|
|
 المصريين اجدع ناس .. ونحن فلاحتنا فى النقه
|
من اسوان ..وحتى الاسكندريه
ومن حدود ليبيا والواحات وحتى
شبه جزيرة سيناء
وفى كل شبر من ارض مصر .. تجرى مياه النيل الخالده .. ترع وقنوات وحتى بايب لاين .. تزرع وتروى وتنير ( ما بعرفو الكهربا قطعت حتى فى الصعيد ) ..كل ذلك بمجهود وهمه واخلاص فى العمل وللوطن
اتعدى اسوان وانت نازل جنوب .. النيل اسير لمجراه ..لا يحيد عنه ..والكثير من اراضى السودان تعانى العطش .. ولا يوجد مثال حى لذلك اكثر من مدينة بورتسودان المنكوبه .. مما ربنا شق عينى وبورتسودان تعانى من ازمة مياه مستفحله .. فى بلد يشقو اطول نهر فى العالم .. تتصلح شويه فى الشتاء .. ومن ما يجى الصيف .. جركانتى وجركانتك ( باقتى وباقتك كما ينطقها اهل الوسط والشمال ) الشيب والشباب .. الفتيات والاطفال .. يمرقو من الملاريا .. نقل المويه يرجعا ليهم تانى .. طبعاً المشكله ماهى الانقاذ براها ( الشماعه ) .. حكومتنا برئاسة الصادق المهدى استكثرت 90 مليون دولار لشق ترعه من ابو حمد حتى بورتسودان
والكهربا فى بورتسودان حكايه تانيه فى الصيف .. ما بتشبه حكاوى باقى السودان .. والله العظيم بتقطع باليومين والتلاته والاسبوعين والتلاته وكمان تصل لى شهر .. وعلى قول احد ولاتنا المتخلفين .. الكهربا دى ترف ورفاهيه وما شى ضرورى .. لغاية ما جابو اجلو .. وحكوتنا الرشيده الحاليه مواصله لى مسلسل الفرجه .. ومش بس كدا .. استولت على مولدات المنحه السعوديه لبورتسودان .. وجابت ليها الخرده بتاعة محطة برى الحراريه
بالله عليكم المصريين ما اجدع ناس
|
|
 
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
نق نق نق نق نق نق نق نق نق نق نق نق نق ازيك يا ارتيقا نق نق نق نق نق نق نق كيف تمام نق نق نق نق نق نق قلت ليه اجدع ناس نق نق نق نق نق وبيجدعو مسافه اد ايه يعني نق نق نق نق نق نق نق نق نق نق نق نق انت عارف نق نق نق نق نق السودان دا ما عندو وجيع نق نق نق نق نق ومشاكلو تهد جبل نق نق نق نق نق نق نق نق نق نق عشان كدا اي مسئول بيتهرب من التنميه نق نق نق نق نق وعمل مشاريع لخدمه البلد نق نق نق نق نق نق نق ومافي طريقه البلد تتقدم نق نق نق نق نق مق مق الا اذا نقينه كتييييير نق نق نق نق في مودضيعنا دي نق نق نق نق نق نق نق نق خلاص اوكي نق نق نق نق نق يلا با نق نق نق نق نق
| |
|
|
|
|
|
|
|
|
|
المصريين (Re: artiga)
|
الاخ اورتيقا
فعلا اصدقك القول بان المصريين اجدع مننا واحسن مننا في كل شئ
في الكورة احسن مننا
في الفن احسن مننا
في السينما احسن مننا
في المسرح احسن مننا
في الاقتصاد جنيهم احسن مننا وحتى الان بشتروا وببيعوا بالقرش
في المواصلات ممكن تمشي من اول القاهرة الى اخرها بالمترو في غمضة عين
في الكتب المجلات والتراجم والمعارض السنوية للكتاب احسن مننا
انت بتضحك على روحك يا هوبليس انت اسم على مسمى
خالد العبيد
| |
|
|
|
|
|
|
|
|
|
Re: المصريين (Re: خالد العبيد)
|
الأخ خالد
| Quote: انت بتضحك على روحك يا هوبليس انت اسم على مسمى |
لا أعلم ما سر اعتمادك اسلوب السب والشتم في كل حديثك معي
فيا أخي رجاءً احفظ لسانك رجاءً وابعد بنا عن المهاترات
ولك الشكر
| |
|
|
|
|
|
|
|
|
|
Re: المصريين (Re: HOPELESS)
|
سلامات للجميع ،،، هو نحن نافعين فى شئ خالص
دا حتى النقة نحن ما بنقدر عليها
باللة لما يجيبوا ليك الشافع المصرى بتفصح
ولا وزير الاعلام عندنا ،، بالله يقول كلام زى الرصاص ما فى سودانى يقدر عليهوو
ولا العجب اول امس اشوف ليك شافع عمره سنتين شايلنوا ليك فى معرض دبى ، وناس التلفزيون الاماراتى عاملين مسابقات واستضافوا اسرة الشافع ، بالله الشافع يقابض فى المكرفون انا قلت هسع دا داير بالمكرفون شنو
الساعة الشال المكرون واتكلم ليك يازول خلى الناس كلها واقفة تعاين
نحنا بالله يجيبوا الواحد تخين عريض طويل دكتور خريج جامعة شنو داك يجيبوا قدام الكميرا يقعد يتراجف ويغلبوا الكلام تقول كابين فيهو موية باااااااارة
قال نقة قال
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
الاخ / خالد العبيد
كل الامم عبر تاريخهاتسير من السى الى الاحسن
وتطور هذا الاحسن الى ابعد مدى كما هو حاصل فى مصر
عدانا نحن نسير عكس الاتجاه .. من الاحسن الى الاسوأ
ثم الى التردى فى كل المجالات
الرياضه عندنا كانت مضرب مثل وكنا من مؤسسين الاتحاد
الافريقى لكرة القدم .. لغاية ما الرياضه الجماهيرية
طلعت لى نميرى فى راسو .. وفرد وقعه تانى ما قمنا منها
وقس على ذلك جميع ضروب الفنون والابداع التى قضى عليها
تجاهل الجكومات المتتابعه على السودان وضعف الاداء الاعلامى
المفرط فى المحليه .. وجنيهنا اب تلاته دورات ونصف الله يرحمو
والكتير من المأسى
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
اورتيقا
وجميع الشباب
تحياتى
طيب ياشباب عاوزين نعمل من وين نبدا
عاوزين نعمل من وين نعمل,,
عاوزين نطور بلدنا من وين نطور,,,,
لو قلنا خلاص الكيزان ديل قنعو وعاوزين الناس ترجع
ثلاثة ارباع البورد دا ما برجعو, بالذات الناس الفى امريكا
واستراليا وكندا ونوزيلندا ,اما ناس السعودية ديل على حسب الكفيل
لو كويس ما برجعو ..نكون صادقين مع انفسنا.
مثال:- بسيط ياشباب,نحن فى مدينتنا ما كانت عندنا كهرباء ...عشان نوصلها عاوزة لبها 200 مليون جرينا يمين شمال من عهد مايو الى عمر البشير مافى زول دفع لينا حاجة لما جينا نحن وبعض الشباب قلنا خلاص نحاول ننور زى الناس طيب ,,,,اى زول مغترب يدفع 1000 ريال قدرنا جمعنا 120 مليون والباقى تموه ناس المزارع والحواشات,,,..الشباب صبو العمدان,,, وبقى الافتتاح قالو يعزو الوالى,, قلنا لا, دا جهدنا, ارسلنا رئيس الجمعية حقتنا من الرياض وكبر وهلل ونور....شنو ليكم مش جدعان...بقينا زى المصارة
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: abuguta)
|
الأخ ابوقوتة
مبروك عليكم الكهربا ووالله لو كنت قلت انه الوالى افتتح ليكم المشروع العملتوه بى عرق جبينكم وبمساعدة ابناءكم المغتربين كنت زعلت منكم زعل اصله مامعقول.. لكن الله ستر
احييك يااخى واحيى معك كل من ساهم معكم فى مشروعكم الكبير
بمزيد من الوطنية والديموقراطية يمكن بناء السودان الجديد
مع تحياتى للأخ ارتيقا واقول ليكم لكم فى ابوقوته واخوانه اسوة حسنة
| |
|
|
|
|
|
|
|
|
|
الى الاسوأ (Re: artiga)
|
العزيز اورتيقا
قبل فترة بدأت اكتب في موضوع عن ان السودان البلد الوحيد في العالم يسير من الاحسن الى الاسوأ وعددت امثلة كثيرة ساقوم بنشر هذا الموضوع بعد ايام
لك التحية
الى هوبليس
ياخي انا ما بعرفك عشان اهاجمك
انا اهاجم توجهك السياسي الكيزاني وتضامنك مع حسين خوجلي وحاج نور وناس تانيين انت بتعرفهم احسن مني
وديتوا البلد في داهية
ويوم الحساب آت لاريب فيه
اركزوا
خالد
| |
|
|
|
|
|
|
|
|
 Re: الى الاسوأ (Re: خالد العبيد)
|
hay
تحية لك الاخ العبيد
وكما تحية خاصة للاخ أورتيقاعرفناأنه من السعوديةـ وتوجه جيهة إسلامية ضد الشرفاء وحتي ضد تطلعات أهله البجا في شرق السودان ، فلا لوم عليه إذا لم يلوم نفسه ، ماذا تعني انني ان ادافع عن اشخاص ؟؟ هل بمعني إنهم يدفعون لي بعض الشئ من أجل ان ادافع عنهم؟ هذا زمانك يا مهازل فمرحي فيوم الحساب آت لا ريب فيه.يوم يخرج أهل السودان مطالبيين بحقوفوهم شرق وغرب وشمال وجنوب سنري ماسيكون عندها
كما انني كتبت هذه والمفروض إن لا يتكتب لك أيها العميل الجبهجي مرتزفة الخرطوم معاونيها لقد قتلتم وشردتم من أجل ماذا
سوف تسمع نغمة مؤتمر البجا يأورتيقا في الارض وتحت الشمس وسوف تسمع عن السودان الجديد.إنك شخص غريب دائما تشكر في الناس هسه المصريين وبكرة عائلة بانقا بتاع البشير وبعدها بن لادن بتاع القاعدة اختار طريق ولا تكن انمع؟؟؟؟؟؟؟
النصر للبجا
| |
|
|
|
|
|
|
|
|
|
Re: الى الاسوأ (Re: passpar)
|
سلام مربع
على الاقل على حينما يقع حادث تصادم قطارين
يقدم وزير النقل والمواصلات
استقالته
رغم انه لم يتضح ان هنالك اي حالات اهمال
في الصيانة ولا مرتبات
واختلاسات
اين نحن من ذلك ؟؟؟
يهلك السرطان نص شعبنا بسبب تسيب واهمال ومحسوبية
وزارة الصحة
وزارة الرزاعة
والتجارة
والخارجية
و
ولا احد من كل هؤلاء يقدم استقالته
تتصادم القطارات بالجمله
يموت الالاف من الناس
ولا وزير ولا نيله
يتكلم ساكت عن الموضوع دا ناهيك عن التلميع مجرد تلميح عن الاستقاله
تقتل شرطة الامن والطواري
عشرات الطلبة الابرياء المدنيين
ولا وزير ولا نيله
ولا عمر البشير نفسه
يجيب سيره
تقع طائرات عسكرية وغير عسكرية
ويموت الالاف
ولا احد يحرك ساكنا
حتى البشير الى الان لم يظهر
ليقول حتى ولو كلمة عزاء
حتى التلفزيون العويره دا يطنش
كان الاحداث تجري في بلد تانية
ومع ذلك نحن شعب عزيز جدا وفوق وفوق فوق
كل العالم
فقط ان اقزامنا واراذلنا دائما
ما يتولون امرنا
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: Shinteer)
|
الاخت شيري انت عارفه المشكلة وين؟ صراحة في الزي دا
Quote: ومع ذلك نحن شعب عزيز جدا وفوق وفوق فوق
كل العالم
فقط ان اقزامنا واراذلنا دائما
ما يتولون امرنا |
نحنا عملنا وسوينا وفعلنا وتركنا ... الخ
ناسين او متناسين اننا لم نفعل (اتحدث عن هذا الجيل) ولكن فعله جدودنا ، فماذا نحن فاعلون؟؟
ليس الفتي من قال كان ابي...............................
ولا ما كدا ..
نعم نحنا فوق فوق فوق فوق العالم لمن انقلبنا وبقينا فوق بي تحت.. واتذكري انو:
اذا الشعب يوما اراد الحياة..
فلابد للقيد ان ينكسر..
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
المسا
والله انا كنت قايل نحن فالحين فى النقه
حتى دى طلعت ما عندنا
الله يعينا ساكت
Mekki
دائماً اتحاشى لغة المثقفاتيه المعقده فى التعبير عن نفسى .. واطرح ما احسه بلغه يحسها الجميع .. وبالتالى يكون التفاعل معها تلقائى
فعلاً نحن شعب ينقصه الكثير .. نجيد التذمر .. والحسره من بعده .. صنعنا اكتوبر ..معجزة المقاومه السلميه للديكتاتوريه .. وتحسرنا على عبود .. اعدنا الكره فى ابريل .. فترحمنا بعدها على ايام النميرى .. هللنا للانقاذ عند اغتصابها للسلطه .. وبكينا بعدها الحريه المغتصبه
نعم ينقصنا الكثير .. واول ما ينقصنا الاحساس بقيمة هذا الوطن والاخلاص له ..هذا الوطن الذى يسير خلف ركب الحضاره والتطور رغماً عن امكاناته الطبيعيه والبشريه المهوله .. ينقصنا الاخلاص حكاماً وشعباً
فحكامنا يكون ولائهم الاول والاخير لحزب أو طائفه .. وشعبنا يمارس كل اشكال هدر امكانات الدوله رغم تواضعها ( ما اعنيه عدم الاخلاص فى العمل فى القطاع العام .. واستخدام موارده لاغراض شخصيه)
متى نعى قيمة الاخلاص للوطن والعمل
خالد العبيد
هوب فل
هسى انتو تقعدو تتشاكلو لى فى بيتى وانا اتفرج عليكم
فى انتظار موضوعك خالد العبيد
ابو قوته
اذا اردنا ان نعمل .. فحتماً سنعرف من اين نبدأ .. وكيف نبدأ .. وكيف نطور بلادنا .. فقط العزيمه والاخلاص
اما اهل الشتات وانا احدهم .. فهجرتنا قسريه .. بتنوع اسبابها سواء ان كانت سياسيه أو اقتصاديه .. وحلم العوده يداعب اجفاننا عند كل غمضه وغفوه .. وعندما نجد اسباب العوده قد تهيأت فصدقنى سيعود الجميع فما اقسى ضريبة الغربه
ليك ولاهل ابو قوته القومه
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
باسبار
اول مره اكتب فيها لهذا البورد واجهتنى بهجوم وبصوره شخصيه اكثر منها موضوعيه .. وبما انى كنت مصمم ومنذ اول يوم لى فى هذا البورد ان ابعد عن المهاترات فقد كان ردى لك هادئاً .. لكن احسبنى اليوم مخالفاً لعهدى مع نفسى .. وانت الجبتو لى روحك
Quote: كما وتحيه خاصه للاخ اورتيقا
سوف تسمع نغمة مؤتمر البجا يا اورتيقا |
اولاً انا اشك فى انك بجاوى اصلاً .. والا لكتبت اسمى صحيحاً وهو اسم قبيله
| Quote: عرفنا انه من السعوديه وتوجهه جبهة اسلاميه ضد الشرفاء وحتى ضد اهله البجا فى شرق السودان .. فلا لوم عليه اذا لم يلوم نفسه |
انا من السعوديه ما كانت دايره اجتهاد منك وسؤال ارجع بس للبروفايل بتاعى
جبهجى دى جبتها من وين اوع تقول لى السى . اى . ايه
| Quote: ماذا تعنى اننى ادافع عن اشخاص .. هل بمعنى انهم يدفعون لى بعض الشى من اجل ان ادافع عنهم .. هذا زمانك يا مهازل فامرحى |
يازول انت عندك فيوز ضارب .. جبت الكلام دا من وين
| Quote: فيوم الحساب اتى لا ريب فيه .. يوم يخرج اهل السودانمطالبين بحقوقهم شرق وغرب شمال وجنوب وسنرى ماسيكون عندها |
والله انا منتظر اليوم اكتر منك
| Quote: كما ننى كتبت هذهوالمفروض ان لايكتب لك ايها العميل الجبهجى مرتزقة الخرطوم |
المره الفاتت قلت ليك ما تكلف نفسك جيت راجع مالك
والله دا قدرت ما وديتا شمال ولا يمين ما عرفتا ليها راس
ومشكور على الالقاب الاكرمتنى بيها
والله ما كنت داير ارد عليك .. لكن حبيت اورى مستوى راسك الفاضى دا
اهل البورد عموما
اسف على حدة كلماتى
بقية الاعزاء
راجع ليكم
| |
|
|
|
|
|
|
|
|
 Re: المصريين اجدع ناس .. ونحن فلاحتنا فى النقه (Re: artiga)
|
تحية طيبة
لقد قرأت كل ماكتبته ، وحاولت ان تبرر أشياء كثيرة ولكن لم تقرأ عندما كتبته ضدنا في البورد وبطريقة ظاهرة ، وبدون خجل ومس المشاعر حتي كرهنا البورد بسببك والغريب أنك من شرق السودان ومن أحدي قبائلة العريقة ، أنني وعندما لم اكتب الاسم صحيحا إنما هو وحجلي وخوفي إلا ان نعود للعصور القابرة عصورة القبلية ، إنما صعر مؤتمر البجا هو عصر القومية التي تدافع عن كل مظلوم...... في كتاباتك السابقة دافعت عن الجبهة الإسلامية بطريقة واحضحة واليوم تدافع عن مصر وأكيد عن عائلة البشير في الخرطوم......حاولت ان انصحك بأن تكون لك شخصية أكتب إذا تفضلت عن اهلك في شرق السودان وعن المظالم التي وقعت عليهم إنك تسكن في احدي دول المهجر ، ولا تعرف مصير من يسكنون في توقان وفي دولاباي وفي طوكر وقارورة وهمشكوريب وكيف طائرات الإنتنوف تقوم بقصفهم وقتلهم حقا إنك لا تعيش تلك المعاناة فلذا إن كتبت إليك بطريقة إنت لم ترتاح لها فأنا اخ لك وسوف تجمعنا الأقدار قريبا ، حينما يخرج اهل السودان ليوم الحساب؟؟؟؟؟؟؟
سوف تسمع نغمة موتمر البجا في الارض وتحت الشمس))
أما هذه النغمة سوف تسمعها كما قلت وسوف تسمعها رغم كل ماقلته في كتاباتك السابقة ؟؟
ماذا قدم مؤتمر البجا ؟؟؟؟؟
كان الرد صريحا ؟ قدم المئات من الشباب مهرا رخيصا من اجل هذا الشعب المسالم الذي عاني ومازال يعاني من كل انواع الإقصاء والتهميش والتجويع.... ومن اجلك ياشعبي تهون القواسي
النصر للبجا
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
قلقو
ليك التحيه
وليت حكامنا يعو المعنى العميق للوطنيه
**********************
شيرى اللذيذه
بى زيارتك بيتنا نور
التحلى بروح المسؤليه .. والاخلاص للعمل والوطن هو ما يدفع بهولاء للاستقاله فى حال التقصير .. ومسؤلينا يفتقدون هذه الروح ويرجع ذلك لسببين اهمهم غياب المحاسبه .. وثانيهما الاخلاص لسيد او طائفه او حزب دون الاهتمام بحق البلد عليهم
كارثة سودانير ابانت بوضوح مدى هوان ارواح المواطنين .. لا عزاء .. لا نعى .. لا حداد .. واستغلال سياسى بشع للكارثه من قبل الحكومه ممثله فى وزير خارجيتها .. وتلفزيونا يتحفنا بمبارة فى كرة القدم .. ومدائح .. وعثمان حسين .. وكأن هذه الطأئره قد سقطت فى بوركينا فاسو
على امتداد فترات الحكم الوطنى فى السودان .. غابت المحاسبه والمسؤليه .. فى ظل جميع الحكومات .. ديكتاتوريه كانت او ديمقراطيه
وستظل ساقية عدم الاكتراث بالوطن والمواطن دائره .. رحلت الانقاذ أو ظلت
سلمتى على الطله
**********************
شانتير
دع المناضلون فى غيهم .. ولا تنسى بأن لهم يداً فى الامر
وحقيقه لا تحتاج لجدال الفارق الكبير بين ما وصلت له مصر وما ال اليه حالنا ..ولكنى قارنت بها لجريان النيل بها ايضاً .. وما فعلوه به ..وما فعلناه نحن .. وانا لا اقصد موضوع مياه النيل فقط .. انما اتخذته مثال وقس عليه
اما عباقرة التنظير فادعو الله ان يكفهم عنا .. ويشغلهم بقضايا علاقة الدين بالدولة .. والتوزيع العادل للثروه والسلطه .. وهلم جرا
ويكف المتأسلمين ايضاً عنا ومن والاهم
( طيب يحكمنا منو ) ..
**************************
احمد بويزن
عليك الله نحن نعمل شنو
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
تحية لك ..... قلت للي دولاباي _ قارورة _ تشك في بجاويتي أولا انت أو الجبهة أو عملائها من طاربي الطبول والغناء للغير ولا واحد في كل الدنيا وصي علي هل فهمت ما عنية ... أنت جبهجي ومعروف
فأنا لا الومك لانك شخص فيمامتغير الاحوال.
ثانيتا موضع البود؟؟ نعم ؟؟ أولا البودر ليس ملك لاحد ؟؟ تمام وسوف اكتب فيه مايروق لي .. فهل من مانع يا فنان الجبهة والمصريين ؟؟ علي فكرة بالله امشي السفارة المصرية عشان يدوك هدية تمام.
تعبان.هاهاها بس ماتزعل
| |
|
|
|
|
|
|
|
|
|
Re: المصريين اجدع ناس .. ونحن فلاحتنا فى النقه (Re: artiga)
|
العزيز / دقنه
هذا الظبط ما عنيته
وما عارف الحكومه الرشيده بكل معنى هذه الكلمه
تجينا متين ..فكل حكومه تمر علينا تكون اسوأ من
سابقتها .. وتمارس فينا الفشل تلو الفشل تلو الفشل
ما يروج له المصريين عنا غير صحيح ويصبنا الغضب عندما
يواجهنا هذا الامر هنا .. ولكن لكى ننفى هذا الامر عنا
فيجب علينا التفوق والتقدم .. عندها فقط سيظهر زيف هذا
الاداء دون عناء من طرفنا
ليك الود
| |
|
|
|
|
|
|
| |
خالد العبيد
mekki
abuguta
قلقو
passpar
shiry
Shinteer
Ahmed Poison
degna
فيس بوك
تويتر
انستقرام
يوتيوب
بنتيريست