|
|
 بادي وعودة الدراويش
|
جرء من ملحمة عودة الدروايش
للشاعر المبدع محمد بادي
حال هذا البلد بكاني ما سكتني
ناراً فيهو كيف حارقاني كيف حرقتني
إلا تراني انبح زي ... زي أخواني
ما سويت ضهر يحجاني
وانتدقيت غصب فوق بطني
الا ترني ... في العرضة أتحسب براني
والناس البتعرض جوه ما سمعتني
والخيل بي عجاجة عمتني
لا زينوبة اخرة أيدي في الدنيا ام بناياً هش
من شافتني جفلت مني
خنست في لواي القش ... !!
لحقتها في الفريق اتناسا وانشد حالا
طلبتها بالله ...
بسته مداسه
قطرت عيني فوق خلخاله
غزت كوعه ....!!!
قلبت عينة ...!!!
هزت راسه ...!
قالت لا ... لالا
!قالت لي شن معناك
وشن راجنو من تالاك
وشن كسب الرجاك ..... ورجاك
عمرك كلو طافي الباردة ما ضق حر
وعمرك كلو نحن نعوم وانت تغني ماسك البر
الخيل انسرق من دارنا لا حسيتبو لا نحاس القبيلة نقر
صقور الباشا شربن من ضروعة وفقنا طارن فر
كلاب الباشا اكلن فيها ما لقت البقولها جر ويا الباشا الغشيم قول لي جدادك كر
بعد حكت العليها اتوهجت
برقن بروق عينيها وقعت دمعة من ود عيني قلته اخفيها
وقعت عيني زاته عليها
عيني تشوف وسامع صرخته وثكليها
مصروا ثديها
شربوا سلاف معتق من لذيذ شفتيها
حكموا كتافي ،،،
عقدوا لساني ،،،
ضاروا وشيها،،،
غنوا
اتهنوا
شربوا وسكروا من بكريها
مصروا ثديها شربوا سلاف معتق من لذيذ شفتيها
عيني تشوف وشامع صرخته وثكليها
|
|
 
|
|
|
|
albagir altahir
فيس بوك
تويتر
انستقرام
يوتيوب
بنتيريست