|
خلوة بت قضيم للحقيبة والدوبيت والفول المصلح وأشياء أخرى مفيدة
|
بت قضيم قررت أن تغير مهنتها في الإقامة لبائعة متجولة وحتى أكون ود الحلال الذي يفتح الباب أهدي إلى أهلي ببيت المال ونمرة اتنين والمنشية هذه الأغنية ، كما أهديها للخطيبة ببري اللاماب وبري المحس وبري دا دا ما بدورو
حمام الأيك محمد ود الرضي
يا حمام الأيك سجعة .. أسألن الله رجعة النسيم عاودني هجعة . زال لي علة وزادني وجعة اشتهيت من بعدو ضجعة .. يا نسيم بالله رجعة
السلام يا الداس جمالك .. يا القساك أسباب كمالك خدك البنريدو مالك .. خاتو في كفة شمالك
يمكن اتصورت حالي .. ولاح ليعلنك انتحالي هل فكر وجدي المحا لي .. هذا من عين المحال
لا بتزوري ولا بتزاري .. كنت أوفي ليك نزاري صوّر الشوق من إزاري .. واعذريني لاعتذاري
العذاب بي استمرّ .. والحلو قدّامي مرّ أغفو مرة وأصحى مرة .. ومالو لو تغشانا مرة
ديمة في شكرك سهودي .. وديمة غارف من رهودي إنتي اظن عاجبك سهودي .. مسلمة وقلبك يهودي
شعرك الـ للماشطة قلق .. كاسي كتفك كان مكلق وجدي من غير مغلق .. ما لي بالخط المعلق
الجبين لو كان يمثل .. بالبدر أجدك ممثّل والنظر لو بس يرسّل .. أوصفك والخد مأسّل
(عدل بواسطة Ahlalawad on 06-17-2003, 11:02 AM)
|
|
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
أخي الكريم أهل العوض متعك الله بالصحة والعافية وأدخلك جنة عاليه قطوفها دانية ، حتى تكون في حل من إستخدام المحجان كعيال الإشلاق مع إشجار التمرهندي والتمر أبونا في بيوت الناس الهاي الذين كانوا يشربون البيبسي عندما كان أطفالنا يشربون الشاي وبانجقلي كمان ، وبمناسبة الشاي يقال أنه خلال أزمة من أزماتنا الطاحنة الكثير والمتواترة في اللانهاية إنعدم السكر ولم يتعزز كما فعل الليمون وأصبح الشاي من الكماليات شأنه شأن عنقود عنب أو نصف دستة تفاح أو دستة جنا جداد أو قل مح بكسر الميم بعد السلق طبعاً ، المهم أن إنعدام السكر وشراب الشاي بانجقلي أو بتمرات هن بين الثلاث والخمس في أحسن الأحوال أصاب المخ البشري لأصحاب الكيف بشئ من التحول ، ففي إحدى برندات السوق العربي جلست ست الشاي وتحلق حولها نفر من الإنس طلباً للشاي وبعد أن وضعت لأحد الزبائن كباية الشاي أخرجت من علبة قديمة كانت ذات مرة مقراً ومستودعاً لحلوى تسمى الماكنتوش أخرجت كيساً لتخرج منه آخر وبعد جهد جهيد أخرجت خمسة تمرات ناشفات إحداهن مسوسة أخذ صاحبنا يأكل التمرة ويشرب الشاي وهو يضح فسأله القوم الذين هم في ذات المقام فقال لهم والله الواحد زي البحضر في فلم أجنبي مترجم ، تقرأ الترجمة تلقى الصورة فاتتك ، تركز على الصورة يضيع عليك شريط الترجمة. تنويه الحق الأدبي في هذه النكتة محفوظ للأخ الزميل عكسو أحد أعضاء المنبر الحر والمتغيبين عن الكتابة منذ فترة ليست بالقصيرة. أخي أهل العوض أجد أن الكلام يشبه الشعر وهو موزون ومقفى فهل هي فعلاً أغنية أم أنك تحرف الكلم عن موضعه مستغلاً جهلنا بقوانين الحماية الفكرية بعد أن أصبحت أفكاري ونعلاتي تستويان
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
أخوي أهل العوض أتدقسني يا رجل لا وألف لا لن تستطيع أخي فأنا تفتيحة وحتى لو لم أحمل مفاتيحها فبإستطاعتي أن أنقشها وهي طائرة أو في البر أو حتى تحت الماء أو دون ذلك ، فالأغنية لا تقول إنت غدرك سامي ليك ثريا أم سامي فلم أعهد أن لثريا إبن يسمى سامي إنما إبنها الأوحد هو رامي لذا لزم التنويه وبالضرورة يجب أن يقرأ البيت الأبيض في هذه الأيام السوداء كالتالي: إنت غدرك سامي ليك ثريا أم رامي - رغم إن الغدر من شيم الضباع واللئام يا أخي أهل العوض ، ولن ترضي أخي أن أكون هايينا منقطة تصول وتجول في البراري أحاكي في مشيتي البوكس الشاحن تقيل بالقدر الذي يجعله شابي من الواطه في المقدمة تماماً كالضباع في البرية.
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: almulaomar)
|
أهل العوض .. سلام واحترام ناس جوه سلام
وين الفول المصلح ووين الأشياء الأخري الجوع كافر هاكم دي الناخد لي لفه واجس امكن القى الأكل جاهز
-الأمي-
أسمعنى نشيدك
أسمعنى نشيدك
ورينى كمان فى الفن تجديدك
يا حمام الدوح
أسالنى أفيدك
عن حالى البى وأحسبنى شهيدك
ولهى ما بفيدك
أبقالى رسول أو خذنى فى أيدك
أترك تهديدك
أسمعنى درر وواظب ترديدك
وين القى نديدك
يا جالى الهم زيد شجوى وأزيدك
عقب تغريدك
يا ساجع الدوح خلينى أريدك
وأًل ليه بريدك
وألأبس روحى يا حمام فى وريدك
لا تخش هجيرك
سافر يا حمام مولاك يجيرك
سارع فى سيرك
لو لى جناح أنا كنت وزيرك
رحماك فى صعيدك
أندب حظى وأدنى لى بعيدك
يوم عيدى وعيدك
يوم الأيام لديارى تعيدك
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
والله انتو راكبين الهند زاتها فيل شنو الهين ده
نتمها ليكم (وراعوا انها من الذاكرة الخربة طازة بدون تعديل والغلط وارد) وما تتغالطوا الناس ديل لا كان فيهم سامي لا رامي أم فتح الرحمن بمشي
عن هيامي ناح حمامي عشان ياحبيبي ما حفظت زمامي لو حفظت زمامي وجيت جلست أمامي هوووي ياحبيبي ما حفظت زمامي (ما حاقول هوووي يا دي طوالي) كان تجود بمرامي يا عديلي يا صفوة كرامي
انت قدرك سامي للثريا تسامي عالي قدرك سامي العفاف والرقة لي سيادتك اسامي
يا حبيبي ارحمني ما استطعت اجيب معاي محامي يحمي الفؤاد حامي الحمى المن نار هواك الحامي هووووووووي يا حبيبي ما حفظت زمامي (معليش للهوووووي دي لكني اتكيفت شديد)
آخر ما اقول في كلامي،،، شكرن وبعده بهدي سلامي لييييييك يا حبيبي ما حفظت زمامي
الشيالين يشوفوا شغلهم بالله
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
هوبلس ، ياخ والله اسمك صعب خلاص . قلت لي الأمي دا لو قرا كان عمل شنو؟ بعدين الفول المصلح تسأل منو ست الخلوة دي – بت قضيم .
ويا بت قضيم والله لي حد قبل شوية أنا كنت قايلهم بقولو
آن حمامي وناح حمامي عشان يا حبيبي ما حفظت ذمامي
البدري : البدر لو غاب تضوي في بدالو .
بعدين العنوان الما بشتغل مع الكرت بتاعك دا ما غيرناهو ، ما قريت الجرايد ولا شنو؟
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
بت قضيم ، أشياء أخرى مفيدة (ما تنسي مفيدة أخت الحرم والتومة) بمناسبة الرباطاب ، أول مرة أسمع بنكاتهم كان عندي جاري رباطابي وجريت فرحان عشان أحكي ليه النكتة بتاعة الرباطابي . طبعا هم ما بيضحكوا الصفة دي ما عندهم . فغايتو سمع النكتة للآخر وفرً خشمو شوية كدا عشان يفهمني إنو جاملني خلاص للآخر . فقام قال لي من أحسن النكات السمعتها عن أهلي قالوا في بت بتبيع بيض في محطة السكة حديد . بيض بيض بيض ، زوووول ساي قال ليها تلت التلاتة كم مافي . قام واحد من النوع الما عايز يشتري داك قال ليها يا بت البيض دا مسلوق؟ قالت ليه لو عارفاك داير تحضنو كان جبتو ليك ني . طبعا هو قالها وما ضحك .
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
والله يا الملا انا برضو ما عارفة ليه يقعد قدامه بديني احساس انه قعده يذاكر ليه رياضيات خصوصا بي هوووووي يا ولد دي
بدر الدين ما تكمل الكورال ياخي نفسك قصير قدر ده
زاتنا خليناها كرهتونا فيها ام سامي وحصة رياضيات وبتاع
هاكم دي في غفلة رقيبي ورحت ازور حبيبي لقيتوا شويةحاسي
ضاجع في سريرو متوسد وسيرو ذي طيات حريرو حيتوا وجلست في حسنه اختلست وفي سحره انغمست وبي حديث ديبلوماسي قال لي نوري ماسي واحذر التماسي
قت ليه انت مالك سحروك واللا مالك قال عندي حمى وبي صداع الم وبي أثر التماسي،، تعذر نعاسي ولي يومين اقاسي
قت ليه انت عاقل ما في لزوم تشاغل قال لي انت روحي وانت سبب جروحي وانت لشعري موحي يا روعة جناسي يا حبي الأساسي ويا النسيتي ناسي
برضو ما متذكراها كويس اسعفوا الذاكرة بالله
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
ولد الشاعر محمد علي عبد الله والذي كان يلقب (بالأمي) في أم درمان حي الركابية في عام 1908م وعاش ثمانين عاماً مليئة بالعطاء والإبداع في مجال الكلمة الغنائية.. عمل شاعرناً (خياطاً) للملابس وعاش جزءاً مهما من حياته في مدينة الأبيض حاضرة كردفان والتي كانت من أهم مدن السودان التي نما وأزدهر فيها الشعر والغناء في تلك الفترة.. فقد تم نقل الشاعر سيد عبد العزيز إليها ضمن مصلحة النقل الميكانيكي وكان بها الشعراء حدباي أحمد عبد المطلب ومحمد عوض الكريم القرشي
حبيبي يا مدلل بحق صفا كمالك
حرمتني وصالك وملت عني مالك
أنا صريع محاسنك أنا أسير جمالك
تعال شوف تعال زفيري والعواطف
يا فرحة الحزانى ويا زينة المواكب
يا ربرب الخميلة ويا زهرة الكواكب
زماني جار معاك وها هولي ناكب
ببعدك الصلاني يا درة المعارف
نسيت قلبي وروحي ونسوني
وفقدت الكانو يأنسوني
ليالي هناي جد عاكسوني
وأخاصم النوم كيف درسوني
مع الآلام هاجت شجوني
وأطبا الكون ما عالجوني
جفوا وبي نفورهم هيجوني
متين في الطيف يصبوا ويجوني
مقر أملي وفيهم ظنوني
يزيدوا دلال وتزيد جنوني
لذيذ تعذيبهم لو ضننوني
وصالهم آه.. راحتي ومنوني
إنت حكمة
إنت نادي..... أنت هادي.. وأنت ميسان
أنت ظافر.. أنت ضافر أسود.. وفرسان
أنت شادن..... أنت لادن .... أنت فتان
أنت ضامر.... أنت سامر... أنت هتان
أنت نادر.... أنت ناضر.... أنت بستان
أنت صافي... أنت نافي... زور وبهتان
يا حياتي.. يا مماتي.. هاك سطـران
الصبابة ومر عذابها.. وقلبي أقران
وأنت ساهي... أنت لاهي أنت بطران
يا صفائي ويا وفاي... هاك برهان
عن غرامي.. وطول هيامي.. السابني ولهان
ثم يعبر الشاعر عن حالة وهو مغرم بالحبيب قائلاً:-
قلبي خافق.. هل توافق ... قدري ينهان
يا حبيبي.. كن طبيبي... أمري حيران
طول نهاري... ثم ليلي... ساهي سهران
طال عذابي.. وصاح غرابي.. جوّي عكران
دمعي هامي.. وشوقي نامي... وفرشي نيران
أنت حالي.. أنت عالي.. أنت سلطان
أنت ساطع.. وأنا ساجع.. بي غناك طان
طال أنيني.. وفاق حنيني.. ألحان لأوطان
واليلومني في هواك ... يا سيدي غلطان
أسمعني نشيدك
منقوووووووووووووووووووووول لكم جميعا
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
وبي حديث ديبلوماسي قال لي نوري ماسي واحذر التماسي حب مئاتان وعشرون فولتاً
قت ليه انت مالك سحروك واللا مالك قال عندي حمى وبي صداع الم وبي أثر التماسي،، تعذر نعاسي ولي يومين اقاسي ها هاهاهاها دي ما الملاريا يعني المسألة ما محتاجه لي فحص
قت ليه انت عاقل ما في لزوم تشاغل ديل العطاله البقعدوا من ما تصبح في الخيران واللساتك وقدام الجزارات ومحلات الخضار في الحلة وشارع المدارس
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
هاكم دي كمان
فريع البانة المن نسمة يتمايل حاكى المنقسمة *** نار قلبي بتوقد من وسمة تلمع في خديدها وتفِر بسمة الفم الزي خاتم نص قسمة يا الماك داريابي والغي قسمة *** نص وسطك خاتم بي زنده وصديرك قائد والديس جنده كفيلك قلع من عنده و أكتافك فوقو يا روحي بسنده *** حبوب الفاطر درية وجهك يتلألأ من دون ريه الجبهة تلاصف بدرية والحالة البي ماها مدرية *** الجيد الوافر كالجامة فاقت أعرابها وأعجامها المهرة العاصية في لجامها لقلوبنا لحاظك يا روحي رجامة *** زبرجد لونك ما ضرّّ ولع نار قلبي وأخضر أنا قلبي فدايتك ما ضرّّ لو كان يدقدق يا روحي ويضرّ *** يا ريلة بزازك ما نوعها من خز أو عسجد مصنوعة قادت لي أعطافها المرنوعة دي ثماري ولكن يا روحي ممنوعة ***
وبعد شوية يازولي هوووووووي يا
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
سلام مربع
توووووش البت الهتراشه جاااتكم
يا اهل العوض انا مشيت بهنوووك ونقشت ليكم كلام الهمباته والشكريه كله
يلاااا تعال قارعني وروني المعني شنو
بنيات الريل جروعهن ما فضلن فيهن شمول كان قصدك تجول عليها من غير ترقيم يبقى شن زمارتك يا اب شقيرن مفقوش ايدياتن يمجشن ويبتزن من غير تعجين ويبمشلن لجواعي الكممن في التلفزن متروح
يابت قضيم طق دي الموسيقي التصويريه بتاع قرصت العقرب ولا طرشيقت البت لمن قرصتها العقرب ؟؟
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
سلام على الناس الحلوة كلها
هذه واحدة من أغاني البنات سنة الف وتمنمية وشخيت وكان المجتمع وقتها ينظر للعمل اليدوي نظرة دونية نظرة احتقار
عرديب ما زرع القطن ما قلقوا ما سقا ما شال الملود ما بملا ايدو واطا عرديب كردفان كي القلوب في سما دقر المربطا البلدغو بياذا
غنيلوا يا ام كنان ما زرع القطن ما حت بي محجان ما شال الملود ما يرعى ساق الضأن فارس المدعكة صمد اليجن ريقان مو صمد السواقي اللا بس الدلقان مو تربال سواقي وما حرس وبّان مو تاجر تشاشا وما رجح ميزان صمد الروقلن فحل البيجن كيران يتلت محل ما يحصل الدشمان
تب الشالوا ملود ودنقر حش في الفود ها العيص مشدود قارح وما هو قعود
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
صباحكم زين أهل العوض سيد الخلوة الملا عمر الغياظ بدر الدين الشيال مهاجر (واصل يا مهاجر بالله كلامك زين) شيري بت ام شيري (طق دي صوت الكي بورد) رمانة (اقول ليك واحدة تانية؟؟) الرحمابي حبابك وننتظر المشاركة ملك الكلام شنتير تبلدينا والاندهاشة (الفول ده يصلح لاي زمان واي مكان)
تحية صباحية هاكم دي
جبهتها بدر وتب عيونها وشعر يحاكي غاسق الليل في العكر وحاجبها نون وأهدابها سمت وسن كمثل البرق في ليلة مطر مكوكبة في الفم كاعبة الثدي وضامرة الأحشا والقصر في الضهر فان ادبرت مهرا وان اقبلت جدي وان جلست سلطانة حولها الوزر
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
هوبليس ناس زمان ديل منو؟؟؟ شكلنا بنتخابط تاني
مهاجر من أكفأ من تغنى بالحقيبة ،، الفنان المرحوم العميري أغنية انصفني ، غناها بشكل يثير الشجون والرغبة في البكاء
انصفني والأيام ما بتنصف الانسان يشاهد المحبوب رمز العيان وبيان يا روحي انصفني غرامي بيك يا صاحي مصدره الإنصاف انصفت حسنك حب وانصفت روحي عفاف
لا اذكرها جميعها للأسف وليت احدهم يسعفنا بها كاملة تسلم يا مهاجر
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
هذه مهداة للملا عمر للتمعن والمنطقة
أجاد شيوخ زمان المناظرة وافتتاح الحديث بالتفاخر، فقال الشيخ محمد ود عبد الحي أنا ود عبد الحي أنا النجيض ماني أنا ود عبد الحي يابس كدادة خنصر الديك وقدوم الدجاجة
الملا عمر افتينا يا شيخ في الحتة الأخيرة من المناظرة دي
بالمناسبة،، الكلام ده انا اخدته من كتاب لكي لا تتهمونا بالسرقة الأدبية لكن ليس بنفس الصيغة لاني ضيعت الكتاب أولا ولا اذكر له اسما ثانيا لكني اعتقد أنه للفذ الطيب محمد الطيب
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
ويلا ناخد رحلة الشعراء بالجمال وتنقلهم ووصفهم للرحلة ونبداء بالشاعر ابراهيم ودالفراش
من بربر قام بيَّ الهجيعة والحلاّل قَرَبْ فاتن جميعةْ
قطع عقبة دكين سهلة وصقيعة المبيت الهودي في وادي أبْ نجيعةْ
من ام نعام قامْ بيَّ كِنْدي وجَبَدْ رسن العَرَدْ جابْ راسو عندي
مجموع الحجاز فوق راسو يَندْي حِضْر في القوز مشاط بت الافندي
في القوز قعدت ايام كثيرة وبدَّرْلُو الشديد خوفْ الهجيرة
قال ليْ انعدل والطافة دِيَرة المبيت الفريكاب ناس اميرة
ويقول العبادي في يوم الوداع يا صاحبي شفت الهول زي يوم القيامة عقلي طاش مذهول
ودمعي ودمعها في جيدة ما مجهول زي ياقوت لكن في عقد مبهول
ويقول العبادي ايضاً :
عصر الروح مضى وسارت قوافلو المادَّة واستلم الزمن من بعدو عصرالمادة
نفذ فينا من قانونو ابشع مادة تتقاذفنا تياراتو جازرة ومادا
ويقول ود الرضي:
شبتَ وقلبي شاب وجوّادي فوق للنجمة شاب
محبوبي نامن شنبي شاب ما شبتهُ بي نشاب مشاب
ويقول شاعر العبيدية علي الشنابي :
الليلة الغرام فوق قلبي ورَّش ودكن وسوى سكك حديد فوقن درايسن دكّن
يا من قلت في محكم كتابك دكاً تجمع شملي بام جسماً نضيف ما دكّن
برجع تاني الراس كمل الفيهو نشوف الكراس
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
وطبعا ناس زماااان ديك الواحد فيهم لو ماجاب سيره الحمام زي الماقال شعر والأمـــي طبعا ما خله حمامه مارضاها ودي غنوها اولاد المورده
هواك وهواى
·
هواك وهواى بى جاروا وسبن أفكارى نظراتك
أحب تعطف تزيل وجدى واحب كل البحب ذاتك
بحب لونك بحب لونك بحب يا حبى نفحاتك
بحب فى خدك الزهرة وبخاف ترمينى لمحاتك
أخاف صدك بخاف جورك واحب تتهنى بحياتك
بحبك حبى للعافية وكمان يا سيدى وحياتك
بحب فيك الحيا الفطرى ويذوب من حالى صيحاتك
إذا فى حبكم ضعت واذا أُقبر فى ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرنى بسماتك
وأخاف لحظك يجرحنى واحب تسكرنى بسماتك
وأحب طيفك يأنسنى واحب تسمعنى نغماتك
وأخاف هجرك يطول بى و أخاف تحرمنى كلماتك
منعم يا فريد عصرك سعيد وسعيده ساعاتك
مكمل يا نزيه صافى وعفافك فطرى مافاتك
وديع وبديع مثال رقة حشيم والريم هوى صفاتك
أٍرت فؤادى يا ضامر ودمعى خضاب فى كفاتك
زيد يا دمعى فى سيلك وزيد يا صدرى زفراتك
حبيبك ودعك راحل زيد يا طرفى عبراتك
حمام الأيك حن مره تعال أسمعنى نبراتك
طربت أم در مقر أملى زمان كفاى عباراتك
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: مهاجر)
|
ودي برضو للامي
لك يا اهل العوض وللجميع
عيون الصيد ناعسات عيونى وعيون النيل حاكن عيونى
نسيت قلبي وروحى ونسونى وفقدت الكانوا يآنسونى
ليالى هناى جد عاكسونى وأخاصم النوم كيف درسونى
فقدت صحابي لا تنصحونى خطاب وعتاب كف بارحونى
عيون الصيد الجرحونى سرورى يتم لو يلموحونى
مع الآلام هاجت شجونى وأطبا الكون ما عالجونى
جفوا وبي نفورهم هيجونى متين فى الطيف يصبوا ويجون
غلبنى أسير هيا درجونى على الأطلال ليل عرجونى
هواى شريف لا تحرجونى وعلى الأكفان لا تدرجونى
مقر أملى وفيهم ظنونى يزيدوا دلال وتزيد جنونى
لذيذ تعذيبهم لو ضنونى وصالهم آه راحتى ومنونى
أنت حكمة
أنت حكمة أنت آية ولا إنسان
أنت صاحي ولا نايم
ولا طرفك من طبعوا نعسان
أنت راحى أنت روحى أنت انسان
عينى يا صاحى وانت احسان
انت نادى انت هادى وانت ميسان
انت ضامر انت سامر انت هتان
انت نادر انت ناضر انت بستان
انت صافى انت ناقى زور وبهتان
يا حياتى يا مماتى هاك سطران
الصبابة ومر عذابها وقلبي اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبي خافق هل توافق قدرى ينهان
يا حبيبي كن طبيبي أمر حيران
طول نهارى ثم ليلى ساهى سهران
طال عذابي وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بي غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان
أسمعنى نشيدك
أسمعنى نشيدك
ورينى كمان فى الفن تجديدك
يا حمام الدوح
أسالنى أفيدك
عن حالى البى وأحسبنى شهيدك
ولهى ما بفيدك
أبقالى رسول أو خذنى فى أيدك
أترك تهديدك
أسمعنى درر وواظب ترديدك
وين القى نديدك
يا جالى الهم زيد شجوى وأزيدك
عقب تغريدك
يا ساجع الدوح خلينى أريدك
وأًل ليه بريدك
وألأبس روحى يا حمام فى وريدك
لا تخش هجيرك
سافر يا حمام مولاك يجيرك
سارع فى سيرك
لو لى جناح أنا كنت وزيرك
رحماك فى صعيدك
أندب حظى وأدنى لى بعيدك يوم عيدى وعيدك
يوم الأيام لديارى تعيدك
لقطتها ليكم طايرة كدا
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
الأحباب الأعزاء لكم التحايا والود.. هاكم الدرة دي..وسامحونا لوفي أخطاء وصححوها. يانسيم مابالك تثني قامة البان انت رايق وتلعب والعشوق تعبان اجتهد..ما دائي ما الدوا الصعبان هل دا جرحا غاير ام دا سم ثعبان يا الغرامك حل ورحل السكان في مداين جوفي توسد الأركان ما ألذالنار السارجة لي لو كان يبقى قلبي وقلبك في الغرام شركان دوش أفكاري وربى لي جنان خمرة تمزج تيهو وتسقي در أسنان رف يخطر دمعي لهيجك الرنان دي الجنان في الدنيا وللا حور في جنان انت حسنك كامل والعشوق كملان ضج عقلي الهامل فارق الزملان في المنام يتجدد طيفك العطلان الحجارة تثنت لو قليبك لان
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
وإذ لا ادري وانا في هذه السانحة اتذكر هذه الحاجة الجميلة
إن لهجت بداخل خباك البلابل تعشق صفاك
أو بسمت ونور صفاك النسايم تجمد بفاك
يا ام كفيلا جاير كفاك يا ام ضميرا ضايع هفاك
حاشا ما بنتقاطع وراك جانا طيبك ماسك قفاك
نحن شوفنا النرجس يلاطفك والضمير المن نصه خاطفك
شفنا ديسك يا سمحة عاطفك قمت جافلة أطبق معاطفك
يا ام فريعا قبقب دريعك يا ام دريعا فاصل فريعك
انت بانة وسابل بريعك انت صيدة وخاتي البريعك
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
بت قضيم سلام يا طيبة والناس الحلوين كلهم هنا لكن خلوتك ما خلوة رجال
طبعا الخلوة دى معناها الديوان عندنا ووكت اكون خالط برضو فى الحديقة تسمى خلوة حديقية فى قاموس الشرامين والكلمة جاية من شرم شروم يعنى سنو مكسورة و المعنى واضح
قلتى واحد يسعفك بباقى اغنية يا روحى
الكتابة لعوض جبريل و الغناء للتاج مصطفى
يا روحى انصفنى فى حكمك لانو قاسى على انا يا حبيب ظلمك تنصفنى والايام قد تنصف الانسان تشاهد المحبوب عفوا عيان وبيان بالنسبة للطفك و الرقة يا فتان ما كنت تظلم من قد اضحى بيك ولهان تتركنى للماضى مع انو فى الامكان تجدد الذكرى وتنسى كل الكان
هيامى بيك يا فاتن مصدرو الانصاف انصفت حسنك حب وانصفت طهرى عفاف زوبت نفسى معانى دقيقة الانصاف هومت نفسى خيال فى معبد الطواف سكبت روحى على كأس المحبة سلاف هل بعد ذلك اكون لسهام عينيك اهداف
انا يا حبيبى غرامى تركته للايام تركت حب ودموع تركت شوق وهيام عودت نفسى اذاما اشتدت الالام اصبر على الهجران واضحى بالاحلام جنة هوانا العذرى ندية الانسام تخلى نار الشوق بردا على وسلام يا روحى
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
الراس انخرم يا مهاجر نبدلك هي بهذه عساها تعجب
أظنه سيد عبد العزيز
إنت عارف انا بحبك وبحلف بك ولا ماك عارف بالمرة
إنت صارف عني مدة وأنا خايف تتحدى أنا خايف متى نبدا التعارف والتألف والمودة يا حبيبي من فضلك جاملني طاوعني لا تخالف مرة واحدة
أنا شايف المحاسن والطرائف في صمتك في كلامك في عيونك في ابتسامك في خدودك في قوامك
إنت جالس انت ماشي انت واقف انت نايم صغير غرير الطرف حالم ماك عالم ماك عارف انا طرفي جفا المنام آلف الحب والهيام مع الجمال بالعواطف في هواكم استمر
متين اصادف رضاك عليا وعلي توالف هواي مناي حياتي حبك بالمحبة بلاك اشوف النور ظلام واذوق طعم كل حاجة مرة زورني مرة
إن رأيتك بالقرب مني بسعد أظني هل تدري اني احس بعظمة وشان كبير أفرح كتير وفرح كتير أكاد أطير من الفرح والامل أحيا وأخالف المسرة
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: الجندرية)
|
القطيفه جليده والله ما احلى خديده صلاتى منها الفرهيده رسول الله فوقه من العيده جدى النا ام سحيه وريده عجيوة ناس التويدى وريده الكازاك وا سوء حالو لفتك البوش ان اتت بى حالو فقير المال اللمش فى حالو اللمشى يكوس فقير يمحالو؟ حاشى مى غالاته حالى لهيجه ورشومه تلاته بت خيل العز العاتى اساته هوله الذوق واللطافه وراته كاسوالبيهاتروينا لقمان الحكمه ما بداوينا اللايمنا ان شاء الله هو يساوينا اضوق الحب والهوى الشاوينا ديسه عب لذاذه اريل من الانيس خزازه؟؟؟؟؟ يفوق التبر الخد عليه حزازه معناه لوتو فيه لذاذه وليكم الود انور
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
لوووووول يا اهل العوض على عمدة شكرية
انحنا الساس وانحنا الراس تقول لي شنو وتقول لي منو
من الصباح ودون مناسبة تذكرت هذه القصيدة الجميلة رغم استفزازيتها حافظها يا اهل العوض ؟؟؟ شكلي حاطلع من البوست ده بكتاب
جندرية تحبين حديث البخرات؟؟؟ املك كتاب جميل وغريب ومثير للفضول اسمه (تذكرة داؤود ) لداؤد الإنطاكي هو الحقيقة ليس كتاب،، هو مجلد ضخم يتكون من جزأين الجزء الأول يتحدث عن موضوع البخرات هذا بشكل يثير الاستغراب والشكك يا الله الكلام ده صحي واللا مقطوع من راس طاسته مليانة (طاسته مليانة دي بفسرها ليك أهل العوض في الغالب) يخبرك الكتاب بشكل واضح عن كيف تكون فكي،، والعياذ بالله تلك الأشياء الغريبة والرموز من التي تنقشها جارتنا فاطمة في خاتمها الظاري الأثير،، يفسرها لك بالتفصيل كيف تفرق بين زوجين كيف تنقلب تمساح كيف تصنع محلول يخفيك عن عيون الناس كما يدعى - وربما صادق- الشيخ صايم ديمة بأنه يستطيع أن يركب الطيارة دون أن يراه احد كيف تجعل البعض يحبك ويطلق عليها المصريون (عرق المحبة) الخ الخ الخ وكله من عمل الشيطان وداؤود الإنطاكي عالم جليل،، كتب هذا الشئ من باب العلم بالشي غير العمل به
الجزء الثاني يتحدث عن التداوي بالإعشاب،، وهذا الجزء يمكن الحصول عليه من اي مكتبة بيسر وشخصيا لم يثر فيني رغبة التدقيق في قراءته كالجزء الأول
الكتاب ممتع رغم ارتباطه نوعا ما بالخرافة شخصيا لم اصدق جل ما جاء في الحديث لكن الله اعلم،، لااحكم على شئ ليس لدي علم يقين به،، وسبحان الله في اسرار الكون
في السعودية طبعا الكتاب ممنوع،، والحقيقة انا لا احب تبادله مع احدهم لئلا ادخل في حق الله الواحد ما ضامن لكن إذا اردتي نسخة منه،،وانا ضامناك طبعا،، فاستطيع تصويره وإرساله لك في العنوان الذي تفضلين وبنتخارج منك بي حق ساعي البريد بس يلا نكسب ثواب في (تخريج فكي) جديد
وتسلموا كلكم
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: الجندرية)
|
اهلنا الحنان اديكم دي حصلت لي في المدينة وانا كنت عمرة
كنت ناوي امشي جدة وانته تأشيرتي وباقي يوم فيها وكانت هي عمرة عابرة جيت من الهند ومنه الي السودان وقمت مشيت الزاوية التيجانية حضرت ذكر الجمعة وقابلت احد السادة الشيوخ التيجاينة وهو استاذ بالمدينة وقلت له انا مسافر جدة وتاشيرتي خلصت وما عاوز امشي تهريب قام لي امشي ساي ما بجيك حاجة وهاك العدد دا اعملوا وامشي بالنقل الجماعي والعدد كان اية الحرص وهي لقد جاءكم رسول من انفسكم الي اخر الاية
وعملت العدد ودخلت النقل الجماعي بكل ثقة وقدمت جوازي واخذت التذكرة وسافرت
وبعدها كل ما عاوز اطلع من البيت اقراها وقعدت ستة شهور ادخل في نص الكشة وما زول يوقل لي بقم
وحقيقة القران فيهوا اسرار كتيرة بس يالجندرية ابقي عشرة علي الاية دي وهي تحميك من كل شي وتحفظكم من كل شي ويا بت قضيم اقريها لمديرك شوفي النتيجة
وحاولوا صلوا بيها علي طول
ممكن يوم اذا في طريقة انزل ليكم فؤائد اية الحرص
وجايين ليكم تاني
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
رفضتي التعليم المجاني ده يا جندرية؟؟؟ احسبك تناظرينني بشكك وترددين في سرك (يا مشوطنة) لا تخفيها امي قالتها قبلك
عارفة يا جندرية كثير من العلماء يصدرون فتاوي تحرم عديل كده مجرد القراءة في بعض العلوم وهذا لعمري أكبر شكك في العقيدة نفسها لا اظن أن الإيمان الحقيقي يمكن زعزعته لمجرد وساوس شيطان؟؟؟ واللا بتزعزع؟؟ لست ادري انا لست متفقه في هذا الشئ لكني اتبع الفطرة،، وفطرتي تخبرني ان الاجتهاد في فهم بعض الأشياء من باب العلم،، من المستحيل ان يؤدي إلى الهلاك أها بعد هذه الفلسفة الليلة التي اجزم أني حاصحي الصباح ما فاهمة فيها شي،، ابدا ليك الدرس الأول؟؟؟ لووووووول امزح
هل لي ان اعترف نص الليل ده أن مشاركة انور ابوغيداء تحديدا اسعدتني؟؟ تقوم الناس تقول اشمعني شان مشهور؟؟؟ لكنها حقا اسعدتني
وهاكم دي
قالت حبوبة ان الشيخ قال،، ولا ادري أهو شيخ حقيقي واللا شيخ قاطعاه من راسها،، قال الشيخ في وصف الرجال،، واظنه الشيخ فرح ودتكتوك
الرجال فيهن بحور فيهن رخم فيهن صقور فيهن ردي ولدت نكور ضيع عمره في شرب الخمور
فيهن وهيط متل السرير في البلد قط ماليو نظير فيهن اغم من هو صغير يتكازى زي دحش الحمير
الرجال فيهن كلوس فيهن غنم فيهن تيوس فيهن شقي ولدت نحوس ضيع عمره في شرب الكدوس
فيهن صبورا منهمل سالم من اللوم والفسل فيهن تخينا مندبل همو في النوم الأكل
الرجال فيهن الهميدا مشيتوا سقيدا واكلتوا نقيدا إن ضرب ما بفش غيدا وان قنص ما يجيب صيدا
الرجال فيهن كمكم قفا الفاس الملقم عند اللقمة القم قم عند الحديث عجلا مكشم
فيهن مرابط في الدرب سافل صعيد شرق وغرب فيهن فتنة للحرب متل الكلاب يوم الضرب
نتم الباقي بكرة ابو حسين بثبت شرعا بعد ده اني جد براية
دمتم
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
والله إلا اتمها بي ليلها ده
نعم الرجال الحاكرين عدلوا مقاماتن ساكنين أخذوا الحنين ولدوا الجنين حرتو الأرض عيشا تخين
نعم الرجال أهل العقول تبعوا النصوص ما هم غفول ما همو بالنوم والأكول متل الجبل وسط السهول
نعم الرجال أهل الشعاع صدوا البطون رقدوا الجياع جمعوا العيوش داروا النفاع يزابوا كيف جرو السباع
ود الحلال قط ما يخيب العقل الفسل كيف يطيب انظر وليدات الدبيب من هم صغار ليهم شبيب
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
العزيز تمبس منبشكة - يا حنكوش - تعني ماسكاها ام فريحانة اول مرة اشوف لي حنكوش شين كده
أهل العوض أخوي مالك معاي يعني؟؟ وانا لسه حلاتي صغيرة في العقد الأربعتاشر من العمر بعدين النجوم دي كلها فوق الستين - اعتقد - خصوصا الأخير الخواجة ده ولو انهم يبدون في العشرينات دوماً والبركة في العز وضعف نظري حائد حئد انت
بدر الدين الصديق خلاص اعتمد عليك،، وانسى كلام أهل العوض،، لكن لو اتفلسعت وجيتوا اتشفتطوا القهوة وقضيتوا على الضلع،، فلن اسامحكم ابدا على فكرة يا بدر الدين،، حقوا يلغوا رسميا الضلع من صينية بيت البكا،، يعني فتحت النفس ما ليها داعي حقيقي يسلمك من كل شر
مهاجر العزيز سلمت للأغنية الجميلة،، ويا تمبس صلحت سماعات الجهاز وبقت بتسمع تمام التمام،، لكني اكتشفت انه مافي كرت،، والله انا ما عارفة ده جهاز واللا نقاطة قروش سلمتم للأغنية الحلوة شديد مهاجر عندك كلمات يا جميل يا مدلل؟؟؟ اكون ممنونة جدا
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
بت قضيم انتي من زمن الدلال انا جني من دلال بنات الزمن دا دلالن كلوا طلبات مافيهوا حنية حتي الحنية حنك مضروب وقت الطلب بعدوا تعالي شوفي التكشيرة ويمكن تديك كلمة بالجنب كدا نصها تسمعوا والباقي طاير في الهواء
الاغنية ما عندي لكن لقيتا في موقع الخيمة لكن تم انزالها بدري شوية ما قدرت انزلها بحاول مرة تانية
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: Ahlalawad)
|
أيوه يا مهاجر وتقوم تتعاور وتنخنخ دلالة على أن البت رقيقة وكده وكلها دلال،، وتوطي راسها وما تاكل قدام الشباب طبعا كان زمان نوع الدلال بختلف عن الدلال الحديث حاليا الحنكشة دلالة الرقة والعذوبة يعني ذي واحدة تقول ليك انا ما بعرف (غنماية) يعني شنو فالمفروض أنك كشاب طوالي تنغش وتنخدع وتنطمس بصيرتك وتتخيل أن البنوتة الغير عارفة (للغنماية) يعني شنو بت رقيقة حنكوشة وتقوم مرارتي تنفقع (لو كنت اتابع الحوار) إما تنفقع بسبب الحقد أو بسبب الغيرة لاني ما بعرف ، ما اعرف الغنماية يعني شنو الله اعلم
لكن يا جميل يا مدلل أغنية جميلة،، وشخصيا افكر فيها (كرقة شعور) وليس رقة تصرفات، فاخالها رقيقة وناعمة جدا مش حافظاها كلها لكن مقطع فيها يقول
القوام ممشوق والمعاطف خدل ده المخلي إليك حبي لا يتبدل يزيد كل يوم
لو صح تركيب هذا البيت (ويمكن اكون قاطعاه من راسي) فهذا قمة في الحقارة،، لانه اعتراف رسمي بأن القوام الممشوق ده لو حدث وأصيب بانبراشة وهي غالبا ما تحدث بعد المجازر الأكلية التي تحدثها المرأة بعد الزواج،، لو سمنت، معناه ان حبه لها لن يزيد وقد يتبدل أو الأغلب سيتبدل !!ما هذا الحب المشروط؟؟
اردت التأكد من البيت بس ، وهل الأغنية تتغنى بالمرأة كنموذج متعة أكثر من نموذج انسان ام ماذا
سلمت
| |
|
|
|
|
|
|
Re: خلوة بت قضيم للحقيبة والدوبيت والفول المصلح وأشياء أخرى مفيدة (Re: بت قضيم)
|
بت قضيم خلينا من دلال بلدنا لما نشوف الهنود معانا في عمارتنا وحياتهم اليومية اصلوا لا يمكن يكون في شعب حنين زي الهنود الزوجة عندهم رقم لا يستهان به لكن تعالي شوفيها مع زوجها شوفي انتظارها في البلكونة لزوجها واستقباله بابتسامة واستقباله عند الباب وخلي الباب
وارجع تاني اتذكر بنانتا حتي لو انا قلت حاجة كدا تدللها تجر خلف علي طول وما تقدر تبادلك نفس الشعور بس تحسي كانك بتصلحي في عربية مرة تشتغل ومرة تبطل
دايرين مراجعة السودانيين كتيرة شديد نحنا مممكن نغير لانوا اخذنا تجارب غيرنا
اما الاغنية جميلة لكن قلت افكها فيك شوية واجر اهل العوض لكن الظاهر موسم الزراعة اخدوا مننا ولا يمكن طارح ليهوا بطيخ
البيت اعوج ما اظنك جبيتيهوا عديل
لكن بجيب خبرا اديني شوية زمن مع النت
والعمرة عندنا بدت في الشركة والسنة دي عندنا وكيل من السودان وربنا يعين برجع تاني
| |
|
|
|
|
|
|
|