عيوشة -صورة من الواقع المرير -محمد الحسن حميد -غناء الفنان عادل عثمان الطيب
عيوشة - محمد الحسن حميد بصوت الفنان عادل عثمان الطيب غنى جزء منه الفنان عادل عثمان الطيب ويلاحظ تغييرا كبيرا فى بعض المقاطع وتجاهل بعض المقاطع الاخرى وحذفها مما خاق اختلال كبيرا فى بعض الابيات والمعانى بطلب من ناس المصنفات الفنية حتى يسمح باجازتها ولا ادرى هل تمت مشاورة حميد فى ذلك وهل وافق على الحذف والتقطيع وما تم فى قصيدته ؟؟ *********** النص رائع ومعبر كعادة حميد دائما ملى بالصور الجمالية والقصصية التى يرمى من وراءها حميد ويعرج ضمنا بداخله على معالجة ما يحدث باسلوبه السهل وسرده الرائع ....................................... ................................................ عيوشة محمد الحسن حميد ..... منبوشة.. نبشوها قبّالك بت حالا زي حالك زي كلمة مفقوشة عودا انبهت حرقان زي شتلة معطوشة عينيها رماشة أم لمبة فتاشة من طاقا جاتا الريح كتر البكا التجريح خلاها دعموشة تلوشة.. ولاّ ضفاف خيّم عليها جفاف زي صرخة الغرقان فوق موجة بين فيضان شعراتا منكوشة شفع مبارياها عيوشة.. عيوشة الليل هديماتا .. شمش الله برطوشا تشرب من الشارع.. تاكل من الكوشة عيوشة.. عيوشة ترقص لهم رقبة صقرية جابودي السمبة كاروشة عيوشة جامايكا الهورس عيوشة سلولي عيوشة وعيوشة ماب ترقص لكنها الدوشة تفلت من الشفع فىالفلتة تتّرتع تدخل علي بيتا.. ستاتو منمدي ناسو بعرفوها .. لكن يعافوها دايرين غسيل عدي؟ شاكرين يا دقلوشة يدوها عيشايي بي دمعة مرشوشة وتتملك الشارع خطواتا مربوشة فى السوق مع الأطفال عيوشة.. عيوشا عيوشة.. عيوشة الليل هديماتا.. شمش الله برطوشا تشرب من الشارع.. تاكل من الكوشة عيوشة.. عيوشة على قدر ماكاست عينيك ما لاقت غير مطبقة وبصلة المطبقة انهردت.. والبصلة مقروشة ما قلنا مقشوشة قشوها قبالك ديشك ياعيوشة يا الحاضر الغايب في الدنيا ما جايب خبر المديني الكان على رغم ما فيها من فاقة من حرمان مرات اياديها تعطف على الانسان بي فكة بي قروشا بي كلمتا طيبي بي فضلة من مطعم أو برتكانايتا.. ضرباني في كوشة والليلي باتت زي.. بيتا في آخر الحي ناساتو منبوشة ياجرحنا الهايم طول النهار حايم يلبد اذا ما شاف صحبانو مكشوشة يضحك اذا الكومر قبّل على كوبر ولاّ المديريي يتمطّق الفرحة بس فرحة مغشوشة إن تنجا من كشة دردير وتلتيلة كيف تنجا من جوعا من بردها وليلا عزّت برنداتا أوكارا مطروشة بيت الله قافلنّو مستشفى غافرنٌو ساحاتا مرشوشة كم يوم يعز النوم رغما عن المشموم والدوخة والدوشة دي مدينة ما هيلك ما في البشبّهلك مافي البناديلك لا في البخاويلك غير ناس أحاويلن قطعا أحاويلك أصحابك الساعتك لابد يعاينولك صمتا يجيبولك باكر تلاقيهن في وجبة فوق كوشة جم مجرى يحكولك ودونا لي ضابط كالعادة وانكفرن قال وين أوديهن والعندي ما قادر بالموية أكفيهن والعسكر أدونا سيطان وفكونا كالعادة ياخويا حيكومة مربوشة دايرين شغل.. مافيش غير نغسل العربات غير نضرب الاورنيش عتالة جرسونات شغلا ميكّل عيش وبالحالة دي الكشة بلديي والبوليس مرات يجيك الديش ما يقبضو الباعوض ما يقبضو الضبان والماب يدور فتيش الأرزقي السمسار اشمعنا نحن وليش نحن الحراميي ولاّ البدسو العيش الزول يخاف يكفر يرجع يقول معليش شقيش نقع شقيش حتى السجن ما فيش ما فيش ياعيوشة حين تكبر آه أواه وآدم يدور حواه الطيرة بعشوشة الفارة بى اجحاره الكل بمأواه وهني في ابن آدم تاه ملجاهو أرض الله لا أوضة لا حوشا يا بونا يا الأسود يا أمنا القرقد يا داجي وين ترقد جاك المحل قاسيت لا من هجرت البيت فض المطر فضيت أم فضضوك غصب دارك لقيت حرب كرت عليك فريت كان ما في غير تنفد بي لونك الأسود.. بي شعرك القرقد بي فالك الشامخ زي تاج أبو الهدهد لا من يطير في الجو يختا المدن ينفد كان ما في غير تشرد حاشاك من عيب تب لي شينة ما ختيت دغري وعراض ايديك بس كفها اتعود في الأرض يرمي الحب ما قنبلة ودلميت جيت المدن لا قيت من سيدا ما لاقيت تحرس عماراتو علشان تمسي تبيت يتربو زي ما ربيت كم للعرق شديت زوغت أمن كريت جاملت جاراتو وأول تتم ترحل لي سيد خلاف السيد ان غيرو الأتياب لكنو نفس القيد نفس الربط ذاتو يا ماشي دون راس خيت وين كنت لما الناس انقسمو الواطا في مدن تجز الراس كان زولو ما طاطا كت ما في ولا أبيت واصبحت مقطوع راس زي ديل كتير من ناس لا أوضة لا ضل بيت فتحنا لا قيناك وأول ما شالنا الحيل براحة في ذات ليل يا أبونا خليناك خففنا ليك الشيل تقلت بنا الخرطوم وفرنا لقمة عيش موية ومحل للنوم سامحنا .. عافينا يا أصلنا الحنان سامحنا غيرنا اسامينا شان نحيا باطمئنان ديك انقلب عثمان هاشم بدل دلدوم ومن وين؟ من ام درمان؟ وناس بيتنا منولفين بس لكنة الرطان تفضحنا بعض الحين وان كنا يوم في يوم ماشين بنتعود على لهجة الخرطوم في ولاد عرب بالكوم طالعين سوا ونازلين يفرقنا إلا النوم ما الحالة من بعضا.. مطروش ومطروشة إكوان قد قابل فوق كوشة عيوشة يالتحكي دون تبكي وفي وشو بتعاين شوف فيهو شن باين غير دمعة مكشوشة قشوها ناس اخوان إكوانو عيوشة بي صبر كان طول على حال حيتحول قصر الزمن يا زول.. ولاّ الزمن طول لا بدّ ينحول ما فيهو من آلام لا بد ينحول في يوم من الأيام لي دنيا مفروشة بالعافي والطعام لي كل فم ما دام في غلابة بديوشة بي جاي وبي غادي قل وكتر بوشة تخمج تحت حكام مندلدلي كروشا فاوا وتفل لاقّي نار الغضب باقّي تالاها محموشة جرفت لبقة الليل وانطمبجت د######## لا عينا بشموسا الحال حيتحول لابد بيتحول قصر الزمن يازول .. ولاّ الزمن طول لا بد من فوقة.. ومن تنتهي الدوشة قولا قبل قلنا وكتين نصر نحيا ما في البكتلنا قولك ياعيوشة لا النفس طماعة غاشاك ومغشوشة الدنيا دنيانا زرع ايدنا نديانا لا صيصة لا كرموشة وماك ماشي جيت غاشي ليك خيرا بنسبل لا كتّي شحادة لا الديك بتنوكل لا جيتا دناعة نمسح لك الجردل أخرت لك ساعة تلبت في حوشا في حزك المنجل وشوالة مخموشة ناسي إنو مزروبة بي شوك حبيبينة وحارساهو كلوبة وكلوبة ياب ووبة ويات توبة بتحوشة يالنفسو ما هيّ شن جبهة منكبة بي عمة كاكية وطاقية طربوشة جمب جبهة دغرية العمة ملوية فوق راسا مكوية ترقش بياض نية بالهيبة منقوشة زي وشم فوق اخوان شلخا في عيوشة ياجرحنا الطول جاييك زمن طيب خيراتو ليك أول صدقني ياطيب يا أرض يا جدول كادتنو بي معول والليلي تتجول عينيك مدهوشة من كنت تتسول في مدينة ما هيلك من كوشة لا كوشة

09-29-2003, 08:45 AM

حمزاوي

حمزاوي
تاريخ التسجيل: 10-10-2002
مجموع المشاركات: 11622

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عيوشة -صورة من الواقع المرير -محمد الحسن حميد -غناء الفنان عادل عثمان ا (Re: sheba)
سلمت الايادي وسلمت عيوشة والكتب لي عيوشة

09-30-2003, 00:09 AM

sheba

sheba
تاريخ التسجيل: 12-15-2002
مجموع المشاركات: 1874

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

حميد (Re: sheba)
شكرا جميلا لكم وهذا هو حميد بصراحته بصدق شعره ولكن لنسال ماهو سر الشخوص فى اشعار حميد عبد الرحيم ست الدار الزين عيوشة نورا الضو حمتو وما هو الرابط بينهم انه حميد وكفى (عدل بواسطة sheba on 09-30-2003, 07:37 AM)

09-30-2003, 03:25 AM

ودرملية

ودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حميد (Re: sheba)
سلامات الاخ شيبا شكرا علي هذا الجهد المقدر وسلمت اليوم التقيت الاستاذ الشاعر مدني النخلي وتجاذبنا اطراف الحديث عن سودانيز اون لاين وقلت له بان هناك زميل يحمل اسم شيبة كاسم حركي انزل قبل فترة احدي قصائدك لمصطفي سيداحمد وهو دائما مايتناول كتاباتك التي غناها المبدع الراحل المهم هو يغريك كثير السلام وبيقول ليك انا للاسف الشديد ماقاعد اخش النت وتمنيت كثيرا لو التقيتك في السودان ان كنت موجودا هناك وكلفني بنقل تحياته لك لو عندك اي وصية للاستاذ مدني تصل انشاء الله ياشيبة مع خالص الامنيات (عدل بواسطة ودرملية on 10-01-2003, 03:35 AM)

09-30-2003, 08:41 AM

Al-Shaygi

Al-Shaygi
تاريخ التسجيل: 11-16-2002
مجموع المشاركات: 7904

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عيوشة -صورة من الواقع المرير -محمد الحسن حميد -غناء الفنان عادل عثمان ا (Re: sheba)
الأخ الكريم Sheba لك الشكر على نقل إبداعات حميد ود نوري الخضراء. فيما يخص عيوشه وعادل عثمان الطيب فإعتقد وحسب حميمية العلاقة بينه وحميد بالإضافة لتواجدهما في تلك الفترة بالعربية السعودية، حميد كان في مكة المكرمة وعادل في خميس مشيط بالمنطقة الجنوبية وما زال بها، وكثيراً ما كانا يحضرا سوياً إلى الرياض لإحياء المناسبات الخاصة بجمعية القرير وإتحاد مروي . فلا أعتقد بأن التغيرات التي أدخلت على القصيدة لتأديتها وتسجيلها أن تكون تمت بدون علم حميد. كذلك لحميد قصيدة غناها أيضاً عادل ولكن لم تسجل رسمياً وهي قصيدة للسلام مطلعها: سوقني معاك يالحمام سوقني محل ما الحبيبة تراعي الغرام ... .... وهي قصيدة تدعو للسلام ونبذ الحرب والتقاتل بين الأشقاء أبناء الوطن الواحد وهي في غاية الروعة. القصيدة طويلة وأعد بنشرها هنا نصاً وغناءاً بصوت الأخ عادل. شيء آخر: رجاء من الأخوة من لديه قصائد حميد - ست الدار و الزين وحمتو أن ينشرها لنا هنا مشكوراً. (عدل بواسطة Al-Shaygi on 10-01-2003, 03:51 PM)

10-19-2003, 07:05 AM

maman

maman
تاريخ التسجيل: 11-21-2002
مجموع المشاركات: 1041

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عيوشة -صورة من الواقع المرير -محمد الحسن حميد -غناء الفنان عادل عثمان ا (Re: sheba)
الأخ Shaigi ما زلنا في انتظار انزال سوقني معاك يا الحمام قصيدة حميد عن السلام ، أداء عادل عثمان الطيب..كلمات القصيدة نقول: سوقني معاك يالحمام ... ... سوقني محل ما الحبيبة قريبة تراعي الغرام غريبة الأشواق حبيبة يجيبا منام في منام ... ... سوقني محل ما المحنة وأيادي تقطر سلام سماحة الحياة فوق أهلنا وبلادي تقرقر وئام ... ... غلابه وأمان مو الطيابة ضكارى بصارى وكرام حبابه الحبان في بابه وتدخلوا عليّ الحرام فقارى ولكن غنايا غنايا بهذا الغمام بهذا النيل كم تغايا وتيراب النرميهو قام ... ... إرادة القمره البتقدر براها تضوي الضلام شعاع شمشاً ياما خدّر وإذا يبَّس لا يُلام ... ... فيابا خرابا الحرابة وخرابة فكر سوسي سام خرابة الكل نفسو تأبى عقابه .. تلِم عم سام ... ... ولِيد مخلوق للقرايي خزين مدخور للجِسام تتمر نيتو التخايي إلاما مذهلل إلام درب من دم ماب يودي حرِب سُبّه .. حرب حرام تشيل وتشيل مابِ تدِّي عُقب آخرتا إنهزام ... ... بطانة الشيطان قديمِة وبعد دا منو العرشو دام إذا الإنسان ما لوُ قيمِة علي إيش خلَّفُو سام وحام ... ... تعالوا الدم ما هو مويةِ ولا ها ترايي المسام أخويا وطراوة الخوة إبتسام ... ... تعالوا نحانن بعضنا نخل قلبو على التُمام نبضنا يشهل أرضنا وأرضنا تجِم العضام ... ... تعالوا بدل نبني ساتر نخيب ظن الصدام نطَّيب للعازه خاطر نقوم لأطفاله سام ... ... أخير كرّاكةً بتفتح حفير وتراقد الركام أم الدبابة البتكشح شخير الموت الزؤام ... ... تعال لي غابتك يا خيرا تعال لها يا أسده الهمام بدل دوشكة يغني طيره محل قنبلة عش نعام ... ... بلد صمَّي وشعب واحد عصية على الإنقسام أبيه وبكراها واعد صبية ومشهاده تام ... ... بساطه أحمدي كم يشيلنا وتشهِّلنا على الدوام نَقِل ليلنا تقوِّي حيلنا ودليلنا تمام التمام ... ... نلقّم سقف المتاهة نجم هدّاي في الضلام ونطعِّم حرف النزاهة لإيئلافك يا حمام ... ... ديموقراطية وأمان سوا .. سوا عالين مقام مواريثنا المن زمان محصَّنة في أروع نظام ... ... بريدك يا زول بريدك بعشقك حتّى الهيام أريحيتك عد تزيدك مهابة وليك القيام ... ... عهدي معاك يا حمام حبِيْب الرُسل الكرام رسول الأمراء العظام عصامي على ما يرام ... ... ماب تهدِل في خنادق ولا ب تقدِل فوق حطام ولا ب تنزل في فنادق وسطنا مراعيك قُدام ... ... فيا ملدوغ من أديس معوَّق في كوكدام تعال عمِّر فينا ميس كفانا طشيش الكلام جناحيك جنوب شمال وأمش طوِّف يا حمام محِل غصن العزّة مال عليك وعليهُو السلام حكيم الطير يا مهبِّر شُراكة القَتَلة اللئام متين بإسم الحق تكبِّر وبالرحمة تصلِّي إمام ... ... فلاحة العالم تعمر محبّة مودة ووئام تشمِّر ساعد السلام ... ... سوقني زمن كُلُّو عافي نتاجو عِلم خيرو عام بري آيمة من المنافي وطن وافي على الدوام *(عدل بواسطة maman on 10-19-2003, 12:20 PM)*

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]