انتهك سلاح الجو الأسرائيلي سيادة السودان بالضرب على اهداف داخل حدود السودان في يناير و فبراير و مارس 2009..و هي حالات انتهاك واضحة تستوجب من الحكومة السودانية اعلان الحرب على اسرائيل..فلماذا صمتت الحكومة؟.. متى يتم اعلان الحرب على دولة معتدية؟..و ما حدث الآ يشكل اعتداء واضح يستوجب اعلان الحرب؟..
تحياتي ياصديق وللأسرة أنتظر شوية بعد استقالة وزير الدفاع التي تعالت أصواتهم بها ... ومجئ خير خلف لخير سلف ... إسرائيل دنا عذابها شعار الوزير الجديد المرتقب .... يازول حكومة سابحة الأرض من قوافل ومدرعات تدخل وتدك العاصمة خليك من طائرات الجو وكمان أسرائيلة .. مودتي الشفيع
04-01-2009, 08:21 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25128
Quote: انتهك سلاح الجو الأسرائيلي سيادة السودان بالضرب على اهداف داخل حدود السودان في يناير و فبراير و مارس 2009..و هي حالات انتهاك واضحة تستوجب من الحكومة السودانية اعلان الحرب على اسرائيل..فلماذا صمتت الحكومة؟.. متى يتم اعلان الحرب على دولة معتدية؟..و ما حدث الآ يشكل اعتداء واضح يستوجب اعلان الحرب؟..
سوف يعلن السودان الحرب على اسرائيل بعد ما" يأكل الديش العيش"
و لعلك تدرك تماما ان السودان لا فضل فيه ديش و لا عيش
أرجح أن تكون الحكومة عارفة من بدري و قابضة الثمن (ثمن السكوت). لانها اصبحت في موقف حرج بين خيارين احلاهما مر و هما 1/ ان تصادر السلاح باعتبار مرورة عبر الاراضي السودانية غير مقبول . وهذا يحرجها مع المقاومة الفلسطينية و ايران
2/ توافق علي استخدام اراضيها لتمرير السلاح و تدافع عنه و هذا يحرجها مع الغرب و يذيد من ازماتها الدولية.
احسن خيار السكوت و هذا ما حدث و لكن
اذا كانت الحكومة عارفة و صمتت مشكلة و كيد قبضت ثمن السكوت
و اذا كانت الحكومة ما عارفة دي مشكلة اكبر و يجب ان تعمل شيء علي الصعيد السياسي و الدبلوماسي.
لي عودة
04-01-2009, 02:42 PM
osman righeem osman righeem
تاريخ التسجيل: 06-21-2007
مجموع المشاركات: 10872
حسب ما اعتقد ان السودان في حالة حرب مع إسرائل منذ عام 1967 و خلال حرب الاستنذاف و حتي معركة اكتوبر1973 و لقد خرج الجيش السوداني لمحاربة اسرائيل في حدودها مع جمهورية مصر العربية وفقا لمسوقات دستورية وقانونية غطتها اتفاقية الدفاع المشرك ( عليها الرحمة )
ولكن بعد ان تصالحت مصر مع اسرائيل و عقدت اتفاقية سلام ايام السادات وحررت مصر اراضيها و لكن بدون سياده لم يعلن السودان انتهاء الاعمال العسكرية بينه وبين اسرائيل بإتفاقية أو من طرف واحد و حتي اليوم تستخرج جواز سفر يسجل عليه صالح لكل العالم ما عدا إسرائيل
اسرائيل اعلنت قيامها بهذه الاعمال العسكرية علي ارض دولة ذات سياده ببساطه لان هذه الدولة في حالة حرب معها
مصرت و التي دخلنا الحرب معها ضد اسرائيل عندما صالحت اسرائيل شتمنا السادات في مجلس الشعب المصري و قال ديل الكلب عمره ما يتعدل وعاد ومبارك و كمل احتل حلايب و دعم النظام الشمولي في السودان و حارب خيارات الشعب السوداني في الديمقراطيه والحريه و سوق لنظام الانقاذ علي انه انقلاب ضباط وطنين والسذج الان يقولوا ده السفير الشربيني اداهم معلومات غلط و بكره تعرفوا شنو دور المخابرات المصرية في تمكين النظام الشمولي في السودان
توجد قاعدة عسكرية جنوب شرق مصر تقدم خدمات لوجستية للطيران الحربي الامريكي و حلف الاطلسي بما في ذلك التزود بالوقود
Quote: تحياتي ياصديق وللأسرة أنتظر شوية بعد استقالة وزير الدفاع التي تعالت أصواتهم بها ... ومجئ خير خلف لخير سلف ... إسرائيل دنا عذابها شعار الوزير الجديد المرتقب .... يازول حكومة سابحة الأرض من قوافل ومدرعات تدخل وتدك العاصمة خليك من طائرات الجو وكمان أسرائيلة .. مودتي الشفيع
صديقي و استاذي الشفيع ابراهيم.. حبابك كيف حالك و الأسرة الكريمة..
كتر خيرك على المرور من هنا.. أدب الإستقالات لم يتم تدريسه لأهل الحكم في السودان عامة..و ناس حيكومة عمر البشير خاصة..و قد طالبنا ابان احداث العاشر من مايو (هجوم حركة العدل و المساواة على امدرمان) باستقالة السادة وزير الدفاع و الداخلية و رئيس جهاز المخابرات..لأن ذلك الحادث وضح أن الدولة قاعدة ساكت..و أن الميزانيات الضخمة التي تخصص للإدارات الثلاثة لم يأتي ما يقابلها.. في خيط منفصل في هذا المنتدى كتبت تحليل ذهبت فيه الى ان سلامة البشير كانت مقابل للسماح لإنتهاك سيادة السودان من قبل سلاح الجو الإسرائيلي..و صمت الحكومة و عدم اعلانها لحالة الحرب .. يعني ضمنيا صحة ما ذهبنا اليه في ذلك التحليل.. النظام في وضع محرج للغاية.. و يعمل ما في وسعه لتناسي الأمر.. و ليس هذا مشكلة .. المشكلة في اتباعه الذين يصورون أن امر اعتقال البشير هو انتهاك للسيادة.. فلم يبقى لهم ما يتحدثون عنه في امر السيادة لأن النظام خذلهم غاية الخذلان..
كتر خيرك و نشوفك تاني.. كبر
04-01-2009, 06:55 PM
Kabar Kabar
تاريخ التسجيل: 11-26-2002
مجموع المشاركات: 18537
صديقي حيدر حسن.. حبابك كتر خيرك على المرور من هنا..
حليل ايام زمان يا صديقي.. ايام الجيش السوداني كان بيمشي يعسكر في لبنان و في مصر..و الوكت داك ما كان عندنا طيارات..و لكن كان عندنا اراداة و و فهم متقدم لمفاهيم مثل مفهوم السيادة..و لم تجرؤ اسرائيل وقتها المس بسيادة السودان رغما عن تدخله المباشر في الحرب ضدها.. النظام دأب على قتل مواطنو السودان و نكران ذلك و غتته..و دأب على التورط في مشاكل اقليمية و نكرانها..و لكن لم نتصور أن يصل الأمر لإنتهاك سيادة السودان عسكريا.. فهذه لن يستطيع النظام نكرانها..و لن يستطيع التنصل عنها..و عليه أن يعلن حالة الحرب أو اضعف الإيمان ان يقوم بالرد العسكري المباشر..
نشوفك تاني
كبر
04-01-2009, 06:56 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: سوف يعلن السودان الحرب على اسرائيل بعد ما" يأكل الديش العيش"
و لعلك تدرك تماما ان السودان لا فضل فيه ديش و لا عيش
ول ابا الطيب رحمه.. حبابك يا صديقي كتر خيرك على المرور من هنا.. الجبهة الإسلامية دمرت مؤسسات كثيرة من بينها القوات المسلحة السودانية..و كان فكرتها أن هذه المؤسسة هي التي جاءت بها و هي التي ستقتلعها.. لذلك عملت بمبدأ سد الذرائع.. من يقوم بمثل هذا التدمير.. كان على الأقل أن يفكر مرتين..و الأ يتورط في خلق ظروف تتطلب الإستعانة بمؤسسة مدمرة.. الغريبة من الإنجازات التي يتباها بها عمر البشير و نظامه .. ما يسمى بالتصنيع الحربي..و لو كان هناك فعلا تصنيع حربي .. فهذا هو يومه..
نشوفك تاني يا صديقي
كبر
04-01-2009, 06:58 PM
Kabar Kabar
تاريخ التسجيل: 11-26-2002
مجموع المشاركات: 18537
احمد المعتصم.. حبابك يا صديق كتر خيرك على المرور من هنا.. هو السودانيين فضل فيهم حاجة تاني.. ملايين مكتولة..و ملايين مشردة..و ملايين بين بين.. هذا الوقت المناسب لإعلان حالة الحرب..و لو كان النظام فيه شوية باقي ايمان بحرمة السيادة الوطنية .. فعليه أن يعلن الحرب حتى لو كانت خاسرة.. لأن الموت في سبيل الوطن اهون من حياة المسخرة و الحقارة..
نشوفك تاني يا احمد..
كبر
04-01-2009, 07:00 PM
Kabar Kabar
تاريخ التسجيل: 11-26-2002
مجموع المشاركات: 18537
صديقي و استاذي احمد الشايقي.. حبابك كتر خيرك على المرور من هنا..
اعترضنا على النظام..و مختلفين معاهو الف احمر.. لكن هذه هي الخطوط الحمراء التي لا يمكن التساوم فيها.. و سنتفق مع النظام لو اعترف بانتهاك السيادة السودانية..و سنتفق معه اذا اعلن الحرب على اسرائيل ردا على انتهاكات سلاح الجو الإسرائيلي..لأن هذه الأمور لا تجدي معها الخلافات السياسية..و هو اتجاه يجب أن يتفق عليه جميع اهل السودان..
و نشوفك تاني..
كبر
04-01-2009, 07:02 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: الأستاذ/ كبر إعلان الحرب قادم بس بعد استدراج اليهود إلى ميناء بورتسودان
جعفر محي الدين.. حبابك يا صديق كتر خيرك على المرور من هنا.. الغريبة يا جعفر.. المرة دي حتى فقه الإستدراج خمد و ماتت جذوته..كانما النس تناست امورها.. حتى لو قرر عمر البشير و نظامه استدراج اسرائيل للمرة الثانية.. ما عندنا مشكلة معاهو .ز بس يعلن لينا الحرب على اسرائيل..
نشوفك تاني يا جعفر..
كبر
04-01-2009, 07:06 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: بعد ما آخر سوداني ياكل كسره طازجه في تل أبيب !
في الوقت داك يمكن ! يمكن ! يتحقق الكلام دا !!!!
( كل الأقطار - عدا إسرائيل )
هشام ابراهيم.. حبابك كتر خيرك على المرور من هنا..
هل يعني ذلك بعدما يبقى السودان مقاطعة اسرائيلية؟.. اسرائيل ضايقة يد الجيش السوداني الأصلي..و زمان الجيش السوداني كان في موقع المبادرة..و من ديك اسرائيل خاتة يدها في قلبها..و اليوم اسرائيلي مخلوعة من مسكنة السودان و ضعفه و هوانه.. عشان كده عملت الموضوع شغلة.ز تضرب و ترجع..و تاني تضرب و ترجع..
وين يا حبيب..نحن ايام زمنا حضرنا مواقف السودان الواضحة و المشرفة..و كان جواز السفر السودان مختوم فيهو (كل الأقطار عدا اسرائيل و جنوب افريقيا) .. شفت السودان كان واعي كيف؟..
نشوفك تاني يا هشام..
كبر
04-01-2009, 07:09 PM
Munir Munir
تاريخ التسجيل: 02-11-2002
مجموع المشاركات: 10496
الصديق كبر .. سؤال: لو كنت حاكمآ الآن للسودان هل كنت ستعلن الحرب علي اسرائيل لو هاجمتك ؟؟ .. طبعآ معروف أن سؤالك تهكمي.. ولكن نفرض جدلآ أن السودان أعلن الحرب الآن علي اسرائيل ، فهل ستحارب مع السودان أم مع اسرائيل؟ أم ستكتفي بالمشاهدة من منازلهم؟؟!!
04-01-2009, 07:04 PM
ASHRAF MUSTAFA ASHRAF MUSTAFA
تاريخ التسجيل: 08-04-2008
مجموع المشاركات: 11543
عاطف عبدون.. حبابك يا صديق كتر خيرك على المرور من هنا.. قلت لي خايفين من الرعايا السودانيين في اسرائيل؟..ده حديث خطير للغاية.ز لأنو الرعايا في الدول الأجنبية قاعدين يمشوا الدول الأجنبية برضاء دول موطنهم.. عشان كده دولة الموطن ملزمة بتوفير الحمياة ليهم..و بفهم هذا الخبر.. من حقنا أن نتساءل هل هناك وجود سوداني في اسرائيل حتى تتخذه الحكومة ذريعة لعدم اعلان الحرب على اسرائيل؟.. لو المقصود هو ما فعله الأخ عبد الواحد محمد نور.. فده هين.. يومين و كل السودانيين الهناك ح يتم سحبهم..و نشوف بعد داك البيحصل شنو.. اسرائيل واسعة..و ممكن الجيش السودان يضرب و يتجنب مراكز تجمع السودانيين هناك.. بس اخونا عمر البشير اليقعد لينا في الأرض و يعلن الحرب..الباقي كلو هين..
نشوفك تاني يا عاطف.. كبر
04-01-2009, 07:16 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: كبر ازيك: هم الاستنكار الساهل ده ماعملوهو.. شهرين ومافي زول استنكر وللا شجب ساكت.. ده كلام؟؟!!!
اماني الأمين.. حبابك يا صديقة كتر خيرك على المرور من هنا.. ما دايرين منهم استنكار ولا مظاهرات معارضة للضرب و الإنتهاك.. دايرين اعلان حرب عدييل..و نرى أن هناك سبب مشروع لذلك.. بس هم اليبطلوا اللف و الدوران..و لو البشير بقى ضابط في الموساد.. كمان يقول لينا عدييل..و يومين ما ح يلقى راسو.. فعلا هو زمن المهازل..
نشوفك تاني يا اماني.. كبر
04-01-2009, 07:18 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: لم أشعر بخيبة أمل وضعف طوال الفترة السابقة مثل الذي شعرت به من أخبار القصف المتكرر على أراضينا السودانية...
يخس!
صديقي انور كنج..حبابك كتر خيرك على المرور من هنا..
المشكلة في هيئة العلماء و الجماعات الدينية.. ديل قبل ايام جعجعة ما تديك الدرب..و الليلة ساكتين سكوت السنين.. حينما تكون هناك طائفة سدنة تسول للبشير أنه هو السودان..فهنا يا صديقي تبدو محنة كبيرة للغاية..لأن البلد سيكون خطاب تسييرها هو خطاب الإنتهازية و النفاق.. لا تيأس يا صديقي.. فالوطن هو الوطن.. كان و سيكون..
نشوفك تاني يا انور..
كبر
04-01-2009, 07:20 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: عندما يتعلم سيدي الرئيس من جديد كيف (يهمد) في مكان واحد ..
صديقتي شيري.. حبابك كتر خيرك على المرور من هنا..لينا طولة يا صديقة..
زيارات سيدي الرئيس مدفوعة الثمن.. يعني سلامتو مقابل الصمت على انتهاك السيادة السودانية انتهاكا عسكريا.. شفتي اللعبة صارت جميلة كيف..اسرائيل ما قادرة تصدق الحاصل..و تشيل و تضرب..و السيد الرئيس ما قادر يصدق..و يشيل و يسافر..
نشوفك تاني يا شيري..
كبر
04-01-2009, 07:24 PM
Kabar Kabar
تاريخ التسجيل: 11-26-2002
مجموع المشاركات: 18537
أرجح أن تكون الحكومة عارفة من بدري و قابضة الثمن (ثمن السكوت). لانها اصبحت في موقف حرج بين خيارين احلاهما مر و هما 1/ ان تصادر السلاح باعتبار مرورة عبر الاراضي السودانية غير مقبول . وهذا يحرجها مع المقاومة الفلسطينية و ايران
2/ توافق علي استخدام اراضيها لتمرير السلاح و تدافع عنه و هذا يحرجها مع الغرب و يذيد من ازماتها الدولية.
احسن خيار السكوت و هذا ما حدث و لكن
اذا كانت الحكومة عارفة و صمتت مشكلة و كيد قبضت ثمن السكوت
و اذا كانت الحكومة ما عارفة دي مشكلة اكبر و يجب ان تعمل شيء علي الصعيد السياسي و الدبلوماسي.
لي عودة
صديقي حامد الصاوي.. حبابك كتر خيرك على المرور من هنا.. قبل ايام كتبت تحليل بعنوان (سلامة البشير مقابل السماح لسلاح الجو الإسرائيلي بانتهاك سيداة السودان)..و فيه ذهبت الى أن الحكومة السودانية قبضت الثمن و هو السماح للبشير بالسفر الذي تذكره فجأه.ز فالرجل طيلة حياته في الحكم لم يسافر خارجيا مثلما يفعل الآن..
هذا الأمر لم يحسب جيدا.. لأن اسرائيل تكرارها للضرب اصبح نوع من الإبتزاز الواضح لعمر البشير و حكومته..و هو الآن يدرك الورطة التي ادخل نفسه فيها.. لأن الفيلم ده حيفضل مستمر لوقت طويل للغاية.. الذي يحيرني لماذا صمتت القوى السياسية..؟..هل صارت مدجنة للدرجة التي بات فيها تصدق فعلا أن سيادة السودان هي فقط سلامة عمر البشير..؟
عثمان رغيم.. حبابك يا صديق كتر خيرك على المرور من هنا.. ياخي السودان ده بلد العجائب و الغرائب.. في التأريخ الذي ذكرته.. الجيش السوداني وصل لغاية لبنان حمرة عين عدييل كده..و كان له زمام المبادرة في المواجهة مع اسرائيل.. اخوانا ناس الجبهة الإسلامية.. كنا لم نحرجهم بموضوع حلايب.. كانوا بيقولوا لينا ديل اخوانا و مافي داعي للمشاكل دي..و اخوانهم ديل ياهم القام المحجوب عليه الرحمة بتدخليهم في علبهم سنة 1958 و جيش السودان الوكت داك ما لاحق عشرين الف..و الدبابات كانت اقل من مئيتن دبابة..! هناك خيانة كبيرة في الأمر يا صديقي.. حالة الحرب المستمرة ما عندنا مانع عليها تب.. لكن ضربة سلاح الجو الإسرائيلي.. هي حادثة مفترض أن تغير المواجهة من المواجهة الناعمة للمواجهة الخشنة.. التهديد الذي مارسه على كرتي في ايام قمة الدوحة (حديث الفت متذكرو؟)..هو تهديد مدروس..و الراجل كان داير يقول ليهم نحن السمح بانتهاك سيادة السودان..و الدول العربية المساهمة كيت و كيت..عشان كده الدول العربية استجابت لهذا الإبتزاز..
نشوفك تاني يا عثمان..
كبر
04-01-2009, 07:31 PM
Kabar Kabar
تاريخ التسجيل: 11-26-2002
مجموع المشاركات: 18537
فشئ طبيعي انه يتقصف بالطائرات لانك واضعه في مصاف الاعداء
وايضاً شئ طبيعي انه النظام المتهاون في سيادة ارض السودان يدس الخبر حتي لا يُعرف ضعفه وينشره المعتدي وبعد ذلك .. السودان لا يدين ولا يشجُب
تحياتي
حيدر الزين ..حبابك يا صديق كتر خيرك على المرور من هنا.. الجيش السوداني يا صديقي كان متواجد في لبنان و مصر و هدفه المواجهة مع اسرائيل في حرب مفتوحة..و منذ 1967 طيلة هذه الفترة يعني اسرائيل ما كانت عارفة انو السودان معلن عليها الحرب؟..حكومة الديموقراطية الثالثة كانت ضعيفة للغاية.ز فلماذا لم تقرر اسرائيل وقتها ضرب السودان من باب التأديب؟.. نظام عمر البشير يلعب دور العميل المزدوج هنا.. فهنا يصور للفلسطينين انو معاهم..و في الناحية التانية يبيعهم بابخس الأثمان.. ما عندنا شغلة الجبهة تبيع و تمارسة العملاء كيفما شاءت.. لكن سيادة السودان ده موضوع تاني خالص.. لو كانوا من الذكاء.. كان يفكوا ليهم دانة دانتين ساكت.زو يجوا يقولوا لينا و الله الجماعة ديل ضربناهم و طردناهم شر طردة..و انهزم العلوج..و الله كان صدقناهم و اتفقنا معهم..
نشوفك تاني يا حيدر..
كبر
04-01-2009, 07:33 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: الصديق كبر .. سؤال: لو كنت حاكمآ الآن للسودان هل كنت ستعلن الحرب علي اسرائيل لو هاجمتك ؟؟ .. طبعآ معروف أن سؤالك تهكمي.. ولكن نفرض جدلآ أن السودان أعلن الحرب الآن علي اسرائيل ، فهل ستحارب مع السودان أم مع اسرائيل؟ أم ستكتفي بالمشاهدة من منازلهم؟؟!!
صديقي منير.. حبابك كتر خيرك على المرور من هنا..
أولا يا صديقي.. سيادة السودان ليست هي امر محل تهكم..و من يفعل ذلك عليه بمراجعة مفهوم الوطنيه في نظام القيم التي يعتنقها.. ثانيا.. الإفتراض و حكم القيمة المسبق لا معنى له مطلقا.. يعنى عشان بنعارض حكومة البشير و بنطالب بانو يتحاكم بخصوص جرائم دارفور.. هل هذا يعني مبدئيا عمالتنا لدول اخرى؟.. انت اكبر من كده يا منير..
بالنسبة لسؤالك الأول.. لو انا كنت حاكم السودان اليوم لأعلنت اعلان الحرب على اسرائيل.. مش انتظر افتراض لو هاجمتني الذي تقول به.. فهي هاجمت و انتهكت سيادة السودان بضرب اهداف داخل السودان..و هذا سبب مشروع لإعلان الحرب..أو على الأقل الرد عليها..حتى لو كنت اعلم سلفا انها حرب خاسرة.. لأن الموت في سبيل الوطن اهون من حياة المذلة..
في حالة اعلان السودان الحرب على اسرائيل.. ساحارب مع السودان و حكومة الأمر القائم الآن .. يعني نعمل بمبدأ نحارب دفاعا عن سيادة السودان و بعد ما نفرغ من رد العدوان .. ممكن نعود و نختلف داخليا على طريقة ادارة البلد..
من منازلهم شنو يا منير يا اخوي..؟.. انت الظاهر عليك ما اتدربت الزامية؟..
اتمنى أن تكون اجاباتي واضحة يا صديقي.. اها نسمع اجابات الإسلاموعروبيين..و لا مفهوم الجهاد عندهم قاصر على ابادة شعوب السودان و ارتكاب جرائم الحرب و الجرائم ضد الإنسانية في حقها؟
و نشوفك تاني يا منير.. كبر
04-01-2009, 07:49 PM
osman righeem osman righeem
تاريخ التسجيل: 06-21-2007
مجموع المشاركات: 10872
Quote: مفاجأة :- مراسل تلفزيون المنار في الدوحه نقل اليوم ان وزير الدولة للخارجية السوداني غادر الدوحة قبل ختام الاجتماعات التحضيرية و كان يعتقد انه ذهب متبرما من عدم قبول الدول العربية لعقد قمة عقب قمة الدوحة بالخرطوم دعما للبشير. ولكن حسب قول المراسل ان وزير الدولة للخارجية غادر الدوحة بعد ان اكدت له الدوحه حصولها علي ضمانات قوية تضمن للبشير ان يحضر القمة ويعود بدون ان يتعرض له أحد و خاصة ان قرار التنفيذ لم يصدر بعد ولن يعمد الي اصداره خلال وجود البسير بالدوحة
Quote: التهديد الذي مارسه على كرتي في ايام قمة الدوحة (حديث الفت متذكرو؟)..هو تهديد مدروس..و الراجل كان داير يقول ليهم نحن السمح بانتهاك سيادة السودان..و الدول العربية المساهمة كيت و كيت..عشان كده الدول العربية استجابت لهذا الإبتزاز..
تلفزين المنار التابع لحزب الله الداعم بخجل للبشير و لكن له خطوط حمراء في الاقتراب من الشيطان الاكبر هل لهذه الضمانات علاقه بزيارة موفد أوباما و الذي سوف يبدأ اولا بزيارة دارفور و جوبا ثم الخرطوم وفي ذهني حديث اوباما يوم تنصيبه بأنه سوف يقدم يده لكل ديكتاتور ليخرجه من ورضة الركوب علي شعبه ولكن من يرفض هذه اليد .... وحديثه وحديث وزيرة الخارجية بعد طرد منظمات الاغاثه عن مسئولية حكومة السودان عن اي حالة وفاة في معسكرات النزوح تحدث نتيجة ابعاد المنظمات .... الحكومة الامريكية لا تريد التماهي مع الموقف الاوربي حول المحكمة الجنائية و لكن سوف تدخل عن طريق مشكلة دارفور بمنظور اخلاقي و ليس مدخل عدلي أو قضائي لان المحاكم الاوربية وخاصة في اسبانيا قبلت النظر في قضايا جرائم حرب تمس امريكان واسرائيلين و ما زال الموتمر الوطني يصارع طواحين الهواء و يقرع الطبول حتي لا يسمع صوتا الا صوته ... حتي الخيارات المتعدده حصرت في نفر و وطن
في المشهد الدولي اليوم.. لا يمكن تبرير زيارات البشير خارج عن حديث الضمانات القوية و ابداء حسن النوايا..و الضمانة ليست هي مجانية و لابد أن يكون لها مقابل..و هو ما ذهبنا اليه في الخيط الذي احضرنا رابطه هنا.. و الذي يفيد أن سلامة البشير الشخصية كانت مقابل للسماح للطيران الإسرائيلي بانتهاك سيادة السودان..و هي الفرضية التي عجز اهل النظام من الرد عليها من باب السكوت افضل.. باعتبار أن الأمر سياخذ هوجة يوم يومين و ينتهي..
طرد المنظمات الأجنبية.. هو بدأ كنتيجة عرضية ..و لكن في حقيقته هو جزء من صفقة معقدة للغاية..و كان فيه معادل نفسي للبشير و عبر هذا القرار كان يذهب الى أن يعرض نفسه جماهيرا بأنه لازال يملك القرار على السودان..و براك شفت التبرير بتاع السيادة و ما ادراك ما السيادة..
الخطأ الفني الذي حدث و لم يكن في حسابات الحكومة السودانية و مخابراتها.. أن لآ يتم الإعلان عن تلك الغارات.. على الأقل قبل سنة..لأن بعد هذه المدة يكون النظام قد وجد تخريجات يمرر بها المسألة..اما تسرب الخبر الآن.. فهو من باب الإبتزاز الذي نقول عنه من قبل الطرف الإسرائيلي..
اتفق معك ان امريكا مدخلها للسودان يختلف جذريا عن المدخل الأوربي.. لأنو دي امريكا و مزاجها كده و دايرة دايما تكون مميزة..و موقفها من المحكمة الجنائية الدولية معروف وواضح.. فقط الفرق ان هناك جماعات ضغط تؤثر كثيرا في الإدارة الأمريكية..و هذه تذهب الى ضرورة محاسبة من تورط في جرائم دارفور..و مهما لفت الإدارة الأمريكية و دورت.. في النهاية ستستجيب لهذا الضغط..
صحيح أن المؤتمر الوطني الآن في اضعف مراحله..و كونه لجأ لصفقات مع جهات دولية لحماية البشير.. فهذا يعني أنه رمى طوبة الشعب السوداني و قواه السياسية..و اصبح ما شغال الإ بمصالحه..و هنا الدور على القوى الوطنية لو فضل فيها شوية حيل.. عشان تتصدى لمسئوليتها التأريخية..
نشوفك تاني يا صديق
كبر
04-02-2009, 06:14 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: سؤال منطقي جداً يا كبر؟ انا شخصياً متحير معاك و ما زلت ابحث عن الاجابة فقط ما عاوز اتسرع. خاصة مع ضعف المتابعة من علي البعد.
أتمني أن لا يطول صمت القوي السياسية و نسمع رأي واضح و صريح و عميق يفك حيرتك و حيرتي.
لك الود و اتمني ان نتقابل قريباً
صديقي حامد الصاوي.. حبابك..
كتر خيرك على المرور من هنا..
حينما حدثت احداث العاشر من مايو (هجوم العدل و المساواة على امدرمان).. بعض الأحزاب اصدرت بيانات في اقل من 48 ساعة من الهجوم..و كذا الأمر بالنسبة لإصدار قرار المحكمة الجنائية الدولية..و اعتقد أن انتهاك سيادة السودان هو اعظم من الحدثين السابقين.. اضف الى ذلك أن حدث أول مرة قبل ثلاثة اشهر..ثم تكرر..فأي اننتظار نحتاج أو تحتاجه القوى السياسية؟..
هناك تواطؤ يا صديقي..و القوى السياسية شكلها اصبحت مدجنة للغاية التي تذهب فيها لمواقف متطابقة مع مواقف المؤتمر الوطني.. و الذين في البرلمان الآن عليهم مطالبة الدولة باعلان حالة الحرب.. بدل المحركة بتاعة نستجوب الوزير الفلاني و المسئول العلاني..
نحن يا صديقي في مفترق خطير للغاية.. لأن في هذا المفترق اصبحت مفاهيم مثل مفهوم سيادة الدولة و حمايتها في محك صعب للغاية.. و ان تصل القوى الوطنية للموقف الذي تتفق فيه مع تصور المؤتمر الوطني هو مفهوم السيادة و الذي تم قصره على سلامة البشير الشخصية.. فهنا نحن في محنة كبيرة يا صديقي.. بالجد محنة كبيرة..!!
نشوفك تاني يا صديقي
كبر
04-02-2009, 06:21 AM
Kabar Kabar
تاريخ التسجيل: 11-26-2002
مجموع المشاركات: 18537
Quote: يامحمد كبر انت زول حقار ياخى حرب شنو جهاد شنو ديل ناس حناجر ساى اسرائيل دى الا يدعوا عليها غايتو قدرة تانى ما بعرف ليهم
صديقي هاشم نوريت.. حبابك
ده كلو هين.. الكلام في اخواننا و اخواتنا الكانوا ظاهرين قبل ايام ..و بيدافعوا عن عمر البشير و حكومته.. ياخي ناس كانت منطلقة بسرعة صاروخية.. عشرة بوستات في الثانية..لكن بعد ما انكشف المستور.. اصبحوا في غاية الحرج..و كنت متخيل واحد منهم/منهن.. يفتح بوست عن الجهاد و ضرورته.. لكن الناس شكلها كلها معصورة..
غايتو ح نديهم تلاتة ايام.. لو ما طلعوا فتوى شرعية بضرورة الجهاد.. أو عملوا مظاهرة.. ح نركب فيهم تهمة أنهم كلهم صاروا عملاء للموساد..و تاني ما ح يقدروا يقولوا بغم..
كبر
04-02-2009, 06:34 AM
Kabar Kabar
تاريخ التسجيل: 11-26-2002
مجموع المشاركات: 18537
هنا بعض من تناول الصحف السودانية لهذا الأمر.. و نلحق هنا خبر من صحيفة (الإنتباهة)..و خبر من صحيفة السوداني ..و سنقوم بالتعليق..و المقارنة بين طريقة الصحيفيتين في نقل الخبر..
نقلا عن صحيفة (الإنتباهة)
Quote: اتجاه بالبرلمان لاستدعاء وزيري الدفاع والداخلية
البرلمان: عُقيل أحمد ناعم
رجحت مصادر مطلعة داخل البرلمان اتجاه بعض النواب تقديم مسألة مستعجلة لوزيري الدفاع الوطني والداخلية بشأن المعلومات المتعلقة بشن طائرات إسرائيلية غارات علي شرق السودان يناير الماضي. وأشارت ذات المصادر إلى عزم النواب على استجلاء الموقف ومعرفة حقيقة الغارات ومن يقف وراءها باعتبار أن ذلك واجبًا وطنيًا ينبغي للبرلمان القيام به. من جهته قال النائب عن التجمع الوطني الديمقراطي والقيادي بالحزب الاتحادي عثمان عمر الشريف: »إن البرلمان يتحتم عليه الوقوف على كافة الحقائق ما دام هناك اعتداء على أرض السودان«، مؤكداً أن ما يتوفر للبرلمان من معلومات حول هذه الغارات مبهم تماماً ولم يطلع عليها إلا عبر الإعلام الخارجي، وشدد على ضرورة معرفة البرلمان بما حدث وتقييمه حتى لا يتكرر. ونبه الشريف إلى خطورة هذه المعلومات قائلاً: »إذا صحت فإنها بمثابة إعلان حرب على السودان«. وأكد ثقته باهتمام لجنة الأمن والدفاع بالأمر ومناقشته بأعلى درجات الجدية. وأيَّد في ذات الوقت الاتجاه لاستدعاء وزيري الدفاع والداخلية حتى يقف البرلمان على كل التفاصيل ويعرف أوجه القصور والجهات التي تتحمل مسؤولية ما حدث.
نقلا عن صحيفة (السوداني)
Quote: البرلمان يتجه لاستدعاء وزراء الخارجية والدفاع والداخلية
البرلمان: معتز محجوب يتجه البرلمان لاستدعاء وزراء الدفاع والداخلية والخارجية ومدير جهاز الأمن والمخابرات لتنوير البرلمان بخصوص ما تناولته بعض وسائل الاعلام الغربية عن قيام طائرات اسرائيلية بقصف منطقة شرق السودان الشيء الذي ادى لمقتل ما يزيد عن الخمسين من المهاجرين غير الشرعيين في شهري يناير وفبراير من العام الجاري، في غضون ذلك تعتزم لجنة الامن والدفاع بالبرلمان تقييم اعمال المنظمات الاجنبية بالسودان واثر وجودها على الامن القومي خلال شهر ابريل. وابلغ رئيس لجنة الامن والدفاع بالبرلمان الدكتور جلال تور الصحفيين ان اللجنة ستقوم بطلب تنوير من وزيري الدفاع والداخلية عن الاوضاع الامنية بالبلاد بشكل عام عند بداية الدورة البرلمانية الثامنة في الثالث عشر من الشهر الجاري وستقوم بشكل خاص بالاستفسار عن القصف الذي تم على الاراضي السودانية بشرق السودان وكشف عنه وزير الدولة بالنقل مبروك سليم. واشار تاور الى ان البرلمان لابد ان يحاط بكل الذي حدث سواء أكان حقيقة ام كذبا ليقرر بعدها ما سيقوم به. وفي ذات السياق كشف تاور عن اتجاههم بالبرلمان لتقييم عمل المنظمات الاجنبية العاملة بالسودان عن طريق ورشة عمل تعقد في منتصف شهر ابريل اثناء جلسات البرلمان للمهتمين وستتم استضافة عدد من المختصين لتقييم المنظمات ولمعرفة اثر وجودها على الامن القومي السوداني. وفي سياق مواز اشار تاور الى أن لجان تقصي الحقائق التي بعثت بها اللجنة الى كل ملكال وجنوب كردفان قد عادت للخرطوم، واوضح بانهم يعكفون على اعداد تقريرهم الختامي الذي تحفظ عن الخوض في تفاصيله لحين رفعه لرئاسة البرلمان والتي ستحدد لاحقا ما اذا سيعرض بالمجلس ام لا. ومن جهة اخرى كشفت مصادر مطلعة بالبرلمان عن ان البرلمان سيستفسر وزارة الخارجية عن الاجراءات التي قامت بها بخصوص الاعتداء الذي تم على الاجواء السودانية من قبل مقاتلات اسرائيلية شرق السودان على خلفية تشكيل الوزارة للجنة تحقيق في الامر.
04-02-2009, 06:47 AM
Kabar Kabar
تاريخ التسجيل: 11-26-2002
مجموع المشاركات: 18537
بالرغم من احترامنا لصحيفة السوداني و اعتمادنا عليها كثير من دون بقية الصحف السودانية.. الإ ان صياغتها لهذا الخبر كانت غريبة.. خصوصا اشارتها لسبب الغارات و اغتيال من تسميهم الحكومة بالمهاجرين غير الشرعيين..و صياغة صحيفة الإنتباهة في المقابل كانت اكثر موضوعية.. فهي اكتفت بالإشارة لموضوع الغارات دون تحديد اسباب..
الغريبة في تعامل الحكومة حتى الآن.. التنصل المستمر..و حدث ذلك في مرتين .. المرة الأولى هو ايكال امر الإعلان عن تلك الغارات للوزير مبارك مبروك سليم (عن جبهة الشرق)..و المرة الثانية.. تصريح النائب عثمان عمر الشريف (عن التجمع الوطني الديموقراطي)..و في كل الأحوال هناك غياب تام لصوت الشريكين الأساسيين.. المؤتمر الوطني و الحركة الشعبية.. و نقول للشريكين.. دفن الرؤوس في الرمال لن يجدي في مثل هذا الموقف..
و يا برلمان السودان ليس الأمر مجرد اشاعة تناقلتها وسائل الإعلام الغربي..و انما هي حقيقة .. فماذا تنتظرون من وزراء الدفاع و الداخلية و الخارجية و رئيس المخابرات؟.. هل تنتظرون أن يقولوا لكم هذه متحركات العدل و المساواة و قمنا بضربها لأنها كانت تريد الهجوم على بورتسودان؟..
كبر
04-04-2009, 07:43 AM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
حيدر حسن ميرغني
الطيب رحمه قريمان
احمد معتصم الطيب
جعفر محي الدين
Hisham Ibrahim
عاطف عبدون
AnwarKing
shiry
Hamid Elsawi
osman righeem
HAIDER ALZAIN
Munir
ASHRAF MUSTAFA
هاشم نوريت
فيصل محمد خليل
فيس بوك
تويتر
انستقرام
يوتيوب
بنتيريست