|
|
|
 Re: **استـاذ عبد المنعم ..شان يومي اللفوت ما تبكي ..*** (Re: tmbis)
|
العزيز الراقى
تمبس
تشكر يا زول يا راقى الله يديك العافية دنيا واخرة
وشكرا لصديقى فيصل محمد صالح
الذى لفت نظرى لهذا الكنز الثمين
منذ زمن مضى
استمعت للفنان طارق العوض
فى اغنية ولشدة اعجابى بها حينها
حاولت ان اجاريها بهذا النص
وياريت يا زول يا جميل ان تسمعنا لها يوما
شان يومى اللفوت ما تبكى
حبى تقول فقدته مناى
حبى ذاتى فاقد روحى
من يومى الفقدته هناى
لما القدر والقسمة
ساقوك حبى من تالاى
حتى الزمن تاريه
خاتى فراقنا مابى لماى
ليش حبى عاد ما ببكى
زيك دمعى زادلى شقاى
حبى شبابى فات
انا عارفو فى زمنا غدر بى براى
الفاقد حبيبو ده
قالوا حبى ابنفعو الشاشاى
همى ودمعى زى
ما قالوا الشى الشلتو من دنياى
الحب والامان خليتو
للناس البعزو وراى
عز الناس يزيد بالعزة
عزى نا كان لقيتو عزاى
فى االنعيم انبقى اتلاقينا
فيه نغنى باقى غناى
غلاوة دمى لملموا فنى
دايرو معاى فى جواى
وسعوا صدرى داخل قبرى
داير فنى يبقى معاى
الفايت مكانو ده ضمه
اتبهدل صبح بكاى
والهايم وراك ده حبى
اصبح لا وتر لا ناى
اصلو سفاينو ابت تتحرك
واقفى وما بتفوت لا جاى
حد ما قبلت لى غادى
تانى تلف تقبل جاى
--------------------------------------------------------------------------------
عيناك غابتا نخيل ساعة السحر
او شرفتان راح يناى عنهم القمر
(Edited by moniem2002
| |
 
|
|
|
|
|
|
|
|
Re: **استـاذ عبد المنعم ..شان يومي اللفوت ما تبكي ..*** (Re: moniem2002)
|
العزيز تمبس
والاستاذ الشفيف منعم2000
استمعت للكلمات الحنينة-والطنبور الشجي
عشان يومي اللموت ما تبكي
امي تقول فقدت جناي
يمة انا زاتي فاقد روحي
من يومي الفقدت وفاي
وقصيدتك التي تجاريها يا استاذ منعم
علي قدر اعجابي بالاتنين
بقول ليكم --يا جماعة مالكم علينا
هيجتوا شجونا-يعني نرمي اي شئ ونرجع؟؟
الله يصبرنابس
حنينة
| |
|
|
|
|
|
|
|
|
|
Re: **استـاذ عبد المنعم ..شان يومي اللفوت ما تبكي ..*** (Re: hala guta)
|
حنينة
الحنينة لك الود
طارق العوض صاحب صوت ملائكى
يتسرب صوته الحنين الى مسارب الروح
فتنتشى الدواخل
نحتاج لمثل هذا الصوت الندى لنغسل احزاننا
التى امتدت لثلاثة عشر عاما
قضيناها متنقلين... من بحار الى بحار
ومن قفار الى مدن
انا منذ ان
ارخيت رحلى
فى بلاد العالمين
والشوق يسكن
فى دماى
وانا مهاجر فى الوطن
| |
|
|
|
|
|
|
|
|
|
Re: **استـاذ عبد المنعم ..شان يومي اللفوت ما تبكي ..*** (Re: moniem2002)
|
بالعربي-اخيرا
سلام يا هالة
والله ما اكضب عليك-متجرسة ودايرة لي سبب
والبركة في تمبس-جابو لي لغاية عندي
فرصة نقول هو السبب
استاذ منعم-يا شفيف
كلامك صح والله
هذا الطارق العوض
يطرق) بابنا بصوته الدافئ وغنائه الشجي)
لا تستطيع الا ان تهتز من دواخلك
وتفتح له بابك علي مصراعيه
و(عوضنا) علي الله في الصبر
يا تمبس-برضو براحة علينا
حنينة
| |
|
|
|
|
|
|
|
|
|
Re: up (Re: ALMURADABI)
|
تسلمى حنينة
الحنينة...لك الود
ليس لنا الا ان نطلق العنان لدواخلنا الوهاجة
بهذا الشدو لنغسل احزاننا
ونهيىء الارواح للتحليق عاليا
فمثل هذا الصوت الندى
يحملنا عنوة الى طبقات عليا من الوجد
فالغناء اكسير للحياة
واسميه زاد الغربة
| |
|
|
|
|
|
|
| |
tmbis
moniem2002
haneena
aba
ALMURADABI
فيس بوك
تويتر
انستقرام
يوتيوب
بنتيريست