|
عازماكم عشاء رهييييب
|
يا أخوانا .. الحاصل شنو . سحروكم ولا شنو الحساد ؟؟ والله في عين صابت البورد ده .. ياخي كلو ما نفتح لازم تكون في شكلتين أو ثلاثه كحد أدنى .. ليه يا جماعه ؟؟
يا أخوانا .. الكمال لله وحده .. و مهما الناس وصلت من درجات و مراتب .. الأقلام والعقول ممكن تبقى واحده .. ما في زول أحسن من زول ... مافي داعي للتعالى .. وكلو زول عندو اسلوبو الخاص لتوصيل الفكره .. والبساطه عمرها ما كانت جهل ..
تاني حاجه .. وين الديمقراطيه البيتكلموا بيها الناس هنا .. اذا النقد بقوم حرب .. دي اسمها ديقراطيه ؟؟ لمن أقول لفلان انت غلط و ستين غلط .. و يقوم علي حرب كلمات ما ليها أول ولا أخر من غير النظر لماذا قيل الكلام .. ده اسمو ديموقراطيه .. ؟؟
استفدنا شنو من ده حسي ؟؟ سؤال أطرحوا للجميع .. و بالله جاوبوا .. ياخي خاف ورا خلاف.. صراع ورا صراع .. دي ما حاله صدقوني و ما حنمشي خطوه لقدام ... ياخي فكونا من الكلام و تعالوا نبقى يد واحده كان فعلا دايرين لينا وطن .. بنلهث وراء الشهره والمناصب و المراتب والكلام المافيهو فايده .. و أطفالنا بموتوا في السودان ما لافين كسره ومويه .. أصحوا يا جماعه .. الكلام ما بأكل ولا بيفيد ...
أعتذر ان كان في كلامي شىء من القسوه .. لكن يا أخوانا بلدنا بتنادينا و دايريين نبنيها وتبقى نعم الوطن .. وهنا البورد ماشالله ذاخر بالخبرات والأقلام المميزه والقويه ..ليه ما نستغلها في البودينا لي قدام .. و والله القصد من الكلام المصلحه العامه و انو نبعد من التنشنه الحاصله دي .. معليش أعفوا لي كان القلتوا غلط ..
رايكم شنو تقبلوا دعوتي المتواضعه دي .. عازماكم عشاء صفاء و ود .. ( في عشاء عمل .. لكن حقنا غير ) .. ؟؟ وكل الناس تتلما و تتصافي و تضربوا أحلى عشا .. ونقوم نغني سوا ( العزال كدناهم .. في لحظه نسيناهم ) .. ونهديها لكل حاسد داير يهدم البتتمنوا تسوهوا للسودان .. أها موافقيين ؟؟
وتســــلموا .. وأعفو لي بالله
|
|
|
|
|
|
|
|
Re: عازماكم عشاء رهييييب (Re: Sakotaweya)
|
وصل اول المعازيم اختي الكريمه اشكرك علي هذه الدعوه الصادقه للتصافي والتعالي عن الصغائر لنسمو لقامه الوطن لنكن متأهلين لبنائه وصيانته لك الود عزيزتي فقد اعدتي مائده دسمه لا تقاوم
تحياتي
| |
|
|
|
|
|
|
Re: عازماكم عشاء رهييييب (Re: HOPEFUL)
|
Salam dear Sakotaweya I really solute you for what you wrote down and you can count me as one of the people comming.. and for that i will not eat lunch and fast the whole day 3ahsan al dinner... by what u said, this is how we will all move foreward towards a one goal unified together for a better future inshallah for our country and against all odds.. all the best
| |
|
|
|
|
|
|
Re: عازماكم عشاء رهييييب (Re: Sakotaweya)
|
حبابك 1000 يا هوبفل ..البيت نور .. أول حاجه مبروك الإسم .. و يتربى في عزك .. تانى حاجه وين الباقيين ؟؟ أنا قايلاكم جايين سوا ومن قبيل راجيه .. يا جماعه سرعوا بالله والا العضه بتفوتكم
لكم ودي , وتســـلموا
| |
|
|
|
|
|
|
Re: عازماكم عشاء رهييييب (Re: Sakotaweya)
|
هلا هلا ود بلال . مراحب ..ماعندك مشكله .. العشا مدنكل .. انسى الغدا .. والله كلامك مضبوط .. دايريين بس نبقى يد واحده .. وانشاالله نمشى لقدام .. يا جماعه الخير بكرر تانى .. أنا ما قصدت زول معين بالكلام ..الكلام عام وعن ممارسات عامه .. فما تفتكروا اني ضد زول معين أو ما شابه .. لأنى زوله جديده تقريبا وما عندي أي عداوه شخصيه مع الزول .. بس كان نداء الوطن من وراء القصد .. أعذرونا و يلا سريع الأكل حيبرد .. هوب فل و ود بلال شايفاهم ماشيين على الصينيه .. حقكم بيروح صدقوني .. سرعوا بالله .
كل الود .. و تـــسلموا
| |
|
|
|
|
|
|
Re: عازماكم عشاء رهييييب (Re: Sakotaweya)
|
سنه يالعنب .. هههههه ألف مراحب يا صدوح .. التحليه ما عندك لكن !! شفتو التحليه دي كيف ؟؟ ياخي دي بقت عضه متكامله .. لوووووول . يلا أها وين الباقيين .. ؟؟
راجينكم ..
وتـــسلموا
| |
|
|
|
|
|
|
Re: عازماكم عشاء رهييييب (Re: Sakotaweya)
|
هلا و غلا .. مراحب أبو جهينه و ترهاقا .. ياخي نورتو البيت عديل كده .. طبعا أكيد مانسيت التركين .. اماتنا ماشالله التركين ده مجضمينو من أيام البلد قبال يسيبنها .. عشان كده ما تشييلوا هم ...أنا من عشاقو عشان كده عملت ليكم تركين مدنكل بي قراصه و شطه و بصل .... أنسوا بس .. ناقصكم ..يلا سريع
وييييين باقي الأعضاء..شنو يعني ما قبلتوا الدعوه شكلكم لكن برضو راجياكم .. وين الريس بكري و الموصلي و سنتمنتال و د.بيان و زوله123 و أساسي و شيري و هدهد و شلبي وسجيمان و فتحي البحيري و عجب الفيا و زول يا زول و تماضر و أبوقوته و حمزه سليمان و منعم2020 و المطر و النضيف و اسامه الخواض و منعمشوف و بت الأحفاد و اوبي و ايمو و ياسر الشريف ولنا مهدي و شنتير و الزنجي والزنجيه و راويه و أبنوس و البصير ابو حمد و انا بنت النيل و در.نت و أبوساره و الطاهر 2 و تمبس و نادوس و سامر ابراهيم و بدرالدين شنا و بت قضيم والجندريه وسوما والسمندل و دقنا و دينق و رجاء وندى امين و و منوت و أبا و بشرى سليمان و الليندي و بن بن و عبدو و الزومه و ابوساندرا وعبدالعزيز وجن و ابويسرا و ايهاب و حليمه 2 و أبواحمد ............... والباقين كلهم نفر نفر ..( اعذروني للما ذكرت اسمهم ..لأنو الخرف حصل يا أولاد امي و ما مستحضره بقيه الأسامي ) شنو يعني انا من امبارح راجيه .. الجوع قرضنا وناس هوبفل و ود بلال و صدوح و ابوجهينه وترهاقا خلاص وصلوا الصينيه و حقكم حيروح
ولاحظت انو مافي زول علق على الكلام الإتكتب فوق عن البورد .. هل ده عدم قبول للكلام ولا شـــنو ؟؟ أرجو الإفاده .
وتـــــسلموا
| |
|
|
|
|
|
|
Re: عازماكم عشاء رهييييب (Re: Sakotaweya)
|
بـــــــــس ... ده المطلوب .. أها شفتوا يا أبو جهينه و ترهاقا , أخونا الفاتح يس ما قصر و جايب لينا بلح البلد اللذيذ ... هههه .. عاد بعد ده ما عندكم اي عذر ..
حبابك 1000 اخوي الفاتج يس .. و راجين البقيه
وتـــسلموا
| |
|
|
|
|
|
|
|