|
|
|
 Re: شتات ... انت عارف ... ولا ماك عارف (Re: singawi)
|
حاجه فيك
لا بتنتهي ..لا بتبتدي
خلتني ارجع للقلم
واتحدى بالحرف الالم
واضحك مع الزمن العريض
...........هاشمنا
الحبيب سنجاوي
أقبل وين ألاقي كلام ؟ وعشان كده سوف استعين برائعة الكاشف
اعلاه ..فهي من الاحب الى النفس ..اهدي حروفها النديه اليك
ولكل من يقرأ هذه السطور ..فأنا أكاد اطير من الفرح ...
شــــكري وتقديري للحروف الانيقه لهذه الروعه ..وأنا شايف
المحاسن والطرايف في صمتك في كلامك ..وأنا عارف أنا بحبك
وتعال نبدأ
.............
كان القلب
مسجون ..محاصر في خيوط
العنكبوت
والأمل ميت تحت عجل الألم
والغربــه ..والزمن البفوت
من يأسي قايل الحب يجي
ويلقاني يابس في الرصيف
ميت مع الامل البموت
لكن خطاك زارن شقاي
دقن وتر وادي السكوت
صدح الأمل فيني وحيا
وجلجل صباحك
في الفيافي
والشوارع والبيوت
...........هاشمنا
الحبيب سنجاوي ..حبي الاخوي الصادق ..وكل مشاعر الود
والتقدير.. لك ..ولحروف السؤال النبيل ..نبل عواطفك
وحتمًًُُُُُُُُُا اعود ..لأني عارف
أنا بحبك
.......................شتات
| |
 
|
|
|
|
|
|
|
 Re: شتات ... انت عارف ... ولا ماك عارف (Re: singawi)
|
وأرى العواذل حين يملكني الظمأ
فأموت من ظمأ أمام ..المورد
وأرود ارجاء البيان وداجيًا
فأضيق من انائه ..بالشرد
أنا ..ياكنار مع الكواكب ساهد
أسري بخفق وميضها المتعدد
وعرفت ..أخلاق ..النجوم فكوكب
يهب البيان وكوكب لا يهتدي
وكويكب جم الحياة وكوكب
يعصي الصباح بضوئه المتمرد
أن كنت تستهدي النجوم فتهتدي
فأنشد رضاي كما نشدت وجدد
وكنت لست تطيق لومة لائم
فأنا ..الملوم علي عتاب الفرقد
..............محمود ابوبكر
وتعال نبدأ ..من اجمل القصايد ..صــه يا كنار
وبمناسبة القصيده ..اخر مداخلاتي كانت في قصيدتك
كلمه ..قلت ليك دي كلمه وبس ..لو كانو كلمات
كتار كنت عملت شنو؟
| |
|
|
|
|
|
|
|
|
|
Re: شتات ... انت عارف ... ولا ماك عارف (Re: singawi)
|
الأخ العزيز عبدو
تقديري للطله النديه ..والسؤال
القرايه ساهله ..الكتابه تحتاج متابعه ..والزمن غدار
وعد بالحضور ..مع خالص الشكر والتقدير
...............وتسلم
الأخ العزيز رضا
نعم حاجه تمام ..وان شاء الـلـه انت تمام التمام
متابعين الصور ..عاوزين نسمع صوتك
تقديري لاهتمامك الدائم
................وتسلم
| |
|
|
|
|
|
|
|
|
|
Re: شتات ... انت عارف ... ولا ماك عارف (Re: singawi)
|
DREAMS....
ســري ناق مي ..وي بونا
وعد صادق بان اكتب ليك كل ما لدي من قصايد هاشمنا
وهي كتار
ولكن بعد ان ..افرق ..حقائبي ..التي حزمتها الي مدينه
اخري ..حيث الاهل وقراصة الوالده ..وقد سماها الاصدقـاء
بالقراصه ..الفقريه ..وللتسميه حكايه سوف احكيها لك من
هناك ..ولكن قبل ان اغادر ..دعني احكي لك عن القراصـه
الهنديه
.....
صديقي الساخر ..لدرجة ..قف تأمل ..العباره دي استلفتها
منو ..يومها كالعاده الكلام عن كل شيئ ..الكوره والرطوبه
ووجع المفاصل الملوحه وملاح الرجله لمن يكون بايت ..من
بين الكلام اتذكر قلت ليهو وبحماس منقطع النظير ..الهنود
ديل شداد خلاص ..تعرف المراسله المعانا ما تشوفو مسـكين
كده ..دا خطير خلاص ..عندو مطعم في الهند
قال لي : يعني فاتح ........ماكدونالد
...................
واضاف ..قال مطعم ..متر في متر ..بوتوجاز بعين واحده
حَله يلخ فيها العجين ..صاج ينجض فيهو البيض ..ويعوس
فيهو ..البراطه ..القراصه الهنديه ..والسلام
...........وتسلمي ..بتاعتك
وفتكم بعافيه
...
| |
|
|
|
|
|
|
|
|
|
Re: شتات ... انت عارف ... ولا ماك عارف (Re: singawi)
|
وبمناسبة الحقائب ..اهديك والساده القراء
................
فاتحه ..
الخطوه بتخنق في الايقاع
والحزن الغامض
لسـه بناهد جوه القاع
والحلوه الكانت شمس ايامنا
صحينا لقينا ضياها خداع
والليل اتحكر وشــتت توبو
وخلف احزانو كراع في كراع
لمتين نتنقل ونطوي الدنيا
ونسرح ..متل الشين الذاع
............هاشمنا
اين الحبيب سنجاوي؟
| |
|
|
|
|
|
|
|
|
|
Re: شتات ... انت عارف ... ولا ماك عارف (Re: singawi)
|
أنا ونفســي ...هاشمنا
...................
أنا ونفسـي وبكا الاشواق
زمن مجنـون
قلق مجنـون
حـزن حـراق
بعيد يا اسمي يا سودان
بعيد يا شعبي يا انسان
حلم مرسـوم علي الاوراق
زمن مصلوب ورا الآفــاق
مسافه ..تجنن المشـتاق
.......
| |
|
|
|
|
|
|
|
|
|
Re: شتات ... انت عارف ... ولا ماك عارف (Re: shatat)
|
ِِشتات
انت من عندنا!؟
برضو من نبتة حبيبتى اسمع دى
انا المديت شراع افكارى
فى بحر الزمن تهت
طويت الدنيا بالافكار
محل ما تميل اكون ملت
ومن الغالى وعظيم القول
كتير مديت ايدى شلت
شان الكلمة شرف الرب
وشان الناس تحس تطرب
وقفت انادى فى الازمان
طهارة الكلمة فى الفنان
وصدق الحرف فى صدقو
وحصاد اجيالنا فى شتلو
ولو داس الشرف خانو
قلوب الناس تسد الباب
تعاند قلبو والحانو
لانه الكلمة شرف الرب ..وتاج الرب ..وعز الرب
ولو غشت قلوب الناس
محال الناس تحس تطرب
تسلم
| |
|
|
|
|
|
|
| |
Ridhaa
ولياب
فيس بوك
تويتر
انستقرام
يوتيوب
بنتيريست