يا اخوانا شوفوا الابداع وبرضوا يقولوا ليك يا تير يا تاير

شكراً يا اللندي .. لكن أنا كنت مكفكف يديني منتظر منك شكلة أم قلب .. لاني شفت ناس غبيانين كتيرين ممكن الواحد يطعّنك لو قلت اي حاجة في الفنان المعجب بيه .. حتى لو كان هذا الفنان من جامايكا و لم يسمع بمصيبة اسمها السودان

شكراً ليك على الرد وعلى ايراد المثال الذي سردت انت هنا لإثبات تواضع وردي .. لكن يا أخي الليندي لا تنسى أن الكلاكلة هي حيّه .. والمدرسة هي مدرسة بنته ومدرسة أبناء جيرانه ومعظم أقربائه!!! في نظري هذا لا شيء .. لكنه يعني بالنسبة لك شيئاً

ولو جئنا لذكر الأمثلة سنداً لما سمعته أنا عنه فالامثلة لا تحصى .. وتعكس عكس ما ذهبت إليه انت بايراد ذلك المثل

على كل حال .. ليست لي علاقة شخصية مع وردي .. وكل ما عرفته عن حياته الاجتماعية وعلاقاته الانسانية كان من بعض أصدقائي ومعارفي الذين احتكوا به .. وكلهم ليسوا من الكلاكلة .. يعني ما من حِلّتو. بس غناه ده أنا ما عندي فيه كلام .. استمع اليه إلى ماشاء الله لأذنيّ .. ما عدا تلك الاغنية التي وافقتني الرأي فيها .. في الناس القيافة . وبرضو حرّمت الحب والريدة. وممكن أن تكون مثل هذه الاغنيات هفوات، كما قلت أنت

تعرف يا الليندي .. أنا مرّات كده أقول لو عندي سلطة أسحب إسماعيل حسن وصلاح أحمد ابراهيم وعمر الطيب الدوش من سِجِل وردي .. أي والله. بعد داك الـ يعمل الـ بيعملو

ولك احترامي
شنتـير يا الليندي

عيييييييييييييك يا سكوتاوية .. بالهبل الأمثلة .. ما ليها حد. بس انتي براكي اتوكلي على الله وفتشي .. أما أنا فساحتفظ باعجابي باغاني وردي .. وعدم ميلي اليه كزول

غايتو ما عارف .. انا عاملتك هنا باعتبار انك أخت .. الله يستر ما تكوني راجل. في الحالتين أنا من المعجبين بغناء وردي .. ومن الذين لديهم الف سؤال حوله كزول

تسلمي أو تسلم.. وحات سيدي الحسن ما عارف أفرز الجندر بتاعك من إسمك

العفو إن تجاوزت