|
|
 محجوب شريف ... شاعرا انسانا شيوعيا
|
شاعر مرهف حاسي بوطنو وشعبو لابعد حد
عاش في سجن كوبر اكثر من عدد حصصه مع تلاميذه
الكل يعرف محجوب شريف الشاعر الشيوعي الانسان
لكن الذين غادرو السودان ولم يعاصروا انجازات محجوب الاخيره
مشاريع تضج بالانسانية تعجز اعتى المؤسسات الحكوميه والاهلية من انجازها احاول اكتب عنها ولو قليل .
مشروع الهكر :- الصغر عنك وما فاض عن الحاجة
فتح محجوب ورشة في سوق ال17 الثورة وجمع فيها الهكر وما فاض عن حاجة البيوت من خشب حديد كراسي قديمة المهم كل الخرده المرميه ولما عدد من الاطفال الفاقد التربوي والشماشة واولاد مرزوق الغلابة وتبرع عدد من الشباب بتعليمهم الصنعه ويبيعون ما ينتج في سوق الجمعة الدلالة كما يقومون بتدريسهم دروس مدرسية .
فكرة المشروع جاءة من هذا شاعرية الشاعر الانسان المناضل وتحمس عدد كبير من المواطنين وساهموا معه حيث تبرع احدهم ببص تاتا خرده قامو باصلاحه وواحد بعربة جيب صغيره وضمن برنامج الهكر يقوم هذا البص برحلة شهرية ألي قلب الخرطوم محمل باطفال من اطراف ام درمان ليزور المتحف القومي ويلعبون لساعات طويلة في حدائق شارع النيل حتى البص مكتوب علية عباره شاعريه من كلمات محجوب الجميله لتواصل اطفال الاطراف مع وسط المدينة دون تسكع وعلب وريش فقط للتنزه والتعرف على ملامح خرطومهم التي اعطتهم اطرافها وسلب المترفين قلبها وهم يغنون مع المعلم الزميل محجوب شريف.
لفتره بعد خروجة من المعتقل قامت الانقاذ بفرض الاقامة الجبرية على محجوب ومنعته من السفر وقراءة الشعر فكان يرسل الصغيرة مي لتقراء اشعاره في احتفالات تابين مصطفى سيد احمد حوصر محجوب من كل الجهات فقط وظيفته ولكنه ظل واقفا شامخا شموخ ترهاقا وجبل البركل .
وعندما عرضت الراسماليه الصلاح ادريسية خدماتها لشراء مبدعي بلادي عرضت على هذا الزميل الشامخ العربة والبيت الانيق والراتب الكبير وكل المغريات لكنك يا ابو مريم قلت لا يا ود مريم كفاك بيتك الصغير وزحك في شوارع وطنك مغبر القدمين ولابس شبشب اروع ما يكونك تدرس في شفع الحلة
ويغنو معاك :- تب تبا تب تبتب باكر تعرف
تقراء وتكتب ويا ما ترتب
مشروع تاني مركز ثقافة الطفل نفاج عبد الكريم ميرغني بود نوباوي صرح اخر يحكي عن روعة هذا الشاعر الانسان مكتبة ومسرح وموسيقى تدرس .هذا هو محجوب شريف لو عاش في وطنا مقدر انسانه لصار من اروع صناع التعليم لكنه عاش مطاردا
ولسان الحال بيقول
قلبك كل ما باب الشارع
دق........ يدقـــــــــــــــ
ربك يستر يمكن هم
مريم محمود لك الرحمة اهديتي وطنك ولدك اجمل ما يكون
معلما شاعرا انسانا شيوعيا عارف وين السكة الصاح ويا زول
لك ان تعلمنا الثبات يا جبل الثبات.
|
|
 
|
|
|
|
|
|
|
|
Re: محجوب شريف ... شاعرا انسانا شيوعيا (Re: منعمشوف)
|
الشاعر الانسان محجوب شريف
عندو حلم كبير فى السودان واطفالو
عامر قلبو بالحب
دينو حب
وهدفو حب
شفتوارخ للحب كيف؟؟؟
شفتو بحب السودان كيف؟؟؟
وانا بعتبرو اصدق دين...واصدق قلب ...النابع منه الحب
عركى وعفاف محجوب واميرة...اروع عشاق لهذا الوطن الجميل
محجوب شريف...متطرف فى العشق
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
عرفت الأستاذ محجوب شريف كالملايين من ابناء السودان عبر شعره البسيط الذي يعبر عما نحسه.. وعرفته عن قرب في القاهرة 97 عندما خرج لأول مرة من السودان مع اسرته وكانوا يصدرون شريط "تبتبات" للأطفال.. فالشاعر الرقيق مسئول عن قسم خاص بالنشء في مركز عبدالكريم ميرغني.. وكان يحرر لنا صفحة "النفاج" في صحيفة الخرطوم لعدد طويل من السنوات..
له التحية.. ولك التحية ايها المعتصم وانت تفتح لنا عوالم شخصيات ثرة في مجتمعنا
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
رسالة الى الشعب السوداني
يا شعبنا يا والداً أحبنا
يا من منحت قلبنا ثباتك الأصيل
اليك هذه الرسالة القصيرة الطويلة
اليك من زنزانة تخاصم الفصول
اليك رغم أنف كل بندقية
وحقد بربرية
وكلمة شقية.. اليك منا الحب والسلام والتحية
ودمت يا أبي حبيبنا وبعد أدبتنا
أحسنت يا أبي
فلم نتابع الهوى وكأنما هابيل ما ارعوى
وكم غوى وتاه فى الأنا
أراد للدماء ان تسيل
ونحن مثلما عرفت يا أبي بفضلك الكريم
أشرس الرجال حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا أبناؤك الرفاق باسمك العظيم أقسموا
فصيلة فصيلة
أن يثأروا لصرخة الأمومة الجليلة
لطفلة جميلة.. تنفست قليلا.. تمددت قتيلة
رصاصة فى جنبها وطعنة فى قلبها
لم تعش طويلا
لكن مليون مثلها سينجب النضال
يا أبي حقيقة
فكم من حديقة تفتحت على حطامها حديقة
وكم مكان نخلة هوت علت نواتها وزادت ارتفاعا
أجمل الأطفال قادمون ساعة فساعة
عيونهم أشد من عيوننا بريقا
صدورهم بما وهبت أكثر اتساعا
وحينما يكبرون يا أبي
سيوفهم تزيد من سيوفك الطوال طولا
لأن بذرة الحياة ليست الرصاص
لأن بذرة الحياة ليست الرصاص
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: elsharief)
|
لكم الود
جميعا
في وطني امثال محجوب شريف
يعملون دون ان يرى الاخرون الغبار على احذيتهم
يعملون في صمت دون ضجيج وما ينجزونه تعجز كل ثروات الطفيلين ان تنجز ما سكتوا عنهم
لك حلمك واستاذنا محجوب شريف
يكفيك شرفا انك ما زلت تصر ان تتجول على فارهتك 11خ في شوارع امدرمان في زمن هاجر فيه الكل حتى من دخل سجون الانقاذ بالصدفه
انت الصمود
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
الاخوة الاماجد سلام
محجوب انسان وكفى, وحظه ضائع في الحياة حتى وسط المجموعة التي اختارها ليدافع من خلالها عن الطبة العامله السودانية وحقوق الطفل لم تنصفه ولم تنصف شعره الذي تغنى في كتير منه للاطفال حيث قال:
تبتبا تبتب باكر تعرف تقرا وتكتب,
ومريم ومي ينياتي سمعتين صوتي جيتن لي
وحين خاطب الحيوان في شعره وقال ناهرا الغنماية(طرده عشان ماتكل الجرير)تك ملعونة من غير شك, قالت الغنماية بلى ولكن الجوع الذي بكم فتك بنا فتك وهل نسيت ان جدتي هي التي اعاشتك
ختاما ارجو ان نمد يد العون له حتى يكمل مشروعه الانساني للاطفال والزي مقره الثورة سوق حلايب
زززززز
| |
|
|
|
|
|
|
|
|
|
محجوب شريف (Re: معتصم ود الجمام)
|
كل الحضور
سلامات
يا سلام علي محجوب شريف المعلم والانسان..
سعيدين بتكونو بمعرفته..نحناالبنعرفو والاتعلمنا منو من خلال الكلمه والشعر..
علمنا..وطنك والدينك ودينك..تلقاه محل ما تقبل ومحل ما تخت ايدينك...علمنا كل الامات مريم محمود التفرح فرحا قدر الدنيا اذا ما كان الطارق صاحب حالا نارك بالهبابه لهيبها يبق ..يديه العافيه شان يدينا اكتر..
شكرا كتير معتصم والحضور..
توما
| |
|
|
|
|
|
|
|
|
 Re: محجوب شريف ... شاعرا انسانا شيوعيا (Re: معتصم ود الجمام)
|
مساجينك ..... مساجينك
نغرد فى زنازينك
عصافيراً مجرحة بي سكاكينك
نغني ونحن فى أسرك
وترجف وانتّ فى قصرك
سماواتك دخاخينك
مساجينك
برغمك نحن ما زلنا
بنكبر بزلازلنا
بنعشق فى سلاسلنا بنسخر من زنازينك
مساجينك
حكايات الهوى الأول بنحكيها
بداية الغنا الطوّل ... نغنيها
حقيقة وليس تتأول حنهرب من عناوينك
حتجهل فى عناوينك
مساجينك
بالسودان مواقفنا
وللسودان عواطفنا
ولما تهب عواطفنا ما حيلة قوانينك
مساجينك
التحيه لي الشاعر الانسان محجوب شريف
اتمني ان التقي به بعد طول غياب
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
طريق الشعب
طريق الشعب أوسع من زحام الضيق
وقلب الشعب أرحب من رحاب الضو
ونبض الشعب كل حلم براه يتم
شجر متشابك الهامات
جيلاً جاي حلو الشم
صبايا وفتية يمرحوا فى صباح الغد
عيونهم برقهن لماح
سوالم رد
وتطلع من شقوق الأرض
آلاف المدن قامات
يطلعوا من قلب الحجر الصم
خفاف ولطاف
ثعابيناً أوان الجد
دفاعاً عن حياض السلم والإفصاح
سلموا ليَّ عليهن جملة
حتى اللسة قبل الخلق والتكوين
صناع الحياة اليوماتي
ملح الأرض
نبض الشعر والموسيقى والتكوين
هدامين قلاع الخوف
كانت هذه الدراجة يوماً ما.. كلاشنكوف
وما بين منارات السمّع والشوف
نقاشين جدار الصمت
نساجين خيوط الشمس
كهربجية الظلمات
وأجمل ما تكون الدنيا
رسامين وحفارين مجاري العصر
نصراً نصر
مقدامين زمانهم فيه ضبط الوقت بالتقدير
شروق الشمس بالإنجاز
حروفهم وا حلالي
تشمهم ترتاح
حا.. حرية
تا.. تغيير
جـ.. جدار
ك.. كتاب
س.. سمار وسكة حديد تهز وترز
با.. بحارة بحراً عبَّ وثار
واو.. وطن مدرار
جرت تتلاحق الأنهار كما تتلاحق الأعراف
كما تتصافح الأديان
كما تتمازج الألوان
هجيناً من سلالات الفخار والعز
مرور النسمة وأيضاً هزة الإعصار
علم فى نشرة الأخبار
وهيبة على امتداد الكون
وعلماً فى حماه الورد
حتى الزهرة والمريخ
شبح حرب النجوم ينزاح
أيادي القهر خلف الظهر مكتوفين
أفاعي السمت حيث مزابل التاريخ
الشعب هناك مستني والشمس على استنفار
فلنزحف نحو النور لو نحفر بالأظفار
من حقنا نحلم بعالم يتسالم ضد التسليح
الخبز الحريات والمكننة والتلقيح
لن نقبل بالمعتاد العكننة والتبريح
العدل بلا تلويح والكلمة بلا تصريح
والحظر على البونبان والعطر مهب الريح
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
الحرامي
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بحزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: Yassir7anna)
|
يا بهلوي
يا بهلوي أمسك قوي
أوعك تقع
نكل بمن لا يرعوي
وأرخي السمع
أخد الحذر ثم الحذر من كل شئ
ضلك تحدق فى النظر ما تختشي
لو كشكشت صفقة شجر
روح وانزوي
خلي المشي
يمكن خطر
يا بهلوي
واطلق رصاص على كل شئ
على كل نسمة تمر وما تأخذ إذن
على كلمة بدون جواز
علم عصافير البلد تكتب تقارير الجهاز
علم شبابيك المدن علم فوانيس القرى
وكل عيدان الذرة
خلي النمل يدخل صفوف المخبرين
خلى الرذاذ يكتب تقارير الجهاز
أحسن تعبي الشعب أغلبه فى قزاز
ركز بشدة على الجياع
ركز لو تستطيع أو حتى قدر المستطاع
أخسف بكل الكادحين سابع أرض
أرجم رجم
صادر من الليل النجم
صادر من البحر الجذر
أشطب ولا تقبل عذر
وش الصباح
قصقص جناحين الرياح
جمد شرايين الحياة
وأنفي الأمل
الفى اكتشاف النار
وتقسيم العمل
المحتمل تلقى الملاذ يا بهلوي
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
محجوب شريف إنسان بقامة وطن
محجوب شريف رجل بسيط، عفيف، صادق، آثر، يحس بآلام الناس وأوجاعها، ويعبر عن أمانيها وأحلامها، ويتحدث بلسانها، لذا فهو شاعر الشعب، وتكمن عظمته في تواضعه وصدق انتماؤه لقضايا وهموم الناس التي وهبها نفسه، وظل على مدى ما يزيد عن الثلاثة عقود يكتب شعره الصادق العذب، وهو بين السجون والمعتقلات، لم يرمش له جفن، لم يهادن، لم يخف ولم يبحث له عن مبررات تقيه شر ظلم العسكر والطغاة، صموده أذهل الصمود، لم يهرول تجاه منصب أو مال، وعندما جاءه ذلك الثري، عارضا متاع الدنيا، بزهد أهل الله رفض محجوب شريف كل شئ وبقى محجوب شريف علما وقيما ورمزا، تتوارى الأحرف والمفردات خجلى عجزا عن بلوغ مقامه. .. لله درك يا أبو مريم ومي. وكما قال الأستاذ الموصلي محجوب شريف هو محجوب شريف وكفى....
وأتمنى أن نطالع المزيد من روائع مبدعنا الأستاذ محجوب شريف، كما أتمنى أن يسلط الضوء – من لديه معلومات كافية - على مشروعي هكر _ ونفاج.
الشكر الجزيل للأخ معتصم ود الجمام، الشريف، ياسر حنا ولكل الإخوة
ولي عودة
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: الرايق)
|
أكتوبر هدير الحق
أكتوبر هدير الحق
وفارس ليل يشق يا ليل دروبك شق
ودقت دق
طبول العزة دقت دق
يا قرشي الصبي الريان
جبينك لاح يقطر دم
وكتفك لافتة فوق شارعنا ما بتنجم
نشيلا أيادي ما بترتاح
نشيلا مبادئ ما بتهزم
وما بنسكت على السفاح يا قرشي
عبدالخالق العامر يحب الناس
قدامنا انفتح كراس بخط ايديك وضو عينيك
سطورو الغالية تتبسم
ويابا الشفيع الساس
ضلالة هجير الصيف
ويا تار البلد جوزيف
ويا يوليو القلم والسيف
وضابط حر شديد البأس
مشينا ونمشي نتحزم
بمجد الشعب والنبراس
يا أكتوبر الجايات تسنك سن
يا أكتوبر الجايات بشائر جن
على السفاح بيتقسن
على المستقبل الأحسن
طلائع الجبهة تتقدم
ويوم الدم يلاقي الدم
ويوم تشفع يا موردنا والمنبع
وتغلي مداخن المصنع
ويسكت جنبها المدفع
ونحو القصر حتى النصر
وليل القصر يتعتم
وتتقدم طلائع الجبهة تتقدم
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: معتصم ود الجمام)
|
وقف جنبكمحجوب شريف
وقف جنبك مرق زعلان
مشى محنبك
ولم يشرب عصر الفرحة بالجية
ولم يجبر خاطر عمته رقية
++++++
دا ما ذنبك ولا ذنب الصبا الأول
تمنتاشر سنة وأكتر هي ما شوية
ولا نحن الزمان نحن
ولا البيت القديم يا هو
ولا الخليتو في الدفتر
تبهت بالزمن ألوان
كما الحاجات بتتحول
صحيح بعض الكلام يربك
وبعض السيرة بتدربك
فلا الدرب المشاهو دربك
ولا روحك ولا قلبك
تمنتاشر سنة وأكتر دي ما شوية
+++++++
هديك عمتكم النخلة
بتشهد بزمن أحلى
بريق البسمة والنسمة
رحيق الوردة والنحلة
حليل المنطقة الوسطى
وحليل جوابنا في البسطى
حليل الأسرة ممتدة
والبيت الكبير اللما
اللما طيبة الخاطر
الناقص كتير إنتم
خالها وجارها مثل العمة
ويما ويابا
والحبوبة فرت توبها
في حر الهجير سحابة
ديك أمونة جنب كانونها
والهبابة ما خلت وراها عويشة
ما خلت ولا ورتابا
والليمونة فايح طيبها
لبست طرحتها الخلابة
كلب السرة نايم مطمئن عند بابها
تمسح بره من أثر الحليب أشنابها
والشفع هناك إتلموا
حجلة وبلي، طرة كتابة
طرة كتابة
في شاي الصباح نتلم نتفرق
تلمنا تاني صينية
وكت نتلم نتفرق
تلمنا تاني صينية
وحق الجيرة بالنفاج
سليم القلب والنية
بساطنا الأحمدي السهلة
دجاجي يلقط الحبة
حمامة ترك تفك الريق وبي مهلة
عصافيرا تجي وتشرب
تبرد في الصحن ريشها
وحتى النملة وسط اللمة تلقى
نصيبها في العيشة
وبحضن الخال شريك الوالد المسكين
ربيتوا سوا
هدوم العيد وكراسات حليب ودواء
وما فصد غناكم يوم فراق ونوى
قريتو سوا
لعبتو سوا
تعبتو سوا
رسلناكم الدكان جريتو جري
وجيتو هوا
طلعتو سلالم الغيمة
ركبتو المركب المجنونة في الشيمة
حفظتو السورة والمحفوظة
سمعتوها للقمرية والنجمة
ودارت دورة الأيام
كبرت كبر قلم رصاص مكانو حبر
يزيد شبرين تزيدي شبر
وبعدا في المسافة قليل وبحة صوت
وطرحة جيل مع المنديل
جمال الدنيا والملكوت
وخطوة تشيل معاها خجل
+++++
ودارت دورة الأيام
كبرت وكبر مزاجو برا
إنت اللهفة والحيوية
هو الصمت البخلي العزلة
تبقى ضرا
سنة وسنتين كتاب
ما مدى إيده قرأ
صفع باب القراية ورا
صبرت على القراية فتر
وضاقت بالمعيشة الحال
وساء الحال
ومات الخال
حليلو الربى داك وستر
حليلها
حليلها ست القفة والمترار
حزن على الشيوع أمتار
ضل النيمة
باب الدار
وصلي على النبي المختار
بعضا من شبابيك البرندة أثر
بحري نفر قبلي نفر
محل ما تمشي إنت نفر
منو البتحسسك في النوم
منو البتفقدك ما فيش
لا توجد وظائف قط
ولا من صنعة تب في الليد
ولما إحتار وياما إحتار
يمينو بدل كتابه جوار
وتكسي على المطار إختار
بعداً في المسافة سفر
سدود وبحر
حدود وقفر
وكم في البعد من استار
ملامح في مهب الريح تشوف الزول
كأنو زوال
وبين الذكرى والنسيان
حدود وبحر
وكم في البعد من استار
ملامح في مهب الريح
وبعد في المسافة يزيد
غريب الوجه واليد واللسان
إنسان هنالك عن بلاد و بعيد
+++++
أما حسن وقف جنبك وقت بقت الحكاية شتات
يقول يا روحي أقرب زول
وتلك العشرة ما في الليد
تكسي على العيادة معاك
لما الحمى تتبلم تخش البيت
وتسرق من عيون الحاجة
حقها في الحلم والنوم
صرتو ملاذ بعض بالحب
والندية والإصرار
زميل المهنة والسكة
وصباخ الخير ورفقة بص
ذهاب وإياب
حوارات القماري عصير
كتاب ومجلة وإستلطاف
وشوف العين
تفاصيلك تفاصيلو
مزاجك من مزاجو قريبب
لما تغيبي يتوتر
تغيب الدنيا من عينيك لما يغيب
خايل فيك
زيك مجتهد بالحيل
هميم وحميم
هيبة ومحترم يا ناس يشد الحيل
سريع النهمة مهما يطول المشوار
حبيب أمو وصديق أخواتو
إبناً بار لاممتن لا بوبار
لا متسول النظرات
حيث اللجة صدرو القيف
سهلا كالمياه العذبة
أصدق من غنا الأطفال
+++++++
وكت لا بد أحيانا كحد السيف
واضح كالشمس
لكن نسايم الليل إذا فصد
جبين الدنيا حر الصيف
تبتبتو الأيادي الرحبة
بإسم الله في المهد الحنون
صحا إندفاع اللهفة
وكتا فيهو حلا الضيف
وانت عرفتك
بت
بتهضي كما ضل الضحى
الريان
ناس المكتب الحبوك
عنك قالوا والجيران
بت بتحت شبابا رطب
عشان السترة تملأ البيت
وما يلحق قفاك العيب
ولاتمنك مفاتيح
الكنوز في الجيب
ولا زمنك علاهو الشيب
وClick يا حلوة
جنب الكمبيوتر التكية
صبح الشاشة ياخد من عيونك نور
وتلك مجلة في الشباك
ترفرف مثلما العصفور
يرك سرب الأماني حمام
يفك ريقو الكلام مسرور
وبين اللهفة والحيوية تلجلج كبابي الشاي
فرحة وسرحة
في الأمل القريب قدام
تلاقي حسن وقد لاقاك
حيث مكارم الأحلام
عصافير العديل والزين
تزغرد في ربا الأيام
| |
|
|
|
|
|
|
|
|
 Re: محجوب شريف ... شاعرا انسانا شيوعيا (Re: bunbun)
|
وبيني وبينك الضحكة
ورحيق الشاي
وطعم الخبز والسترة
ومساء النور
وعمق الإلفة
بين النهر والنخلة
وغنا الطنبور
وصدق العشرة بين الأرض
والإنسان
وبيني وبينك الفكرة
وجمال الذكري
والنسيان
وحسن الظن
ومشوار الحياة اليوماتي
ما بين الجبل والسهل
ما بين الصعب والسهل
عز الليل
وفي سكة مطر بكاي
ولا هما تشيلي براك
ولا جرحا أعاني براي
ولانا علي بعض نمتن
محجوب شريف
الله عليه من إنسان والله عليك من بوست جميل
تسلم سيدي ود الجمام
| |
|
|
|
|
|
|
|
|
|
Re: محجوب شريف ... شاعرا انسانا شيوعيا (Re: sheba)
|
أهلاً... أهلاً بالأعياد
أهلاً أهلاً بالأعياد
مرحب مرحب يا أجداد
أفتح... أفتح يا تاريخ أبعاد أبعاد
وأملأ عيون كل الأحفاد بالأمجاد
أفتح محضر باسم الشعب.. بخط الشعب
لوجه الشعب... لخير الشعب
سجل سجل أنحنا الغضب الواعي
ضمير الثورة على استعداد وبالمرصاد
سجل سجل لا أغلال
لا استغلال مع استقلال
لا حرية بلا استبسال
استشهاد باستمرار وعلى استعداد وباستعداد
خط النار اتعبَّ وزاد
وقول للشهدا الختو الذات
وباسمنا هتفوا وبينهم وبين الموت خطوات
الجايين من قلب الشارع من ثكنات
سجل أنحنا برغم جرحنا اجتزنا المحنة
ونحن الليلة أشد ثبات
ونحن بخير ولسه وراكم فى الجايات
لسه ولسه على استعداد
وشعبنا واقف بالمرصاد
| |
|
|
|
|
|
|
| |
معتصم ود الجمام
منعمشوف
Tumadir
Raja
Remo
elsharief
توما
beko
يحي ابن عوف
اسامة الخاتم
Elmosley
Yassir7anna
sari_alail
sheba
bunbun
aba
فيس بوك
تويتر
انستقرام
يوتيوب
بنتيريست