|
Re: الليلة سبعة وعشرين مارس ....واقع يوم شنو؟؟؟؟ (Re: sudani)
|
لامك صاح يا سودانى
امكن لانك سودانى وانا عالمية؟؟؟
لوووووووول
عرضنا المكان collgate University Department of Art and Art History Dana Art Center brehmear Theater 13 Oak Drive Hamilton, New York, 13346
الزمان
التاسع والعشرين من مارس
الساعة سبعة ونص مساء
اتفضلوا
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: Tumadir)
|
تماضر ايتها الجميلة ايتها المدهشة
لك من حليب العصافير الخلاصة
ولكل المسرحين في هذا البورد وفي السودان وكل انحاء العالم اجمل ماتمنوا واحلى ما ارادو
ومن خلف الكواليس بقول ليك كنت دائما بتخيل انك تكوني نجمة في هوليوود اخطر من جوليا روبرت وهي ذاتها شنوجوليا جنبك يارب خيالي يضرب يابت بت العالم ونشوف السنما العالمية مزينة بيك
المسرح ابو الفنون لو لا وجود مسرح لما استمرت كتير من الفنون لكم جميعا الافق الجميل ولي عودة
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: هدهد)
|
شكرا يا هدهد
قربت اكون فى هوليوود قبل كم سنة لما اتصلت بى اليس ووكر مؤلفة
possessing the secret of joy
عشان اعمل معاها فيلم الكتاب دة ، وصلها بى محامينى صاحب سكرتيرتها
وبعدين تدخلت الايادى السوداء لايقاف العرض
واهو انا بقيت فى نيويورك
ما فى شكلة
طالما بتكلم عن السودان وبقدم باسمو ....واصلة
هسى كان احكى ليكم بقصص جوليا روبرت صاحبتى
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: Tumadir)
|
إلى كل جميل في هذا العالم تشرق طلته من هنا يقيم مركز الدراسات السودانية بالقاهرة ورشة عمل حول العمل المسرحي ... وقد اندلعت اليوم السابع والعشرين من مارس الموافق ليوم المسرح العالمي ... ورشة نحاول أن نلملم فيها الخامات المنشطة لكل ممثل موجود - بالفعل - داخلنا يترأس الإشراف في هذه الورشة: عبد العظيم حمدنا الله قاسم أحمد عاصم الطيب ورحيق الياسمين لكل السامعين
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: منعمشوف)
|
منعمشوف
وشكرا وانت بتجتر الذكريات الحلوة فى يوم المسرح ، ومصطفى سيد احمد المطرب الملتزم المكرس للعطاء ، كل ليلة يجيب عودو ودندناتو وزخمو المزركش ويبكى غناءا مرا:
يا زهرة آآآآآآه
والاجيال اتوحدت فى نص واحد وعرض واحد وحب واحد
كنا نحن الجيل المتوسط وانتم صغارنا وناس مكى سنادة الرواد ونحن ننهل منهم التجربة ومنكم الطزاجة والبكورة
ما اجملكم يا منعم وما اجمل خشبة المسرح مكانا للتلاقى فى الفكر والاحساس
المسرح اطول من العمر
| |
|
|
|
|
|
|
الليلة شنو (Re: Tumadir)
|
يوم المسرح العالمى احتفلنا امس فى الشارقة عاصمة الثقافة اشتمل الاحتفال الذى اقيم بقاعة معهد الفنون المسرحية على كلمة دائرة الثقافة وقراءة لرسالة المسرح العالمية الوجودة اعلاه ثم شاهدنا عرضين مسرحيين الغرباء لا يشربون القهوة لجامعة الشارقة والجميل فى العرض ظهور ممثل سودانى رائع اسمهاا بوبكر التوم العرض الثانى المعطف رائعة غوغول والتى قدمت من النادى الثقافى العربى كل سنة وانت طيبة يا تماضر وتقبلى تحيات الاستاذ يحيى الحاج والذى اشاد بك كثيرا عندما ابلغتة تحياتك له
| |
|
|
|
|
|
|
Re: الليلة شنو (Re: mohmmed said ahmed)
|
تشكر يا محمد سيد احمد على الافادة ويا حسام هلالى على الخبر الجميل
ويا محمد قول للاستاذ الجليل يحى الحاج
تماضر قالت ليك
"استاذى لك حبى "
وللجميع التهنئة باليوم العالمى للمسرح
والسنة الجاية نحتفل بيه فى المسرح القومى بام درمان
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: Tumadir)
|
الهامش يخرج ماتلقا يضم متوكل احمد المصطفى عليه يدية وبفكر ضاج يصرخ ياسر زمراوى نحن شغالين فى الصفر والمسرح البنمثلو ده بحضروا اصحابنا الممثلين يعنى بتونس مع بعض بتونس مع بعض بابتسامة كانت عهدى معه لااذيب جام غضبه :ومالو بكره انت تجيب ناس البيت وانا اجيب ناس البيت والمسرح بس المواصلات بعد العرض مافى وماعايزين ليهم البشتنة ابتسم عائدا الى طبعه الهادى ده الممكن يحصل طفقت اعدد احلامى المشروعة عايزين مسرح اطفال ومسرح عرائس وومسرح توجيهى تربوي ومسرح عادى ومسرح سياسي ومسرح تثقيفى ... لنا اذا يامتوكل ان نحلم بالمسرح الضاج, بالعرض الاخاذ بالجمهور المحتشد جمهور هذا الشعب الذي لايخدع ويستطيع ان ياخذ من العرض ايجابياته ويفند سلبياته فى العام الماضي فى السودانى كنت انا وعمر دفع الله ناكل البوش فى الدكان المتقعر بوسط الحلة اخذ انتباهنا طلبة ممتحنين للشهادة يحكون انه بعد الامتحانات سيذهبون لمشاهدة عرض عشاء مع الوزير اذا اول مايزيل رهق الامتحانات عرض مسرحى وهذا هو الجيل الجديد يعرف ان له مسرحا عليه ان يبحث عنه اخبرناهم سعيدين ان بامكانهم الذهاب لمشاهدة عرض المسرح فى مهرجان البقعة السنوى كنا فرحين اننا اشرنا الى موضع ابداع مسرحى اخال الان ياسر على يعد عرائسه ليرسم الابتسامة الدائمة على وجه الاطفال , الشباب الرائع يكسرون الصمت نبيل حسن ساتى يدخل العرضالبانتومايم عنوة الى اذهان المشاهدين باقتداره فى الاداء هو بذلك يضع بصمته الخاصة بمسرح لم يكن فى السودان من قبل لنا ان نحلم بالمسرح لغة يتحرك بها الناس
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: zumrawi)
|
زمراوى مرحب بمساهمتك الضافية
وما اهو انت ممكون بالمسرح ومهموم بحب الوطن المسرح زينا كان ما اعوص
حدثنا اكثر عن هؤلاء الجدد الذين لم يشرفنا الزمان باحتراف الحب المشترك للمسرح معهم خبرنا اكثر عن هؤلاء الناس المشرقين وهم يدفرون صخرة التقدم بيد واحدة واقدام حافية وهم يلكزون الواقع النائم ليصحو ويتقدم خطوة الى الامام
شكرا لمساهمتك البليغة
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: altahir_2)
|
الاستاذة تماضر
التحية لك ولكل اهل المسرح الذين حملوا على كاهلهم ايقاد اضاءات فى كل مكان وفى كل زمان ورغم كل المصاعب والمحن ولكنهم ما استكانوا وما وهنوا وما تخاذلوا يوما..
التحية لهم وهم يحملون هموم الاوطان رسالة ابدية ويحملون هموم مواطنيهم طريقا يسيرون على هديه ..
وكل عام وانتى بالف خير والمسرح السودانى فى تقدم وازدهار
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: منعمشوف)
|
جينا هسسسسسسسة من نيويورك مرضرضين قبل اقل من نص ساعة
وقلت لازم اكلمكم عن العرض قبل ما اداهم السرير
لقيت مداخلاتكم القيمة وتهانيكم....
حارد عليكم براحة بعدين
اما العرض فنحن بنعتبرو زينة عروضنا
ةحقيقة نحن بنعرف العرض طلع جميل ولا لا ، با لجمهور لما يجينا عد العرض خلف المسرح
كان تجمعا جميلا من الاساتذة والطلبة بجامعة كولجيت ، كنا دايرينهم يدونا مهاهم معجون ان شا الله سقنال تو
ما مهم
المهم قبل العرض كا ن عندنا ورشة مع الطلبة ، وشدة ما شغلهم كان جميل ، عرضناهم معانا ونال العمل قبول وتشجيع الجمهور
لقينا اسمنا فى الجريدة المحلية وصورنا وبوستراتنا تملأ حيطان المدينة الصغيرة المسماة هملتون فى ولاية نيويورك
سعدنا وعملنا جيدا وتحدثنا عن جرح السودان الغائر وجرح العالم
وكان الحضور يضم قوميات وديانات مختلفة ، لكنهم كلهم متفقين على حب السلام وعدم جدوى الحروب فى العالم
شكرا للسودان الملهم وشكرا لكم جميعا
ولى عودة
تهانى الحترة لابراهيم حمودة يا منعمشوف، وبلغه تحياتى
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: قرنفل)
|
قرنفل
انا مشيت السودان وشفت مسرحو متهالك وينام فيه العنكبوت ويبض فى كواليسه الحمام ولكن يشرق فيه ممثلون اعياهم التعب واخذ منهم الشقاء كل ماخذ
فتحية محمد احمد ضريرة يقودها الاصدقاء ويلتف حول مكى سنادة لفيف منهم الاعزاء ، بكيت بكيت بكيت وانا اراهم ثانية بعد طول بعاد
قالوا لى ان مسرح الفاضل سعيد لم يطفىء نوره بالمواسم ، وجمال حسن سعيد يقف شامخا فى كمبونته يرسم على شفاههم البسمة التى كان من شانها ان تكون نواحا وان فرقة الاصدقاء ما زالوا اصدقاء رغم الجنون الحياتى الذى باعد بين الام وابنها وقالوا وقالوا وانا انتحب
شكرا يا قرنفل
| |
|
|
|
|
|
|
Re: الليلة سبعة وعشرين مارس ....واقع يوم شنو؟؟؟؟ (Re: alsngaq)
|
السنجك
يستوى اطفال العراق واطفال جنوب السودان فى الانسانية
ونحن نقف تبح اصواتنا من الصراخ بلا لا يا ديكتاتورية لا لا يا تسلط لا ارفعوا ايديكم عن البراءات لا ، خذوا الاموال والنفط وذهبوا واتركوا لنا عيون الاطفال ونبضهم لا
ماذا اجدت لاؤنا ؟؟؟ولاء من يحبون الفن والسلام ...لا شىء
لكن نحن محكومون بالامل كما اورد عادل عثمان عن سعد الله ونوس
لا املك غير الحب
| |
|
|
|
|
|
|
|