|
رابطة أبناء البراري المقيمين بدولة قطر
|
إنعقدت بحمد الله مساء اليوم 20/3/2009 الجمعية العمومية لرابطة أبناء البراري المقيمين بدولة قطر بحضور ممثلين الجالية السودانية بدولة قطر.
تم في الإجتماع إجازة النظام الأساسي للرابطة، وتسمية أعضاء اللجنة التنفيذية.
نهيب بكل أبناء البراري المقيمين بدولة قطر، والراغبين في الإنتساب للرابطة الإتصال لتسجيل عضويتهم.
|
|
|
|
|
|
|
|
Re: رابطة أبناء البراري المقيمين بدولة قطر (Re: طارق جبريل)
|
Quote: إنعقدت بحمد الله مساء اليوم 20/3/2009 الجمعية العمومية لرابطة أبناء البراري المقيمين بدولة قطر بحضور ممثلين الجالية السودانية بدولة قطر.
تم في الإجتماع إجازة النظام الأساسي للرابطة، وتسمية أعضاء اللجنة التنفيذية.
نهيب بكل أبناء البراري المقيمين بدولة قطر، والراغبين في الإنتساب للرابطة الإتصال لتسجيل عضويتهم |
مااااااعايزين نشوف اسماء الاعضاء
| |
|
|
|
|
|
|
Re: رابطة أبناء البراري المقيمين بدولة قطر (Re: محمد أبوالعزائم أبوالريش)
|
الف مبروك للاخوة برابطة البراري تكوين رابطتهم الجديدة وسعدنا يا ابو الريش بالتواجد بينكم في تلكم الجلسة الاخوية التي شهدت روحا اخوية وسودانية خالصة وسمات النجاح لمثل هذه الاجسام تطل من بدايتها الاولي ونسعد كثيرا بانكم متملكين لهذه السمات ومنذ االبداية والهارموني والتفاهم والانسجام ساعد كثيرا في تكوين هذه الرابطة الوليدة.. ونتمني ان تكون كل هذه الروابط سندا وعضدا للوجود السوداني والجاليةالسودانية الام وللوطن الكبير
| |
|
|
|
|
|
|
رابطة البراري (Re: محمد أبوالعزائم أبوالريش)
|
Quote: كنت جاية انتسب افتكرت البراري دي يعني الخلا والسهول والوديان زي مادرسنا قي المدرسة كيف الحال يامحمد تمنيانتا بالتوفيق |
بت الحسن طلحة ...
بت البوادي سلام .. من البراري سلام
يا زولة نحن لاقينك وين .. تعالي انتسبي .. ونكسر ليك كل اللوائح
تسلمي
| |
|
|
|
|
|
|
Re: البراري (Re: شكرى سليمان ماطوس)
|
ابو العزائم ياجميل كيفنك
Quote: نهيب بكل أبناء البراري المقيمين بدولة قطر، والراغبين في الإنتساب للرابطة الإتصال لتسجيل عضويتهم |
فرقنا منكم كبري بس ماننفع نسجل انشاالله في خانه مدن التحالف البربري
| |
|
|
|
|
|
|
Re: البراري (Re: ماضي ابو العزائم)
|
Quote: بت الحسن طلحة ...
بت البوادي سلام .. من البراري سلام
يا زولة نحن لاقينك وين .. تعالي انتسبي .. ونكسر ليك كل اللوائح
تسلمي |
""أخوان البنات العلموا الجبل الثبات "" طبعًا يامحمد أنت لك قصب السبق لكن الجنا السني دا بجاي ضايقك في الخوة * لكم التحية أولاد أبوالعزايم ولكل ناس البراري .
| |
|
|
|
|
|
|
Re: البراري (Re: سمية الحسن طلحة)
|
بري.. تلك...ال.. التي يخاصرها النيل الازرق
ويتلوى عندها من فرط نشوة روحها، وتتلون اسماكه، من رحيق ال ....
وفي طرقها... سكبنا تجارب.. وتعفرت أرجل..
واخفاق في البلي.. وبروفة لألوان الطيف..
وهدف رائع في ميدان الرابطة..
ومكتبتها، مكتبة محطة اربعة، غرست في النفس القراية، والقراية..
شكري للرابطة، ولي قدام..
ابوالعزائم اخوان سلامي ولفياض.. وسرب البراري، أسد البراري..
...
| |
|
|
|
|
|
|
Re: البراري (Re: ماضي ابو العزائم)
|
سلام مربّع,,Quote: كبرى برى ولا كبرى بحرى.. |
يا ماضى عشان ما تطلع من الزمن,,,
فى كبرى جديد !! ناس مسمينو كبرى المنشية وناس بقولو ليهو كبرى الجريف,, والمنشية زاتا بقت منشية شرق ومنشية غرب,,,
كبرى عمل نقلة كبرى لمنطقة شرق النيل!!!
يعنى من العيلفون وأمضوابان والدبيبة رأسا لشارع الجمهورية مرورا بالمنشية,,وعلى ذلك قس كل شرق النيل,,,
عبر بوابة البرارى ,,,
فى إنتظار بقية أبناء البرارى جتى يكتمل العقد ,,
مودتى,,,
| |
|
|
|
|
|
|
Re: البراري (Re: أيمن الطيب)
|
Quote: ""أخوان البنات العلموا الجبل الثبات "" طبعًا يامحمد أنت لك قصب السبق لكن الجنا السني دا بجاي ضايقك في الخوة * لكم التحية أولاد أبوالعزايم ولكل ناس البراري |
طيب يا بت طلحه وكمان دى فرصه ونعرفك على اخوهم الاكبر ماضى ابوالعزائم وهو موجود معاك فى البوست
| |
|
|
|
|
|
|
Re: البراري (Re: حيدر امين)
|
الاخ ماضى شكرا على الخبر وخطوة موفقة باذن الله ياناس البرارى نامل المساعدة فى ارسال الخبربتفاصيله+ دستورالرابطةوالبرنامج وصورالمكتب التنفيذى [email protected]
الاخوة المتداخلون تحياتى واشواقى وعساكم طيبن والمزيد من الترابط
| |
|
|
|
|
|
|
Re: البراري (Re: عاصم المشرف)
|
ابوالعزائم الياباني ( ساكوا) قالو دي التحيه بالياباني
Quote: كبرى برى ولا كبرى بحرى.. كان الاولى انت عندك فيزا و كان التانية إحنا اخوان البنات و بنكرم الضيف.. أبقى داخل ودى |
اولا الكبري اسمو كبري كوبر لكن مامشكله نتنازل ليكم عنو طيبين وتستاهلوه
العهده علي الراويه ( الوالده الكريمه) قالت كانو من بيوت اجدادنا زمان بتشوف معرض الخرطوم (طبعا ماعارف كان في ولا لا) والمناطق المتاخمه للنيل الازرق من جهه البراري بالكامل وذلك لقرب المنازل من النيل اما الان بعد تطاول العمران يادوب تقدر تشوف الكبري
قناطير مقنطره من الود
| |
|
|
|
|
|
|
Re: البراري (Re: عاصم المشرف)
|
الأخ عاصم المشرف
Quote: نامل المساعدة فى ارسال الخبربتفاصيله+ دستورالرابطةوالبرنامج وصورالمكتب التنفيذى |
ده بوست للإعلان .. وحيتم التواصل بإذن الله، وحيعلن كل شئ.
تحياتي
| |
|
|
|
|
|
|
رد (Re: محمد أبوالعزائم أبوالريش)
|
سمية الحسن ..
Quote: ""أخوان البنات العلموا الجبل الثبات "" طبعًا يامحمد أنت لك قصب السبق لكن الجنا السني دا بجاي ضايقك في الخوة |
يا زولة مافي ضيق ولا حاجة .. وخوتك دي ماعونا كبير تسع كل الحبايب.
... وشايف حيدر تم ليك الباقية.
أقعدي عافية
| |
|
|
|
|
|
|
Re: رد (Re: محمد أبوالعزائم أبوالريش)
|
تعرف يا محمد أبوالعزائم أبوالريش
أخوك السني ده بالحيل بيضايق في خوته لدرجة إنه بيخنقك بفضايله ومعزته ويعلم الله كم أنا سعيد برؤية صورته وهو شايل الساكس... والله دموعي نزلت من شوق زايد لحبيب وأخ فاضل
وكمان جبتو سيرة عمنا المرحوم رابح - عمنا الفاضل - العلمنا كيف نسمع موسيقى... تميتو الناقصة!!!!
كل التحايا لبري وأولادها وبناتا في بري وقطر (موضوع البوست) وكل بقاع العالم
ويا السني والله ليك وحشة... يا شاطر من يومك... ونحنا بوراك إتعلمناها منك
| |
|
|
|
|
|
|
Re: رد (Re: Mohamed Yassin Khalifa)
|
Quote: طيب يا بت طلحه وكمان دى فرصه ونعرفك على اخوهم الاكبر ماضى ابوالعزائم وهو موجود معاك فى البوست |
لك الشكر الجزيل ياحيدر أنا بعرف الأخ ماضي من خلال كتاباته المتميزة له تحية إجلال وتقدير .
| |
|
|
|
|
|
|
Re: رد (Re: سمية الحسن طلحة)
|
:Quote: فياض عوض محمد علي * أمال أمين عبداللطيف * هاشم ميرغني * محمّد أبوالعزائم * ناصر عبّاس * علاء الدين صدّيق * أيمن عبدالرازق الطيب
والإحتياطي: * ماضي أبوالعزائم * محمد السيد المكي *أحمد علي ميرغني [ |
يعنى علاء الدين صديق ... يطلع شقيق اخونا عماد صديق ( الدرايسه) ؟ و احمد على ميرغنى يطلع شمس الدين و جعفر اعمامو ... (حاج الامين ) اذن ود الخليفه معاهو حق ( محس يا رسول الله ) المعلومات اعلاه 50 50 من امال امين
| |
|
|
|
|
|
|
Re: رد (Re: إبراهيم عبد الحليم)
|
ابو العزائم..
كيفنك..
عندي نص، شغال عليهو اسمو
(في الطريق لمكتبة أربعة)...
طبعا الزول بتحايل على النصوص، وهي رحلة حج في ربوع البراري، بل رحلة حب، لبيوت بسيطة، ولمبات على البرندة، وكتب، وفنانين، يعني اصاحابي، من تشكليين، وفنانين، ولعيبة كورة، برضو،جزء من خيال، لزوم الطبيخ، بري عجيبة، ومنذ الطفولة لنا ذكريات عجيبة، ..
حكاوي عن بري، حتى الدورات الرمضانية، في نادي بري، ومهرجانات السينما في نادري كوريا.. المهم بعض، حكي، عن بري، وهيهات..
تسلم..
| |
|
|
|
|
|
|
بُرّي (Re: محمد أبوالعزائم أبوالريش)
|
Quote: ابو العزائم..
كيفنك..
عندي نص، شغال عليهو اسمو
(في الطريق لمكتبة أربعة)... |
مكتبة الملتقى شخصياً؟
ده نص لازم ننتظرو ..... ومنتظرينو
| |
|
|
|
|
|
|
|