|
|
 انهـــم يغتـصـبون....الاطـفـال
|
أي راجل .... يشوف مرا ماشة في الشارع راكبة جنبو في بص في حافلة...... ويقعد يعاين لها من فوق لتحت ومن تحت لفوق.... ومن قدام ومن ورا..... دا اغتصاب..... اغتصاب صريح..... صحيح هو ما لمسها ولا حاول يمارس معاه أي نوع من الجنس... لكن سرح ومرح بعيونو لمن فتر.....وملاهن كويس..ويكاد يكون حفظ كل تفاصيلها وبدون موافقتها وبدون ادنى رغبةمنها في البي يسوي فيهو دا....... بنفس الطريقة والاسلوب هناك نسوان ممكن يغتصبن الرجال.... لما واحد يقعد يتلبد ويتفرج في واحدة في الحمام دا نوع من الاغتصاب......الاغتصاب الجسدي معروف وما محتاج لتفسير ولا لرفع بيرق..
هناك اغتصاب الاطفال الجسدي...وانا اعتبر من يقوم بهو انسان مجرد من كل انواع الانسانية......ولكن هناك اغتصاب للبراءة..... اغتصاب للطفل الموجود داخل جسد هذا الطفل.... امبارح كنت بتفرج على مسرحية هالة حبيبتي...... فؤاد المهندس...... جايب ليهو بنات اطفال اعمارهن تتراوح بين اربعة سنوات وتلاتاشر سنة....والبنات ديل في المسرحية بعضهن يقومن بحركات جنسية.... وحركات اغراء يمارسها الكبار....ويا ريت لو كانو الكبار المهذبين ....لا.. يمارسها الساقطين...من هز وسط...وعشرة بلدي.... التثني في اثناء الحديث......والغريبة الجمهور دايريموت من الضحك...والقرقير....وفؤاد المهندس يجمع الملايين على حساب برأة وطفولة هؤلاء البنات..... واباءهم ايضا يجمعون الالاف من ورا..... هز الوسط والهمز و اللمز والغمز.........
كمان اخونا....دريد لحام....دا كمان حكايتو طويلة عريضة...... يجيب الشافع ولاّ الشافعة....ويختو في كرسي.....وهاك يا اسئلة..... جنسية من النوع التقيل...... الما ممكن الطفل يستوعبها......زي...... بابا وماما بينامو فين؟...ولما يدخلو اوضة النوم بيعملو شنو؟..... وانت ماما جابتك من وين؟ .....وكيف دخلت في بطنها؟ وطيب بابا عمل لك ايه عشان تجي انت؟...وناوي تزوج .....وزوجتك تكون كيف؟ والزواج دا شنو؟ وطيب يا شاطر حتجيبو عيال كيف؟....... لا يمكن يطلع طفل من كرسي دريد لحام الا ويكون في ذهنو عدةاسئلة يريد الاجابة عليها ....والزمان والمكان الهو الاستديو والاضواء وكمية الناس..... تساعد على ترسيخ هذه الاسئلة في ذهن الطفل.....وممكن جدا يكون واحد فيهم حاول يتلبد ويشوف امو وابوهو ديل بيعملو شنو في اوضة النوم..........الحمد لله دريد لحام..... لم اراه استضاف طفلا سودانيا....... لبرنامجو .... دا...... لانو انتمائنا للجامعة العربية.... لزيادة الثقل السياسي العربي .... ليس الا.............
|
|
 
|
|
|
|
|
|
|
|
Re: انهـــم يغتـصـبون....الاطـفـال (Re: سجيمان)
|
الاخ سجيمان
السوال هل الاباء والامهات السودانيين مهيئين
للاجابة علي اسئلة من هذا النوع
بطريقة مبسطة ومتناسبة مع عقل الطفل
بالجد في اسئلة كتيرة بدور في ذهن هولاء الاطفال
وفي الغالب يوجه الاطفال الاسئلة للامهات
مع سلامي وتحياتي
| |
|
|
|
|
|
|
|
|
|
Re: انهـــم يغتـصـبون....الاطـفـال (Re: tasneem)
|
الاخ سجيمان
كان زمان بيكتفوا بعيونهم هسي البيحصل فى البلد دى كتير بقى فى تطاول باليدين ومصائب كتيرة بتحصل
والاكتر من كده فى عز النهار بنات الناس فى طريقهم من البيت للجامعة بقى يتعرض ليهم اولاد من الجنوب ودى حاجة جديدة زمان الجنوبيين ما كان عندهم الحركات دى اليومين دى عيانا بيانا قدام خلق الله بيتحرشوا بالبنات !!؟
والبنسمعو عن البيحصل للاطفال امر محزن للغاية والله بتجى حالات فى المستشفيات تبكى
مافى اخلاق
مافى امن
بقت مشكلة انك تخلى اطفالك يلعبوا فى الشارع زى زمان .........حتى احنا الكبار من البيحصل فى المواصلات والزحمة والشارع بقينا نخاف !!!!!!
مشكلة خطيرة جدا .......و للاسف الناس ساكتة ومافى حلول
والاخطر من كده الشهامة انعدمت........ كتير بيتعرضوا البنات لى مضايقات وتلقى الامة السودانية بتتفرج ومافى واحد بيبرم شنبو ويحاول يوقف المهزلة البتحصل قدامه !!!!!!!!!!
| |
|
|
|
|
|
|
|
|
|
Re: انهـــم يغتـصـبون....الاطـفـال (Re: tasneem)
|
تنسيم حبابك.......في فرق بين الطفل يوجه سؤال.....وبين ان يوجه له سؤال........ البرنامج المقصود.....المذيع يوجه اسئلة لاطفال ضغار في السن جدا والاسئلة اكبر من ادراكهم.....وهواحيانا يوحي لهم ببعض التساؤلات التي لا تخطر على بالهم وهم في هذه السن.........اما عن الاب السوداني واجابته على اسئلة الاطفال دا موضوع طويل عريض........اختصارا..... هناك بعض الاسئلة تكون الاجابة فيها التفاف حول الاجابة الصحيحة.....واخرى تؤجل اجابتها.....لحين ان يصل الطفل مرحلة استيعابها..............اعتقد نحن كاباء سودانين ينقصنا الكثير في معرفة تربية اطفالنا.......
| |
|
|
|
|
|
|
| |
سجيمان
سمندلاوى
فيس بوك
تويتر
انستقرام
يوتيوب
بنتيريست