|
|
 النــشــال
|
جاءني زهجان...... وشيهو ينعل قفاهو.....سلم علي.... وصنقر في الواطا......قال لي يا سجيمان يا اخوي...... شفت البقت عليّ؟....... قلت لو مالك ؟ ان شاء الله خير؟..... قال لي ..... اول البارح في الليل حسيت لي بمغص شديد....في صفحتي ..... يا زول نار الله بس.... خموني الجماعة....ودوني المستبشى.......الدكتور كشف علي.... وقال لي دا وجع في الكلى.....ولازم نسوي لك صورة اوشاعة..... يا زول مشو شوعوني......وجبت الصورة وجيت لدكتوري راجع..... رفع الصورة ووقل...فيها زيّن..... وهز راسو ..... قال لي يا اخينا..... انت عارف انو عندك كلوة واحدة؟.....قلت لو لا.... انا يا دكتور معرفتي بكلوي.... كان اتنين كان تلاتة.....قال لي ابدا كلوة واحدة.....وحسي هي العيانة.....والله يا سجيمان.... انا ما صدقتو... مشيت لدكتور غيرو....وقلت لو شوعني....وشوعوني...وبرضو شاف صورة الاوشاعة....وقال لي نفس نضم رفيقو الاولاني كلوة واحدة...لكن المحيرني ...عام نوّل.. شوعت كلوي ديل وكان اتنين...... اتنين ووراني لهن الدكتور......انا يا سجيمان اخوي باقي لي اتنشلت.... مافيها اتنين تلاتة....
غايتو يا سجيمان اول البارح.... ساكي لي نعجة يمكن ساعتين.... باقي لك تكون الخرابة دي وقعت مني في الجري دا؟...لكن رجعت الليلة الصباح دا كلو....وانا اكوس واحوص محل الجري داك ما لقيت لي شي.....لكن حتى ان وقعت كدايس البلد دي بتخلي لها شيتن واقعة....وجيت قلبت جلابيتي دي فوق تحت ابدا. والعوضة قلبتها علي صفحتها التانية..لكن الشي دي كان وقعت باقي لك ما كنت حسيت بها؟....الزول بيحس بي شيتن ماها الكلوة.....والله عِجبة....؟......حسي اسوي كيفن؟ بدور مشورتك؟.......
النصيبةاني بقيت قدر ما عندي جوز.. حق حاجة ..... اقعد المس فيهو....ما تبقى وقعت ولاّ اتنشلت منو شي..وطول ما انا ماشي في...... الشارع وانا المس. داك الليله ربك مرقني من مشكلة نسوان واقفات يعاين لي.....والله يا سجيمان الشي ديل كان الزول بيقدر يمصلن عند اهلو هناك في السودان ويجي السعودية دي اخير لو...... اصلن هنا ما منهن فايدة.... زيادة حمل........ومشغوليه ساكت..... وان بقى في وقعان بيقعن هن.مابيقعن الكلاوي.....هن باقي. قاعدات في السهلة. ومعلقات ان قحيت ساكت يتملصن.......وانت عارف ان غفلت منهن ساكت السعودين ديل يشيلوهن...نان بتقدرتقول تلت التلاتة كم؟.....وحات سيدي الحسن.. ان اشتكيت....وقلت نشلوني لهن..... علا يحاكموك ويغرموك.... اربعة متلن.... اهه تجيبهن من وووووووين؟....غايتو علا ترسل لي اهلك ويسو لك كشف...ويرسلوهن لك... وترجع اهلك..... والمرا ترجاك... متمحنة خاته الخمسة فوق الاتنين...تكتحها وتقولها اهه جيتك يا الشوم.... اباطي والنجم.... خمي وصري......
اهه اقيف.... النحدسك....ود جاد الرب قالو سو لو عملية في بطنو.... السواها دكتور صيني... شي ابر وشي مفاتيح وشي مفكات. اصلو الصينين ديل دكترتم عينة... وشغلة..... اها. رقدوهو علي ضهرو... قالو الدكتور جاب المفك.....وقعد يحل في الصرة... صرة بطن ود جاد الرب...... كر كر كر كر كر كر....اول ما الصرة ااتحلت......الله بيسعالهم وفي ضمتهم قالو .... الهنايات الجوز بي معلاقن ....جمبلغ وقعن.....حسي انا صرتي ان جابت لها رخيه عليك امان الله طوالي امشي اقرطها.........
...سجيمان آ خوي.... ناس السفارة نعل ما بيدورو... برضو ضريبه فيهن الله يقطعن.؟..........
|
|
 
|
|
|
|
|
|
|
 Re: النــشــال (Re: سجيمان)
|
| Quote: النصيبةاني بقيت قدر ما عندي جوز.. حق حاجة ..... اقعد المس فيهو....ما تبقى وقعت ولاّ اتنشلت منو شي..وطول ما انا ماشي في...... الشارع وانا المس. داك الليله ربك مرقني من مشكلة نسوان واقفات يعاين لي.....والله يا سجيمان الشي ديل كان الزول بيقدر يمصلن عند اهلو هناك في السودان ويجي السعودية دي اخير لو...... اصلن هنا ما منهن فايدة.... زيادة حمل........ومشغوليه ساكت..... وان بقى في وقعان بيقعن هن.مابيقعن الكلاوي.....هن باقي. قاعدات في السهلة. ومعلقات ان قحيت ساكت يتملصن.......وانت عارف ان غفلت منهن ساكت السعودين ديل يشيلوهن...نان بتقدرتقول تلت التلاتة كم؟.....وحات سيدي الحسن.. ان اشتكيت....وقلت نشلوني لهن..... علا يحاكموك ويغرموك.... اربعة متلن.... اهه تجيبهن من وووووووين؟....غايتو علا ترسل لي اهلك ويسو لك كشف...ويرسلوهن لك... وترجع اهلك..... |
اها يا سجيمان... زولك دا ان اتغرم باقيلك بتختلو في الكشف حاجه العمله صعبه والحاله صعبه
وكل واحد ياخد بالو من لغاليغو
| |
|
|
|
|
|
|
|
|
|
Re: النــشــال (Re: سجيمان)
|
اها باقيلك يا سجيمان لو لقو كلوتو دي مسروقة ولقو السارقة بيرجعوها ليهو تاني
والله يا سجيمان امس عبد الجليل النذير الكاروري في خطبة الجمعة هجني هجمه لامن نطيط وقفته علي حيلي وقربت امشي لي الكفيل اقولي دقلي خروج
قال شنو سن الشيخوخة تبداء من التلاتين
يعني نحن خلاص دخلنا سن الشيخوخة ولسه ما قالوا لينا مبروك
الزول ده قطع قلبنا
باقيلك كلامو صح
| |
|
|
|
|
|
|
|
|
|
Re: النــشــال (Re: سجيمان)
|
جاءني زهجان...... وشيهو ينعل قفاهو.....سلم علي.... وصنقر في الواطا......قال لي يا سجيمان يا اخوي
لى قدام يارائع
| |
|
|
|
|
|
|
|
|
|
Re: النــشــال (Re: كوليل)
|
الأخ العزيز سجيمان : لك التحايا
أنا يوم الخميس أول البارح كنت في السفارة ، و سمعت ( تحت تحت ) إنو أي واحد لسه شايل ( جوزين ) و بحالة جيدة حيدفعوه ضريبة إسمها ( ضريبة الجوز الشغال بي بركة موية البلد و كتاحتها ).
أها زى ما قال ليك هوبلس ، كل واحد يخلي بالو من لغاليغو خاصة إن بقن إتنين و سالمات.
| |
|
|
|
|
|
|
| |
سجيمان
albagir altahir
ابو جهينة
ودرملية
فيس بوك
تويتر
انستقرام
يوتيوب
بنتيريست