|
مرارتي انفقعت : أمة مكلومة وتلفزيون مهضرب
|
بعد ما اتلقيت بحزن بالغ جدا وأسي نبأ رحيل العلّامة والاستاذ الفاضل البروفسير عبدالله الطيب ، والذى هزّ رحيله السودانيين كافة وفى كل مكان قلت أتاوق على تلفزيونا واشوف البرامج الحيبثها عن الراحل الكبير مشيت لقيت العجب هاك يا غنا وهاك يا برامج تسجيلية عن النيل متين اعلامنا يكون على قدر الحدث ؟ أسئلة بتطرح نفسها على مدير التلفزيون ؟ الجهاز ده مش قومي ؟ ما عندكم مادة مسجلّة للبروف ؟ مافي خمسة كلمات ممكن تقولوها فى حقو ؟ ليه ما يعلن التفزيون حداد لمدة يوم واحد على رجل بقامة بروفسير عبدالله الطيب ؟ القدمو شوية ؟ بالله دى ما حاجة تفقع المرارة ؟ بروفسير عبدالله الطيب ما بيستحق وقفة من السودانيين من خلال تلفزيونهم؟ نحن عايزين نعرف ذاتو التلفزيون ده حق منو ؟ حقنا كلنا ولا حق ناس محددين يربطوا عممهم يوجوا يملونا كلام كل يوم ؟
|
|
|
|
|
|
|
|
Re: مرارتي انفقعت : أمة مكلومة وتلفزيون مهضرب (Re: خالد عويس)
|
اخى خالد
ياعمى الحال من بعضيها , هسى هم مشغوليييين باعيادهم الله لاعادها ليهم واحتفالاتهم
وفاقد الشئ بالتاكيد لايعطيه , ولو عملو الحاجات القلتها دى , كنا زمان رجعنا البلد وعشنا حياتنا طبيعية , ولكن نشكو حزننا لله عز وجل فقط , هو القادر على ازالتهم
حزنان عليك ياسودان
| |
|
|
|
|
|
|
Re: مرارتي انفقعت : أمة مكلومة وتلفزيون مهضرب (Re: خالد عويس)
|
أتفق معك فى الرأى ياخالد وأود أن أقترح التالى: لآأدرى اٍذا كان بيننا صحفى أو أى أحد ذو علاقات مع صحيفة فى الخرطوم واٍذا كان بالاٍمكان نشر نعى، ولو سطرين ، عن البروفسور باٍسم أعضاء وعضوات سودانيز أون لاين كيف ندفع تكاليف هذا النعى؟ هذا مانريد الاٍجابة عليه اذا كانت هناك امكانية ودمتم
| |
|
|
|
|
|
|
Re: مرارتي انفقعت : أمة مكلومة وتلفزيون مهضرب (Re: Maged)
|
الأخ خالد..خلينا نقول انو احنا ومشاكلنافي وادي وتلفزيون الأنقاذ في وادي آخر..بعيد كل البعد عن مشاكلنا وهمومنا وما تبرمت منه اليوم ليس الا حلقة من سلسله الجهل الأداري بتلفزيون الانقاذ الحصري
فالصبر الجميل والله المستعان
وملاحظه أحري علي الأخ بكري وادارة البورد وأرجو أن ينتبهوا لها وهي عدم كتابة نعي مشابه لنعي الأخ المغفور له باذن الله ابوقرجه لذا ارجو من الاخوان كتابة نعي باول الصفحه وربطها مع احد بوستات العزاء .. والله من وراء القصد .. وعلي فقيد الأمه الرحمة وحسن العزاء
| |
|
|
|
|
|
|
Re: مرارتي انفقعت : أمة مكلومة وتلفزيون مهضرب (Re: خالد عويس)
|
ازيكميا جماعة والبركة فينا وفيكم فى هذا الفق الجلل والله بخصوص البوست ده انتوا عارفين انه جميع الصحف اوردت نعى كبير جدا للفقيد صحيفة الشرق الاوسط والحياة وغيرها من الصحف وماقع الانترنت الخارجية المختلفة ما عندى كلام تانى اقوله الله يازاهم ناس الحكومة زى ما ازونا
| |
|
|
|
|
|
|
Re: مرارتي انفقعت : أمة مكلومة وتلفزيون مهضرب (Re: خالد عويس)
|
تقول اخ زمراوى ان هذه الحقبة ستصيب من يقرأها بالتعاسة بلل حدد اكثر اخى هذه الحقبة ستظل اعتم مرحلة يمر بها التاريخ السودانى نتمنى ان تزال من جدولة التأريخ وافضل لنا ان تصبح مرحلة خالية وفاضية من اى حرف لان لو بدانا ان نكتب او سمحنا لأى مؤرخ ان يؤرخ فيما بعد هذه الحقبة اهههههههههههههههههه هذه ىهةتتبعها آهآت اخى زمراوى ليس بيدنا سوى ان مقول حسبى الله ونعم الوكيل حسبنا الله ونعم الوكيل
| |
|
|
|
|
|
|
|