|
|
 بري بري... يا اختي اريتها مرة التابا و اليابا
|
Salam...
somebody sent me this and i thought of sharing it with everybody 
+++++++++++++++++++++++++++++++++++++++++++++++++++++++++++++++++++++++++++
تراني يا اختي جاية هنا..... مجدعة وليداتي و مخلية صوبي.... وقلت اجي ازور الهادي وليدي دا .... لي
منو خمس سنين....الشوف ما شفتو ... علا التلفونات دي......يمرقو يا بت امي من صباحات الله
هو ... والمقصوفة مرتو دي ... وما يجو الا..مع مغيب الشمش....هي برضها قالت شغالة..... عليكي النبي يا هناية المرا من يعرسها راجل وتسوي ليها بيت الشغل ليها شنو؟......بري غايتو.... نسكت بس و...نخت الخمسة فوق الاتنين........ يجو يدخلو عوضتهم ويقفلوها عليهم.... وينومو لعن بعد العشاء....ويقومو يستحمو...والبت تسوي لها كبيبيات شاي و تجر كرسيها جنب كرسي راجلها. وتخلف كراعها.. ويقعدو يتفرجو في التلفزيون....... وتنضم معاهو في جنس نضما الا تعرفو هي براها......و الولد القاطعه لو البلد والبلدين ...وحاتك انتي ماني شبعانة فيهو شوف..ولا بليت شوقي ليهو....البت يا هناية وحات الله ماني دايره افسلها.... علا عليها غبشة بلا الحطبة ما بتشبه شي..... لا دهينة تتمسح بها.. ولا عويد حق طلح تقول اولعو وآخد لي فوقو قعيدة؟...ولا امشي ولا تعالي....ولا تقول اجلط كريعاتي ديل بي شوية حنة... الحنة هي فايقة لها يا بت امي...... اليوم كلو برا البيت... بري بري... يا اختي اريتها مرة التابا و اليابا....الولد كنت بدور لو بت كلتوم اختي..... بنتا يا يمة متل الصيدة....صّدافة ومجيهة....وحلفو قالو لك راجلها دا الليلة...يهتّف.... تقولي دابو عريس.....كر كر عليّ... يا يمه....واشريري علي..وليدي الهادي ...الليلة الفي ايدو ما تاخديها.. والولد نشف وكمل من لحم الدنيا...وعليهو جنس بشتنة....غايتو ما فاضل لي الا افرش وابكي عليهو وهو حي......وبعدين يا هناية البت نضامة جنس نضما ... الخشم زي المكنة...جق جق جق جق جق جق.....البت تقولي بالع لها رادي؟.....نسوي لو شنو عاد؟.... ما برااااااااهو قال دايرها....وهي شفتيها تحولق لو وكان ما عرستو ماها كانت قاعدة في بطن الواطا دي.....والله ابوهو ما هو كان رضيان علا ماهو داير يغلت علي الولد.....غايتو قسمتو مسيكين......والله مافي شي مزهجاني وملبشاني... علا نضمها الكبار المقعّد دا..... الفالانية والفلانية والفالاني والفرتكاني...ويا هناية شابكاني يا خالتو يا خالتو...خلال السدر يا يمه...وماسكه لها في كليمات يعلني علة...اوكي..اوكي.....والعالم التالت والعالم التالت...... نعل بس العالم التالت دا ..........ماني انا؟..... لا لا...... اياني انا ..... عاد ما هم اتنين وانا جيت بقيت التالتة.....
|
|
 
|
|
|
|
فيس بوك
تويتر
انستقرام
يوتيوب
بنتيريست