كتب الكاتب الفاتح جبرا المتوفرة بمعرض الدوحة
|
|
 ..حوش اليكترونى تانى ..من اجل ايتام ..ام سهى
|
نعم..لارداتنا الحنينه...
ونعم ..لوقفتنا الانسانيه من اجل اطفال السودان...
هذه المره سنقف سويا من اجل ايتام "ام سهى"...اعلنت عنهم فى اواخر العام الماضى...ووعدتها بهذه التظاهره,,التى لن اتوقع لها غير "الفلاح"
"ام سهى" ستوافيكم بتفاصيل دار الايتام هذه...وحاجتهم الى ملابس اطفال حتى عمر ستاشر سنة...
الملابس غير مكلفه ويمكن جمع جبال منها...على الاقل هنا فى امريكا...
ما يعترض طريقنا هو مشكل الترحيل...والتخليص والاستلام
عرضت الامر على مجموعه اصدقاء هنا فى فيلادلفيا لاننى ضيفه عليهم من اجل يوم السودان (اليوم)..وما اكرمهم!!!
قالوا اننا سنساعد...
وقالوا التخليص مشكله...اقترحت ان نرسلها لمحجوب شريف...وهو بخبرته (وجمال شعوره) يستقبل المساعدات العينيه من اصدقاء الشعب...لمشروع اطفال الهكر الناجح...
يجب ان نجد حل للترحيل ...تكاليفه وتخليصه...
وهل اطمع فى اكثر من قلوبكم العامره بالحب...وعقولكم المدركه..لمعنى هذا...
وهل اجرؤ..الا اثق فى جمال هذا الحوش الاليكترونى...
فلنجعله عاما سعيدا لاطفالنا المشردين..والذين تتغابى فيهم حكومة "النفط" العرفه...
ولكم حبا لا تشوبه الريبه
|
|
 
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
سلام
كل عام وانت بخير با استاذة
نحن هنا ناس ابو ظبى فى انتظار الاوامر وانت تأمرى يا غالية
ورينا البداية كيف ومن وين .
والله والحق يقال عندنا مجموعة من الاخوان فى الخطوط الجوية
السودانية بقيادة الاستاذ عبد الرحيم ضرار لا يتوانوا فى تقديم
خدمة كهذه نحن فى انتظار الاوامر والشحن من الان اعتبريه مجانا
وفى الانتظار .
والله المستعان 0000
امال
ام وضاح
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
الانسانه تماضر عملية جمع الملابس وتكاليف الشحن وما الى ذلك من خطوات لانجاز المشروع نتختصر الطريق بتكليف بعض اعضاء البوردفي دول المهجر بجمع تبرعات وباقصى سرعة وتحويلها الى حساب الجهة المسؤولة بالوطن والاسواق الشعبيه متوفر بها الملابس بالمقاسات المطلوبة ونكون قمنا بالواجب تجاه اطفالنا المشردين وانعشانا هذه الاسواق بشوية دولارات
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
الحبيبة تماضر
ادمعت عيناي وانا اقرأ هذا البوست
حقيقة لا خير فينا ان لم نفعلها
نحن في الشرقية على وشك ارسال اول دفعة من التبرعات وقد ادهشني حقيقة كمية المتبرعين
الاحباء هنالك الاف من الاطفال المشردين في امس الحوجة للمساعدة وهنالك الكثير من المنظمات الوطنية التي تعمل في هذا المجال (جمعية صباح لرعاية وتاهيل الاطفال المشردين - جمعية امل والتي تعمل في نفس المجال ثم هنالك دور رعاية الطفل في المايقوما وغيرها , فلنبدأ بجمعية صباح لانها الاكثر حوجة وتتوالى تبرعاتنا للاخريات - يمكن ارسال التبرعات الى العنوان التالي
جمعية صباح لرعاية وتاهيل الاطفال المشردين
الخرطوم - العمارات
ص ب 8342
تلفون468322
فاكس 475248 انا سوف اتاكد ان كانت هذه الجمعية معفية من الرسوم الجمركية ام لا وساوافيك اليوم قبل غدا
لكم حبي
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
تماضر ( سفيرة النوايا الحسنة ) ما تزعلي مني انا زي اخوي بكري الجاك ما شايفاها نبذة
ام سهى
المشاركين / ات
ربي ينجح مساعيكم / ن كلها
بس حبيت انوه انه الملابس لازم تكون جديدة
لانه في بوست النفاج خالد الحاج قال انه الحكومة اصدرت قرار يمنع دخول الملابس المستعملة
وانا مع فكرة اخونا بتاعت القروش
اسهل من التبرعات العينة والشحن ومشاكل الترحيل
والسوق في السودان ملااااااان مافي القروش
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: ASAAD IBRAHIM)
|
يا تماضر كيف حالك
تعرفي العنوان شوية ماواضح
بمعني انه لا يشرح محتواه بما فيه الكفاية
وهذه أول مره ادخل في هذا البوست
وهذه قطعا فكرة نبيلة ويمكن تتطوريها اكثر من كده
لكن ماعندنا مانع نساعد بالافكار والتبرع لو كان في طريقة
وزي ما قلت ليك قبل كده ركزي علي استراتيجية جيمس بروان الحاجات كلها بتمشي تمام
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
الاخت الجندرية والاخوان
لكم الود
انا لست مع فكرة انو ندفع مال ونرسله للمنظمات عشان هي تشتري ما لاي شيء يرجع للقائمين على امرها فقط لانو حيغير شكل الموقف الانساني - ثانيا الحكومة لو اصدرت اي قرار يمنع دخول الملابس المستعملة - دة لانو ما حتشيل فيها جمارك
اما اذا كانت هدوم جديدة حتشيل عليها جمارك-
وهذه المنظمات معفية من الجمارك
يبقى الفكرة في مكانها - نجمع ملابس ونرسلها للمنظمة والما بقدر ممكن يجمعوا تبرعات ويكلفوا ناس يشتروا ملابس ويرسلوها
مع ودي
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
آمل ان يتحرك بورداب الرياض جماعيا للإسهام في هذا العمل الوطني الخيّر ،
ونحن عصبة ،أفضل العمل الجماعي ، هل أنتم معي ؟
وأين همام ومجلس جمعياته ؟ أهلنا زمان قالوا :
ما تشكر لي الراكوبة في المطر
وقد فازت النساء بالمبادرة
ولتكن خير أعمالنا وخيرأعمالهن للوطن ..
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: mustadam)
|
اسعد ابراهيم..اشكرك على اهتمامك..واذا كنت تسكن فى امريكا انا بقترح ان العمل سيستمر بنفس اسلوب مشروع عاصم الحزين..اذا قبلت راويه بالطبع العبء تانى...ومنتظرينها تفيق من هول المفاجأه..وتقول "انا لها" ..فخليك مرابض لغاية الضوء الاخضر..
احمد امين..جيمس براون فى الخاطر..انا مصيبة عدم وضوح العنوان دى ما كنت حاسباها...وان شا الله نحرض بعض بالاتصال المباشر..كما عرفت ان الناس بتعمل ..ده هم عام..وبستاهل..
ولك السلام
ام سهى انا بقتكر انه التبرعات الماديه اسهل من الملابس...الا لما نلقى ضمانات كافيه...ولا شنو؟؟؟ ما دايرين نختلف وتفقد الحماس..القروش ذاتها بتشترى الملابس..كدى ادينا خاطرك يا ست البنات..
ابو مرام..انا اتفق معك ايضا...ورينا انت وين وممكن تعمل لينا شنو..وثوابك فرح الايتام..
ود قاسم..ناسك وجهدك..سندنا الاساسى...ولا بقولو ليكا سو..
مصطفى ادم..دارك عامره ان شا الله..ما عندنا فيك قولان..بس واقينا بالانجاز
الجميع..
ما اعطر نواياكم...
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
تماضر وأم سهى وكل الرائعيين ،، سلام
ده عمل نبيل وجليل ، ويا ريت تضموني في القائمة
وبالنسبة لي ارجح ارسال دعم مادي ، للجهة التي تشيرون بها عليّ
واتمنيت الكويت دي يكونوا فيها بورداب يا ود قاسم .. ما تتخيل انا حاسدكم كيف !!!
ياخي مش ما فيها بورداب ،، مافيها سودانيين من يوم حكومة الانقاذ هتفت لصدام ايام احتلال الكويت . يعني ، في مجموعة كدا اسمع عنهم سمع لكنني لم اشاهدهم على الاطلاق
المهم ،، ضموني للقائمة و.. لى قدام
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: السمندل)
|
الاخت تماضر
لك التحايا بقدر قلبك العامر بالمحبة..
جاهزين للمشاركة بقدر الجهد و الاستطاعة..
ان كانت تبرعات مادية ادينا رقم الحساب ..
او تبرعات عينية ..و انا بعتقد التبرعات العينية مهمة لانو الاطفال
ببكبروا بسرعة و بتكون الهدوم لسه ملبوسة مرة او مرتين بس ..
للتنسيق مع بورداب الامارات و العين - موبايل 6190124
ولكم جميعا كل المحبة
مامون
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: فقيري)
|
فقيرى..بعد التحيه والاحترام...
افتكر انت وعصام وامل..عندكم رؤياواضحه..لفكرة الملابس وترحيلها...وده كان امل ام سهى فى البدايه...
فانا ماشايفه مانع من هذه التدابير...
محمد الشيخ...انتو بورداب الرياض...تانى الناقص شنو...
وكل المحبه...
خالد..وبعدين؟؟
عاصم طلع صاحبك..مريم محمد الطيب طلعت جارتك..ام سهى منك وفيك..ما عندى طريقه غيراسلم..بيك..صديقا...واخو اخوان... مرحبا
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: السمندل)
|
سمندل انا بفتكر انك ما شايف النعمه الانت فيها...
انت ساكن فى دوله عندها اجمل اسم..الكويت..
انا بكره المكوه دى بصوره فظيعه...
يعنى لما اكون دايره اغسل مشكله لكن لما اكون دايره اكوى..دى كارثه لا محاله...
فما بالك لما اكون "كويت" يعنى مافى هم تانى مافى مشكله مافى بوخ..مافى بطانيه مفرشه..فى تربيزه مطاوله..مافى...الا هدوم مطبقه..وقاعده بنظام فى رف..
قبالله احمد الله على الهنا الانت فيه...ورسل التبرعات لود قاسم..ديل لسه مكوه ما كووا.
ههههه
شكرا لشعورك يا سمندل..وتجى منك
| |
|
|
|
|
|
|
|
|
|
ام سهى (Re: Tumadir)
|
العزيزة تماضر
لك تحيات الورد
دائما ما تضربين في التنك
ام سهى
ولو تعلمين حبيبة المشردين في السودان
يعرفونها جيدا ويتسابقون اليها ان مرت في اي سوق من اسواق العاصمة
ام سهى
جابت طرقات العاصمة حافية الا من حبها الكبير لهم
تجمعهم في قلبها قبل ان تتوجه بهم الى بيوت الايواء
ام سهى
كم تعلمت منها وحببتني العمل مع هذه الشريحة الرائعة ايام عملنا سويا في مشروع صباح
ام سهى انتظريني بعد ان ابحر الى منفاي الاخير ومن هناك ساواصل دعمي لكم .
لك الحب الكبير
خالد
| |
|
|
|
|
|
|
|
|
 Re: ..حوش اليكترونى تانى ..من اجل ايتام ..ام سهى (Re: abumoram22)
|
العزيزة تماضر..
تحيات الورود..
سبق أن بدأت مشروع لدعم الأستاذ محجوب شريف في سعيه النبيل لتوفير ملجأ وكرسي دراسة ولقمة نظيفة لأطفال الشمس بالسودان وقد قطع مشروع النفاج مرحلة جيدة وكان الأخوين عاصم الحزين وعثمان المهندس يقومون بجهد الداخل لجمع المعلومات والتحضير لجمع الدعم وإرساله للأستاذ محجوب دعما للعمل النبيل..ومن ضمن ما قمنا به قيام الدكتور حسن قطبي(لندن) بجمع مساعدات عينية جيدة في كميتها وقد وعد المتبرعون بها بتسديد قيمة الشحن للخرطوم..وواجهتنا مشكلة القوانين المقيدة لإستيراد الملابس المستخدمة وكانت فكرة تحويل الموضوع إلي مساهمات مادية..ثم كان موضوع عاصم الذي شتت بعض جهودنا لأن المسألة كانت ملحة ولآن عاصم كان أحد المشاركين في الجهد فرأي الأستاذ محجوب حينها التركيز علي علاج عاصم في تلك المرحلة..
عموما أري أن نتشارك جميعا في تفعيل الموضوع من جديد وسيقوم الأخ المهندس بمدنا برقم حساب النفاج..ومن جهتنا هنا في أوربا سنوحد جهودنا بالتنسيق مع مجموعة لندن..
لك عميق تقديري لمواقفك الإنسانية النبيلة والتحية لكل من وقع هنا
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: خالد الحاج)
|
خالد الحاج..
لك وللاستاذ محجوب شريف .. السلام..ولقلبه المتفجر ثوره وحنانا..الامان.
ولقد كان لنا فى تجربة عاصم الحزين معكم "اسوة حسنه" ...ولم يخطر ببالى هذه الكره الا اننا سنعود الى نفس القنوات..التنظيميه...السابقه..لرسوخها فى التجربه...
فهاهى ذى النوايا اسفرت عن سماحتها وجودها ...وهاهى ام سهى,,تسمع...وهاهم الاطفال ما زالوا ايتاما...وعيونهم مازالت فى الترقب...قليكن الامر ما ترونه مناسبا..
وانا...لكم
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
شكرا تماضر وما كان عندي شك في ذلك
وأعمل اليومين ديل في تجهيز المواد للوب سايد الخاص بالمشروع
بإسم النفاج.. لأن فكرتي التي أرجو دعمكم فيها هي أن نصنع قنوات ثابتة
تجعل المشرع يستمر وأن لا تكون مرتبطة بفترة نجمع فيها التبرعات ثم تخمد
لنعود من جديد نستصرخ زوي الضمائر..
من ناحيتي أقترح أن يلتزم كل شخص يود المشاركة بإقتطاع مبلغ شهري
يمكن أن يجمع علي فترتين في العام أو فترة واحدة كل حسب إستطاعته وأن لا يكون هنالك حد أدني أو أعلي للمساهم..وحتي لا أكون منظرا أعلن مساهمتي الشهرية بمبلغ 25 يرو للمشروع مدي الحياة..
وأعلنها وأرجو كذلك أن تكون التبرعات معلنة ليس حبا في الظهور ولكن لنرسي سيرة حسنة ونكون نموزج لغيرنا..وأطرح الموضوع للنقاش..
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: خالد الحاج)
|
زمان قلت انوا المنبر ما قدم للسودان حاجة جماعية تعطيهوا ارضية معاشة قالوا نحنا قصدنا اشياء تانية
لكن برضو معاكي يا استاذة
الملابس لو قلتوا جديدة اديكم فكرة الهند فيها ارخص واجمل الملابس والشريف موجود والطلبة نازلين ياستمرار ممكن نرسل تبرعاتنا والشريف يقوم باللازم حتي لو يشحنها الي المنظمة علي طول
| |
|
|
|
|
|
|
|
|
|
Re: كهاتين (Re: sudania2000)
|
شكرا يا سودانيه على ابداء هذا الشعور الكريم...
وزى ما هو وضح..بقى عندنا رايين..ما بتعارضوا مع بعض...المال "والهدوم"
وانا مع فكره النقد زيك...لكن البعض يرى ان الملابس ممكن تزليل تعقيداتها...ولو قدروا يزللوها ...نحن ليهم برضو..
لك التحيه...
| |
|
|
|
|
|
|
|
|
|
Re: كهاتين (Re: شتات)
|
خالد الحاج..دى مبادره..خرافيه...
لو قلت للناس نعمل مشروع بتاع جمع مبلغ شهرى يتراوح بين عشره وخمسه وعشرين دولار...يرو دينار ين...حيقبلوا؟؟؟
ونعمل صندوق...اجتماعى خيرى؟؟؟ انا ممكن اتابع الاداء فيه...
يوووووووه دى حتكون فكره جهنميه...
كدى النشوف الراى العام...
والسودان زاتو حيكون غنيان...لى قدام ...
م س د ...ما بتوقع منك اقل من كده اصلو وناس المانيا ديل تبع خالد الحاج..لا محاله...
شتات...ورينا وين اراضيك ونوجهك
الشكر
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
Greetings
Both are great ideas, with any honest and serious ppl
just go ahead and it goes as smooth as silk..we've done both several
times and it worked brilliantly..It will be more practical if you started
within your reachable contacts
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
greetings
As I mentioned above..ideas works only with willing Ones
the Ones that shares the dreams of those innocet eyes we seen them
on the screens and it became our day-night mares if we couldn't do
the least we should..
It's Challenging,but it's A must and at the moment we're doing it for
the needy ones in Dar-fur
(We will carry on)
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: ابو نور)
|
طيب يا ابو نور تهبلنى كده؟؟ مشيت افتش فى زول شايل مكرفون...لقيتو فى المرايه..
استنى لى...
الليله ووووووووب...انا زعلت خالد الحاج..يا جماعه اودى وشى وين؟؟؟
حقك على..
ندمانه..وسافه التراب..
بس عندى سى دى جديد لبت جنوبيه ببيعوهو هنا فى حلتنا...وقلت دايره انزل منه اغنيه..
ما قصدت..الا الخير..
ولو عندى عندك خاطر ما تزعل...وتقول لى ما زعلان...وترجع الغنيه...عليك امانى وبناتها....سمح؟؟
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: Tumadir)
|
تماضر
ام سهى
خالد
النفاج
صباح
واطفال السودان
ما غبت منكم
متابعاكم
اها يا ناس امريكا
نفرة تانية
ويا خالد فكرتك رهيبة والكثيرين سيتحمسون لها
عندنا هنا فى المسجد طريقة سحب الى من حساب الزول/ة لحساب المسجد انا ما عارفة بتتعمل كيف والمطلوب شنو
يا ناس تماضر وراوية ممكن تتعمل كيف هنا فى امريكا ونعمل حساب لصالح المشروع دة والداير يتبرع تبرع دايم يكون اليا بيورد فى الحساب كل شهر بدل شيكات مشت وشيكات جات
ومعاكم
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: إيمان أحمد)
|
تماضر لك التحية بهذا العمل الجميل الذي وجد مناشدة كل الاطراف واستعدادهم التام. بالنسبة للذين في امريكا يسهل عليهم جدا ان يرسلوا ملابس أطفال لما لها من وفره هنا... أما مسألة الملابس المستعملة ومنع دخولهاالبلاد هي مسألة مرتبطة بالسوق داخل البلد لما لهذه البضاعة من تنزيل السعر الاحتكاري في السوق المحلي ..وقبل كده منعوا دخول العربات المستعملة لنفس السبب.. ولكن لو دخلت عربة للاستعمال الخاص فما في مشكلة... وبنفس الطريقة هذه الملابس للاستعمال الخاص ...وانا بشوف في الحالة دي أنو واحد مسؤول ممكن يناشدك ياتماضر ويقول ليك هاتي تبرعات الملابس ونحن بندخلها بلا شروط...أعرف ذلك تماما.. بس الناس الفي السودان يطبعوا هذا البوست كله ويعرضوهو على المسؤول.. اذا قال حسنا فالسوداني صاحب شركة النقل البحري في فرجينيا سيتولي هذا الامر (أمر الترحيل المجاني)..
الناس العايزين يساهمو ماليا أرجو منك ياتماضر تتصلي ب(سودانية) بعد التنسيق مع أم سهى في السودان عشان يعملوا رقم حساب هناك... وبعد التنسيق هم يرسلوا مساهماتهم مباشرة للصندوق المالي لهذه الجمعية الخيرية في السودان..
| |
|
|
|
|
|
|
|
|
|
Re: ..حوش اليكترونى تانى ..من اجل ايتام ..ام سهى (Re: haneena)
|
فالسوداني صاحب شركة النقل البحري في فرجينيا سيتولي هذا الامر (أمر الترحيل المجاني)..
عبد اللطيف: السودانى ده لميتو فيه؟؟؟ انا ما لامه فيه لسه..ويالمناسبه انتو يا ناس فيلادلفيا..وعدتونى وعود كبيره..وانا فى انتطار تحركاتكم..صديق ومحمد القاضى وايثار وعاطف انيس وغاده..وعزالدين وعبد الله وصلاح والكل الكل...
ايمان ...هاله قوته...وحنينه...جوا؟؟
خلاص انا انوم قفا...خصوصا لو جات راويه...
يا مراحب..هنا
| |
|
|
|
|
|
|
| |
Tumadir
nazar hussien
أبو ساندرا
Isam Widaa
essam&amal
الفاتح يسن
مهيرة
الجندرية
ASAAD IBRAHIM
أحمد أمين
ودقاسم
mustadam
mohamed elshiekh
خالد العبيد
مهاجر
شتات
معتصم دفع الله
دورنقاس
إيمان أحمد
haneena
فيس بوك
تويتر
انستقرام
يوتيوب
بنتيريست