|
أبو حسين عازمنا كلنا على السماية أم 6 خرفان
|
يا جماعة كلنا كده بربطة المعلم معزومين عند ناس أبو حسين للسماية وكده.. حكاية التذاكر والذي منه جاري بحثها .. وحظهم ناس السعودية بالكتير 5 ساعات بالعربية ويكونو بطرفه.. المهم انحنا هسع ما شاورونا في حكاية الأسامي دي.. غايتو انا ما طمعانة يسموا واحدة رجاء.. لأنه انا ستو ما عاجبني.. يالله يا كتاب ومفكري البورد شوفو لينا 3 أسماء مدنكلة كده للبنيات والعاقبة عندكم في المسرات
|
|
|
|
|
|
|
|
Re: أبو حسين عازمنا كلنا على السماية أم 6 خرفان (Re: Raja)
|
سلام مربع
اولا الف مبروك يا ابو حسين ربنا يخليهم ليك ويتربوا في عزك
بس كل شيء وماتقوم تقول عايز كمونيه لانو بصراحة دي كتيرة ثلاثة خرفان يعملوا كمونيتهم
عندي ليك اقتراح حقوا تعملوهم كلهم القطر قااام ويلااا خلونا نخلص الحكاية ما اكل وبس شوفتي الكسل بتاعي عشان نوفر في العدة والصحانه اهو حلة واحده نطبخ فيها الحاجات دي كلها وصحن واحد في كل صينيه يلاااا
| |
|
|
|
|
|
|
Re: أبو حسين عازمنا كلنا على السماية أم 6 خرفان (Re: Raja)
|
شيري حبيبتي قطر قام شنو؟ وين الشية؟ ووين أم رقيقة الزي "ريالة الديك" سوري.. ووين الكمونية أساس اي سماية.. ما تخافي الشباب ديل جو ياكلو بس؟ طبعا لأ.. لازم ناكل ونغسل الصحون ونرتب لأم البنيات البيت بعد ما ناكل مديدة التمر والليقمات اللذيذ الدساهو أبو حسين مننا عشان يشرب بيهو شاي الصباح لشهرين كمان لوووووووول
| |
|
|
|
|
|
|
Re: أبو حسين عازمنا كلنا على السماية أم 6 خرفان (Re: Raja)
|
الكمونية .. الكمونية خلاص لازم تكون اساسية مش تقولي لي يا شيري قطر قام ممكن الشباب الظريف ده ينضفها لينا وانا عارفة راوية طباخة ماهرة وايدها طاعمة ممكن تعملها لينا، لكن يا جماعة انا مستعدة ارتب السفرة واعمل ليكم شوية ديكورات.. الأكل ده ما بريد سواتو برضو ممكن اقدم العصير والشايات وكده.. بس برضو بريد الكمونية
| |
|
|
|
|
|
|
Re: أبو حسين عازمنا كلنا على السماية أم 6 خرفان (Re: Raja)
|
الأستاذة رجاء شوفى ياختى بيقولوا الأولو شرط آخرو نور وانا عايز حقى نااااااشف لأنه الواحد عشان يلبى الدعوة دى مطلوب منه تحضير شهادة اعفاء من الألزامية وشهادة خلو طرف من الضرائب والزكاة والقيمة المضافةوشهادة اجازة من العمل ولغاية ما الأمور دى تجهز واحد من امرين حيحصلوا الأول انه زهراتنا التلاتة حفظهن الله يكونوا دخلو الروضة والأمر التانى انه ربنا يفتكر حكومة الأنقاذ ويريحنا منها وده المطلوب فده حين ياختى اتلحلحى شوية ورسليهالينا ناشف مع قبلاتى لزهرات البورد التلاتة
| |
|
|
|
|
|
|
|