كتب الكاتب الفاتح جبرا المتوفرة بمعرض الدوحة
|
|
 أي وصايا؟؟00انا راجعة بغداد بكرة ان شاء الله0
|
بسم الله العظيم
الجميع الأعزاء00
معليش لكن بالجد ما عارفة ابدا من وين00
لكن أولا أنا بحسد نفسي تماما على معرفتي بيكم00وعلى قول الأخ العزيز البورد أصبح وطن في زمن اللاوطن00
يعني بالجد أنا بمجرد دخولي لصفحة البورد بحس بالدفئ يغمر روحي00وبحس بالالفة النادر ماالواحد يحس بيها في الغربة00
طبعا أنا انقطعت من المشاركة لفترة طويلة00لكن كنت لما امشي محل النت عشان ارسل لاهلي وكده0بنتهز الفرصة لتصفح آخر المواضيع في البورد00على حسب ما اذكر آخر حاجة كتبتها كانت شهر تلاتة من بغداد00وطبعا بعدها حصلت الحرب والحمد لله ربنا سهل لي الطلعة من العراق مساء يوم 19\3 يعني قبل الضربة بكم ساعة بس00ووالله العظيم لولا الاحساس بالذنب تجاه الاهل وخاصة الوالدة00ما أظن انو كنت حاقدر أطلع لانو البيعيش في بغداد ويتعرف على ناس اصيلين من اهلها ما بيهون عليهو يطلع ويخليهم في حال بالشكل ده00بعد داك سافرت للسودان طوالي00وانتهزت الفرصة للتقديم في الجامعات هناك00لكن الروتين والمماطلة في بلدنا خلانا نتشحطط حكاية بتاعت 3 شهور00بين مكتب القبول 00لدهاليز وزارة التعليم العالي من غير اي داعي00والمدهش فعلا انو اخر رد استلمناهو انو الوزارة حتطلع رد بخصوصنا نحن الطلبة السودانين المتضريين من الحرب في شهر عشرة00عشان بعد داك ناخد ورقنا ونبدا في مسلسل تاني من الاجرات مع الجامعات مباشرة00وغالبا ما حنرجع سنة ولا اتنين00واحد من زملائنا وبعد مافاض بيهو الكيل من الروتين وسوء المعاملة فلتت اعصابو واتشاكل مع ناس مكتب القبول00وقال دي امة يديهو استقلالها؟؟؟!!!00كلمتو جاتني في الصميم00وبديت افكر 00هل فعلا انو حالنا كان حيكون احسن لو ما حصلنا على الاستقلال00بيني وبينكم00حسيت انو الاجابة نعم00
المهم00يمكن المماطلة جات معاي حلوة لاني اتمكنت من حضور زفاف بت عمي00وبالمناسبة 00مبرووك للأخ ود قاسم الخطوبة ومبروك للخطيبة00وان شاء الله ربنا يتم ليكم على خير00نرجع تاني00قمت عملت شنو يا جماعة بعد ما زهجت وقعدت 4 شهور في ربوع سودانا00رجعت مسقط00خلال الفترة الفاتت كنت على تواصل بزملائي في بغداد00وحتى اتصلت بي صاحبتي شهر سبعة بتقول لي ارجعي عشان الجامعة فتحت ونازلين امتحانات00طبعا ما كان عندي طريقة00لكن وحتى الآن تصلني رسائل كتير من بغداد من العراقيين زملائي بتقول لي اني يفترض ما افوت فرصة التقدم لامتحانات الدور التاني الحتبدا مع بداية شهر تسعة00وبعد تفكير وتمحيص
وصلاة استخارة00
قررت اني ارجع00خاصة وانو في اعداد كبيرة من الطلاب والطالبات السودانيين والبحرينين واليمنين والأردنين رجعوا00وبيقولوا انو الوضع مقدور عليهو 00وخاصة كمان اني في السنة النهائية00بابا كان مصمم يمشي معاي0لكن اقنعتوا بانو لو مشى حاكون انا مقلقة من انو تحصل ليهو حاجة 00خاصة وانو حامل جواز سفر سوداني وما عندو اقامة سابقة في بغداد وحيقولوا عليهو انو متطوع عربي00غايتو حاليا نسقت مع زميل وزميلة لي اخوان من الامارات راجعين مع والدتهم00وان شاء الله ربنا يكتب الفيهو الخير
بالله يا جماعة ما تتوصوا00ادعوا لينا00وان شاء الله نرجع قريب ونسمع عنكم كل خير 00ونرجع نتواصل تاااااااني00
ختاما00لا اله الا الله000000000000
|
|
 
|
|
|
|
|
|
|
|
Re: أي وصايا؟؟00انا راجعة بغداد بكرة ان شاء الله0 (Re: wadda7a)
|
الأعزاء فوق القدرة على الوصف00
كلماتكم في قلبي00وربناعالم رفعت روحي المعنوية كيف 00وادتني دعم ما عادي00
الرائعين00
ندوس00
عمك تنقو00
اهتمامكم اكبر من قدرتي على التعبير والشكر00وان شاء الله لو احتجت لحاجة حاتصل بيهم واطلب المساعدة00
خلوا بالكم من نفسكم ونتلاقى على خير00
| |
|
|
|
|
|
|
| |
wadda7a
ود شاموق
nadus2000
SAdo7
اسامة الخاتم
elhilayla
benyya
haneena
زوربا
فيس بوك
تويتر
انستقرام
يوتيوب
بنتيريست