فك الليد دي .. فكاك البشير بالصالح العام .. يا زول أصلك ما تمسكني .. بالله عليك شوف الكريه .. شوف ما ترفع لي حِسك وتجعجع قدام البنات .. ولا داير تفرتكا .. وأكان راجل طالعني الخلا .. عشان أترنيشك على الطلاق ... أكرفسك واقوم جاري بيك .. بالله شوف الكريه دة شنو يعني .. من الصباح مادي راسك بي فوق الحيطة وتتاوك لي ... جابتلها حِديرة .. خلاص عشان عملت ليك كيشيك .. وربطت فوقو سبعة هنبوكات .. وربعت لي إيدينك زي الطالب الشاطر ... بقيت تتعالا علينا .. كشكك العاجبك دة بذكرني أكشاك محطة سبعة البتبيع الصاعوط ، عليك الله عملت ليك شنو .. مالك معاي .. ليك مدة شايفك حاكِرني .. وحات عافيتي هنابيكك دي أنا قايلة ليمون مطلي بوهية حمرة عيلا أخوي سجيمان كلمني بالسالفة ... فضل ليك تجيب السكر وتسوطا .. الليلة معلق فلانة وبكرة فلانة وبعد بكرة معلق فلتكانة .. يا يابا إنشاءالله الرطوبة اليعلقولا الدخان .. أكان ما خاتي عليك .. شكرناك ما نفع .. تاني شكرناك برضو ما قسمت .. فيها شنو يعني .. لو هنبوكة طارت بي ... إسمي مالو يا يابا .. إسم السرور .. ولا جابتلها تفرقة حيوانية إنشاء الله يا يابا .. يقومن عليك ناس الهيومان رايت ، والهيومان وواتش ، والقرين بيس ، وناس القرين مان .. ويزعمطو ليك باقي صيوفاتك البغازل فيهن عقاب الباندوث الليلك
أماني ما واجعني شئ .. متل متاوكتك بي شباك كشكك .. وتحدر3 فيني .. إنشاء الله يا يابا يحدرولك في الحال الزين
أنا عيشي نجض تب .... الله يسترك مع ليمونك وباندوثك .. القالوا فقد سوائل ... الطيران حردنا تب .. وماني متعلق .. وإتعلق لي شنو .. جحري يا يابا جحر الزين .. أريتو عشك ،،،،،،،،،،،
هوي يا خلق الله ،،،، السكران قالوا في ذمة الواعي ،، أنا الظاهر أمبارح تقلت شوية ،،، وأكان حظروني أدوني الفاتحي
ـــــــ
07-28-2003, 12:53 PM
aboalkonfod
aboalkonfod
تاريخ التسجيل: 05-04-2003
مجموع المشاركات: 534
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة