|
الرووووووووووووووووب
|
أحبتي في هذا البورد، أمد أليكم استغاثتي، فأنا- في معناً أثير عندي لمحمود محمد مدني، أحسبني أحتاج دوزنة ً وترًا جديدًا لا يضيف إلى النشيد سوى النشاز لغة ً تفتش عن أراض ٍ خصبةٍ شمسًا تغير طعمَ فاكهةِ الشتاء وقتـًا أجاوزه لوقت قادم لا وقتَ فيه لباعةِ التصفيق واسم العائلة هل فيكم من يفرج ضيقتي- في هذه الغربة الحلو مرة- بتسجيل صوتي (على شريط لو أمكن الحال) قابل للحفظ أو التحميل لفريدة عمي سيف الدين الدسوقي: ما في حتى رسالة واحدة؟ يصدح بها حنين الراحل الغريد الجابري، وذا نصها مافى حتى رسالة واحدة بيها أتصبر شوية والوعد بيناتنا انك كل يوم تكتب .. الىّ هل يجوز والغربة حارة بالخطاب تبخل علىّ؟ *** لما أخر مرة شفتك قبل ما أودع وأغادر كنت حاسس أنى خائف إنى متردد ..وحاير داير أتصبر أمامك داير أضحك ومانى قادر بس دموعك لما فاضت ضيعت صبرى الشوية وصحت موعدنا الرسايل وين رسايلك وين كتاباتك الىّ *** وصرت بعدك يا حبيبى ذرة فى بحر الزمن بعت للتجار مواهبى بعتها بابخس تمن وحشة ما بتعرف رسايل وغربة عن أرض الوطن بس أمل واحد بعيشه لو رسالة تصل ..إلى بيها أطمن عليكم وتنقذ الموقف شوية *** من عتابى أظن عرفت إيه مكانتك فى فؤادى أنت يا فجر المحبة تستحق شوقى وسهادى أنت صورة ماضى أبيض ولوحة بتمثل بلادى *** بس حرام تبخل علىَّ وتنسى ما ترسل هدية حتى لو كلمة أحبك في خطاب مسرع إلى ومن جهة ثانية، هل أطمع- زيادة- في من يستأثر بتسجيل يصلح للتحميل أو الحفظ لدرة الرقيق، شاعر العيون، عبد الله النجيب: عيونك كانوا فى عيوني، بصوت حنان النيل؟ بنصها التالي عيونك كانوا فى عيوني ... يصدوني وينادوني أخاف لو قلت حبونى ... وأقول يمكن يحبوني يعزوني ويصافوني... عيونك كانوا فى عيوني *** أصبر بي هواك البال ... وأزرع قلبى بى الآمال عشقتك وكنت عندى خيال .. مجرد حبى ليك محال أداريه واخليه .. وأخاف من قلبى يحكيه عيونك كانوا فى عيوني *** ظروفنا تحرم اللقيا ... تعادى الحب ولو طاهر يعيش فى خوف من الدنيا ... يكون مكتوم وما ظاهر فكيف احساس ... تحسه الناس... نضيق بيهو ... ونعاديه وكل الكون يشك فيه .. عيونك كانوا فى عيوني ** حبيبي لانك انت عفيف ... رقيق بتخاف من الأشواق تعال .. نتحدى حتى الخوف ... تبوح بهواى وأقول أهواك ... نكون ظاهرين.. وما خايفين نعيش ليه... ونذوب فيه نجاهر للانام بيه.. عيونك .. كانوا فى عيوني ** نحاول نبرز الاخلاص... وزادنا البهجة والنشوة نفتح فى قلوب الناس... مشاتل من حنان حلوه نقول ليهم .. نوريهم... معانيه... وأمانيه ونفخره للجميع بيه.. عيونك كانوا فى عيوني قولوا آآآآآمين
|
|
|
|
|
|