء التعريب هي لا تقدم للطالبات شئ يذكر وعلى ذلك تمتهن كرامتهن بوضع نساء غير مؤهلات بأي مؤهلات غير الصفاقة لتقييم مظهر الطالبة وده إنتهاك دستوري واضح لحق الطالبات يجب أن يقابله المجتمع ومن قبله الطالبات بالرفض
يجب رفض هذا
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
الايتاذة شادية تحية و سلام تعرفى ان الماساة الحقيقية هى انه حصل ما يشبه التطبيع التام مع هذه الاوضاع الشاذة بعد عشرين هاما من تطبيقها. و لا يتم التنبه لها الا فى حالة حصول مشادة تصل لحدالضرب بين المرابطات و الطالبات, و حتى فى هذه الحالة تحدث فورة ليومين اى ثلاثى ثم تعود الامور (لطبيعتها) و هناك امر اخر و هو سلبية و ربما (تواطؤ) بعض الاساتذة من غير الاسلاميين فلو رفعوا اصواتهم برفض هذه الاوضاع لغيروا الحال قليلا. و انا اعرف كثيرا منهم ممن لا علاقة لهم بقوى الهوس الدينى لكنهم صامتون ليس عن جبن لكنها اللامبالاة و السلبية! انا اعرف تماما بعض الجامعات التى ناهضت هذه الاوضاع و مثيلاتها (مثل الفصل بين الجنسين فى مقاعد الدراسة فى الفصل الواجد او فى مجموعات المختبرات او الدراسان الميدانية) و لم يستطع اجد ان يفرض عليهم شئيا (اذن التحجج بقوة السلطة ليس امرا صحيحا على اطلاقه). اتذكرين عندما اصدر والى الخرطوم السابق المرحوم د. مجذوب الخليفة امرا بمنع عمل النساء فى طائفة من المهن و تراجعه السريع عندما ووجه بمعارضة قوية مدعومة بقضية رفعت الى المحكمة الدستورية. حتى فى اعتى النظم الدكتاتورية يوجد مجال ما و ثغرات يمكن التحرك من خلالها و لا اظن ان (هدوم) النساء تشكل اولوية للنظام خصوصا هذه الايام. لنبدا الان و اقترح الاجندة التالية: 1. ندوات طلابية لمناهضة فكرة الحرس من اساسها (و ليس اعمار او مستوى تعليم المرابطات) فحتى و لو تم اختيارهن من الحاصلات على (تو ابر) او من نساء فوق السبعين فلن يغير من الامر شئيا ما دام المطلوب منهن امر فى غاية السخف و هو تفييم مدى حشمة او عدم حشمة طالبات هن زبدة و صفوة طالبات يلادنا! 2. تكليف عدد من المحامين لرفع قضية دستورية 3. و هناك دور للصحافة الحرة و الاحزاب
كلمة اخيرة: و لطالباتنا اسوة حستة فى اخواتنا و امهاتنا بايعات الشاى و صمودهن الاسطورى فى وجه كل هملات السلطات ضدهن و استطعن هزيمتها باصرارهن و مثابرتهن!
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: عوض محمد احمد)
|
Quote: تعرفى ان الماساة الحقيقية هى انه حصل ما يشبه التطبيع التام مع هذه الاوضاع الشاذة بعد عشرين هاما من تطبيقها. و لا يتم التنبه لها الا فى حالة حصول مشادة تصل لحدالضرب بين المرابطات و الطالبات, و حتى فى هذه الحالة تحدث فورة ليومين اى ثلاثى ثم تعود الامور (لطبيعتها) |
كلامك سليم يا عوض تاريخ الصراع مع الحرس الجامعي متذبذب و واقف على ردود فعل قصيرة الامد و النفس و المدى على مناسبات ( كوارث )الحرس رغم الدور المشبوه الاتحول ليه منذ بدايات التسعينات الشئ البستوجب زلزلال يرمي به و ودوره الغريب خارج اسوار الجامعة التي تقضي وظيفته الاساسية بحماية مبانيها و ممتلكاتها لا غير .
تحياتي شادية يا عزة مشوارك طويل و الله يعين ليم و زميلاتها
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: قيقراوي)
|
هلا قيقا تعرف لو من الأول الناس كانت اتصدت للفكرة كانت هزمتها لكن لا إتكسرت القزازة لا اتدفق الفيها أسع نتصدى وننسف فكرة الباط في الجامعات كلها ولو عايزين يرابطوا يمشوا يسكوا البوارج الحربية من البحر الأحمر ويخلوا لينا بناتنا ديل كدة
تعرف يا قيقا إلا ليم دي والله المرابطات ديل واحدة بالغلت تقرب منها إلا الحكومة تلقى روحها في السهلة
أنا ما تعبت في عزة بناتي عشان يجي كائن من كان يذلهن أسة أنا تآمن بالله من ليم دخلت جامعة الخرطوم بقيت أشوف كل بنات جامعة الخرطوم ليم
وحركة المرابطات دي بقت موجعاني لدرجة قاتلة
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: عوض محمد احمد)
|
الأستاذ عوض هذا بالضبط ما كنت أرمي له من هذا البوست التضامن الفعلي والعملي لنسف فكرة الحرس والمرابطات من الأساس أوافق على كل حديثك خاصة وأني جربت هزيمة هذا النظام عن كثب في معركة النساء ضد قرارات مجذوب الخليفة الظلامية والغبية أتفق معك في أن هذه القضية كغيرها من القضايا التي تمس المرأة تعرضت لتواطؤ شديد
فصديقتي المعيدة بجامعة الخرطوم إبتهاج بحاري مرة تعرضت لموقف لو لا شجاعتها وإصرارها لإنكسرت هيبتها كأساتذة في الجامعة وضاعت على الطالبات والطلبة محاضرة إذ إعترضتها مرابطة (عندها رأي في ملابسها) أخرجت لها البطاقة قالت ليها والله ما بخصني أمشي بيتكم غيري وتعالي شفت الجهل؟؟ مالوا الطلبة ينتظروا لكن معقول المشروع الحضاري ينتظر؟؟ عندا أصرت إبتهاج على الدخول تاركة إسمها ومكان مكتبها أتوقعت يجوا يسألوها لكن لي يومي ويومك في زول عتب وسأل يعني الفكرة تعويق النساء بأي طريقة
عشان كدة تجب مواجهة قوى الظلام وبنظام كما تفضلت في مداخلتك
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
كل التحيه والاحترام لك يا شاديه... وكل التحيه والاحترام لطالبات الجامعات السودانيه وهم بيحملوا الشعله ضد القهر والذل والانكسار وكل التحيه لهن ...مناضلات جسورات....ولا لقهر المراه ولا لقهر الانسان....
اندهشت وان اقرا البوست فالمعركه مع المرابطات والحرس الجامعي بدات منذ بداية التسعينات.... وبتمر عليها حالات مد وجذر....فتهيج الحرس الجامعى والمرابطات عادة ما يرتبط بحاله سياسيه كامله فى الجامعه...فاما انتخابات على الابواب....فيستعملوا التخويف ويفرغوا الحرم الجامعى من الطلاب فى المساء لاضعاف النشاط السياسي...واما فى معركه سياسيه ما محتدمه مع الاداره او الكيزان..... يعنى عادة بتكون قضية الطالبات مقصود بيها صرف الانتباه عن قضيه تانيه او قرار حيتمرر بهدؤ لانشغال الحركه الطلابيه بقضايا الطالبات..... اهم شى فى التعامل مع المرابطات هو الحزم والاصرار والجماعيه والقوه وعدم التراجع..... ومخاطبة الحرس والمرابطات عبر الاركان السياسيه بيخليهم يحسوا انهم فى نفس الجانب مع الطالبات وليس اعداء لهم....فمعظمهم من اسر شديدة البساطه وطالبات فى جامعات اخرى....او مارس عليهم جهاز الامن وتنظيم السلطه نوع من غسيل المخ...او شراء الذمموالبتزاز القذر ....او ببساطه محتاجات وظيفه......محاولة كسبهم بالذات فى الكليات الطرفيه بيضعف محاولات جهاز الامن المزروع داخل الحرس الجامعى لكسر الطلبه!!.... اما الاعتداء على طالبه فدى ظاهره وجب التعامل معاها قانونيا فى المقام الاول....ثم بحشد التنظيمات السياسيه والحركه الطلابيه ومنظمات حقوق الانسان حولها......من الضروره ان تقوم المنظمات النسويه وحقوق الانسان بمساءلة السيد المدير عما يدور فى حرمه الجامعى من انتهاكات للحقوق...وتجاوزات حقيره اتجاه الطالبات...
الزميلات والزملا فى جامعة الخرطوم...الصراع فى مثل هذه القضايا يجب ان يكون بهدف الانتصار دون تنازل ....لانو اى مساحه تراجع من قبلكم يستغلها النظام جهاز الامن-الذى يهابكم-يستغلونها لحشر اقدامهم فى افواهكم ....فيسكتونكم...فلتتعالى الهتافات....الموت الموت لكلاب الامن....ولتنتظم الحركه الطلابيه كلها فى هذه القضيه التى هى لب الفكر الظلامى للتنظيمات الاسلامويه...... ....ويا طالبات.....مافى خوف من المرابطه...هرش بس...فهى امراه مقهوره ايضا...لكنها لا تدرى!!! .....ومعاكم ......
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Shiraz Abdelhai)
|
شيراز عبد الحي أرجو أن تكوني ذاتك طالبة الطب الجسورة التي كنت التقيها في ممرات كلية الطب لا عليك أحييك وأحييك مرتين لو كنت عينها طالبة الطب الجسورة
المرأة المستبطنة القهر أضر بالقضية يا شيراز من اي واحدة ثانية لأن المسكينة تظلم نفسها والأخريات بقناعة أن ما يقال لها هو الصواب المهم المواجهة في الآخر ما مع المرابطات بل مع الفكرة من أساسها وأنا أدعو من هذا البوست لتكوين جسم للتضامن مع الطالبة الجامعية جسم له قدرات قانونية وتضامنية وسياسية لا لأي لائحة تمس كرامة الطالبة وحقها في إختيار الزي الذي يناسبها لا لأي لائحة تميز ضد الطالبات
ولك كل التقدير
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
صاحبة البوست والمتداخلين
القضية ليس كيزان ولا نظام الأمن
القضية التشيرت
من منكم يرضى بأن تتبرج أخته داخل الحرم الجامعي
أي تضامن تتحدثون عنه هل هو التبرج
نقلاً عن موقع النيلين : يوم الخميس 02/04/2009 م - الموافق 7-4-1430 هـ حقاً تحرسوا ولا يجيك ، حقك تلاوي وتقلعوا .. بهذه العبارة ارتفعت اصوات بعض طالبات جامعه الخرطوم أمس بالهتاف وهن يتجولن حول الجامعة معترضات على قرارات الحرس الجامعي بمنع الطالبات من إرتداء (التي شيرتات) التي تعتبر من الملابس التي منعت في لائحة قوانين الجامعة . وذكرت بعض الطالبات ان مظاهرتهن ايضا اعتراضاً على قرار منع الطالبات من الدخول الي الحرم الجامعي بعد الساعة السادسة مساء ، فضلا عما وصفنه بالمعاملة القاسية التي قلن ان الطالبات يواجهنها من ( المرابطات) . واكتملت تظاهرة الطالبات بـ(ركن نقاش) رفعت فيه الشعارات المعارضة للقرارات في مبادرة من الطالبات والتي تقول (من حقي ان اتعلم دون تمييز ، ومن حقي ان تحفظ كرامتي داخل الجامعة ، ومن حقي الدخول الي جامعتي). من جهتها إستنكرت رئيسة إتحاد طلاب جامعة الخرطوم السابقة ولاء صلاح القرارات ووصفتها بانها غير موضوعية ، مؤكدة ان الجامعة مؤسسة تعليمية وليست تربوية تحدد للطلاب ما يرتدونه من ازياء ، ووصفت الطلاب بانهم ناضجين لا يحدد لهم احد ما يفعلون. وقالت رئيسة الاتحاد ان تحديد زمن بقاء الطالبات في الجامعة يعيق طالبات الداخليات في المذاكرة والاستفادة من المكتبات ، وبحسب صحيفة حكايات قدمت قائمة بأسماء طالبات من مختلف كليات مجمع الوسط يعارضن القرار اتفقن على رفع مذكرة لمدير الجامعة
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: bamseka)
|
السيد بامسيكا
Quote: صاحبة البوست والمتداخلين
القضية ليس كيزان ولا نظام الأمن
القضية التشيرت
من منكم يرضى بأن تتبرج أخته داخل الحرم الجامعي
أي تضامن تتحدثون عنه هل هو التبرج |
و برضو نتضامن مع طالباتنافى حقهن فى ارتداء ما يلبسن (شفت النظام دا وصل الناس لدرجة ان الحصول على هذا الحق البسيط امر تقوم دونه المظاهرات) و بعدين من انت حتى تصف طالبات جامعة الخرطوم بالتبرج؟ و بعدين المرجلة و الشجاعة الزائفة دى على الطالبات المسكينات: اين الرد على غارات طيران الصهاينة و لو ببيان شفهى؟
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: bamseka)
|
يا بامسيكا تبرج دي يعني شنو؟؟
القضية هي قضية كيزان وأمن وتحديداً المؤتمر الوطني الذي لا يرى في المرأة غير جهاز تناسلي والدليل ما من وزير ولا مسئول ما متزوج مرتين ديل عايزين يغطوا النساء عاشين خايفين من دناوة نفسهم
وأقول ليك ؟ حقاً تحرسوا ولا يجيك ، حقك تلاوي وتقلعوا والتي شيرت مالوا ومنو المن حقو يقرر لي طالبة جامعية راشدة مكلفة شرعاً وقانوناً منو المن من حقوا يقرر أنها تلبس شنو دي أنتهاك لحقوق المرأة وخرق للدستور وفكر ظلامي
أحيي بتي وبت أختي وأخوي ولاء العودها خاتي الشق على وعيها وشجاعتها ولا للتمييز ضد الطالبات في الحرم الجامعي ولا لفكرة المرابطات المجرمة ولا لإنتهاك الحقوق ولا لأي تبرير لظلامية الكيزان
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
التحية لكم الأخت شادية الأخ بامسيكا حرس جامعي وكمان يتبع للحزب الحاكم مرفوض مليون مرة طالب أو طالبة في مرحلة الجامعة يعني بلغ من العمر والعقل والتمييز والحكمة قدرا لا يستهان به وسيكون غدا مسئولا عن عمله ووظيفته حسب تخصصه ويرفض الوصاية عليه .. خاصة إذا كانت وصاية (سفيه) مثل منسوبي هذا الحزب الحاكم .. بالله عليك حرس يسمح بدخول السيخ والأسلحة النارية وسيارات الأمن وعليها عتاة ومحترفي الإجرام لينفذوا أبشع الجرائم بالحرم الجامعي تحت مرأى ومسمع هذا الحرس المزعوم ما الحاجة إليه ؟ ألم تسمع وتقرأ هنا بالمنبر والصحف اليومية عن حوداث تمت غدرا وخيانة من بعض منسوبي هذا الحزب داخل الجامعات؟ التباكي على المشروع الحضاري المزعوم (رحمه الله) لن يشفع لهم ، ولن يمنحهم رخصة التعدي على حقوق وحريات الغير ، يجب العمل على إلغاء الحرس الجامعي وفورا وكفاية كوادر الحزب الموجودة والمزروعة بين الطلاب . تحياتي الشفيع
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Alshafea Ibrahim)
|
مرحب بيك سديد رأي يا الشفيع صحيح الحرس الجامعي ماعندو لازمة لما يبقى مصدر تهديد للسلام الجامعي لكن في الحرس المرابطات ديل قصة براها عليك النبي شوف اللفظة زاتها عاملة كيف هن وقت فالحات ما يمشوا يرابطوا في بورتسودان حيث الطيران الأسرائيلي يقصف أرض الوطن جاييين يرابطوا يعني يحرسوا الجامعة من الطالبات؟؟ ده ياهو الجهاد؟؟
لكن أقول ليك حاجة أسة قصتنا ما بقت في المرابطات ولا الحرس الجامعي بل في اللائحة المهينة وإدارة الجامعة المتواطئة
بس تضامنكم مع الطالبات وخلوا الباقي علينا نحنا أمهاتن
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
إلى عوج الدرب السادة المناديين والمناضلين من أجل التبرج ولبس اليهود والنصارى
رحم الله د/مجذوب الخليفة عندما قال لابد من توحيد الزى الجامعى قامت الدنيا ولم تقعد الأن الاتى تظاهرن بالجامعة هن يردن العرى والتفسخ والأنحلال واغراء الشباب حتى يقعوا فى الرزيلة جميعا قاتلهم وهنالك لذين يؤيدوهن فى الظاهر ......... بلاش فضائح وقلت ادب يابنات لاتسئن للجامعة التى خرجت الافزاز الذين حرروا السودان من المستعمر وانتن تردن بام الحرية والحضارة ان تهتكن الدين والأخلاق الحميدة. ومن هنا أقول لكل من تظاهرت من البنات للأسف غير مربية وساقطة فاليذهبن لى الجحيم ومن يقف خلفهن
ومن يقف خلفهن
ومن يقف خلفهن
ومن يقف خلفهن
وأخيرا أحى الجامعة فى هذا القرار الصائب والأخوان بالحرس الحامعى لتنفيذه وياريت أن يوحد الزى الجامعى بين الجنسين ولا تكترسوا لتظاهرة هؤلاء المراهقات.
لا إله إلا الله محمد رسول الله
لا إله إلا الله محمد رسول الله
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Manal Mohamed Ali)
|
الأخ بامسيكا : ليتك تعيد وتقرأ وتفهم ما كتبته صاحبة البوست والمتداخلين ... ليه تختزل كل البوست فيما تطلق عليه جزافا (معركة التشيرت)؟؟؟ عن أي لبس وحشمة وكرامة ورزيلة وعفة تحدثنا؟ لن ولم تكونوا أوصايا على أبناء وبنات الناس غير مسموح لكم أن تسلبوا الآباء والأمهات حقوقهم هذه .. لا الشرع ولا العرف ولا القانون يمنحكم هذا الحق .. كفاية فضول .. وبالمقابل غير مسموح لحزبكم الحاكم ممارسة أنشطته الغذرة داخل الحرم الجامعي فالجامعة لم ولن تكن مقرا من مقار حزبكم أو وكرا من أوكاره.. من يقتل ويعذب ويسجن الطلاب ؟ ألم تسمع قط بجرائم قتل وتعذيب تمت داخل الحرم الجامعي؟ من هم الفاعلين المجرمين ؟ أرفعوا أيديكم عن الطلاب فالجامعات منارات للعلم والتحصيل لا تفسدوها كفاية .. الشفيع
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Alshafea Ibrahim)
|
كل التحايا لطالبات جامعة الخرطوم..
ومعاركهم ضد كل من يحاول تغيير القضية الأساسية..
المواهي بتاعت الحرس الجامعي بتاعت ما تلبسي و ما تدخلي دي..
مش كان افضل يصلحوا بيها الحمامات في البركس علي اقل تقدير؟!
مش كان اجدي يعملوا بيها عيادة داخل البركس؟! قول اسعافات اولية بس!!
مش كانت اجدي تكون اعانات للطالبات غير المنتميات لصندوق دعم الطلاب..
..
وبنقول.. يا عازة مشوارك طويل..
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: bamseka)
|
يا بامسيكا نحن نقف مع بناتنا وسيادة بلدنا وإنت أقيف مع منع التيشيرت وحكومة الخونة المزواجين المنزعجين من قدرة بناتنا على إنتزاع حقوقهن ونحنا خلفهن وأمامهن ويوما ما مجذوب الخليفة الفرحان بيهو كرامتو كانت تحت رجلين نساء السودان الفاضلات الشريفات
وهزم شر هزيمة أمامنا نحن النساء ولو لا عدم نزاهة القضاء وعدم نزاهة النظام لكنات حكومة المؤتمر الوطني في مزبلة التاريخ
ودفاعك عن ا‘وج وشتايمك لبناتنا البتأكيد ما بتعرف زيهم لن يجعل من هذا النظام غير أنه نظام فاشي وعبارة عن عصابة ساقطة أخلاقياً ودينياً والرزيلة البتتكلم عنها دي بقت شعار للمؤتمر الوطني ونظام الإنقاذ بناتنا ولا حتى الكلام الزي ده ما قي تفكيرهم لأننا ربيناتهم كبشر وليس كعورات يخجل منها
بعدين أقول ليك كلام؟؟ الهزيمة هي كيف عاد؟؟ الليلة البنات في جامعة الخرطوم بيلبسوا التيشيرتات الممنوعة وبيدخلوا الجامعة بعد الساعة ستة
ونظامك البتدافع عنه عرف رحو حيخسر قال ما في قرار زي ده وده خطأ من الحرس
عالم جبان
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
كما أسلفت يا قيقراوي حديثك يصلح منصات لأطلاق أفكار كثيرة ضد فكر الكيزان الفكر الذي على أساسه وضعت لائحة تمنع دخول الطالبة للجامعة إلا إذا إلتزمت بالزي القبيح الذي قرر المؤتمر اوطني الموتور أن يسجن فيه الطالبة وهو إنكار لكونها طالبة وإنسانة ومشروع عالمة، طبيبة محامية فهو فكر لا يرى في المرأة سوى أداة تناسل شفت العبودية دي كيف؟؟ وأقصد عبودية المؤتمر الوطني للفكر القبيح
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: معتز تروتسكى)
|
سلام يا شاديه و كل الاحترام لطالباتنا و هن بتحدو الزمن الكعب اصلا ده بالمثابره علي تعليمهن
اجمل حاجه سمعتها مؤخرا، كانت عن طلبه جامعات مختلفه بمصر، رفعو دعوات قضائيه ضد علي الحرس الجامعي وطالبو بطرده من الحرم الجامعي، و كسبوها، و ناس جامعه الازهر رفعو دعوي قضائيه ضد رئيس الوزراء و وزيري الداخليه و التعليم العالي، لعدم قانونيه وجود حرس جامعي
التحيه ليهن و ليك
----------
اينانا، قلتي لي مواهي الحرس الجامعي كان اولي بيها يصلحو بيها حمامات و يجيبو اسعافات اوليه؟
هاكي الكاراكاتيور ده هديه
يا بنيه الا نلاقيك في المظاهرات؟ جايانا متييييين؟
Source
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Rihab Khalifa)
|
عزيزتي رحاب خليفة طالبات الجامعات حرص هذا النظام على عزلهن عن المجتمع وعن الحركة السياسية ودرج على المساس بحقوقهن وفي تقديري المشكلة ما في الحرس الجامعي وبس الفكرة والعيب في اللائحة فهي مهما كانت تخترق الدستور إذن المعركة الأساسية يجب أن يتولاها قانونيين لتعديل اللائحة وبتجي قصة الحرس دي براها
لك التحية يا رحاب
ولهن التحية
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: naeem ali)
|
معاك يا شاديه في التسلسل المنطقي، اولا اللائحة و الحرس غالبا ما يتبع و ما اوردت قصه الحرس الجامعي الا لبيان ضروره تفعيل الاجراءات القانونية ضد الدوله و نجاحها في امثله كهذه
لو في زول عنده نسخه من اللائحه، ياريت يعرضها علينا هنا، انا فتشت السايت بتاع الجامعه، و لقيت لوائح امتحانات و مقررات جديده بس
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: شادية عبد المنعم)
|
Quote: البقدر يجيب لينا نص لائحة جامعة الخرطوم يتكرم والله |
هي لائحة و لا قانون جامعة الخرطوم ؟
قصدي حددوا مطلبكم
قانون جامعة الخرطوم كان مطبوع كتيب اخدر كدا و كان متوفر و اي زول ممكن يحصل عليهو اما اذا اتلغى او اتعدل دي حاجة تانية و اذا الحرس الجامعي شغال بلائحة فدي حاجة تالتة
و انا كان اتسألت سابقاً
الحرس الجامعي خاضع لمنو ادارياً ؟
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: Elbagir Osman)
|
سلامات يا شادية تعرفي ممكن يكون في حرس ما في مشكلة خالص لكن الحرس دا المفروض تتحدد وظيفته شنو
لم ار في حياتي حرس يشتبك مع الطلاب الا في السودان وقد حدث لي اكثر من مرة في جامعة القرآن الكريم حي منع الحرس ابنة اختي من الدخول بلبس ساتر جدا بس ما عبايةلما جيت للمناقشة جيت لابسة عباية وكل المعايا لابسين عبايات في النهاية دا اليوني فورم حقهم قالو برضو الحرس ناداني وبقى يتعلكت معاي عشان اليوم الاول ناقشتو في الزي الاسلامي ومواصفاته
ودورت شكلة كبيرة جدا ورفض يدخلني يوم المناقشة لاسباب شخصية ما خرق للقوانين.... الحرس له دور كبير في حفظ الامن والسلامة
برضو يوم سقتا بتي وعمرها 11 سنة لابسة بنطلون وقميص طويل في جامعة التيلين قال لي "الشافعة" دي مابتخش لابسة بنطلون ممنوع البنطلون هنا قلت ليه القصة دي قوانين ولا دين قال دين قلت ليه وريني الاية الممنوع فيها البنطلون قال اية التشبه بالرجال قلت ليه يعني البنطلون تشبه بالرجال قال ايوة وقلت ليه دا المقصود في الاية دي قال ايوة قلت ليه اذن النسوان الباكستانيات والهنديات المسلمات متشبهات بالرجال لانهم زيهم القومي بنطلون وقميس ذي حق الشافعة دي
انتهى النقاش على كدا يبقى يا شادية الناس تسعى لانه الحرس يكون عنده حدود محددة بالقانون واللوائح والقوانين دي تكون متعارف عليها عالميا كاي حرس جامعي في اي بلد
واقولها ليك المرابطات دي حاقدات وقلبهم اسود ساكت والله لا تدي الكديسي ريسي كما يقول المثل الشايقي وكامل تعاطفي مع بناتنا الطالبات
الله في
اضل حاجة تعملوهابس تنظمو يوم البنات يرفضو دخول الحرم الجامعي
عشان يجبرو الجامعة تشوف الحاصل
اتمنى يشتركو فيه كل البنات حتى ناس الاتجاه الاسلامي عشان يتعملو الوحدة في القضايا البتخص المرأة
| |
|
|
|
|
|
|
Re: طالبات جامعة الحرطوم ومعركة الكرامة ضد حرس النظام (Re: قيقراوي)
|
هي لائحة وضعها الظلاميين لتقييد الحريات وممارسة التمييز ضد الطالبات يعني ما تجتهد شديد كدة دي حاجة أيام المؤتمر الوطني كان مركب مكنة طالبان ولسة ماسكين فيها
يعني أنا عايزة نسخة منهالأني لغاية الليلة ما لاقيت زول شافها والنسخة دي مهمة للمعركة القانونية لكن من غيرها برضو ما في مشكلة يعني لو نكروها عديل الطالبات برضو حياخدوا حقهم
المهم التضامن والدعم القانوني
| |
|
|
|
|
|
|
|