|
|
 بعد وقوع الكارثه قال ود اربق لعشوشة اجمل ما في التشرد التشرد
|
ود ابرق _ عشوشه
القانقرد _ القيردونه الحاجة
الزرزور_ البارجغل_ طير الخداري
طير الجنة .
ذيها ذي كل طيور بلادي المغبشة تشبه احلامنا احلام الترابلة
طيور
الحالم منا يراها مغردة
والجالس على حافة مناخيره في وقت القيلولة لا يرى غير انها طيور مزعجة
تستاهل نبلة طفل شقي.
وفي احدى الخريفية تامرت الطبيعة على اعشاش الطيور البائسة الحزينة يوم
أن بكت السماء بكاء حارا تشردت الطيور وماتت صغارها وبقى حاله من حال بيوت الطين صحت الطيور من احلامها المغبشة مفزوعة صارت بدون اعشاش بدون وطن خرجت الى الشوارع جائعة خائفة _ اتشرد البارجغل ما عرف يسوي شنو ود ابرق وعشوشة اتسكعوا في الشوارع تلفحوا السماء واكلوا الفتات والشوارع بت الغبار وعلى سلك سوداتل الحزين جلسا متلاصقين وفي غفلة من ود ابرق نزلت دمعات على خد عشوشة بكت البيوت الوقعت بكت الخلوق الحالها من حالها حاول ود ابرق
جاهدا مواساتها فمد جناحه اليها في تردد وغرز منقاره في ريشها وهمس في اذنها
وقال(اجمل ما في التشرد التشرد يا عشوشة)
وسكتت الريح
وليكم الله يا ناس كسلا وعزاكم ان جبال التاكا ما زالت شامخة
معتصم سيد احمد
|
|
 
|
|
|
|
معتصم ود الجمام
فيس بوك
تويتر
انستقرام
يوتيوب
بنتيريست