|
|
 هجره البنات للخارج
|
لا ادري ان كنتم لاحظتم هذه الظاهره ام لا؟
ولكن عدد كبير و خيالي من البنات السودانيات يسعين للهجره
بنات الخليج يسعين للهجره الي اوربا و بنات السودان يسعين للهجره الي الخليج.كميه هائله من الفتيات السودانيات حيث يستغلون فيز مهرجان دبي للتسوق و غيره و بعدها ممكن اكونو قاعدين بالسنين في البلد حتى لو كان ما عندهم عائد مادي.او تحصل الهجره لاي بلد غير الوطن؟؟
واي اسره تعترض على هذه الفكره و لكن الجواب بكون بان(البنت رغبتها كده)..وتسافر الفتاه مثلا للدراسه او العمل في الخارج و تحل عليها مسؤوليه كبيره...يعني ممكن تشتغل ليل نهار
وان لم يكن هناك سبب تريد فقط الفتاه السفر؟
لا ادري ان كان هذا نوع من الحصول على الاستقلاليه او نوع من الطموح او حتي الياس ...
ما عارفه لكن لو كان عندك او عندك(بالكسره)اخت او فتاه من العائله قريبه ليك ممكن تخليها تسافر بالذات في عند كبير حاصل لشباب الزمن..وتسلط و فرض راي
رايكم شنو!؟
|
|
 
|
|
|
|
|
|
|
|
Re: هجره البنات للخارج (Re: ود العجمى)
|
الأخت زنجية : لك التحية و التقدير
كما قال الأخ ود العجمي ، فإن كانت المصلحة تقتضي سفر البنت ، فلا مانع ، رغم المحاذير التي تكتنف سفر البنت من أنها ضعيفة و يمكن إغواءها بسرعة ، و أنا أقول إن الإغواء يمكن أن يأتي جوة البلد. و لكن النقطة المهمة هو أن الغربة تحدث فيها مطبات و معضلات يمكن للفتاة أن تقف عاجزة أمامها ، و هنا يمكن إستغلال نقطة ضعفها و حاجتها للتخلص من أي ضائقة كانت.
و لكن ، كما قلت ، للضرورة أحكام.
أنا شاهدت بنات سودانيات في كل أنحاء أوروبا ، و الله و الحق يقال ، منتهى الأخلاق و الإلتزام ، بل مصدر فخر و إعتزاز.
تسلمي.
| |
|
|
|
|
|
|
|
|
|
Re: هجره البنات للخارج (Re: Zongiya)
|
الاخت الحبيبة زنجية
تحية طيبة
بصراحة الموضوع جد جيد .مسالة السماح بسفر البنت دة معيار شخصى لانة كل بنت ما زى التانية لا اقول من حيث الاخلاق لا سمح الله ولكن من قدرتها على تحمل المسولية وقدرتها على التصرف .
صورةـ
واحدة بنت قريبتى جات من السودان قبل فترة وكالعادة سالتها عن العرسان خاصة انها اكملت دراستها الجامعية . فكان ردها ان الشباب فى السودان بقى تافة جداوما عنده اى اهتمام بشخصية البنت او نوعية تعليمهااو حتى اخلاقها المهم ابوها عندو شنو وانها حسى مفكرة انه تمشى امريكا لمزيد من التحصيل والعمل .
بالله دى حالة دى؟؟؟؟؟؟؟؟؟
ا
| |
|
|
|
|
|
|
|
|
|
Re: هجره البنات للخارج (Re: Zongiya)
|
الأعزاء جميعا
أعتقد أن
الهجرة الى أى مكان ولكل اٍنسان هى مسألة
شخصية وتختلف ظروفها وأسبابها من شخص اٍلى آخر، ولكن وبشكل عام تواجه المهاجر/المهاجرة نفس الضغوط وفى أغلب الأحيان تتغلب عليها أحسن من الرجل.
واٍذا اتفقنا أن البنت أو المرأة يمكنها تحقيق نفس ما حققه الرجل، واذا اتفقنا أنها قادرة على كل ما يعمله الرجل وبالذات فى الغربة، واذا اتفقنا أنها ممكن أن تتحمل نفس مسؤلية الرجل.
اٍذا اتفقنا على كل ماسبق، وأعتقد متفقين، طيب ماتدوها الثقة الكافية حتى تثبت لنفسها وأسرتها ومجتمعها أنهاكفيلة بتحمل المسؤلية
والمغالطنى، اٍرجع للتاريخ واشوف دور المرأة فى شتى المجتمعات
ودمتم
ماجد
| |
|
|
|
|
|
|
|
|
|
Re: هجره البنات للخارج (Re: Zongiya)
|
..
.
اعتذر عن التاخير
ود العجمي كيف؟تمام
كلامي لم يكن يمس ما هو يتعلق ببيلوجيه الجنسين..
انا ما عندي مانع ان الفتاه تسافر و بالذات لو كان لسبب الدراسه او غيره..ولكن انا ما كنت اتكلم عنه هو سفر الفتيات دون داعي و جلوسها في تلك الدول دون عائد مادي...
يعني مثلا في دول الخليج توجد كثير من الفتيات المهاجرين من السودان بدافع العمل و غيرو لكن مفروض مجرد عدم الحصول على عمل ترجع الفتيات للبلد...ولكن العكس يحصل...في بنات هنا بالسنيييييييييين بدون اقامه بدون عمل
حصلت كم حادثه لبعض الفتيات..
تطور المجتمعات و حركتها...افهمت كل من الجنسين من اشياء اعتمدوها على اساس التقدم...ولكن هي سبب للمشاكل الالم لانو ما بدوك فرصه عشان تتكلم معاهم
ابو جهينه..سلام
انا ايضا اعتز بصداقات جميله جدا و مستمره
ولكن اتمني لو كان كل البنات كده....
البت بطبيعتها ضعيفه جدا جدا...ونادرا ما تقوي على الغربه
يعني البت مثلا لما تكون من سكان الضاحيه و تجي الخرطوم بتحس بغربه
____________________
قصدت نزوح البنات للخارج اصبح بطريقه خياليه...
و بكميه هائله... و بصراحه ما عارفه السبب هو ياس من الوطن
هو محاوله لاثبات الذات
هو نوع مثلا من الحصول على الحريه
؟؟
| |
|
|
|
|
|
|
|
|
|
Re: هجره البنات للخارج (Re: Zongiya)
|
mar7aba ya shabab..
kawno al bit ta6la3 bara mn gair sabab ma azen bet7sal kateer...oo lo fi banat kida akeeed byrja3 le al 7ala al madya, al sudan begat ma betatg3ed oo ma bas al banat ay zool lo lega y6la3 mn al balad bey6la3..oo lo zy ma goltoo inoo al bit begat tashoof awlad al sudan sa67yeen (as mentioned before) i7temal da dafe3 lihom bardoo..
ana jad bast*3rab lama al bit tkoon te3bt oo jabt majmoo3 ydkhila jam3a koysa fi America for example oo al ahal yrfdoo azon da baga 7aram 3lihom..oo ba3dain walhi al shabab al sudani bara al sudan a7san be kateer mn shabab al ga3deen fi al sudan ( 3ala 7asb al 7akawi al bensm3a 6ab3an)...anyhow, i think zy mahoo 3adi al walad y6la3 bara al bit nafs al shi
| |
|
|
|
|
|
|
|
|
|
Re: هجره البنات للخارج (Re: Zongiya)
|
الاخت زنجية
هو شيء ملاحظ فعلا ، لكن معظم البنات اللي هاجروا دوافعهم كانت لتحسين ظروف اهلم المعيشية ، فالسودان تغير كثيرا في السنوات الاخيرة وحدث تدهور كبير في احوال الاسر السودانية المتوسطة مما دفع بناتها للهجرة اسوة بالاولاد لانه معظم الشباب اصبح دخلهم لا يكفي وحده لتغطية معيشة الاسرة
| |
|
|
|
|
|
|
|
|
|
Re: هجره البنات للخارج (Re: Zongiya)
|
..
.
الاخت محظوظه ازيك؟
البت السودانيه..طموحها عالي جدا
والسودان كمان بقي مادي
شكرا ليك...
Maged
شكرا ليك...ولا اعتراض في السفر و لها الثقه الكامله ايضا
شكرا ليك
Elkhawad
شكرا ليك شديد....وجات مع الموضوع
تحياتي
| |
|
|
|
|
|
|
|
|
|
Re: هجره البنات للخارج (Re: Zongiya)
|
الاخت زنجية
الموضوع مهم ويحتاج للمساهمه من الجميع
الهجره بشكل عام فى الاونه الاخيره فرضتها ظروف اقتصاديه معينه اى انعكاس الحياه السياسه على الشعب
وفعلا فى السنين السابقه كانت هجرة البنات للخارج للدراسه ام هجرتهم الان وبكميه كبيره من اجل العمل وتحسين ظروفهن ومساعدة الاسره لامانع من ذلك لهجرتهم
| |
|
|
|
|
|
|
|
|
|
Re: هجره البنات للخارج (Re: Zongiya)
|
..
.
مساء الخير يااخواني
maia...
السودان بقي صعب..ويا تعيش فوق او تكون تحت
البنت محتاجه لحاجات كتيره في حياتها
الصرف على الاسره ، الصرف على نفسها ، مكاليف الجامعه و الدروس ، ده غير الاحتياجات الطبيعيه....
يا جماعه بلاد الغربه ما اكتفت بان تستنزف خيرنا و تعبنا و سنييين عمرنا و شقانا و من شباب..كمان عايزين البنات يعني نحن بس كان الله ادانا عمر السودان ده ما حيصفي فيهو و لا بت..
والحياه عايزه ليها نضال و كفاح شديد...لكن مدام السودان ما موفر احتياجات البت السودانيه...اذا ليها الحق انها تسافر بره.
ولو لنو كبير و محتاج لوظائف كتيره...لكن بعد ده كلو المرتب و ما بفوت ليهو الا 000 100 او اكتر بشويه وطبعا ما بتعمل شي
شكرا ليك
Pearl...
لو جابت مجموع كويس و اهلها رفضو ده ابقي ليها ظلم
لكن البت تطلع من بلدها من السودان عشان البلد ما موفر ليها حقها و تضطرا تسافر...بس عشان تامن حق نفسها و حق اهلها برضو حرام يعني الحكايه دي لشباب صعبه
السودان ده بتين كده يتصلح..والناس تنعم باستقرار و ما يحتاج المواطن لي شي...لي ما زي الشعوب التانيه...احتياجتنا تتوفر قبل ما نتعب فيها...جري و تعب و هلاك و حاله و بعد ده...يا ابو زيد ما غزيت...والمطالب كلها بسيطه
شباب السطحي ده موجود في كل حته...لكن ضعف الماده بقي اخليهم ادورو لي شي اسندم...يعني بقي الشاب احب المراه العامله اكتر و بالذات لو كان والدها غني ..او العايشه بره من امريكا و غيرو
شكرا
sudania2000..سلام
اسمحي لي اجاوب الخواض امكن ما انتبه؟
رشا دي اخت الفنانه تماضر شيخ الدين.
| |
|
|
|
|
|
|
|
|
|
Re: هجره البنات للخارج (Re: Zongiya)
|
..
.
Ro3ah
كيف تمام؟
بغض النظر عن الماده..وهو عذر منطقي طبعا
لكن الهجره البدون سبب دي عذرها شنو؟...وده الاساسا الانا قصدي من الموضوع...يعني تتعذر البت بالسفر واهلها اصرفو ما اصرفو بس عشان تسافر و تصرف ليهم من هناك و هي ضايعه في بلاد الغربه ساي؟بدون شي؟
و في بنات بسافرو بدون علم الاهل...يعني مثلا في دوله من دول الخليج البت السافرت و بدون ما اهلها اعرفو مع طيار متعرفه بيهو...وفي البريك..طلعت بره المطار و هي ماشه ضربتها عربيه و اتوفت للا سف
والاهل ما عارفين
يعني في حكاوي كده الواحد احزن ليها شديد...
عشان كده البت السودانيه ما بقت عارفه عايزه شنو؟
عايزه تدرس و لا لانو الزمن صعب عايزه تتزوج و تستقر ماديا و نفسيا و لا عايزه تهاجر و تطش من البلد لانو زهجت ولا ...؟
والله ارد غربه الجميع ان شاءالله
شكرا ليك
elsharief
شكرا ليك و لا عتراض على السفر من اجل الماده و الدراسه
| |
|
|
|
|
|
|
| |
ود العجمى
ابو جهينة
Ro3ah
elsharief
benyya
فيس بوك
تويتر
انستقرام
يوتيوب
بنتيريست