|
|
|
 Re: ما صادفتك...ولا اتعاقبنا؟؟؟ (Re: Tumadir)
|
تماضر
يابت الوطن الكاسر
فينا وادي دواسر
وفاتح نفسو
احزاب وعساكر
ومشرد فينا العقل الخاطر
ساريا بيكتب
ونحن نذاكر
امكن ننجح في الزمن العاكر
نجيب الجنى في بطن العاقر
امكن
يحصل
| |
 
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Tumadir)
|
الاخت تماضر
ابوك غايب
فى الروكايب
جاهو كلب
سنونو صفر
ضبح الناقة... الناقة ناقة صالح
فى الشنقاقة
بيت الحرية وين
قدام
قنقرج يا فارة
بيت الحرية فين
قدام
بيت الحرية صاحى
والناس نيام
حليل ابونا
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: دورنقاس)
|
دور نقاس
قول يا عباس... من سرق الفاس؟؟؟
الفاس الوقعت فى الراس؟؟
من شتت رمل الخوف ..بى فوق لرغيف الناس؟؟؟
من شال الغنية الاهزوجة...وخت مكانها نعال ومداس؟؟
من افتى...فى قوت الشعب...
توب الاخلاق...اداهو مقاس؟؟
الغول...البهدم فى الساس
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: هدهد)
|
يالهدهد..
بضحك اكتر ...من يضحك فى الزمن الاخدر
مش القاعد فوق سهد الناس ..الاشتر
مش البايع يومهم ودمعاتهم للعسكر
مش البى لبن اطفالهم ...غالا...وسمسر
بضحك اكتر ...البضحك فى الزمن...الاخدر
ووالله بنقلبو اخدر
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Tumadir)
|
انحنا عرفنا البصل الاخضر
مابتحمر
وامامة بترقص بحواء الطقاقة
والدهب الملبوس ارياب ومجمر
ماقال بحريني
لكن الظاهر دكة كندا اخطر واخطر
والبعرف يرقص بعرف يضحك اكثر واكثر
وفي الممشية
الناس تتبختر
مليون كامري
يصقط من يركب هنتر
_____
ك ج كان عندو زمان هنتر بعد الانتفاضة
ياترى يوم مشى مع ي ح كان راكب شنو للممشية
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Tumadir)
|
والغيم يتلم
والأطفال من تاني يغنوا
يا ميطيرة صبي لينا في ..........
والأيام زي وردة هناك
في لحن حميم جواك
يا بت يا نم
ما أحلى النم البدلق حبراً طاعم
وكم
الحميمة تماضر
لك البلاد كلها
أبداً
علاء
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: haneena)
|
تماضر
يا بت العز و ملوك النيل
شيلي الأفراح .. شتلة و منديل
وأدي الشبال و معاه الفال
لناس راجين
الفرج .. السيل
البلد أحزانا .. تهد الحيل
و الجدب العم .. جروف النيل
الشدر إنحتْ ..عدمان الضل
عدمان الروح ..لا تحتو مقيل
كافى الله الشر ..اللخو مرتاح..
خده النديان .. قفطانو حرير
و جيرانو نشاف..ما فيهم حيل
مرابم عيد و تلاه الحول
لا حرسوا هلال و لا ساهروا ليل
الهم يا بت ..شيب روسين
الهم أكوااااام
و الصبر جميل
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: alsara)
|
الأستاذة تماضر ... هذا الصباح كنت أتذكر مرافعتك عن حسنى بت محمود خارج رواية الطيب صالح ، فسألت نفسي السؤال المنطقي التالي : يا ترى من يكتب لتماضر؟ أعني أن من يكتب لتماضر يجب أن يكون على الأقل في نفس هذه المقدرة الفائقة على التجويد في الكتابة ... تجويد وبس؟ دا شي تاني ... عموماً إن كانت الساحة المسرحية مليئة بالكتاب الأفذاذ فنحن إذن في نعمة .. عظيم إحترامي
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Ahlalawad)
|
لا فض فوك يا أستاذه تماضر..كلام بسيط ...يدخل القلب طوالي بدون لجلجة و زقاقات تتوه القارئ...خاصة أنو الكلام عن الوطن البنشتاق ليهو يوماتي...ونموت في حبّو يوماتي....و ما قدامنا غير نقول متين ياربي تاني تلمّنا...قريب ياربي انشاءالله تلمنا.....
ولله عيني رغرغت ونحن كبرنا علي البكا...أستمروا
Keep on the great job
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Ahlalawad)
|
لا فض فوك يا أستاذه تماضر..كلام بسيط ...يدخل القلب طوالي بدون لجلجة و زقاقات تتوه القارئ...خاصة أنو الكلام عن الوطن البنشتاق ليهو يوماتي...ونموت في حبّو يوماتي....و ما قدامنا غير نقول متين ياربي تاني تلمّنا...قريب ياربي انشاءالله تلمنا.....
ولله عيني رغرغت ونحن كبرنا علي البكا...أستمروا
Keep on the great job
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Osama Mirghani)
|
العزيزة تماضر
تحياتي و أنت تفلتين الروعة من بين أصابعك لنتلقفها نحن مشدودين ومشدوهين
نقرأ لك ونحن نحس مرارة الغربة في دواخلنا وتأتين انت لتكوني البلسم الذي يطفئ هذه النيران الحارقة
عزيزتي تماضر هل يمكن هذا وهل يعقل؟؟؟ ، اذهب يوما اليه ولا اجده ؟؟؟ ونتعاقب!!! حسنا" أتدرين ماذا سافعل حينها..... سوف أترك رسالة كبيرة عند مدخل الباب أخبره انني حضرت ولم أجده ، وأنني سأذهب ألان ولكنني سأعيد الكرة مرارا" وتكرارا" وفي كل مرة سيكون الخاطر مملؤ بالأمل وبالوعد والتمني وأن عييت انتظارا" له سأعود للغربة وأنا أحمل خارطة كبيرة فيها رسم سوداني الحبيب وحيثما أشارت يد الى بقعة منه ستكون حتما" قلبي
شكرا" والف شكر يا تماضر على هذا النص الوجداني الرائع
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: Tumadir)
|
اتكات على الجدار
انتظرت المساء
حلقت بى الذاكرة فى حقول القمح
لم تكن خضراء
انه مؤسم الصمت
لم تسعفنى ذاكرتى اي لون يكون الذهول
ساقتنى قدما ذاكرتى الى حيث يجب ان يكون الوطن
لم اجده ,
وجدت ساحة فارغة و حزن كبير
الاستاذة تماضر
لا ادرى كيف سنجد هذا الضائع
اهو ضائع منا ام ضائع فينا
ام سنظل نتعاقب لسنوات
اه من حزنى علي عليك علينا
بكرى الجاك
| |
|
|
|
|
|
|
|
|
|
Re: ما صادفتك...ولا اتعاقبنا؟؟؟ (Re: nazar hussien)
|
وقت ما اديتيني الاذن انا بنجر نجري والباقية التبقي استنيتك شايل عدة النجارة فوق كتفي لامن انقطع اها هاك العنقريب ده:
الســـــــــراي.... الســــــــراي
الجافو النــــوم وعقلو الـــــراي
بنلم متيــــــــــــــن يا مولاي
بي آهــــــــــة نار تحرق حشاي
ابداك غنا ودوبيــــــــــت وناي
بنلم متين يا مولاي
يوم دمعتي وفصيــــــــح بكاي
غير الصبر ما لقيــــــتلي راي
بنلم متين يا مولاي
يا النيل ابوي انا في رجاك
خفف جريك لا تكون مرعـــــوب
اغسل جروفـــــك من صفـــاك
واجمع نخيــــــلك واللالوب
شدر الطلـــــــح الفي قفاك
حتي الســـمر القام يا دوب
واجمل حديثك باختصار
واعمل ترس من العصار
لا يجيك شر لا ريح هبوب
بنلم متين يا مولاي
والمركب الشاقة البحر
عز السحر ديل ناس معايش خلهم
ما بفشو سر لا برتشو حارسين جناهم وضلهم
اديهم الخبر اليقين لا متين بنرسي محلهم
مجدافنا قررب ينكسر وحيلنا مات من حلهم
بنلم متين يا مولاي
| |
|
|
|
|
|
|
|
|
 Re: ما صادفتك...ولا اتعاقبنا؟؟؟ (Re: Tumadir)
|
| | |
| |
Tumadir
THE RAIN
دورنقاس
Ala Asanhory
haneena
Ahlalawad
Osama Mirghani
ابو جهينة
bushra suleiman
مهيرة
عبد المنعم سيد احمد
Bakry Eljack
shiry
elhilayla