|
|
|
 Re: قراءة سريعة للجريدة: السلام في الكونقو وناس بتاكل الناس (Re: WadalBalad)
|
سلام يا بروف
والله نفقد قلمك كثيرا رغم طلاتك هنا وهناك
بالنسبة لنا فالمشغوليات كثيرة جدا، والواحد يسأل نفسه الف مرة قبل ان يضيع زمنا في كتابة شئ في البورد، هل هو مفيد؟ هل هو جديد ولم يكتبه الآخرين؟ فالمقصود ليس اثبات الوجود بل تبادل الافكار والنفع العقلي والمعرفي. وبيني وبينك كثيرا ما اشعر بالاحباط من مستوى النقاش فاقول لا جدوي من كتابة عاقلة، ثم اعود وأقول، ولكن من سيقوم بضرب المثال؟ اين ود البلد واين بشرى الفاضل واين حسن 6 واين نصار واين واين.. واجبنا ان نساهم ببعض الشربات المنعشة وسط كل هذا الفسيخ الذي هو رغم كل شئ برضو مغذي !!ا
ارجو ان نراك اكثر وما رأيك في ان نتعاون على سلسلة جديدة من المقالات المتنوعة لمجرد اثراء الموضوعات واثراء فكرة التنوع نفسها وبشكل واسع، وعندي هذه الايام مثلا متابعات لمسالة الطاقة الشمسية وانت سيد الخبراء في هذا الشأن، وهناك مسألة التعليم بمعناه الواسع، وقضايا الغرب عموما ودارفور خصوصا، وهذه قصة اخرى ولكننا نريد نجذير المسالة ثقافيا وانثروبولوجيا في معارف الناس، لا تكفي الهبة العسكرية والاعلامية المحصورة في البيانات والاخبار
ولكم الود والسلام
| |
 
|
|
|
|
|
|
|
|
Re: قراءة سريعة للجريدة: السلام في الكونقو وناس بتاكل الناس (Re: Alsawi)
|
سلمت يا دكتور
وفى الحقيقة البورد صحى إتملا بالكتير من الفسيخ وبكرى بيبكى كل يوم بشأن الباندودث (مفروض يكتب هكذا بكسر الواو) , وبعدين فى ناس أصبح جنهم وجن رودة/روضة, لكن ما علينا
أنا برضو عندى فكرة أترك الكلام فى السياسة, أصلو ما فيها فايدة, وخليها تروح فى ستين داهية زى ما قال رئيسنا أمير المؤمنين, طيب هو راح ليها من الأول ليه؟ أوووبس, قلنا ما دايرين سياسة تانى
أنا اليومين دول بكتب فى كتاب عن الطاقة الشمسية , باللغة الإنجليزية ومبسطة بشكل عملى يعنى لو عاوز تنور راكوبة فى بيتكم, ولا تدور طرمبة فى بير حلتكم, ولا تركب لمبتين فى خلوة القرية عشان الفكى وحواره يتوقفون عن قطع الأشجار وترك البيئة عشان تاخد نفسها, ستجد كل ذلك فى هذا المشروع الكتاب لكن لسع بدرى عليه شوية, أصلى شغال فيه بشيشك بشيشك, لكن سنكون فى البورد على أية حال ووين حا نهرب منها وين, والشكر لود اللامين
| |
|
|
|
|
|
|
| |
WadalBalad
فيس بوك
تويتر
انستقرام
يوتيوب
بنتيريست