|
الببقى على انا كلو هين
|
قليبن لى رهيف عارفوا ما بيحمل حنين...
انت ما هاميك حال الفيهو كل البيهو بين...
بقيت ما لي غير أشواقى أكتبه فيك وادون..
أقول امكن تزيل البي ولا قليل تهون...
لا شوفتن تبل الشوق لا ردا يطمن....
أ ريتك تبقى طيب انت أنا البى كلوا هين...
ما لكن يا قمارى بتشدن آيه لازمة تغنن...
نغيماتكن تهيج أشواقى للعينيين يبكن...
بديكن وصيتى أمانه لى سيد روحى طيرن...
ترى الحال العلى شوفتنو قولن ليهو واحكن...
قولن ليهو السحب فى روضه ما عادن يصبن...
اضحى محل خراب ما فيهو غير زهرا مضبلن....
قولن ليهو ليلوا طويل طولا يجنن...
لا قمرا سطع فى سماهو لا نجمات يضون....
كل ما ليهو يتصبر يقول أيام يعدن....
يمنى نفسه بى لقياك ولله تردلوا يمكن. ...
|
|
|
|
|
|