|
|
 زوربا ...قعد و اتحكر
|
زوربا
ما قلت ليك
قعد و اتحكر
و انا هنا بس بهترش برضو
الحزن الكامن جوه القاع ...و الدنيا الصغرت ...صغرت
و الحزن نفض توبو و شاع ....و الدنيا لسه بتصغر
و انا ...و هو ...و المسافة
و لسه الدنيا ما زالت تصغر
دقيت الشوق وتد في القلب
و قلت اركز ...قلت هسع المطر بيرجع
و الخريف بينادي
و هسع و هسع
و لسه
....الحزن كامن و اتحكر
....سمعت عن رقصة الحزن ...لما القلب يدق و يدق
و الجوه جوه النفس
يطلع و تحس بالخدر ...و احساس المطر
لما يدق ..و يدق ...و تدخل الآه و نفتش نقلعها
....و ينبض الوريد بايقاع منتظم و يكمل اللحن اللاهث في العروق
...ادخل فيني و امرق ..و امرق مني
الاقيني مرقت ...و ضاع فيني انا
يا انا ...يا انت ...و لسه المطر بيرزم في اللحن
فترت ...و كمان فتر الفتر
لمتين ...تدور ساقية القلب
و القلب اواره يشتعل
....ماء ....دخان
السيل ...
و نز من قرار القلب الى العيون دمي
دمي !!! دمعي
لماذا المفردات تائهة
و لسة الحزن كامن
و لسه الدنيا بتصغر
و ابحث ابحث عن كوه ...عن فتحة نور.....عن برق يلمع
و لسه و لسه
...السيل
و سلام
|
|
 
|
|
|
|
|
|
|
|
Re: زوربا ...قعد و اتحكر (Re: salam)
|
سلام
نلينك والابنوس والشوق الجاري عليك
العتمة كانت حرقت الجوف المليان ما بتحرق باقي الشوف الفاتخ الفينا مسارب ضو للجاين في رحم الواطة
كنت منا
كنت رجفة الشوق المدد في العيون
كنت دايما في مخيلتي تتضاحكي ستات الشلي في كولالامبور
والريد نيلين
| |
|
|
|
|
|
|
|
|
|
Re: زوربا ...قعد و اتحكر (Re: salam)
|
زوربا
ابنوسك و النيلين
الضوء ...الضوء
الصارخ فينا
هادر و غادر
لملم باقي الحرقة
هزم الضلمة ...و فتح فينا عيون الضوء
..
.
.
.
استاذي
تراث
و اسمح لي ان اناديك استاذي
الالفة ...الحنين
الغربة ...و الوطن الفينا
جميل عناق الاعين للكلمات
و الاجمل عناق المعني للقلب
و تسلم
سلام
| |
|
|
|
|
|
|
|
|
 Re: زوربا ...قعد و اتحكر (Re: salam)
|
يا انت
.
.
هناك ..في البعيد البعيد ...في القلب و خلف الشريان
من بين الريشة و الالوان ...هناك يكمن الجليد
هيا ذوب جليدي ...احمل الشمس ...
دثرني بدفئها
احس ان الارض تدور ...و انا ما بين القطبين
يجذبني احدهما بعيدا عن القلب باتجاة الروح
...و الاخر يجذب نحو العمق ....القلب توقف
و الشوق مداد الروح و يسري في الشريان
الروح مداها حد الشوق ...و الشوق بعيد
اصبر ..اصبر ...
قالت لي: الرحلة ما زالت في البدء ...الثمرة ما زالت تنبض في الارض
لا تستعجل ضوء الشمس ...آت لا محالة ...الصبر
الصبر..
لكن الصبر جفف هذه الروح و الروح تريد الارض الرطبة
يا هذا ....اين الماء ...
احضر لي دلو الشوق لانزل هذا الجب
و اغرف منه الحب
و عسى ان يبتل القلب ...و يعود
و يعود الندى و نسمات العبير ....
ما هذا الغيم ...
العيون رمادية و سماها مضرجة بالمطر
... و القلب مضخة هذا السيل
...و السيل يسير ...و الغيم كثيف
يا الله ..يا الله ...
اما آن لهذا السيل ..و هذا الغيم ان يعود
و يشرق يشرق ضوء الشوق
ما هذا الالم الطالع من جوف الحرقة
و الروح تنادي ...ما هذا السهم الغادر
..و الروح تنادي
تغرس في الشوق و تذهب
تثمر وردة و تنبت ثمرة
اقطفها افرح ....زال الالم ..
افرح ...زال الالم
...اغلسها و ينفتح الجرح ...و يعود الشوق بذورا تنبت في القلب
..و القلب اسير ...و الماء يسيل
..السيل ..السيل
يا هذا ...اين انت ..
و اين المفر ..منك ..اليك !!!!
ابحث عنه .....
خلف بستان الشوق ...ووراء عتبات القلب ..
و في ادراج الذاكرة
...لا اجد غير الخواء
..اسال عنه
يا انت ...ابعد ...القلب متخم بك ...
يا انت لا تقرب ..ففوهة القلب في طريقها الى الاشتعال
و ينفجر القلب ...
شريان الشوق يسيل اليك ...و صفير الوحدة يبقى
الليل ..الوحدة
الوحدة سيف يشق الليل لينشق القلب
و القلب يسيل شوقا
و الشوق يقطر حزنا
من بين سواد الاعين
الفرح الآتي من خلف الحرقة
يمشى بخجل
يمشى بخجل يتعثر في الخطوات
ينتظر الدهشة ترفعة
ينتظر الكلمات
و يسير يسير و بصيص من نور و برق يلمع
و يعود يعود الفرح الاتي من خلف نهارات الصبر
.
.
.
سلام
| |
|
|
|
|
|
|
|
|
|
Re: زوربا ...قعد و اتحكر (Re: salam)
|
سلام المدهشة
نيلينك والابنوس والشوق الجاري عليك
بدء أول
إفترضتك لون اساسي يمنح اللوحة إذدواجية القراية
الكلام : عاطف خيري
الغناء : مصطفي
بدء ما بعد الأول :
كنت يا سيدتي تحت متون العافية تنشدين بعض منك لتسكن الدهشة حدقات المواني او الرحيل
أفادة مرة تالية
كنت أنت بهذا البهاء
بدء ما بعد الاول :
أحترف التصنت لوقع خطاك الأتية من علم الغيب أو توقعات الجمال المزهو
والملم هذا المجدول شوقا اعلمه الصبر في حضرة الصوت الأنيق
وأروادني انا اربع وعشرون امنية بعدد الخارجات منك صوب العالم تعلمه كيف يكون اللون عنوان للسلام
بدء ما بعد بعد الاول :
منتشيا أبدوا عندما أرتل حضورك في حاشية الفرح المقيم بين أنتظارك واغنيات الوجود الأزلي
جرح ما قبل التاريخ مصاب به حد الانتشاء
لك هذا الفرح المتلو جهارا
بدء ما قبل المنتهي
شمس وطن تسكن ذاكرة طفل بيننا
والريد نيلين
| |
|
|
|
|
|
|
|
|
|
Re: زوربا ...قعد و اتحكر (Re: زوربا)
|
زوربا
.
.
هذا الفرح و شوقا يبحر من افق الشمس
حتى مطلع الوجد بمقلتيك
.
.
.
اقرأني حرف في هذا الليل البهيج ...
او اقرأني كلمة
اجمع كلماتي اصنع جملة ...حرك هذا السكون في ...
..
مطلع
راجياك تطلع مني فيني ...
.
.
سلام
| |
|
|
|
|
|
|
|
|
|
Re: زوربا ...قعد و اتحكر (Re: salam)
|
أول الكلام .
مكتوبة بالخط العنيد في ذمة الحاضر وصية ... شاهد التورايخ والسير والإنتظار ..
المدهشة جدا سلام
نيلينك والابنوس والشوق الجاري عليك
كيف أمتلكتي هذة المقدرة المتجددة علي كسر أفق التوقع عندي ؟؟
كيف اقتحمت نوافذي المتوشحة بالخوف واعلنت الضوء ؟؟
هكذا الجمال
هكذا أنت ... لا تحتاجين مقايس رسم لتدوني الفرح الاصيل
من فجاءة الزمن الانيق بحرفك
تعيدين صياغة اللون
وكنت محتشدة في الممتع من الغناء ورقصة درويش يمارس طقوس عشقه المؤكد
لك أنت الحلم الجميل
وأنا أمني كل أسفاري ببعض وصولك المدهش
والريد نيلين والتالت راجيك
| |
|
|
|
|
|
|
|
|
|
Re: زوربا ...قعد و اتحكر (Re: زوربا)
|
اشراقة اولى
يا طالع مني ...يا داخل فيني ...
يا انت
اريد انت اسمعك اريد ان احسك ..غيمة ضؤ تملاني فرح
انا و انت و المستحيل ....
قالت لي الابنوسة :
شعاع الضؤ المرق مني و ضو العتمة مادد زراعاتو يناديك
قلت ليها:
يا ابنوسة هو مني و فيني ...و شعاع الضو الطالع منو ممدود وتر فيني
بس يا ابنوسة ليه العتمة طويلة
و الشعاع المارق مسافته طويلة
و ليه بعيد ..و ليه كل ما امد ايدي امسك ارجع و معاي سراب
يمكن انا شايفه خيالاتي
و لا دا انعكاس ضوئك
قالت لي الابنوسة :
الصبر ...انت حتحسي بيهو
و الضو الطالع منو ليكي جاييك
و هو راجيك بس انت افتحي قلبك مراسي و دقي وتد قدام العتبة
خليهو لما يجي يلاقى الحاضر و المستقبل
انا:
لكن يا ابنوسة ...الحيرة الحيرة...
الابنوسة :
كترة الحيرة بتولد اليقين ...
اليقين بالجاي و الرايح ....
انا:
الشك ..الشك ..
يا ابنوسة الشك...!!!
الابنوسة :
يا بتي ..الغلبة للقلب ..
انت بس اتبعي ضو القلب الفارد
و شوفي شاع الضو المارق ...
انا :
يا ابنوسة تعبت
وفتر مني الفتر ...
و القلب دقاقته قلت ...و احساسو نتر ...
يا ابنوسة الضلمة ..الضلمة
مسارب الضو ...و العتمة
يا ابنوسة ...
الريدة ...و المريود ...
اصارع في خيالاتي ...و المريود
الابنوسة :
افتحي شباك القلب كوة ضو ...
انتظري المطر ....
و كل الجوه الجوف يزهر ...
انا :
بس يا ابنوسة خايفه ...
خايفة ما يكون ياهو الامير...
الابنوسة :
يا بتي ...احساسنا المالي فينا عصب الريدة
و الخيالات البعيدة
و المستحيل و القصيدة
دي كلها لنا شعاع و دليل...
و علينا انحنا نخت الصبر جوه القلب ..
و البيريدو الله بيصير
انحنا اتوكلنا عليك يا رب ...
و مسكنا حبالك طالبين القرب ...
و انت الرب و رب القلب ....
نور مسارب الضو ....
و خت اليقين مركز جوة القلب ...
و احنا نسبح بيك و ليك ...
و للجاي منك و المارق مني
...يا رب اليقين ..
.
.
.
و سلام
| |
|
|
|
|
|
|
|
|
|
Re: زوربا ...قعد و اتحكر (Re: salam)
|
المارق منك
صباح الريد
كنت أحترف التوضؤ علي حاشية انتباهك البهي
أردد طقوس الصحو الأولى منذ أن غيب هذا الرحيل أوطاني
هل أخبرتك قبلا أن الوطن يبدو دوما بلون عينيني من نحب ؟
حاشية للتوغل :
أرتب عند أزمتتك تواريخ سفري المنسية
سألني الاتجاه عن مدني
أجبت بكل كبرياء الحرف الطليق
توغل ناحية الإنسان فيهم ... ستجدها
وقد أصادف انا في الربع الأول من اللون ابنوستها وقمراتها الحكيمة
هل أبدوا لك ممتلأ ؟
نعم يا سيدة الفراغات المحتشدة فيضاً
نعي يا أميرة المسام السندسية
هكذا يكون الامتلاء
منك .,... إليك
والي القادم من اجمل عينيك
| |
|
|
|
|
|
|
|
|
|
Re: زوربا ...قعد و اتحكر (Re: زوربا)
|
قال ليها
ممكن توعديني انك ما تغيبي
قالت ليهو
اوعدك ...ان الشفق يسكن عيوني
اوعدك ..ان المغيب يتوه في ريدي
اوعدك ...ان الزمن ما يغيرني
بس اوعدني انو النبقة تبقى
و ان البذرة ترجع للارض
و النيل يجري شريان من مودة بيني بينك
و الريد نيلين
| |
|
|
|
|
|
|
|
|
|
Re: زوربا ...قعد و اتحكر (Re: salam)
|
سلام المدهشة
نلينك والابنوس والشوق الجاري عليك
سالتها وايدي في ايد الروح الشايلا أسرار حضورك
سالنا الغيمه العاشقاها أنت أو عاشقاك هي
سالنها عن مواعيد هطولك
أعدنا ترتيبك من الخلق المنتهي للقيا في سدرة الألفة
تمتمت بوضوح
ردد في سيرك حروف نورها
تلقاها سكنت كل المسافات المتيمة بالرحيق
أحتشدت أمان
وكان الفراش في حالة عشق اكيد
والريد نيلين
| |
|
|
|
|
|
|
|
|
|
Re: زوربا ...قعد و اتحكر (Re: زوربا)
|
نيلينك والأبنوس والشوق الجاري عليك
كنا ضمن قوافي الاحتمال أغنية شديدة المراس
كنا نغني بعضنا البعض خارج نطاق المحدد والسائد
عندما يربكني اشتاقيك
أسترد المبتدأ من عنفوان النشيد حتى صباحاتك المليئة جذلا
فيعلني هذا التماهي منك فجرا لا يمل التكرار
وأكتفي اللحظة بالدهشة
فهل تكتفي الدهشة بي ؟؟؟؟
والريد نيلين
| |
|
|
|
|
|
|
| |
زوربا
تراث
فيس بوك
تويتر
انستقرام
يوتيوب
بنتيريست