دعواتكم لزميلنا المفكر د.الباقر العفيف بالشفاء العاجل
|
|
 أيها العالم: اهديك ...سارية وسيرين
|
يبلغ من العمر 22 عاما
سينال درجة الماجستير فى بيوانفورماتيك فى مايو المقبل
فى نفس سنين اكمال البكالوريوس...
حقق انجازا علميا كبيرا فى مؤسسته الاكاديمية ..مما حدا باساتذته بتشجيعه للتسجيل للدكتوراة..
وقامت الجامعه بعمل الاختبارات اللازمة لذلك ...
جاءتنا النتيجة بالامس:
تم تسجيل الابن البار سارية بالامس لتحضير درجة الدكتوراه...فى علم جديد يجمع ما بين البرمجة فى الكمبيوتر وعلوم الاحياء.
وياعين يا عنية ....ويمنعنى التزامى بمبادىء المساواة وحقوق الانسان من اكمال الباقى....
والجكس يقيف فى الصف الورا....
اما سيرين ....بتى الحلوة والتى تدرس الهندسة والفيزياء...فى سمث كولج...فقد تم اختيارها لمصاحبة الفيزيائى الدكتور استاذها...لقياس عمر الكون.....
بوريكم عمرو كم لما تخلص
|
|
 
|
|
|
|
|
|
|
 Re: أيها العالم: اهديك ...سارية وسيرين (Re: خدر)
|
العزيزه تماضر
يحق لك الفخر بساريه و سارين
الف مبروك
Quote: اما سيرين ....بتى الحلوة والتى تدرس الهندسة والفيزياء...فى سمث كولج...فقد تم اختيارها لمصاحبة الفيزيائى الدكتور استاذها...لقياس عمر الكون.....
بوريكم عمرو كم لما تخلص |
اها، نحن مستنين يا سيرين
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
فعلا نعم الإله على العبادة كثيرة
أجلهن نجابة الأبناء
تماضر ربنا يقر عينك بيهم ويفرحي بيهم كمان وكمان
واسمحي لى أهدي ليكم الأغنية الأهديتها لسحر أختي لسيرين .. اما سارية فهو تتقاصر أمامه الكلمات ..
لكم الود
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Elawad)
|
| Quote: وياعين يا عنية ....ويمنعنى التزامى بمبادىء المساواة وحقوق الانسان من اكمال الباقى.... |
ياعين ياعنية .. ياحاسدة ياشرانية*.. عرضتك نبيا..
عين الحسود فيها العود وعين الصبى شرا غبى
السطر الأول للمرأة والثانى الرجل لزوم المساواة
مبروك ياتماضر وومع* كل عظيم إمرأة
نعم الإله على العباد *** كثيرة وأجلهن نجابة الأبناء
_____________________________________________________
*ملاحظة بعض التراثيات أصبح تعديلها ضرورة كما بعض الأمثال
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: ahmed haneen)
|
يا أم سيرين وساريه الجبل الجبل الجبل.....هنالك بجبل الأولياء يوجد الشيخ الياقوت ..... حجبى الأولاد
التهانى لك ولهما ولذويهم اين ما وجدوا..... فهذه أمة لاينبغى لها ان تجوع وتعرى....فدكتور معز ودكتور محمد الطيب باليمن وسيرين وساريه إشارات البشري لغد واع وواعد
فالامانى لك ولجميع ذويك
منصور
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Balla Musa)
|
خدورى
كنت متوقعاك تكون اول المهنئين..وما خذلتنى..
هالة الاحمدى سيرين قالت عمر الكون حسبوه ..والفيزيائيين عارفين القصة دى وهم دايرين يعرفوا الجزء الصغير من الثانية بعد الانفجار الكبير داك ..حصل فيه شنو؟
زعلانه سيرين قالت..ما كان يدخلوها فى الموضوع
It's about saria not about sirien.
حسين ملاسى قول ذاك الشبل من تلك الجندرية ..كده كويس
معاك
شكرا اخوى..
عثمان فضل الله..الله يحفظ للجميع
شايفاك يا معتصم اول مرة تقول قريبتك..مع انى من زمان بقول ليك قريبى وانت زايغ..شفت الجنا ده حلو كيف؟؟ هههههه شكرا ليك
زولا123 محمد عمرو 12 سنه..بكلمكم عنه قريب هو ويسرى بعملو فى عمايل نفرها براه...قولى ما شاء الله..
اها ورينى انتى عندك شنو لى سيرين وانا بجاوبك هههههههه
شكرا يا عسل البورد البنقط
النصرى امين بركة الشفتك هنا وانا قايلانى "محاربنى" من ديك...شكرا الف شكر
وبمناسبة امضاءك ده مرة قريت مغيرو زول لذيذ بدل يقول
If u love something set it free,it comes back it's yours,if it doesn't it never was
قال
:If u love something set it free,it comes back it's yours
if it sits in your living room, watches your TV and uses your phone and sleeps in your bed, you are married or gave birth to it.
ريهان
الهنا فالك
الحليلة تفرح بى وليداتك
عبدالله بابكر...ويالف عين يا عنية...
عين الحسود فيها عود وعين الفتاه تقد الوطة وعين الصبى شرا غبى وعين الراجل فيها مناجل..وكل العيون الحاسدة..الله يكفى الشر
محمد عثمان بكرى وفعلا ديل ما اول اولاد سودانيين يتفوقو ...طواااالى القصة دى ربنا يزيد ويبارك وشكرا ليك
والله يا ملكة سبأ جينا انا وسيرين من بره..وفتحت البوست واغنيتك الجميلة دورت...ما تشوفى كمية القشعريرة والفرحة كانت قدر شنو...فرحتينا الله يفرحك ويسعدك بالعندك
ياسر الشريف وتحياتى الحارة لهم جميعا...اما قصى ده فبحكى ليكم عنه مره تانية براه...قر الله عيونكم باولادكم
تاج السر حسن: البوست ده الا بعد اشوفو..لكن شكلو بر فى بر
كل الشكر
ايمن: تصدق لقد سألت عن عظيم...وهم فعلا نشطين سياسيا فى اوساطهم الاكاديمية..وعندهم قيم عاالية ومبادىء ..ودى انا طبعا عندى حاجة مهمة وبشجعهم
عليها..شكرا للفت النظر وشكرا للتهنئة
لنا المهدى ...وتفرحى بوليداتك وشكرا على الثقة
محمد ابراهيم قرض...الف شكر للتهنئة وعقبال بيك نفرح
العوض واشكرك على الدعاء الجميل ومستجاب باذن الله ...وتفرح بالعندك يارب ونهنيك كده
بلة موسى...ههههههه ما قايلة فى زول بعرف الكلام ده غيرنا نحن الديناصورات اهو فى...والمساواة وحقوق الانسان دى نحن ما بنلعب فيها
حتى فى التراث...شكرا ليك
عجب يباركو ليك السمح والزين...الف شكر
الحصاد لسه..."السعادة فى المال" ههههه
احمد حنين مصدقاااااك والف شكر
عبد المنعم سيد احمد ربنا يقدرنا على جزاك ونهنيك بالسمح قريب ان شا الله
منصور المفتاح ..دائما سباق للخير وشفاف نحو العام والخاص...مش حزين انه نكون فقارى ومشتتين فى نواحى الدنيا...وكلنا خير؟؟ شكرا ولابد يوم باكر ببقى اخير
ساندرا..اقصد ابوها...الكلام ده يمكن يبقى جد "عشة مبارك ما تسمعنا" طبعا بتها اسمها سارية ومسمنها على سارية الفاااااالح ده ارهاصا منذ الصغر...
فاضلابى الف شكر ليك ..ويغطى على الكل ويحفظ الجميع
ابو جهينة وليك عاطر الشكر وعقبالك نفرح بى اولادك
محمد السر اللهم امين...وعقبال بيك نفرح
الخرد الاعزاء...انتو اهل ودى مسألة وراثية
مها بشير الوفية
God Bless You Too.
ود العباسية ...هو ده صف شنو كان؟؟؟ هههههه غايتو لو انا طلعت نسيبتك فى الدنيا دى ...اجهجهك جهجهة تشوفا براك ههههه ياخى الف شكر ليك
تارا العزيزة تارة وتارة اخرى لذيذة ههه
الف الف كتر خيرك
معتصم الطاهر ...بصدقو..عندى منو كوم "قدر الكون ده كلو واكبر بى كتير" زى ما بقول وردى واشكرك شديد
فجراوى انا مستعدة اطلع معاك خلا العالم وبراك تشوف البغلب منو؟؟
ممكونة البى الجمال مسكونة ...تفرحى بى جديدك...وجديد العندك
بلة موسى: تدفع كم؟؟
وللجميع هاكم الشبال ده....
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
ومنك لى غادى لهذه المساحه لانسانه اسما (ام ساريه وسرين).. تدعى تمـــــــاضر
قاسم الاشياء التى جعلت الموج الصدق يعيد ترتيب الطبيعه فى قانونها الجديد00
ان نصله هذا التمثال مستحيل لكن يكفى ان ناخذ صورة (منهما)بالقرب منه (الحلم)
من كل القلب الان يزيد النبض انفعالا لهذه النتيجه00
وبالتالى يكاد الان فى مقربة للطيران........
ساريه وسرين احبكم بحر000
ومن كل القلب موجكم هدر..
بان نراكم كما تتمنو ونتمى كذلك...
| |
|
|
|
|
|
|
|
|
 Re: (Re: Tumadir)
|
ما شاء الله تبارك الله
الأستاذه تماضر+ساريه+سيرين
ربنا يحفظكم و يرعاكم
ويا عين يا عنيه يا كافره يا نصرانيه
| |
|
|
|
|
|
|
|
|
|
Re: Re: (Re: الواثق تاج السر عبدالله)
|
تماضر
أقول شنو ؟
فرحت بيهم وزاد فرحي بيك .
و ........
.......
......
.......................................................
....
داير أواصل لكن خايف على البادوث . خلينا نتلاقى عينك عينك .. وأتحدى حينها البحاول يفصلني منك .
| |
|
|
|
|
|
|
|
|
|
Re: Re: (Re: تراث)
|
تراث: طبعا نحن بيناتنا فى شراكة...ما عارفاها معلومة ولا مجهولة بالنسبة ليك..
ده سر ظليت احافظ عليه كل السنين دى ولاول مرة اذيعو...
انا بحب مرتك....
هههههههههههههههه...
ولا اكمل الله لكم باندوثا فى نجاح لديكم...
| |
|
|
|
|
|
|
|
|
|
Re: Re: (Re: رانيا بابكر)
|
رانيا بابكر وفرحك بنا لا يقل عن فرحى بك..فى معرض الزهور...لك التهنئة ثانية...والمحبة ذات الورود.
| |
|
|
|
|
|
|
|
|
|
Re: Re: (Re: Tumadir)
|
الواثق:
يكفينى ان اقبض على "سارية" العلم وليرفرف عاليا ..وكل الحبايب يكونوا معانا .معانا وينافسوننا فى الجمال والتفوق.
شكرا ليك يا اصيل
| |
|
|
|
|
|
|
|
|
|
Re: Re: (Re: رانيا بابكر)
|
افرح سارية هاك شبال وزغردى تانى ياسيرين
اولاد النبوغ بالحيل محروسين برا وياسين
افخرى ياتماضر حق ماضاعت عليكى سنين
كفاية تكونى انتى الام ويكون الجد هو شيخ الدين!
| |
|
|
|
|
|
|
|
|
|
Re: Re: (Re: نادية عثمان)
|
نادية السمحة والله جيتك محرية
وسمح القول مأصل فيكى ما عارية
بكرة نشوفو فيك ،فرحة جناك تلقيا
نزغرد نملا حوشك والشبابيل مية
| |
|
|
|
|
|
|
|
|
|
Re: Re: (Re: Tumadir)
|
المداخلة دى لى صديقاتى الغايبات وعارفاهم كانوا حيهنونى ويفرحو لى:
جندرية ام هبوية: النجاح حارسها والفلاح راجيها
اشراقة ام مرافى وواصل...الولدة الناجحة
بيان من جيناتكم يا ستى
رجاء ونفرح لى جديدك وشكرا على الكرت
راوية والف عقبالك...
مريم محمد الطيب: ما مشحودة ياهم جناك
شيرى انتى وين؟
عائشة مبارك عمرو اول ولا سارية نقول
عالية: ام فاطنة السمحة
الحاضر يكلم الغايب
وياحليلكن....
| |
|
|
|
|
|
|
|
|
|
Re: Re: (Re: Balla Musa)
|
هندى؟؟
يابلة موسى مالك دايرنى ارجع لى ناس حقوق الانسان عدتهم وانزل ليك فى الهنود ..سلخ؟؟ هههه هنود شنو كمان؟؟ ده سارية صلاح عوض الله...خمج كمان؟؟ وتعال اوريك عنصرية الامهات على اصولها..
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
يا سارية...امسك الخشب امسك الخشب
طبعا دي علي وزن
يا سارية...الجبــل الجـــبل
| Quote: أيها العالم: اهديك ...سارية وسيرين |
ونحن نهديك تهانينا القلبية لهذا التفوق الكبير
ونفرح لفرحك وانت تتذوقين طعم نجاح الابناء والذي
لا يعدله اي فرح آخر في هذه الدنيا.
الف مبروك لسارية وسيرين وهما يعبران طريق النجاح
في بلاد تحتفي بالنبوغ وتفتح له المنافذ الي السماء.
وينو الشربات
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Marouf Sanad)
|
أختى المبدعة أم سارية وسيرين
الاستاذة تماضر
ماشاء الله ربنا يحفظهم ويوفقهم فى كل مناحى الحياة..
التحية لك ولوالدهم الفاضل أستاذ صلاح عوض الله فهما فخر لكما ولنا وللسودان..
مازلت أذكر هدؤهما وتفوقهما وهما مازالا يافعين ..
أغر الله بهما أعينكما..
عمهم وخالهم
عبدالعزيز خطاب
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
الي بنت الأستاذ الكبير ومربي الأجيال العظيم
الي أم ساريه وسيرين
نعم الآله علي العباد كثيرة وأجلهن نجابة الأبناء
أكاد أن أري أن والدك ووالدهم ووالدنا جميعا يبتسم في قبره لهذا الخبر الجميل
سيروا وعين الله ترعاكم
أخوكم د متوكل
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
الاستاذة تماضر.....
مبروك عليك انتي في الاول هذا النجاح ...وهذه المثابرة علي العلم...
وخالص التهاني لسارية وسيرين... ومزيدا من التفوق والنجاح..
كل التحايا...
وابقي عشره علي التعويذة من:
Quote: عين الحسود فيها عود وعين الفتاه تقد الوطة وعين الصبى شرا غبى
وعين الراجل فيها مناجل..وكل العيون الحاسدة..الله يكفى الشر |
| |
|
|
|
|
|
|
|
|
|
هدية (Re: Tumadir)
|
الغالية تماضر
هدية من ايدك مقبولة
شباب وعلماء للسودان
ولادة الهنا ما شاء الله
| |
|
|
|
|
|
|
|
|
|
Re: هدية (Re: mohmmed said ahmed)
|
محمد سيد احمد: فى حديث شريف بقول "تهادوا تحابوا" عشان الحب هديت ليكم..ولما تقبلو معناها قبلتو رمز جميل..
شكرا للقبول.
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Osman Hamad)
|
الف مبروك يا تماضر لنجاحات العيال وأقبالهم على علوم العصر وفق مايتقبلون لا ما يفرض عليهم . ما أحسنها من تربية . لقد افرحتني أنجازاتهما كما افرحني اسماهما سارية وسيرين.
لدي قصة بعنوان يا سارية
عن شخص كلما تخلى عن جبل همومه هتف هاتف بداخله وخارجه ينبهه قائلاً يا سارية فيعود للجبل من جديد صاعداً نحو الهاوية . لم انشرها لكنها قديمة كتبتها منذ أكثر من عشر سنوات.
ساريتك على النقيض يصعد هو وشقيقته نحو علوم القرن الحادي والعشرين . أحييك في شخصيهما وأحيي شخصيهما فيك يا تماضر واحيي والدهما الذي لم اتشرف بمعرفته.
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Bushra Elfadil)
|
بشرى الفاضل
يكفى والدتهما انها تشرفت بمعرفتك ياجميل.. ما زلت اذكر كرمك الفائض وزياراتك الوفية لنا فى مستشفى جده عندما كانت والدتى فى فراش الموت...ودعوتك الكريمة لى ولجمع المثقفين والفنانين..ليجتمعوا بى ...ومجموعة الكتب التى اهديتها لى..وكل شىء منك كان رفيعا..وجميلا...
يبقى ان انتظر منك النص ...وتكون قد اكملت دائرة الكرم..
الاسماء من اختيار الوالد ..يابشرى..الان هل عرفت كم هو رفيع ذوقه؟؟
لك محبتى والامتنان...
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Osman Hamad)
|
عصمان حمد: لا لا لا مافى وعد ولا حاجة تعال شيل عدتكم الجبتوها لينا..هدى ماليه لينا البيت
وشن طعمها: عراقى وراكوبة وملاح بامية ...؟؟ قابضننا بيها لى يوم الليلة ونكتب فى الشعر والطنبور تنق تنق تنق والدلوكة طنقا طنقا طنقا طنق...لا لا ياخوى بتى دايرة تبقى رائدة فضاء....الا تجيب لينا كوكب حتى نستعيد الموافقات ونبدا المشاورات...
قال وعدنا قال...
هههههه شكرا ياخى..
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: ثروت سوار الدهب)
|
ثروت سوار الدهب:
انقر يسرى ما كانت بتسألنى السؤال ده...what do you want to be فى المستقبل?
اقول ليها: انا حسة فى المستقبل...البمرقنى منه شنو؟
هههههههههههههه
تكون احسن منهم...بتك الحلوه الشقتها ديك...ان شا الله.. وشكرا يا صديق يا عزيز
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Tumadir)
|
Quote: ربنا يحفظهم.
كنت شاهدا علي تفوق هذا السارية منذ أن كان
في بلاد الملايو.
اتمني لهم ولك مزيدا من النجاحات.
عماد خليفة |
شاهد عيان تاني
اللهم احفظ وبارك
والتهاني عبرك لوالدهم لحين ملاقاته قريباً
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: yasiko)
|
الأخت تماضر بت شيخ الدين
أولا التحية لك على حسن التربية وحسن التعليم وحسن التوجيه والتحية عبرك للعالم الصغير سارية وعالمة فضاء المستقبل سيرين
والله هذا فخر لنا جميعا نحن كسودانيين وإنشاء الله ربنا يحفظهم لك وللسودان ونتمنى لهم ولك مزيداً من التقدم والسعادة والصحة
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: Habib_bldo)
|
تماضر الحنينه
يا غيمه ماطره عز الهجير
ربى يزيدك ويغرقك فى الخير
تبااااااااااااارك الله وعينى بااااارده
ده فخر لينا كلنا وعزة يعلم الله
الله يرحم مربى الاجيال شيخ الدين
ربنا ضوقك طعم ربايتو ليك
وان شاء الله انتى تضوقى طعم رباية وليداتك
لى جنا جناهم ..آميـــــــــــــــن
| |
|
|
|
|
|
|
|
|
|
Re: أيها العالم: اهديك ...سارية وسيرين (Re: soma)
|
Quote: ربى يزيدك ويغرقك فى الخير
تبااااااااااااارك الله وعينى بااااارده
ده فخر لينا كلنا وعزة يعلم الله
الله يرحم مربى الاجيال شيخ الدين
ربنا ضوقك طعم ربايتو ليك
وان شاء الله انتى تضوقى طعم رباية وليداتك
لى جنا جناهم ..آميـــــــــــــــن |
ويعنى بعد الدعاء السممممممح ده انا اقول شنو غير امين ياجميلة القلم واللسان...
ويديكى ...وتفرحى بالعندك..يا حبيبة..الكل
| |
|
|
|
|
|
|
| |
Tumadir
خدر
Hussein Mallasi
عثمان فضل الله
معتصم دفع الله
zola123
ريهان الريح الشاذلي
elhilayla
ملكة سبأ
Yasir Elsharif
aymen
lana mahdi
Elawad
Balla Musa
Agab
ahmed haneen
عبد المنعم سيد احمد
munswor almophtah
أبو ساندرا
fadlabi
ابو جهينة
Kostawi
ودالعباسية
معتصم الطاهر
الملك
mamkouna
معتز تروتسكى
رانيا بابكر
الواثق تاج السر عبدالله
تراث
Bakhaf
alfatih
Imad Khalifa
omar ali
Marouf Sanad
عزيز
Hatim Salih
Mutwakil Mahmoud
Mohamed Elbashir
Ehab Eltayeb
elsharief
Mahathir
mohmmed said ahmed
Hani Abuelgasim
Amin Mahmoud Zorba
Osman Hamad
HAMZA SULIMAN
Bushra Elfadil
عبد الباقي الجيلي
لؤى
yasiko
Habib_bldo
فيس بوك
تويتر
انستقرام
يوتيوب
بنتيريست