|
انا وبناتى ... فى الجرايد
|
قبل اسبوعين شاركت يسرى فى نشاط شبابى فى مسرح المدينة وهى بتعزف ايقاع ومحمد برضو معاها جابوا يسرى وصورتا فى الجريدة الاسبوع الفات عملوا تحقيقات عن الشباب فى منطقتنا ومدينتنا الصغيرة وتميزت سيرين بارائها وجابوا صورتها وكلامها فى الجريدة امس ضربت اميمة من اسبانيا وقالت فى تغطية للنشاط الثقافى والعرض الحنقدموا فى غرناطة الشهر الجايى جابوا صورتى فى الجريدة
وصدق المثل البقول:
قطع جرايد النخل
بس حبيت اشرككم معانا فى جرايدنا المحلية والعالمية ولمن المحلية تكون امريكية بتكون عالمية برضو، ولا شنو؟
كدا كدا كدا كدا ولووووول
|
|
|
|
|
|
|
|
Re: انا وبناتى ... فى الجرايد (Re: Tumadir)
|
الرائعة تماضر
مفخرة لنا أن تبرزي الوجه الآخر لبلد المليون ميل أنت وبناتك في كل المجالات ودي مسئولية انك تمثل بلدك وتكون سفارة شعبية تخدم بلدك من الموقع الذي انت فيه ليعلم العالم أجمع الوجه الحقيقي للشعب السوداني البطل والسئولية ما ساهلة وانت
قدها وقدود
جمال
| |
|
|
|
|
|
|
Re: انا وبناتى ... فى الجرايد (Re: جمال السنوسي)
|
انا لو كنت سفارة كنت حاطلع لى جواز سودانى امشى بيه السودان، ياجمال ههههه لووول
شكرا ياجمال الحقيقة نحن فى بيتنا دة بنشتغل للسودان اكتر من البتعمل فيه السفارات السودانية فى العالم كلو، بس بدون ماهيه ، وما ادراك ماهية؟
| |
|
|
|
|
|
|
Re: انا وبناتى ... فى الجرايد (Re: Tumadir)
|
انتي ما سفارة يا تماضر
لكن .. متحف ومتحف دي .. خطي لي تحته سطرين ودمدميها
لانو المتحف والحياة باطلة
نظري ..نور البوست ده جاهرني في عيوني ما شايف كويس لكن متاكد .. من تيرابك
وبخروك العملتي ليهو داون لود .. ما شاميهو
يكون كاتم صوت ؟ ولا سماعات الكمبيوتر دي ما بتشم كويس
اربطي الكمون الاسود
بنياتك .. الله يحفظن ليك يا بت الشيخ
ودقر يا عين
| |
|
|
|
|
|
|
Re: انا وبناتى ... فى الجرايد (Re: soma)
|
الاستاذة تماضر لك التحية عندما تتلألأ النجوم يسطع نورها ويغمر الكون روعه وعندما تكون الام كوكبا بأكلمه فلابد من أن أبنائها يسبحون فى فلكها فيحفظكم الله اشراقا للسودان ومرآة لثقافاته
| |
|
|
|
|
|
|
Re: انا وبناتى ... فى الجرايد (Re: rummana)
|
ما شاء الله و هذه من الأشياء التي يجب أن يفخر بها السودانيون...أن يكون لهم في كل محفل من يرفع الرأس و يذيع بوجوده اسم السودان
ربنا يحفظكم من العيون الما جميله
| |
|
|
|
|
|
|
Re: انا وبناتى ... فى الجرايد (Re: President)
|
تماضر ربنا يحفظكم ويرجعكم السودان طيبين وغانمين كدى نزلى الصور يا ختى يمكن نطلع بى خطيبة ؟؟؟؟؟؟؟؟؟؟؟؟ واعملى حسابك من هسى قبال اب راسا ماكن داك يجى يجوط البوست ده ويقول حيخطب بناتك انا عارفه كويس انتى ما عارفاه ؟
| |
|
|
|
|
|
|
Re: انا وبناتى ... فى الجرايد (Re: الارباب)
|
دقيقة دقيقة البنات الحلوات الفى الصورة ديل ما بناتى انا، ديل بنات تانيات
انا بناتى احلى، هههههههههن ماشاء اله طبعا دة كلام هظار والبنات ديل اظنهم بنات غريبة، ايلاف واسراء افتكر كدة
لألألألأ والله بناتنا كلنا حلوات،
انا حاعمل ليكم اسكاننق للجرايد لكن كل الويك اند انا مافى،
تنتظروا.
| |
|
|
|
|
|
|
Re: انا وبناتى ... فى الجرايد (Re: ghariba)
|
الغالية تماضر
والله خبر يشرح الخاطر ويسر النفس والله
الله يديك ويديهم العافية ونشوفهم بكره اعلام زى ما شفناك وصدق اللى قال
هؤلاء الاشبال من تلك الاسدة (ما عاوز اقول اللبوة لانها بترمز لغير ما اقصد او يقصد القول الدارج) وعموما طالما هم عيالك فنحن نتوقع منهم كده واكثر كمان حتى يسيروا على طريقك وطريق الاسرة الكريمة التى ما فتأت تعطى لمجتمعها ووطنها ..
تهانينا لهم بالله وليكن ذلك دافعا وحافزا للعطاء اكثر والجد والاجتهاد
| |
|
|
|
|
|
|
Re: انا وبناتى ... فى الجرايد (Re: قرشـــو)
|
انا عمي زاتو جابوه في الجريدة نص صفحة كاملة والله الله يرحمه كان النعي بتاعو شديد وانا زاتي جابوني في جريدة قبل كم سنة كدا جريدة حائطية في الجامعة بعد اتشاكلت مع ناس الاتحاد لوووول ان شاء الله نشوفك انت واولادك في كل الجرائد
| |
|
|
|
|
|
|
Re: انا وبناتى ... فى الجرايد (Re: Tumadir)
|
تمــــــــــــــــــــــــاضر
ما تتخلعي .. عارف انو الموضوع قديـــــــــــم و اني نبشتو من آخر صفحات البورد
لكن أنا بس بحاول أتعرف علي تاريخ البورد و بعقب علي اللي بيعجبني و ده موضوع عجبني شديد
فعلا بناتك مميزات شديد و محمد برضو مميز .. و فنانين بالفطره .. و العبقرية تورث من جيل لي جيل .. رغم انها برضو صفة مكتسبة
بس اعتني بيهم .. و وفري ليهم تجارب جميلة .. و ما تتسرعي في تحديد مستقبلهم .. يعني فكري كتير قبل ما تحددي أي خطوة .. و ناقشيهم كتير .. و ما تغفلي فرق السنوات البيناتكم و اختلاف الرؤي البيناتكم .. يمكن هم يكونوا صاح و انتي غلط في أحيان كثيرة .. بس اتفهمي
أتمني ليهم و ليكي كل السمح
مع حبي
مــــــــودك
| |
|
|
|
|
|
|
Re: انا وبناتى ... فى الجرايد (Re: omergoda)
|
ياجماعة اقروا كويس البنات الفى الصورة بنات قرجة
انا ماقدرت اعمل اسكاننق لصور الجرايد وسافرت وجيت ولسه الاسكانر والكمبيوتر جداد لنج والله ، لكن ملخبطات
معليش على عدم الوفاء بالصور
شكرا يا شباب
على الظرافة
| |
|
|
|
|
|
|
Re: انا وبناتى ... فى الجرايد (Re: Tumadir)
|
l,مودك البوست دا قبال م مظاهرات كحلوش يعني نحنا ما حاضرين البوست دا ولاعزة كمان الزمن داك كنا بنعاين ببرا عشان كدا يا تماضر لازم نعلق وهذا الشبل من ذاك الاسد ما يهم المثل مذكر لكن معبر غايتو واحدة تشبه سارية لمن كان صغير مع انو قت ما بناتك وتحية لحمودي وسيرين وسلام شديد لسارية خطيب بنتي سارية ولا نطيتواها دي زغروت UUUUUUهي لكن امريكا فيها جريدنخل لللسيرة ولووووو
| |
|
|
|
|
|
|
Re: انا وبناتى ... فى الجرايد (Re: كحلوش)
|
كحلوش نحن وعشة دى الموية ما بتندفق بيناتنا ومن زمان اولادنا ديل سميناهم ساريه بمخطط واحد وبرمى لى اشياء كتيرة
السماح لقرجة وغريبة
ديل بنات المهندس يا شباب
وياعادل انا ما عندى عدسات خالص ولا لاصقة ولا برانية
وللجميع الحب
| |
|
|
|
|
|
|
Re: انا وبناتى ... فى الجرايد (Re: Tumadir)
|
عشوووووووووشة وتماضر
ابحث في مملكتي فلا اجد شيئاً لا ارى الا انتم وبقايا من انسان ابحث بذاكرتي المتعبة دائماً واتوه في حالة من الضعف والتوه والهذيان ...
******
قد اعلن العصيان وقد اخسر الحرب وقد اموت وقد اترك الدنيا بذكرى الهجران فأعود لنفس التاريخ لأعلن الشوق لكم وارفع راية بيضاء كطفل يحنو للحنان ****** دمتم لي ودامت لكم كل الورود الحلوة في بيوتكم.
وياعشوشة ، عقدتيني عدييييل كده ، يا ام القمر .
| |
|
|
|
|
|
|
Re: انا وبناتى ... فى الجرايد (Re: safa)
|
كحلوش، شكرا لكن خليكا واضح يا جميل انت داير بتى ولا بت عشة؟؟؟
دباش مش اديتو ليك فى الصميم؟؟؟
صفاء،
انتى شايفة كويس بعيد عنك كمبيوترى رافع لى الكلسترول انا جبت معاى كمية من اللقاءات والصور من عروضنا فى اسبانيا والجرايد القلتها دى والله غالبنى اعملاى شى مع انو كمبيوتر جديد واسكانر جديدة لكن الاولاد الله يخليهم يشيلوا وينزلوا فى الغنا والالعاب ، الكمبيوتر بقى دمو تقيل وبطىء ومودى وما مضمون وما قادرة افك عقدو، خليها بس مستورة
دايرة اساللك سؤال، بى سبب صورتك دى لى هسة ما فى زول جاب ليك سيرة"تتنافى" ولا "ما بصح" ولا "تقاليدنا وعاداتنا السمحة"
ولا زول شاغلك او كدة؟؟؟
مجرد سؤال
برىء
ولووووووووووول ياصفصف
| |
|
|
|
|
|
|
Re: انا وبناتى ... فى الجرايد (Re: Tumadir)
|
تماضر العسل الله يفك عقد كمبيوترك ويخليك تتحفينا بالمواضيع و الصور العندك وبكون في انتظارها بس ماتوري المشكلة شنو يمكن الجماعة هنا يقدروا يساعدوك اصلو في ناس عندهم خبرات حسب سمعي
موضوع صورتي و الله في واحد قال لي ما تلبسي حجاب و انا ما عارفة !!؟المزعج شنو في صورتي
بالله انا شينة قدر ده ؟
| |
|
|
|
|
|
|
Re: انا وبناتى ... فى الجرايد (Re: safa)
|
ياجماعة؟؟؟
انا بترك المايكرفون لزميلى بدر الدين شناة
لانو خبير فى المجال
صفاء تتحجب ولا تتصور كدة؟؟ يعنى هى شينة قدر دة؟؟؟
برى يا بت امى حاشاك الشناه، تضوى متل الرتينة مالك؟ حلاة الدنيا دى عليك
| |
|
|
|
|
|
|
Re: الله يحفظكم يا أبناء وأحفاد شيخ الدين (Re: Dima)
|
ديما اول سؤال المسلسل خلص ولا لسه؟؟؟
الله ما ضراك، ياختى
نحن ما مبدعين ولكن بنعافر عشان نعمل فرق، وهو دة الترجمة الحرفية لكلام الخواجات البتناسب الحالة،
انتى بتعرفينا ولا بس من البورد دة؟؟؟؟ سؤال عجيب مش؟؟؟ لا عشان شايفاك رصيتيهم كدة انا جايبة معاى بخور تيمان من السودان
هسة اعمل ليهو داون لود فى البوست دة
وعين الفتاة تقد الواطة
لوووووول عارفاك عينك ملانة يا ديما شكرا على المشاركة ولمن زهجتى دى تفك بحكى عنهم هم هسة وينهم؟؟؟؟
ياحليلهم
تحياتى
صفصف، بدر الدين شناة بعمل فى المكياج قبل ما يطلع على الجمهور
هسسسسسسسسسسسة بجى
| |
|
|
|
|
|
|
Re: انا وبناتى ... فى الجرايد (Re: Tumadir)
|
والله سؤال مشروع يا تماضر .. طبعاً بعرفكم والسودان كله معاي ... خللي الماسنجر بس يرجع .. المسلسل لسة شغاااال، الله ينهيه على خير وإلا يجيني كحلوش بمظاهراته والجماعة بالبمبان
ح ندعي معاكي الزهجة تفك عشان نسمع منك الكلام المشتاقين ليه .. والسؤال ثاني ... هم وينهم؟
موديك .. سلام مربع وحقوق الطبع محفوظة لشيري
| |
|
|
|
|
|
|
Re: انا وبناتى ... فى الجرايد (Re: Tumadir)
|
اختي تماضر وعزة وقرجة وكلكم
وين البوست دة انا لمن نسيتوا والبنات بقوا بنات عرس خلاص وبالمناسبة برضوا اعتبروهم بنات تماضر وقرجة وبناتكم وبنات الاسلام والسودان واخونا قرجة شاف ايلاف في اجتماع بورداب جدة وهي هاوية شعر من دلوقت وآخر مرة مشت معاي لندوة محمد سالم حميد بالرياض ويبدو انها نعست لان الندوة كان من المفترض أن تبدأ الساعة 8 وبدأت الساعة 12 يعني زي العادة
وفي الآخر لمن جاءت لأمها في البيت قالت ليها ( عمو قال عشرة مية شعر ، وكل ما اقول خلاص انتهى تاني يقول شعر ) وربنا يخلي الجميع ويحفظهم وشايف لي كم بوردابي من الرياض الايام دي عاملين معاي صحبة وأتاري انا ماعارف السر ؟
| |
|
|
|
|
|
|
Re: انا وبناتى ... فى الجرايد (Re: omdurmani)
|
خال العيال امدرمانى
الله يبارك فيكم
ويخلى ليكم لوعندكم ويديكم لو ما عندكم
غريبة
والله غريبة بناتك حلوات لمن قربت اتسلبط فيهم، تبادل؟؟؟ بناتى ما قدرت انزل صورهم
والله غاية الظرف ايلاف، اهتم ليها بمواهبها وما تدويها لى شعر عمو الطوال دة لمن تعرف ليه،
تحياتى
| |
|
|
|
|
|
|
|